Letter 52: To Mar Gabriel the Metropolitan and Hormizd the bishop - ܠܐܒܝ ܒܤܝܡܐ ܘܡܝܩܪܐ ܡܪܝ ܓܒܪܝܐܝܠ ܐܦܤܩܘܦܐ ܡܝܛܪܦܘܠܝܛܝܣ. ܘܐܚܝ ܪܚܝܡܐ ܘܚܒܝܒܐ ܡܪܝ ܗܘܪܡܙܕ ܐܦܤܩܘܦܐ

https://syriaccorpus.org/629
Show  
line :
page break :
ܢܒ܀ ܠܐܒܝ ܒܤܝܡܐ ܘܡܝܩܪܐ ܡܪܝ ܓܒܪܝܐܝܠ ܐܦܤܩܘܦܐ ܡܝܛܪܦܘܠܝܛܝܣ. ܘܐܚܝ ܪܚܝܡܐ ܘܚܒܝܒܐ ܡܪܝ ܗܘܪܡܙܕ ܐܦܤܩܘܦܐ. ܘܐܢ ܪܓܝܫ ܕܥܡܟܘܢ ܟܬܒ ܠܝ ܐܦܤܩܘܦܐ ܕܒܝܬ ܠܦܛ. ܗ̇ܘ ܕܠܝ ܥܕܟܝܠ ܐܚܘܢ ܝܩܝܪܐ ܡܪܝ ܡܪܡܗ. ܝܫܘܥܝܗܒ ܐܚܘܟܘܢ ܒܡܪܢ ܫܠܡ܀
ܟܕ ܦܓܥܬ ܒܪܘܫܡܐ ܒܪܝܐ ܕܝܠܝܢ ܕܟܬܒܬܘܢ ܠܝ ܐܘ ܐܢܫܐ ܛܘܒ̈ܢܐ܆ ܬܘ̇ܗܬ ܒܫܪܪܬ ܒܐܝܠܝܢ ܕܓܕܫ. ܘܡ̣ܢ ܤܘܪܗܒܐ ܕܫܘܚܠܦܐ: ܐܦܠܐ ܕܐܤܝܡܢ ܠܤܘܥܪܢܐ ܡܫܟܚ ܗܘ̇ܝܬ. ܘܟܕ ܦ̇̄ܬܚܬ ܕܝܢ ܘܩ̇ܪܝܬ ܠܡܡܠܠܐ ܕܠܘܬܝ܆ ܝܬܝܪܐܝܬ ܐܬܕܒܪܬ ܠܡܬܗܪ. ܘܩܕܡܝܬ ܡ̇ܢ ܒܗܕܐ. ܕܐܝܟܢܐ ܠܓܒܪܐ ܚܤܝܐ ܗܘ̇ ܕܐܢܐ ܩܕܡ ܩܠܝܠ ܡܦܝܤܢܐ ܕܚܠܦܝ ܝܫܕܪܬܗ ܠܩܕܡ ܐܒܐ ܕܓܘܐ: ܗܫܐ ܒܪܫ ܤܕܪܐ ܕܡܚܦܛ̈ܢܐ ܕܝܠܝ ܡܫܟܚ ܐܢܐ ܒܫܘܪܝܐ ܕܐܓܪܬܐ. ܘܗܕܐ ܟܕ ܛܟܤܐ ܩܕܝܡܝܐ ܐܚܝܕ ܥܡܟܘܢ. ܗܢܘ ܕܝܢ ܥܡ ܐܢܫܐ ܕܡܦܤܝܢ pb. 102 ܒܡܬܥܒܪܢܘܬܝ ܘܒܠܐ ܡܬܛܦܝܤܢܘܬܝ: ܘܒܫܪܟܐ ܕܥܝ̈ܕܐ ܥܛ̈ܠܐ ܕܗܕܝܘܛܘܬܝ. ܕܬܕܬܝܢ ܕܝܢ: ܕܥܠ ܡܢܐ ܐܬܬܟܠ ܒܘܚܪܢܟܘܢ ܬܡܝܗܐ: ܕܠܓܒܪܐ ܗ̇ܘ ܕܐܦܠܐ ܕܝܚܐ ܕܢܤܝܢܗ ܝܫܩܠܬܘܢ: ܡܚܕܐ ܘܩܕܡ ܦܓܢܐ ܟܐܡܬ ܕܫܠܡܐ ܒܪܫ ܤܕܪܐ ܕܚܝܠܵܘܬܗ ܕܡܪܝܐ ܛܟܤܬܘܢ: ܘܠܗܠ ܠܬܚܘ̈ܡܐ ܬܚ̈ܠܝܐ: ܐܝܟ ܕܒܡܫܒܐ ܗܘ̇ ܕܡܬܩܪܐ ܛܘܦܘܢܝܩܘܣ ܐܘܪܩܠܝܕܘܢ ܝܫܕܪܬܘܢ. ܘܕܬܠܬ ܥܡ ܗ̇ܠܝܢ: ܕܡ̣ܢ ܐܝܢܐ ܚܐܦܐ ܕܩܛܝܪܐ ܐܬܚܤܢ ܓܒܪܐ ܗ̇ܘ ܡܟܝܟܐ: ܕܕܠܐ ܬܘܗܝ ܠܡܚܫܘܠܐ ܕܐܝܟ ܗܢܐ ܢܚܘܬ: ܒܡܫܬܡܥܢܘܬܐ ܡܗܝܡܢܬܐ. ܒܗܠܝܢ ܟܕ ܤܓܝ ܬܗ̇ܪܬ ܐܘ ܐܒܗ̈ܐ ܚܤܝ̈ܐ: ܐܠܐ ܐܦ ܤܘܓܐܐ ܐܬܩ̇ܢܛܬ ܘܟܘ̇ܙܬ. ܘܕܐܥܕܘܠ ܡ̇ܢ ܠܐ ܐܡ̇ܪܚܬ. ܘܕܐܫܒܚ ܕܝܢ ܐܬܥܛܠ ܠܝ. ܒܪܡ ܐܢ ܡ̣ܢ ܨܐܕܝ ܬܐܡܪܘܢ ܕܗܘܬ ܡܘܕܥܢܘܬܐ: ܘܥܠ ܬܘܟܠܢܝ ܐܫܬܪܪܬܘܢ ܠܡܫ̇ܡܠܝܘ ܠܡ̇ܢ ܠܘ ܥܡܟܘܢ ܠܒܟܬܘܢ ܠܝ ܠܗ̇ܘ ܕܗܟܢܐ ܗܝܡܢܬܘܚܝ. ܐܝܬ ܗܘܐ ܠܝ ܓܝܪ ܐܝܟ ܕܐܦ ܗܫܐ ܐܝܬ ܠܝ: ܤܘܓܐܐ ܕܠܚܡܘܬܐ ܘܠܐ ܠܚܡܘܬܐ ܠܡܚܘܝܘܬܟܘܢ: ܒܗ̇ܘ ܡܐ ܕܐܢܐ ܟܐܡܬ ܝܬܝܪ ܡܦܣ ܐܢܐ. ܐܦ ܓܝܪ ܕܓܘܐ ܐܝܬܝܗ̇ ܠܡܕܥ. ܕܬܝܢ ܘܡܨܥܬ ܐܬܘܪ ܘܠܥܡ̈ܡܐ ܗܠܝܢ ܕܩܪܝܒܝܢ ܡܝܬܪܘܬܐ ܕܕܘܒܪ̈ܐ ܪ̈ܚܝܡܐ. ܘܗܘܢܐ ܕܟܝܐ ܕܡܡܕܟ ܒܕܘܪ̈ܫܐ ܕܝܘܠܦ̈ܢܐ ܐܠܗ̈ܝܐ ܡܫܬܒܚ. ܘܐܤܟܡܐ ܟܢܝܟܐ ܕܡܨܒܬ ܒܡܘܟܟܐ ܕܡܛܟܤܘܬܐ ܡܬܝܩܪ. ܘܢܝܚܘܬܐ ܘܒܤܝܡܘܬܐ ܘܡܟܝܟܘܬܐ ܕܦܘܪܫܢܐ ܡܘܬܪ̈ܢ. ܘܗܠܝܢ ܛܝܒܘ ܠܡܪܝܐ ܕܫܟܢ ܠܥܒܕܗ ܗܢܐ ܕܐܬܐܡܪ. ܠܗܠ ܕܝܢ ܘܠܐܦ̈ܝ ܥܠܝܡ ܘܡܨܥܬ ܓܢܤܐ ܦܪܓܡܛܝܩܘܣ: ܥܠ ܕܐܝܟ ܗܠܝܢ ܘܡܨܥܬ ܓܢܤܐ ܦܪܓܡܛܝܩܘܣ܆ ܥܠ ܐܝܟ ܕܠܡܐܡܪ. ܓܒܪܐ.. ܘ .. ܘܟܠܗܝܢ ܐܝܠܝܢ ܕܠܗܠܝܢ ܕܡܝ̈ܢ. ܘܡ̣ܢ ܗܠܝܢ ܐܝܟ ܕܐܦ ܢܤܝܬܘܢ: ܟܒܪ ܚܤܝܪ pb. 103 ܗܘ̣ ܓܒܪܐ ܗܢܐ ܕܐܬܐܡܪ. ܤܛܪ ܡ̣ܢ ܠܐ ܡܥܝܕܘܬܐ. ܐܘ ܟܝܬ ܡ̣ܢ ܠܐ ܦܓܥܐ ܕܒܕܐܝܟ ܗܠܝܢ. ܒܪܡ ܐܠܐ ܐܢ ܗܕܐ ܢܐܡܪ ܐܢܫ ܕܤ̇ܦܩ ܗܘ̣ ܠܥܒ̇ܕܐ ܕܐܠܗܐ ܗܘ ܥܒ̇ܕܐ ܕܐܠܗܐ. ܐܝܢ ܐܡ̇ܪ ܐܢܐ ܘܐܢܐ. ܐܠܐ ܤܢܝܩܝܢ ܙܒܢ̈ܐ ܘܥܠ ܗܠܝܢ ܕܙܒܢܐ. ܘܐܢܕܝܢ ܐܦ ܥܠ ܗܕܐ ܢܒܤܐ ܒܬܪܥܝܬܐ ܡܗܝܡܢܬܐ: ܟܠ ܡܕܡ ܡܫܟܚ ܕܢܗܘܐ ܠܡ̇ܢ ܕܡܗܝܡܢ ܐܝܟ ܕܟܬܝܒ. ܡܛܠ ܗܢܐ ܕܡܪܝܐ ܢܗܘܐ ܥܒ̇ܕܐ. ܐܠܐ ܐܢܬ ܐܘ ܕܤܓܝ ܡ̣ܢ ܡܫܬܡܥܢܘܬܐ ܐܙܕܟܝ܇ ܠܐ ܗܘ̣ܐ ܕܬܚܡܤܢ ܩܠܝܠ ܒܠܐ ܡܬܛܦܝܣܢܘܬܐ ܙܗܪܬܟ: ܘܗܟܘܬ ܒܠܚܘܕ ܥܕܡܐ ܕܐܬܐ ܐܢܐ܆ ܘܐܝܟܢܐ ܐܢܬ ܡܢ ܩܕܡ ܕܬܡܛܐ ܐܙܕܟܝܬ. ܐܠܐ ܘܕܬܦܝܣ ܚܠܦܝ ܝܫܕܪܬܟ܆ ܘܬܝܬܐ ܐܒܘܢ ܠܟܐ ܙܗܪܬܟ. ܘܗܕܐ ܥܠ ܕܐܢܐ ܡ̣ܢ ܐܤܘܪ̈ܐ ܟܐܡܬ ܕܠܐ ܡܬܡܨܝܢܘܬܐ ܡܬܟܠܐ ܗܘ̇ܝܬ ܠܡܐܬܐ ܐܝܟ ܕܐܦ ܐܢܬ ܝ̇ܕܥ ܐܢܬ. ܐܢܬ ܕܝܢ ܘܠܦܘܩܕ̈ܢܐ ܛܥܝܬ܆ ܘܠܘ ܒܠܚܘܕ ܠܐܒܘܢ ܠܐ ܐܝܬܝܬ ܠܝ. ܐܠܐ ܐܦ ܐܢܬ ܐܝܟ ܕܤ̇ܒܪ ܐܢܐ ܐܪܚܩܬ ܡܢܝ ܘܠܥܠܡ. ܠܐ ܗܟܢܐ ܐܘ ܛܘܒܢܐ ܠܐ ܗܟܢܐ. ܐܠܐ ܚܙܝܢܝ ܡܢܟܠ ܦܪܘܣ ܘܟܢ ܬܐܙܠ. ܘܐܙܕܗܪ ܕܠܐ ܬܘܚܠ ܒܤܒܪܟ. ܘܐܦ ܠܐ ܬܙܟܝܟ ܟܪܝܘܬܐ ܕܡ̣ܢ ܐܝܠܝܢ ܕܓܕܫ. ܘܐܦ ܠܐ ܡ̣ܢ ܪ̈ܫܝܢܐ ܗܠܝܢ ܕܝܠܝ ܬܫܬܓܢܐ ܠܘܬ ܙܥܘܪܘܬ ܢܦܫܐ. ܐܠܐ ܐܬܬܥܝܪ ܒܤܒܪܐ ܕܥܘܕܪܢܗ ܕܡܪܢ. ܘܬܪܘܨ ܟܬܦܐ ܕܡܫܬܡܥܢܘܬܟ ܠܢܝܪܗ ܒܤܝܡܐ ܕܡܫܝܚܐ. ܘܡ̣ܢ ܗܫܐ ܕܐܬܪܟܢܬ ܘܫܩܠܬܝܗܝ: ܠܐ ܬܬܥܝܩ ܒܫܩܘܠܬܗ. ܐܝܟ ܕܩܕܡܬ ܩܪܝܬ. ܒܤܝܡ ܗܘ ܓܝܪ ܘܩܠܝܠ. ܘܒܡܚܝ̈ܠܐ ܪܚ̇ܡ ܠܡܬܓܡܪܘ. ܘܐܢ ܡܫܟܚ ܝܫܦܝܪܘܬ ܟܝܢܐ: ܡ̇ܫܦܪ ܦܘܠܚܢܗ ܒܝܬܪ. ܛܒ ܗܘ ܡܕܝܢ. ܕܟܕ ܡ̣ܢ ܬܪܬܝܗܝܢ ܬܬܚܘܚ ܠܩܘܒܠܗ܆ ܢܦܠܘܚ ܒܟ ܐܫܟܪܐ ܕܥܕܬܗ ܐܝܟ ܕܫܦܝܪ ܨܒܐ. ܕܡ̣ܢ ܐܝܩܪܗ ܘܚܝܠܗ ܕܫܡܐ܆ ܚܗܪ ܠܡܦܝܕܟ ܒܥܝܠܡ܆ ܘܡ̣ܢ ܡܠܚܐ ܕܒܤܝܡܘܬܟ ܬܬܒ̇ܤܡ ܥܢ̈ܗ ܕܡܪܝܐ. ܘܢܗܘܐ pb. 104 ܠܬܫܒܘܚܬܐ ܕܓܘܐ܆ ܟܠܗ ܥܒ̇ܕܐ ܕܬܫܡܫܬܟ. ܘܬܬܢܝܚ ܒܟ ܢܦܫܗ ܕܐܒܘܢ܆ ܘܢܘܕܐ ܥܠ ܐܦܝ̈ܟ ܠܡܪܢ. ܘܐܢܬܘܢ ܐܘ ܛܘܒܢ̈ܐ ܚܒܝܒܝ̈ܗ̇ ܕܢܦܫܝ܆ ܕܠܝ ܥܠ ܡܐܬܝܬܐ ܪܫܝܬܘܢ ܐܘ ܟܝܬ ܐܦܝܤܬܘܢ: ܐܬܛܦܝܤܘ ܘܐܫܪܘ: ܕܥܕܡܐ ܠܗܫܐ ܙ̇ܟܐ ܗܘܐ ܤܩܘܒܠܐ ܠܨܒܝܢܝ. ܗܫܐ ܕܝܢ ܤܩܘܒܠܐ ܡ̇ܢ ܐܬܒܨܪ ܠܗ ܩܠܝܠ. ܐܠܨ̈ܬܐ ܕܝܢ ܥܠ ܡܐܬܝܬܐ ܕܝܠܝ ܕܠܬܡ̇ܢ ܠܘ ܤܓܝ ܡܫܟܚ ܐܢܐ. ܘܝܬܝܪܐܝܬ ܥܠ ܕܐܦ ܝܫܡ̇ܥܬ̣ ܕܐܒܘܢ ܡܒܪܟܐ ܠܐܦ̈ܝ ܠܟܐ ܡܛܝ̈ܒܢ ܐܦܘ̈ܗܝ. ܐܢ ܗܟܝܠ ܗܟܢܐ ܢܗܘܐ: ܡܦܝܣ ܐܢܐ ܕܥܡܗ ܐܚܙܝܟܘܢ. ܘܐܢ ܕܝܢ ܐܚܪܢܝܐܝܬ ܬܓܕܫ: ܐܘ ܟܝܬ ܡ̣ܢ ܐܠܨ̈ܬܐ ܕܤܘܥܪ̈ܢܐ ܕܠܗܠ ܢܬܢܬܦ ܠܘܬ ܬܘܚܪܬܐ: ܗܘ̣ܝܬܘܢ ܟܬ̇ܒܝܢ ܠܝ ܐܝܟ ܕܙ̇ܕܩ. ܕܟܕ ܐܫܟܚ ܦܘܪܤܐ ܠܡܐܬܝܬܐ ܒܥܓܠ ܐܚܙܝܟܘܢ. ܘܨܠܘ ܥܠܝ ܕܐܫܬܘܐ ܠܪ̈ܚܡܘܗܝ ܕܐܠܗܐ ܘܐܚܙܝܟܘܢ ܒܫܠܡ܀ ܥܕܡܐ ܠܗܪܟܐ ܡܢ ܐܦܤܩܘܦܘܬܐ. ܡܟܐ ܘܠܗܠ ܡܢ ܡܝܛܪܦܘܠܝܛܘܬܐ܀
How to Cite this Electronic Edition
Note:
Ishoʿyahb III of Adiabene, “Letter 52: To Mar Gabriel the Metropolitan and Hormizd the bishop - ܠܐܒܝ ܒܤܝܡܐ ܘܡܝܩܪܐ ܡܪܝ ܓܒܪܝܐܝܠ ܐܦܤܩܘܦܐ ܡܝܛܪܦܘܠܝܛܝܣ. ܘܐܚܝ ܪܚܝܡܐ ܘܚܒܝܒܐ ܡܪܝ ܗܘܪܡܙܕ ܐܦܤܩܘܦܐ” based upon Rubens Duval (ed.), Išō‘yahb III Patriarcha: Liber epistularum. 2 vols., CSCO, Syr. II.64 (Paris: Typographeo Reipublicae, 1904-1905), Digital Syriac Corpus, last modified March 9, 2026, https://syriaccorpus.org/629.

TEST2

Bibliography:
“Letter 52: To Mar Gabriel the Metropolitan and Hormizd the bishop - ܠܐܒܝ ܒܤܝܡܐ ܘܡܝܩܪܐ ܡܪܝ ܓܒܪܝܐܝܠ ܐܦܤܩܘܦܐ ܡܝܛܪܦܘܠܝܛܝܣ. ܘܐܚܝ ܪܚܝܡܐ ܘܚܒܝܒܐ ܡܪܝ ܗܘܪܡܙܕ ܐܦܤܩܘܦܐ.” In Išō‘yahb III Patriarcha: Liber epistularum. 2 vols., edited by . Syriaca.org, 2016-. Entry published 7th century CE. https://syriaccorpus.org/629.

Show Citation Styles
SEDRA IV

Syriac Lexeme

About This Digital Text
Corpus Text ID:
https://syriaccorpus.org/629
Source:
Rubens Duval (ed.), Išō‘yahb III Patriarcha: Liber epistularum. 2 vols., CSCO, Syr. II.64 (Paris: Typographeo Reipublicae, 1904-1905)
Type of Text: Print Transcription  
Status: Uncorrected Transcription  
Publication Date: March 9, 2026
Preparation of Electronic Edition:
TEI XML encoding by James E. Walters.
Syriac text transcribed by .
Open Access and Copyright:
This electronic edition is designed for open access reuse. The Syriac base text is in the public domain. The TEI XML edition is copyrighted by James E. Walters and is released under a Creative Commons Attribution 4.0 International Public License (CC BY 4.0).
The HTML page is copyrighted by Vanderbilt University and released under a under a Creative Commons Attribution 4.0 International Public License (CC-BY 4.0, https://creativecommons.org/licenses/by/4.0/). Attribution for reuse should follow the suggested citation and also credit the copyright holder of the TEI XML edition.

Creative Commons License

See details...
How to Cite this Electronic Edition
Note:
Ishoʿyahb III of Adiabene, “Letter 52: To Mar Gabriel the Metropolitan and Hormizd the bishop - ܠܐܒܝ ܒܤܝܡܐ ܘܡܝܩܪܐ ܡܪܝ ܓܒܪܝܐܝܠ ܐܦܤܩܘܦܐ ܡܝܛܪܦܘܠܝܛܝܣ. ܘܐܚܝ ܪܚܝܡܐ ܘܚܒܝܒܐ ܡܪܝ ܗܘܪܡܙܕ ܐܦܤܩܘܦܐ” based upon Rubens Duval (ed.), Išō‘yahb III Patriarcha: Liber epistularum. 2 vols., CSCO, Syr. II.64 (Paris: Typographeo Reipublicae, 1904-1905), Digital Syriac Corpus, last modified March 9, 2026, https://syriaccorpus.org/629.

TEST2

Bibliography:
“Letter 52: To Mar Gabriel the Metropolitan and Hormizd the bishop - ܠܐܒܝ ܒܤܝܡܐ ܘܡܝܩܪܐ ܡܪܝ ܓܒܪܝܐܝܠ ܐܦܤܩܘܦܐ ܡܝܛܪܦܘܠܝܛܝܣ. ܘܐܚܝ ܪܚܝܡܐ ܘܚܒܝܒܐ ܡܪܝ ܗܘܪܡܙܕ ܐܦܤܩܘܦܐ.” In Išō‘yahb III Patriarcha: Liber epistularum. 2 vols., edited by . Syriaca.org, 2016-. Entry published 7th century CE. https://syriaccorpus.org/629.

Show Citation Styles
Linked Data