Letter 46: Untitled (II)

https://syriaccorpus.org/623

line : line

page break : page break

ܡܘ܀

ܐܝܟ ܕܠܝ ܡܬܚܙܝܐ ܐܘ ܐܚܘܢ: ܘܠܟܠܗܘܢ ܕܚ̈ܠܝ ܐܠܗܐ ܫ̇ܦܪܐ: ܟܒܪ ܕܝܢ ܐܦ ܐܢܬ ܡܫܒܚ ܐܢܬ: ܗܟܢܐ ܒܠܚܘܕ ܙ̇ܕܩ ܠܡܟܬܒ ܠܟ. ܠܢܟܦܐ ܘܪܚ̇ܡ ܐܠܗܐ ܐܚܘܢ ܡܝܩܪܐ ܡܪܝ ܦܠܢ. ܝܫܘܥܝܗܒ ܒܡܕܢ ܫܠܡ܀ ܒܒܥܘ ܡܢܟ ܐܘ ܐܚܘܢ: ܦܘܫ ܡ̣ܢ ܥܡ̣ܠܐ ܗܢܐ ܕܪܡܐ ܠܟ. ܘܚܤܘܟ ܢܦܫܟ ܡ̣ܢ ܦܘܡܐ ܕܟܠܢܫ. ܦܠܘܚ ܕܝܢ ܠܐܠܗܐ: ܒܪܘܚܐ ܡܟܝܟܬܐ: ܟܕ ܝ̇ܨܦ ܐܢܬ ܕܫܠܝܐ ܡܥܕܪܢܐ ܗܘ̇ ܕܡ̣ܢ ܟܠܗܘܢ ܩܕ̈ܝܫܐ ܡܬܩ̇ܠܣ. ܘܨܠܐ ܥܠ ܫܝܢܗ ܕܥܠܡܐ ܘܫܠܡܗ̇ ܕܥܕܬܐ ܩܕܝܫܬܐ. ܨܠܐ ܕܝܢ ܐܦ ܥܠܝ: ܕܫܪܟܢܐ ܕܝܘ̈ܡܝ ܒܚ̈ܝܐ ܕܫܦܪܝܢ ܠܨܒܝܢܗ ܕܐܠܗܐ ܐܥܒܕ. ܐܝܟ ܕܝܢ ܕܙܒܢܐ ܬܒܥ. ܘܥܠܬܐ ܩ̇ܪܝܐ: ܘܚܤܝܘܬܟ ܩܒܠܬ̤ ܥܠܝܗ̇ ܠܡܛܥܢ܆ ܗܟܢܐ ܟܒܪ ܐܠܨܐ ܠܡܟܬܒ. ܠܕܩܕܫ ܪ̈ܓܫܝ ܦܓܪܗ ܒܥܡ̈ܠܐ ܪ̈ܘܚܢܝܐ: ܕܢܕܢܚ ܒܗ ܠܥܠܡܐ ܚܫܘܟܐ ܢܘܗܪܐ ܕܟܤ̈ܝܬܐ ܘܡܫܡܫ ܒܪܘܚ ܒܠܡܦܝܕܐ ܕܡܕܥܗ ܢܗܝܪܐ ܥܘܕܪ̈ܢܐ ܕܓܘܐ: ܘܡ̣ܢ ܕܗܪܐ ܕܤܦܘ̈ܬܗ ܡܘܫܛ ܠܟܠ ܢܦܫ ܦܘܪܩܢܐ ܢܨܝܚܐ ܒܟܠ ܙܒܢ̈ܐ ܕܐܘܠܨܝܐ: ܘܡ̇ܠܐ ܬܘܪܤܝܐ ܕܫܝܢܐ ܘܒܤܝܡܘܬܐ ܕܢܝ̇ܚܐ ܠܒܘ̈ܬܐ ܫܚܝ̈ܩܐ ܕܒܢܝ̈ܢܫܐ ܤܢܝ̈ܩܐ܆ ܘܡܬܕܡܐ ܒܟܠܗܝܢ ܠܗ̇ܘ ܕܡܠܬܐ ܦܪܘܩܝܬܐ ܤܡܬ̤ ܛܘܦܤܐ ܠܓܡܝܪ̈ܐ ܠܡܗܘܐ. ܢܙܝܪܐ ܕܩܘܫܬܐ ܘܥܢܘܝܐ ܚܬܝܬܐ. ܛܘܦܤܐ ܫܠܡܐ ܕܕܘܒܪ̈ܐ ܕܪܘܚ܆ ܪܒܢ ܡܝܩܪܐ ܡܪܝ ܦܠܢ. ܙܥܘܪ ܡ̣ܢ ܟܠ ܘܚܠܫܐ ܕܟܠ ܝܫܘܥܝܗܒ ܚܛܝܐ: ܛܥܝ̣ܢ ܠܫܡܐ ܘܡܫܡܫ pb. 89 ܠܐܤܟܡܐ ܒܬܐܪܬܐ ܕܘܝܬܐ: ܤܢܝܩ ܥܠ ܪ̈ܚܡܐ ܒܟܠܫܥ ܠܡܫܟܚܘ ܤܒܪ̈ܐ ܕܚܢܢܐ ܡ̣ܢ ܡܪܐ ܕܓܘܐ: ܒܗ ܒܡܪܢ ܢ̣ܒܥܐ ܕܫܠܡܐ: ܫܠܡܐ ܕܟܠܫܥ ܢ̣ܤܓܐ ܠܟ. ܕܤܘܓܐܐ ܡܝܬܪ ܫܘܦܪܐ ܕܥܒ̈ܕܐ ܡ̣ܢ ܬܫܒܘܚܬܐ ܕܡ̈ܠܐ ܐܘ ܢܨܝܚ ܒܡܫܒܚ̈ܬܐ܆ ܬܐܪܬܐ ܕܤܓܝ̈ܐܐ ܤ̇ܦܩܐ ܠܡܦܤܘ. ܟܕ ܬܥܕܝܪܐ ܠܐ ܒܨܝܪ ܡ̣ܢ ܡܨܠܚܢܘܬܐ ܕܒܗ̇ܢܘܢ. ܐܦ ܡܢܗ̇ ܡ̣ܢ ܠܐ ܡܬܡܨܝܢܘܬܐ. ܒܗܕܐ ܡ̇ܢ ܥܕܡܐ ܠܐܚܩܐ ܕܨܪܟܘܬܐ. ܒܗ̇ܝ ܕܝܢ ܥܕܡܐ ܐܤܗܕܘܬܗ ܕܪܥܝܢܐ. ܘܒܕܓܘܢ ܠܘ ܡ̣ܢ ܐܠܨ̈ܬܐ ܐܬܚܫܒܬ̤ ܠܝ ܕܐܝܬܝܗ̇: ܕܒܗܘܢ ܟܕ ܒܗܘܢ ܒܫܘܒܚ̈ܐ ܚܫܩܒܘܠ ܡ̣ܢ ܚܪܕ̈ܐ ܢ̣ܚܫ. ܚܫܝܢܢ ܓܝܪ ܐܝܟܢ ܠܐ: ܐܢ ܐܦ ܠܫܘܒܗܪܐ ܕܫܘܘ̈ܕܝܐ ܡܤܟܢܘܬܐ: ܕܦܝܤܐ ܢܩܦܚ. ܘܝܬܝܪ̈ܐܝܬ ܠܐܝܢܐ ܕܐܦ ܠܗ ܠܫܘܦܪܐ ܡܤܬܒ̣ܪܢܐ ܕܡ̣ܢ ܠܓܘ. ܚ̇ܙܐ ܗ̣ܘ ܡ̣ܢ ܟܕܘ ܤܟܐ ܕܙܥܘܪܘܬܗ. ܘܡܛܠ ܗܢܐ ܢ̣ܤܦܩ ܠܡܫܒ̈ܢܚܬܐ ܕܐܝܩܪܟ ܐܘ ܢܟܦܐ: ܫܘܒܚܐ ܕܡ̣ܢ ܐܠܗܐ. ܟܕ ܪܕ̇ܝܐ ܥܡܗ ܗܤܕܘܬܐ ܕܬܒܝܠ. ܘܥܠ ܗ̇ܝ ܕܝܢ ܒܠܚܘܕ ܐܬܛܦܝܤܬ ܠܡܦܤܘܬܟ ܡܦܝܣ ܐܢܐ ܐܟ ܗܫܐ. ܝܕ̇ܥ ܐܢܬ ܓܝܪ ܕܥܒܕܐ ܘܡܫܡܫܢܐ ܐܬܬܤܝܡܬ ܠܡܗܘܐ: ܠܥܡܐ ܗܢܐ ܡܤܟܢܐ ܕܒܢܝ̈ܢܘܐ. ܘܠܟܠ ܚܫ̈ܐ ܡܩܘܒ̈ܠܝܐ ܕܥ̇ܪܨܝܢ ܥܠܝܗܘܢ܆ ܬܫܡܫܬܐ ܕܢܝܚܐ ܡܬܬܒ̣ܥ ܐܢܐ. ܩ̇ܥܝܢ ܗܘ̣ܘ ܥܡ ܫܪܟܠ ܕܐܚܪ̈ܢܐ: ܝ̇ܨܘܦܐ ܛܒܐ ܘܡܥܕܪܢܐ ܚܟܝܡܐ܆ ܡܝܩܪܐ ܡܪܝ ܦܠܢ. ܗܘ̇ ܕܒܤܘܓܐܐ ܕܫܝܢܐ ܥ̇ܡܪܝܢ ܗܘ̣ܘ ܡܛܠܬܗ. ܘܬܩ̈ܢܬܐ ܤܓܝܐ̈ܬܐ ܘܗ̈ܝ ܠܐܬܪܢ ܒܫܩܠ ܛܥܢܗ. ܘܝܬܝܪ̈ܐܝܬ ܕܝܢ ܠܥܕ̈ܬܐ ܘܠܕܝܪ̈ܬܐ. ܘܠܟܠܗ ܬܓܡܐ ܕܠܝܢ. ܐܟܡܐ ܕܐܦ ܐܢܬ ܝܬܝܪܐܝܬ ܡܦܣ ܐܢܬ. ܚܤ̣ܡ ܕܝܢ ܙܒܢܐ ܒܢܝܚܢ܆ ܘܚܛܦܗ ܡܢܢ ܠܓܒܪܐ ܡܥܕܪܢܐ. ܘܒܤܘܓܐܐ ܕܩܘܢܕܝܘܢܘܣ ܐܝܬ ܠܢ ܠܡܬܢܘܓܘ ܐܢ ܐܠܗܐ ܢܩܢܝܗܝ܆ ܐܝܛ ܕܐܦ ܡ̣ܢ ܟܕܘ ܗܐ ܫܪܝܢܢ ܠܡܤܒܠ. pb. 90 ܡܛܠ ܗܢܐ ܡܦܝܣ ܐܢܐ ܐܟ ܒܐܝܕ̈ܝ ܥܡܐ ܗܢܐ ܡܤܟܢܐ ܕܠܬܫܡܫܡܬܗ ܐܬܩ̇ܝܬ: ܕܬܟܬܘܒ ܥܠ ܗܠܝܢ ܠܐܚܝܕ ܫܘܠܛܢܐ ܘܡܕܒܢܐ ܕܓܘܐ. ܕܢ̇ܦܢܝܘܗܝ ܠܢ ܠܓܒܪܐ ܗܢܐ ܦܠܢ. ܡܨܐ ܐܢܬ ܗܘ̣ ܒܚܝܠܐ ܐܢ ܬܨܒܐ ܠܡܥܕܘܬܢ: ܘܕܠܐ ܟܠܝܢ ܡܬܦܢܝܐ ܫܐܠܬܟ ܗܕܐ ܠܢܝܚܐ ܕܟܠܢ. ܘܥܡ̇ܢ ܕܝܢ ܐܦ ܠܟܠܗ̇ ܦܢܝܬܢ. ܠܐ ܗܟܝܠ ܬܟܠܐ ܡܘܗܒܬܐ ܕܥܘܕܪܢܐ ܡ̣ܢ ܥܡܐ ܡܤܟܢܐ ܕܩܪܟ ܐܘ ܪܚ̇ܡ ܐܠܗܐ. ܐܠܐ ܤܥܘܪ ܒܥܝܕܟ: ܘܤܝܥ ܠܡܚ̈ܝܠܐ ܕܫ̇ܠܝܢ. ܘܠܘܬ ܠܐܓܪܬܟ ܕܥܠ ܗܕܐ: ܚܝܠܐ ܡܦܝܤܢܐ ܕܤ̇ܦܩ ܠܡܝܬܝܘ ܠܘܬ ܫܘܠܡܐ ܡܥܕܪܢܐ ܫܐܠܬܐ ܕܡܚ̈ܝܠܐ. ܘܤܒܠܢ ܐܝܟ ܕܡ̣ܢ ܨܐܕܝܟ ܠܓܒܪܐ ܗܢܐ ܡܕܒܪܢܐ. ܟܕ ܗܕܐ ܗܟܝܠ ܬܗܒܕ: ܥܘܡܪܐ ܕܫܝܢܐ ܡܬܬܓܪ ܐܢܬ ܠܢ. ܡܠܘܢ ܕܝܢ ܠܥܕ̈ܬܐ ܘܠܕܝܪ̈ܬܐ ܘܠܟܠ ܩܕܝ̈ܫܐ ܕܒܗܝܢ. ܕܟܕ ܕܠܐ ܥܘܟܪ ܢܬܡܨܘܢ ܠܡܫܠܡܘ ܬܫܡܫܬܐ ܕܓܘܐ ܒܨܠܘܬܐ ܕܥܝܕܐ܆ ܢܥܕܪܘܢ ܥܡܟ ܒܐܓܘܢܐ ܕܚܠܦ ܫܝܢܗ ܕܥܠܡܐ ܠܬܫܒܘܚܬܐ ܕܫܡܗ ܕܡܪܝܐ. ܕܗܘ̣ ܒܛܝܒܘܬܗ ܢܢܨܚ ܫܘܠܡܟ ܒܥܕܬܐ ܠܫܘܒܗܪܐ ܕܤܓܘܕܘ̈ܗܝ ܐܡܝܢ܀ ܫܠܡܬ܀

How to Cite this Electronic Edition

Note:

Ishoʿyahb III of Adiabene, “Letter 46: Untitled (II)” based upon Rubens Duval (ed.), Išō‘yahb III Patriarcha: Liber epistularum. 2 vols., CSCO, Syr. II.64 (Paris: Typographeo Reipublicae, 1904-1905), Digital Syriac Corpus, last modified March 9, 2026, https://syriaccorpus.org/623.

TEST2

Bibliography:

“Letter 46: Untitled (II).” In Išō‘yahb III Patriarcha: Liber epistularum. 2 vols., edited by . Syriaca.org, 2016-. Entry published 7th century CE. https://syriaccorpus.org/623.

Show Citation Styles

SEDRA IV

Syriac Lexeme

About This Digital Text

Corpus Text ID:

https://syriaccorpus.org/623

NHSL Work ID(s):

http://syriaca.org/work/9116
http://syriaca.org/work/9177

Source:

Rubens Duval (ed.), Išō‘yahb III Patriarcha: Liber epistularum. 2 vols., CSCO, Syr. II.64 (Paris: Typographeo Reipublicae, 1904-1905)

Type of Text: Print Transcription

Status: Uncorrected Transcription

Publication Date: March 9, 2026

Preparation of Electronic Edition:

TEI XML encoding by James E. Walters.
Syriac text transcribed by .

Open Access and Copyright:

This electronic edition is designed for open access reuse. The Syriac base text is in the public domain. The TEI XML edition is copyrighted by James E. Walters and is released under a Creative Commons Attribution 4.0 International Public License (CC BY 4.0).

The HTML page is copyrighted by Vanderbilt University and released under a under a Creative Commons Attribution 4.0 International Public License (CC-BY 4.0, https://creativecommons.org/licenses/by/4.0/). Attribution for reuse should follow the suggested citation and also credit the copyright holder of the TEI XML edition.

See details...