On the Resurrection - ܡܲܪܒܚܲܕ ܒܫܲܒܵܐ ܩܲܕܝܼܫܵܐ ܕܲܩܝܵܡܬܐ

1 :ܡܠܟܵܐ ܕܪܵܘܡܵܐ ܠܒܸܫ ܐܣܟܝܡܵܐ ܐܲܪܥܢܝܵܐ 2 ܕܢܸܦܘܿܩ ܢܦܫܐ ܫܒܝܬܐ ܕܐ̄ܢܫ̈ܐ ܡ̣ܢ ܚܲܣܝܼܢܵܐ. 3 :ܢܦ̣ܩ ܨܒܼܝܢܹܗ ܒܐܣܟܹܝܡ ܐ̄ܢܫܐ ܕܢܚܐ ܠܐ̄ܢܫܐ 4 ܘܚܲܙ̣ܝܗܝ ܒܝܼܫܵܐ ܘܠܵܐ ܐܬܒܼܝܿܢ ܒܚܹܝܠ ܟܲܣܝܘܼܬܹܗ. 5 :ܕܡܘܼܬܼܵܐ ܕܥܲܒܼܕܵܐ ܫܩܲܠ ܒܪܘܿܝܵܐ ܕܲܢܚܲܪܪ ܟܠ 6 ܡܣܝܼ ܫܘܼܒܼܚܹܗ ܠܓܼܵܘ ܡ̣ܢ ܢܚܬܐ ܕܡܵܝܘܿܬܘܼܬܐ. 7 :ܓܒܼܵܐ ܪܒ ܚܲܝܠܵܐ ܡܸܢܹܗ ܕܓܸܢܣܵܐ ܕܫܒܹܐ ܠܒܝܼܫܵܐ 8 ܘܙܝܢܗ ܒܪܼܡܚܵܐ ܕܢܸܦܘܿܩ ܘܢܸܦܪܘܿܩ ܠܲܒܢܝ̈ ܥܲܡܹܗ. 9 :ܝܗ̣ܒ ܠܹܗ ܙܝܢܵܐ ܐܲܠܵܗܵܝܵܐ ܕܢܸܬܟܼܬܲܫ ܒܹܗ 10 ܕܡܵܐ ܕܡܬܢܨܲܚ ܢܩܢܐ ܒܚܝܠܹܗ ܫܸܡ ܙܟܼܘܬܵܐ. 11 :ܙܝܢܵܐ ܕܡܲܠܟܵܐ ܠܒܫ ܪܲܒܿ ܚܲܝܠܵܐ ܦܲܓܼܪܢܵܝܵܐ 12 ܘܣܡ ܣܲܢܘܪܬܐ ܕܦܘܪܩܢ ܚ̈ܝܐ ܒܪܸܫ ܪܸܥܝܵܢܹܗ. 13 :ܪܘܚܢܐܝܼܬ ܠܲܒܼܫܹܗ ܠܙܝܢܵܐ ܠܦܘܼܬ ܟܣܝܘܼܬܗ 14 ܘܚܙܩ ܢܦܫܵܐ ܚܠܦ ܗܲܕܡܹ̈ܐ ܠܘܵܬܼ ܬܟܬܘܼܫܵܐ. 15 :ܒܙܥܲܝ̈ ܢܦܫܵܐ ܙܲܝܸܢ ܢܲܦܫܹܗ ܦܲܓܼܪܢܵܝܵܐ 16 ܕܚܙ̣ܐ ܒܪܘܼܚܵܐ ܕܲܒܼܥܸܠܕܲܪܹܗ ܪܘܼܚܵܢܝܵܐ ܗ̄ܘ̣. 17 :ܒܪܘܼܚܵܐ ܐܲܩܪܸܒܼ ܥܲܡ ܪܘܼܚܵܢܵܐ ܪܹܫܵܐ ܕܵܐܐܪ 18 ܕܠܵܐ ܢܬܥܪܩܠ ܒܝܲܕ ܗܕܡܹ̈ܐ ܐܲܪ̈ܥܵܢܵܝܹܐ. 19 :ܒܦܓܼܪܐ ܘܢܲܦܫܵܐ ܛܲܥܢܹܗ ܠܙܲܝܢܵܐ ܝܗ̣ܒ ܠܹܗ ܡܲܠܟܵܐ 20 ܘܠܲܒܼܫܹܗ ܒܚܘܼܒܵܐ ܒܪ̈ܓܫܲܝ ܦܲܓܪܐ ܘܙܡܲܝ̈ ܢܲܦܫܵܐ. 21 :ܩܪܒܼܵܐ ܟܣܝܵܐ ܥܒܲܕ ܡܝܘܬܵܐ ܒܚܲܝܠܵܐ ܟܣܝܵܐ 22 ܘܙܟܝܼ ܠܦܓܼܪܐ ܘܢܲܦܫܵܐ ܘܚܪܲܪ ܐܸܢܘܿܢ. 23 ܫܒܹܐ ܗ̄ܘ̣ܵܐ ܓܸܢܣܹܗ ܠܒܝܼܫܵܐ ܘܡܵܘܬܵܐ ܛܪܘܢܵܐ ܕܡܪܕ: pb. f.165r 24 ܘܝܗ̣ܒ ܗ̄ܘ̣ܵܐ ܢܦܫܹܗ ܠܘܵܬ ܬܟܬܘܼܫܵܐ ܕܚܠܦ ܥܲܡܹܗ. 25 :ܢܦܲܩ ܠܲܩܪܒܼܵܐ ܕܠܘܩܒܼܵܠ ܒܝܼܫܵܐ ܠܚܘܼܪܒܵܐ ܘܲܙܟܵܝܗܝ 26 ܘܛܲܝܸܒܼ ܢܦܫܹܗ ܠܘܵܬܼ ܬܲܟܼܬܘܼܫܵܐ ܕܡܵܘܬܼܵܐ ܝܲܥܢܵܐ. 27 :ܐܚܕܕܲܪܵܐ ܥܲܡ ܚܲܣܝܼܢܵܐ ܒܪܓܲܬ ܠܲܚܡܵܐ 28 ܘܦܲܟܼܪܹܗ ܘܲܫܕܵܝܗܝ ܒܝܲܕ ܚܘܡܣܢܵܐ ܕܡ̣ܢ ܚܘܼܬܝ̈ܬܹܐ. 29 :ܚܒ ܪܘܚܢܐ ܡ̣ܢ ܦܓܼܪܢܐ ܒܚܲܝܠܵܐ ܕܪܘܼܚܵܐ 30 ܘܚܣܢ ܦܓܪܐ ܕܕܫܘܗܝ ܚܫ̈ܐ ܠܪܫܵܐ ܕܐܵܐܲܪ. 31 :ܐܲܗܸܠ ܘܓܚܸܟ ܦܓܼܪܵܬ ܫܝܼܛܵܐ ܥܲܠ ܚܲܣܝܼܢܵܐ 32 ܘܒܲܫܩܠܹܗ ܠܙܲܝܢܹܗ ܕܠܵܐ ܬܘܼܒܼ ܢܩܪܸܒܼ ܥܲܡ ܡܝܼ̈ܘܬܐ. 33 :ܙܸܠ ܠܵܟ ܒܝܼܫܵܐ ܠܘܵܬܼ ܒܲܪ ܙܘܓܵܟ ܐܡ̣ܪ ܗ̄ܘ̣ܵܐ ܠܹܗ 34 ܙܸܠ ܛܲܝܸܒܼ ܠܵܟ ܙܲܝܢܵܐ ܐ̄ܚܪܹܢܵܐ ܒܥܠܬ ܡܘܬܵܐ. 35 :ܙܸܠ ܬܩܢ ܠܟ ܢܫܒ̈ܐ ܕܡܵܘܬܼܵܐ ܒܝܲܕ ܡܘܝ̈ܬܐ 36 ܕܐܲܢܬ ܒܠܚܘܿܕܲܝܟ ܡܚܝܼܠ ܗ̄ܘ̣ ܚܲܝܠܵܟ ܡ̣ܢ ܬܟܼܬܘܫܐ. 37 :ܙܸܠ ܟܲܢܸܫ ܠܵܟ ܒܢܝ̈ܐ ܕܐܘܠܸܕܬ ܒܝܲܕ ܨܢܥ̈ܬܐ 38 ܘܙܝܢ ܐܢܘܿܢ ܒܡܐ ܟܠ ܩܪܨܐ ܐܲܝܟ ܕܡܥܕ ܐܲܢ̄ܬ. 39 :ܩܪܝܼ ܠܵܟ ܚܒܪܹ̈ܐ ܕܕܓܠܘܼܬܵܐ ܕܲܢܣܲܝܼܥܘܼܢܵܟ 40 ܕܐܢ̄ܬ ܕܓܠܐ ܐܢ̄ܬ ܘܒܼܕܓ̈ܠܐ ܡ[...] ܐ̄ܢܬ ܙ̇ܟܐ ܐ̄ܢܬ̇. 41 :ܫܪܝܗܝ ܠܲܢܟܼܝܼܠܵܐ ܡ̣ܢ ܬܟܬܘܼܫܵܐ ܒܡܠܐ ܙܒܼܢܵܐ 42 ܕܢܐܙܲܠ ܢܪܟܸܒܼ ܦܘܼܪܣܵܐ ܕܡܵܘܬܐ ܒܐܸܣܟܹܝܢ ܕܝܼܢܵܐ. 43 :ܝܼܕܥ ܗ̄ܘ̣ܵܐ ܠܹܗ ܕܢܡܘܣܐܝܼܬ ܐܡ̇ܪ ܕܝܼܢܵܐ 44 ܘܲܒܼܥܘܼܗܵܕܵܢܵܐ ܕܩܕܡܝ̈ܬܐ ܒܥ̇ܐ ܕܢܸܙܟܹܐ. 45 :ܥܒ̇ܪ ܦܘܩܕܢܵܐ ܕܒܦܪܕܝܣܵܐ ܡܬܥܗܲܕ ܗ̄ܘ̣ܵܐ 46 ܘܒܣܟܠܘܼܬܼܵܐ ܐܲܝܟ ܣܗܕܘܼܬܵܐ ܡܬܓܘܣ ܗ̄ܘ̣ܵܐ. 47 :ܒܪܓܲܬ ܦܹܐܪܵܐ ܐܲܝܟ ܥܲܪܒܵܐ ܡܸܬܩܲܪܲܓܼ ܗ̄ܘ̣ܵܐ 48 ܕܗ̤ܝ ܥܪܒܬ̤ ܠܹܗ ܒܓܒܕܘܼܬ ܐ̄ܢܫܐ ܕܙܡܢ ܒܐܡܠܐ. 49 :ܠܐܪܡܝܼ ܐܝܕܼܵܐ ܕܐܕܡ ܘܚܵܘܵܐ ܡܚܵܬܹܐ ܗ̄ܘ̣ܵܐ ܠܹܗ 50 ܕܗܵܐ ܐܒܣܲܝ̈ܟ ܚܲܬܸܡܘ ܘܫܠܡܘ ܩܪܝ ܘܐܣܬܟܠ. 51 :ܫܛܪܐ ܟܬܲܒܼ ܠܝܼ ܐܵܕܼܵܡ ܒܲܥܸܕܢ ܕܚܵܒܼ ܠܚܛܝܼܬܵܐ 52 ܘܲܕܠܵܐ ܦܲܪܥܹܗ ܡܫܟܢ ܠܒܵܢܵܘ̈ܗܝ ܚܠܦ ܪܒܝܬܐ. 53 :ܡ̣ܢ ܫܘܼܪܝܵܐ ܩܢ̇ܝܬ ܫܘܼܠܛܵܢܵܐ ܥܲܠ ܡܝܘ̈ܬܐ 54 ܠܵܐ ܗ̄ܘ̣ܵܐ ܒܛܘܼܫܝܵܐ ܟܬܲܒܘ ܘܐܫܬܥܒܲܕܘ ܐܝܟ ܚܲܝܒܹ̈ܐ. 55 :ܠܵܘ ܒܲܩܛܝܼܪܵܐ ܫܒܹܐ ܠܝܼ ܓܸܢܣܲܟ ܐܸܠܵܐ ܒܚܘܼܒܵܐ 56 ܗܢܘܿܢ ܩܲܒܸܠܘ ܒܝܲܕ ܨܒܝܼܢܵܐ ܕܢܸܗܘܘܿܢ ܥܲܒܼܕܹ̈ܐ. 57 :ܠܵܐ ܗ̄ܘ̣ܵܐ ܐܵܕܼܵܡ ܘܒܢܲܝ̈ ܕܵܪܹܗ ܚܒܼܘ ܠܝܼ ܒܲܠܚܘܿܕ 58 ܕܟܼܠܹܗ ܟܝܢܵܐ ܚܒܝܼܫ ܒܐ ܫܛܪܐ ܕܡܝܘܬܘܬܐ. 59 :ܘܐܢ ܥܦܪܢܵܐ ܐܲܢ̄ܬ ܘܡܫܘܬܲܦ ܐܲܢ̄ܬ ܒܚܫܲܝ̈ ܦܓܼܪܐ 60 ܚܘܪ ܒܟܝܢܵܟ ܘܕܵܥ ܕܚܒܝܼܫ ܐܲܢ̄ܬ ܒܸܐܫܛܵܪ [...] ܡܵܪܘܼܬܝ. 61 :ܠܲܝܬ ܦܓܼܪܢܐ ܩܢܹܐ ܗܕܡܹ̈ܐ ܕܠܵܘ ܡܵܝܘܵܬܼܵܐ ܗ̄ܘ̣ 62 ܘܐܸܢ ܡܝܘܬܐ ܗ̄ܘ̣ ܬ̇ܚܹܝܬ ܥܲܒܕܘܼܬܼܵܐ ܕܝܼܠܝ ܘܲܕܡܵܘܬܼܵܐ ܗ̄ܘ̣. 63 ܐܘ ܚܵܘܵܐ ܠܝܼ ܕܠܵܘ ܡܝܘܬܵܐ ܐܲܢ̄ܬ ܘܐܗܡܹܐ ܡܢܵܟ. 64 :ܘܐܢ ܡܵܝܘܬܵܐ ܐܲܢ̄ܬ ܟܝܵܢܵܟ ܫܪܐ ܚܸܪܝܵܢ ܡܸܠܲܝ̈ܟ 65 :ܚܵܘܵܐ ܣܲܩܪܵܐ ܕܝܗ̣ܒ ܠܵܟ ܡܲܠܟܵܐ ܕܠܵܘ ܡܝܘܬܵܐ ܐܲܢ̄ܬ 66 ܟܲܕ ܐܦ ܗܕܐ ܠܵܐ ܡܩܒܸܠ ܐ̄ܢܐ ܥܲܠ ܥܲܦܪܢܵܐ. 67 :ܦܓܪܢܝܵܐ ܐܲܢ̄ܬ ܠܡ̇ܢ ܡܬܒܥ̈ܝܢ ܡ̈ܠܐ ܒܕܝܼܢܵܐ 68 ܟܝܫܗ ܕܦܓܼܪܐ ܚܒ̣ܠܐ ܗ̄ܘ̣ ܟܠܹܗ ܕܡܵܝܘܬܘܬܵܐ. 69 :ܗܠܝܢ ܗܘ̣ ܡܬܚܫܲܒܼ ܗ̄ܘ̣ܵܐ ܐܟ̇ܠܩܪܨܐ 70 ܟܲܕ ܡܬܚܫܚ ܒܗܦܟ̈ܬܐ ܕܠܘܼܩܒܼܵܠ ܦܲܓܼܪܵܐ. 71 :ܒܕܡܘܼܬܼ ܣܟܼܪܵܐ ܐܚܝܼܕ ܗ̄ܘ̣ܵܐ ܠܵܗ̇ ܠܡܝܘܬܘܬܐ 72 ܟܕ ܣܒ̇ܪ ܗ̄ܘ̣ܵܐ ܕܒܗ̇ ܙܟܐ ܠܗ ܐܲܝܟ ܡܵܘܬܵܐ. 73 :ܣܢܝܐ ܒܟܣܝܐ ܡܲܠܸܠ ܗܵܠܹܝܢ ܒܓܵܘ ܚܘܼܫܒܵܘ̈ܗܝ 74 ܘܒܕܩ ܠܒܵܐ ܒܗܹܝܢ ܚ̇ܐܪ ܗ̄ܘ̣ܐ ܐܲܝܟ ܕܒܥܓܝܐ. 75 :ܘܡܸܛܠ ܕܚ̣ܙܵܐ ܒܥܝܵܢܵܐ ܟܣܝܼܬܼܵܐ ܗܸܪܓܹܗ ܕܒܝܼܫܵܐ 76 ܓܠܗ̇ ܠܣܢܐܘܼܬܵܐ ܕܒܝܼܫܘܼܬܝܲܨܪܵܐ ܠܟܹܝܢ ܚܙ̈ܝܐ. 77 :ܒܩܵܠܵܐ ܓܠܝܵܬ ܡܠܸܠ ܐܸܢܹܝܢ ܠܣܬܝܼܪ̈ܬܐ 78 ܕܗܵܐ ܠܲܡ ܐܬܐ ܐܟ̇ܠܩܪܨܐ ܕܢܐܡܲܪ ܕܝܼܢܵܐ. 79 ܗܵܐ ܐܪܟܘܼܢܵܐ ܘܐܲܚܝܼܕ ܥܵܠܡܵܐ ܬܒ̇ܥ ܒܐܝܕ̈ܝ: pb. f.165v 80 ܕܡܲܠܐ ܙܕܩ̈ܐ ܕܡܝܘܿܬܘܼܵܬܐ ܐܲܝܟ ܡܵܝܘܿܬܹ̈ܐ. 81 :ܒܐܣܟܹܝܡ ܕܝܼܢܵܐ ܐܡ̣ܪ ܠܘܼܩܒܵܠܝ ܐܲܝܟ ܕܥܲܡ ܐ̄ܢܫܐ 82 ܒܪܢܫܵܐ ܐܲܢ̄ܬ ܦܪܘܿܥ ܐܲܝܟ ܐ̄ܢܫܐ ܕܚܲܝܵܒ ܕܝܼܢܵܐ. 83 :ܒܗܦܘ̈ܬܐ ܕܲܪܫ ܐܵܦ ܥܲܡܝ ܐܲܝܟ ܕܥܲܡ ܐܵܕܼܵܡ 84 ܐܕܡܝܵܐ ܐܢ̄ܬ ܥܩܪܵܐ ܕܓܲܪܦܹܗ ܢܲܗܪܵܐ ܕܨܢܥܵܬܝܼ. 85 :ܡܵܢܵܐ ܚܬܝܼܪ ܐܲܢ̄ܬ ܒܒܢ̈ܬ ܩ̈ܠܐ ܕܗ̣ܘ̈ܝ ܨܹܐܕܲܝܟ 86 ܠܵܐ ܬܫܬܒܗܲܪ ܒܕܠܵܐ ܕܝܼܠܵܟ ܕܗܵܐ ܥܲܦܪܵܐ ܐܲܢ̄ܬ. 87 :ܒܟܼܝܵܢܝ ܚ̇ܐܪ ܐܲܝܟ ܕܒܼܫܝܼܛܵܐ ܣܢܹܐܹܗ ܕܓܸܢܣܲܢ 88 ܘܠܵܐ ܡܸܬܼܟܲܩܹܐ ܒܚܲܝܠܵܐ ܕܠܒܼܫܢܝ ܡ̣ܢ ܓܵܘܟܲܪܣܵܐ. 89 :ܟܣܝܵܐ ܡܸܢܹܗ ܓܠܝܼܘܼܬܼ ܡܲܚܲܬܿܚܬܿܝ ܕܲܠܘܵܬ ܐ̄ܢܫܐ 90 ܘܠܵܐ ܝ̇ܕܥ ܠܹܗ ܠܗ̇ܘ ܬܘܼܩܵܢܵܐ ܕܗܘ̤ܵܐ ܒܐܝܼܕ̈ܝ. 91 :ܐܵܦ ܐ̄ܢܐ ܒܫܬܩܵܐ ܡܣܬܪ ܐ̄ܢܐ ܠܗ̇ ܠܪܒܘܼܬܝ ܡܸܢܗ 92 ܥܕܡܵܐ ܕܓ̇ܡܪ ܪܓܬ ܢܟܼܠܹܗ ܒܡܘܬܵܐ ܕܥܠܝܼ. 93 :ܗܫܵܐ ܒܕܝܼܢܵܐ ܡܚܘܐ ܐ̄ܢܐ ܠܹܗ ܡ̣ܢ ܟܡܘ̈ܣܐ 94 ܕܥܘ̇ܠܐܝܬ ܠܟ̇ܠܩܪܨܐ ܒܡܵܝܘܿܬܘܼܬܼܵܐ. 95 :ܐܸܢ ܡܝܘ̈ܬܐ ܚܝܒܼܝܼܢ ܠܹܗ ܡܸܛܠ ܕܲܚ̣ܛܵܘ 96 ܐ̄ܢܐ ܕܕܟܐ ܐ̄ܢܐ ܡ̣ܢ ܟܘ̈ܬܡܬܐ ܡ̇ܢ ܕܐ̇ܢ ܥܲܡܝ. 97 :ܘܐܸܢ ܗܘ̤ ܕܐܵܕܼܵܢ ܚܸܒ ܘܐܬܡܫܟܢ ܕܫ̣ܡܥ ܡܸܠܟܹܗ 98 ܠܝܼ ܕܠܵܐ ܚܣܢܢܝ ܐܦܠܵܐ ܒܪܸܡܙܵܐ ܡ̇ܢ ܡܲܩܪܸܒ ܥܲܡܝܼ. 99 :ܡܵܕܹܝܢ ܓܲܠܝܵܐ ܗ̄ܝ̣ ܕܥܘܿܠܐܝܬ ܣ̇ܢܐ ܒܓܘܼܡܕܵܐ 100 ܘܠܵܘ ܟܐܢܐܝܼܬ ܡܲܡܠܸܟ ܫܲܒܼܛܹܗ ܥܲܠ ܡܵܝܘ̈ܬܹܐ. 101 :ܘܟܲܕ ܛܵܒܼ ܓܠܝܵܐ ܕܡܚܪܲܪ ܐ̄ܢܵܐ ܡ̣ܢ ܫܘܼܥܒܵܕܹܗ 102 ܡܩܒܸܠ ܐ̄ܢܵܐ ܠܹܗ ܒܝܲܕ ܨܒܝܼܢܵܐ ܠܡܘܬܐ ܕܢܟܼܠܹܗ. 103 :ܒܡܵܘܬܵܐ ܓܵܙ̣ܡ ܘܲܡ̣ܕܚܸܠ ܠܝܼ ܐܲܝܟ ܡܵܘܬܵܐ 104 ܘܒܝܲܕ ܡܵܘܬܵܐ ܣܚ̇ܦ ܐ̄ܢܵܐ ܠܹܗ ܡ̣ܢ ܫܘܼܠܛܢܹܗ. 105 :ܒܙܝܢܵܐ ܕܚܫ̈ܐ ܕܡܝܘܿܬܘܼܬܼܵܐ ܡܩܪܸܒܼ ܠܘܼܩܒܵܠܝ 106 ܒܚܫܵܐ ܕܩܢܘܿܡܝ ܡܸܠܦ ܐ̄ܢܵܐ ܠܹܗ ܕܲܡܚܝܼܠ ܚܲܝܠܹܗ. 107 :ܒܗ̇ܘ ܡܵܐ ܕܣܒܲܪ ܕܐܬܡܫܟܢ ܒܗ ܐܵܕܼܵܡ ܘܒܒܢ̈ܘܗܝ 108 ܒܹܗ ܥܛ̇ܐ ܐ̄ܢܵܐ ܫܛܵܪ ܡܵܪܘܬܹܗ ܡ̣ܢ ܡܝܘ̈ܬܐ. 109 :ܒܡܵܘܬܵܐ ܚܲܬܡܹܗ ܠܲܫܛܵܪ ܚܘܒܹ̈ܐ ܕܓܸܢܣܵܐ ܕܐ̄ܢܫ̈ܐ 110 ܘܲܒܝܲܕ ܡܵܘܬܵܐ ܕܒܪܸܫ ܩܲܝܣܵܐ ܡܬܠܚ ܐ̄ܢܵܐ ܠܗ. 111 :ܠܥܹܝܢ ܪ̈ܘܼܚܵܢܹܐ ܘܦܓܪ̈ܢܝܹܐ ܡܒܛܸܠ ܐ̄ܢܵܐ ܠܹܗ 112 ܠܓܙܪܕܝܼܢܵܐ ܕܡܫܐܒܗܲܪ ܒܹܗ ܐܲܝܟ ܙܲܟܵܝܵܐ. 113 :ܠܫܡܝܢܹ̈ܐ ܘܠܐܪ̈ܥܢܝܹܐ ܡܚܵܘܹܐ ܐ̄ܢ̄ܐ ܠܹܗ 114 ܠܦܘܼܪܩܵܢ ܚܲܝܹ̈ܐ ܘܲܠܚܘܼܕܵܬܵܐ ܕܡܸܫܬܲܡܠܹܐ ܒܝܼ. 115 :ܫܡܲܝܵܐ ܘܐܲܪܥܵܐ ܩ̇ܪܵܬ ܐ̄ܢܵܐ ܠܝܼ ܣܗܕ̈ܐ ܒܚܝܪ̈ܐ 116 ܘܒܫܡ ܟܲܣܝܵܐ ܡܚܬܡ ܐ̄ܢܵܐ ܠܹܗ ܠܫܘܼܘܕܵܝ ܡܸܠܲܝ̈. 117 :ܡܠܝܼ̈ܠܹܐ ܘܚܲܪ̈ܫܹܐ ܗܘ̤ܵܘ ܡܨܥ̈ܝܹܐ ܒܹܝܬ ܠܝܼ ܠܒܝܼܫܵܐ 118 ܕܕܠܐ ܕܼܝܢܐ ܡܓܪܓ ܣ̇ܢܐ ܠܡܘܬܐ ܝܲܥܢܵܐ. 119 :ܘܐܢܗܘ̤ ܥܘ̇ܠ ܘܨܗܐ ܠܥܘ̣ܠܵܐ ܘܨܗܠ ܠܲܕܡܵܐ 120 ܕܡܘ ܟܹܐܢܵܐܝܼܬ ܘܐܲܟܸܣܘ ܥܘܼܠܗ ܘܦܪܣܵܘ ܢܟܼܠܗ. 121 :ܗܵܐ ܡܩܒܸܠ ܐ̄ܢܵܐ ܠܓܙܪ ܕܝܼܢܵܐ ܕܥ̇ܘܠܘܬܗ 122 ܘܡܚܘܹܐ ܐ̄ܢܵܐ ܕܠܵܘ ܒܲܩܛܝܼܪܵܐ ܚܣܢܢܝ ܡܵܘܬܵܐ. 123 :ܗܵܐ ܢܚ̇ܬ ܐ̄ܢܵܐ ܠܥܘܼܡܩܵܐ ܕܫܝܘܿܠ ܐܲܝܟ ܕܠܝܲܡܵܐ 124 ܘܩܠܝܼܠܐܝܼܬ ܡܟܪܸܙ ܐ̄ܢܵܐ ܠܹܗ ܠܲܫܡܵܐ ܕܙܵܟܼܘܬܝ. 125 :ܗܵܐ ܡܫܲܠܸܡ ܐ̄ܢܵܐ ܛܘܼܦܣܹ̈ܐ ܘܐ̄ܪ̈ܵܙܹܐ ܕܪܫܡܘ ܟܸܐܢܹ̈ܐ 126 ܘܦܲܪܥ ܐ̄ܢܵܐ ܠܹܗ ܐܓܼܪܐ ܠܝܵܘܢܲܢ ܕܡܝܼܬ ܡܛܠܬܝ. 127 :ܒܝܲܕ ܣܘܼܥܪ̈ܵܢܹܐ ܡܚܵܘܹܐ ܐ̄ܢܵܐ ܠܵܗ̇ ܠܗ̇ܝ ܡܚܬܬܐ 128 ܕܢܚܸܬ ܘܲܣܠܸܩ ܘܐܟܪܙ ܙܟܘܬܝ ܐ̄ܪܙܟܐܝܬ. 129 ܒܐ̄ܪܙܸܐ ܒܠܥܹܗ ܢܘܢܐ ܠܝܘܢܵܢ ܟܕܠܵܐ ܡܝܼܬ 130 ܠܝܼ ܒܣܘܥܵܪܵܢܵܐ ܒܠܥ ܡܵܘܬܵܐ ܘܠܵܐ ܡܚܲܒܸܠ ܠܝܼ. 131 :ܢܪܝܼܡܘܿܢ ܡܸܟܹܝܠ ܬܪ̈ܥܹܐ ܕܲܫܝܘܿܠ ܬܪܥܐ ܩܕܡܝ 132 ܕܥܘܠ ܐܦܩ ܫܒܝܼܵܬܐ ܕܐܵܕܼܵܡ ܡ̣ܢ ܚܲܣܝܼܢܵܐ. 133 :ܐܚܘܼܬ ܒܲܕܡܵܐ ܕܕܝܬܩܹܐ ܚܕܬܐ ܕܩܢܘܿܡܝ 134 ܘܐܫܪܐ ܚܒܝܼ̈ܫܹܐ ܕܚܒ̣ܫ ܡܵܘܬܵܐ ܒܓܘܒܐ ܕܫܝܘܿܠ. 135 ܒܕܸܡܝ ܟܵܬܸܢܵܐ ܘܲܡܚܲܬܸܡ ܐ̄ܢܵܐ ܦܘܼܪܩܵܢ ܐ̄ܢܵܫܵܐ: pb. f.166r 136 ܕܡܵܘܬܵܐ ܗ̄ܘ̣ ܣܵܗܕܵܐ ܕܡܫܪܪ ܠܵܗ̇ ܠܲܕܝܵܬܸܩܹܐ. 137 :ܥܲܠ ܪܸܫ ܩܲܝܣܵܐ ܟܵܬܸܒܢܵܐ ܠܵܗ̇ ܒܲܕܡܵܐ ܕܩܢܘܿܡܝ 138 ܘܡܬܠܚ ܐ̄ܢܐ ܫܛܵܪ ܚܒ̈ܐ ܕܚܒܼܘ ܠܲܚܛܝܼܬܼܵܐ. 139 :ܢܚܸܬ ܡܚܐ ܟܠ ܘܼܥ̣ܡܕ ܒܫܝܘܿܠ ܝܡܐ ܡܝܬܐ 140 ܘܠܩܢܝܼ ܐܸܢܘܿܢ ܚܝܠ ܚܘܬܐ ܠܡ̈ܝܐ ܡܝ̈ܬܐ. 141 :ܒܡܫܒܼܐ ܒܚܲܝܐ ܐܲܙܝܼܥ ܐܸܢܘܿܢ ܠܲܕܠܵܐ ܪܸ̈ܓܼܫܹܐ 142 ܘܫܪܝ ܪ̈ܕܝܢ ܐܠܦܵܐ ܕܡܝ̈ܐܬܐ ܠܘܥܕܵܐ ܕܚܲܝܹ̈ܐ. 143 :ܒܙܘܥ̈ܐ ܕܫܬܩܵܐ ܩܥ̣ܐ ܓܲܢ̄ܒܪܵܐ ܒܡܵܘܬܵܐ ܝܲܥܢܵܐ 144 ܘܐܚܕܹܗ ܓܘܼܢܚܵܐ ܒܛܒܵܐ ܚܲܕܬܵܐ ܕܦܘܼܢܵܝ ܡܝܼ̈ܬܹܐ. 145 :ܗܒܼܠܝ ܫܩܝܼܬܵܐ ܕܒܢܝ̈ ܐܕܵܡ ܕܝܲܗ̣̄ܒܠܟ ܒܝܼܫܵܐ 146 ܟܕܼܘ ܫܥܒܕܬ ܠܒܲܢܲܝ̈ ܚܸܐܕܹ̈ܐ ܒܢܝܼܪܵܟ ܩܲܫܝܵܐ. 147 :ܙܵܥ ܘܐܬܒܠܗܝ ܡܵܘܬܵܐ ܛܪܘܿܢܵܐ ܒܩܵܠ ܦܸܬܓܼܵܡܵܘ̈ܗܝ 148 ܘܐܦܸܩ ܠܘܿܓܕܹܗ ܫܒܝܼܬܼܵܐ ܕܐ̄ܢܵܫܐ ܟܕܠܵܐ ܨ̇ܒܐ. 149 :ܢܦ̣ܩܘ ܐܲܣܝܼܪܹ̈ܐ ܡ̣ܢ ܓܵܘܓܘܼܒܵܐ ܕܠܵܐ ܚܝܘܬܵܐ 150 ܘܐܟܪܸܙܘ ܣܲܒܼܪܵܐ ܕܚ̇ܝܬ ܡܝ̈ܬܐ ܠܲܕܠܵܐ ܣܲܒܼܪܵܐ. 151 :ܣܒܪܬܐ ܚܲܕܬܵܐ ܐܲܝܬܝܼܘ ܡܝ̈ܬܐ ܠܚ̈ܝܐ ܡܝ̈ܬܐ 152 ܘܛܠ̣ܡܘ ܚ̈ܝܐ ܠܩܵܠܵܐ ܚܲܕܬܵܐ ܕܡܲܠܸܠܘ ܡܝܼܬܹ̈ܐ. 153 :ܗܘ̤ܵܘ ܐܝܼܙܓܲܕܹ̈ܐ ܒܩܝܼܪܹ̈ܐ ܕܚܘ ܠܡܝ̈ܬܐ ܚܲܝܹ̈ܐ 154 ܘܐܫܡܥ ܛܸܒܵܐ ܕܩܵܠ ܦܘܼܪܩܵܢܵܐ ܒܐܸܕܢܲܝ̈ ܟܠܢܵܫ. 155 :ܠܩܵܠ ܥܢܝܼܕ̈ܐ ܡܬܢܚܡܝܼܢ ܗ̄ܘ̣̇ܘ ܡܝ̈ܬܐ ܕܥܘ̣ܠܵܐ 156 ܟܲܕ ܚ̇ܙܝܢ ܗ̄ܘ̣ܵܘ ܚܘܼܕܵܬ ܦܓܪܵܐ ܘܦܡܵܝ ܢܲܦܫܵܐ. 157 :ܡܝ̈ܬܐ ܠܡܝܼ̈ܢܬ ܡܫܬܥܝܼܢ ܗ̄ܘ̣ܵܘ ܚܕܬ̇ܐ ܕܗܘ̤ܬ 158 ܕܐܝܟܢ ܚܣܢܹܗ ܡܘܵܬܐ ܠܡܘܬܵܐ ܘܢܚܡ ܡܝܼ̈ܬܹܐ. 159 :ܬܲܗܪܵܐ ܪܲܒܵܐ ܡܸܬܡܠܲܠ ܗ̄ܘ̣ܵܐ ܒܐܲܪܥܵܐ ܕܲܝܗܘܿܕ 160 ܟܕ ܦܓ̇ܥ ܗ̄ܘ̣ܵܐ ܡܝܼܬܵܐ ܒܝܼܚܐ ܕܝ̇ܕܥ ܗ̄ܘ̣ܵܐ ܠܹܗ. 161 :ܠܘ ܥܢܝܼܕܹ̈ܐ ܕܡܝܼܬܘ ܡ̣ܢ ܢܘܓܼܪܐ ܚܵܝܘ ܒܲܨܠܝܼܒܵܐ 162 ܕܟܼܠܢܵܫ ܠܐܲܚܘܼܗܝ ܘܠܒܢܲܝ̈ ܓܸܢܣܹܗ ܡܸܫܬܵܘܕܲܥܘܵܬܐ. 163 :ܠܵܐ ܓܹܝܪ ܢܲܝܲܚܡ ܡ̣ܢ ܩܕܡ̈ܝܐ ܕܪܲܚܝܼܩܝܼܢ ܗ̄ܘ̣ܵܘ 164 ܕܕܠܡܵܐ ܬܕܲܓܸܠ ܥܝܢܵܐ ܕܒܸܣܪܐ ܒܣܵܗܕܘܼܬ ܩܘܼܫܵܬܐ. 165 :ܡܸܢܹܗ ܕܕܪܐ ܕܩܝܡܝܢ ܗ̄ܘ̣ܵܘ ܒܚ̈ܝܐ ܕܬܢܢ 166 ܡܢܹܗ ܐܩܝܼܡ ܕܢܗܘܘܿܢ ܣܗܕ̈ܐ ܕܟܼܵܪܘܿܙܘܼܬܹܗ. 167 :ܐܘܿ ܓܢ̄ܒܪܐ ܕܢܚܸܬ ܠܫܝܘܿܠ ܒܐܹܘܪܚܵܐ ܕܟܼܠܢܵܫ 168 ܘܦܣܒܗ̇ ܠܐܘܪܚܐ ܕܡܪܕܝܼܬ ܐ̄ܢܫ̈ܐ ܕܠܒܹܝܬ ܡܝ̈ܬܐ. 169 :ܐܘ ܠܩܒܝܼܪܵܐ ܕܒܠܥܹܐ ܡܵܘܬܵܐ ܘܠܵܐ ܐܸܬܚܒܲܠ 170 ܐܘܿ ܦܓܪܢܐ ܕܠܵܐ ܐܬܪܦܝܼ ܪܝܟܼܵܒ ܦܓܼܪܹܗ. 171 :ܐܘ ܐܬܠܝܵܛܐ ܕܐܚܲܕ ܕܲܪܵܐ ܥܲܡ ܚܲܣܝܼܢܵܐ 172 ܘܐܣܒܪ ܕܢܦ̣ܠ ܘܗܦܟ ܣܲܚܦܹܗ ܘܐܩܝܼܡ ܓܸܬܣܹܗ. 173 :ܢܦ̣ܠ ܐܲܝܟ ܕܨܒܼܵܐ ܒܦܓܼܪܐ ܘܢܲܦܫܵܐ ܐܲܝܟ ܚܲܝܒܹ̈ܐ 174 ܘܩܡ ܘܐܬܢܚܡ ܘܐܩܝܼܡ ܦܲܓܼܪܵܐ ܘܚܲܪܪ ܢܲܦܫܵܐ. 175 :ܒܗܵܕܹܐ ܬܢܘܝ ܐܸܚܲܕ ܕܲܪܵܐ ܥܲܡ ܚܲܣܝܼܢܵܐ 176 ܕܒܙܟܘܼܬܹܗ ܢܚܲܪܪ ܓܸܢܣܹܗ ܡ̣ܢ ܥܲܒܼܓܘܼܬܼܵܐ. 177 :ܒܡܵܘܬܹܗ ܚܣܢܹܗ ܚ̇ܣܢ ܟܠܐ ܡܚܐ ܠܟܠܐ 178 ܒܗ̇ܘ ܡܵܐ ܕܣܒܪ ܕܚܵܝܒܼ ܐ̄ܢܵܫܵܐ ܒܗ ܐܸܫܬܦܠ. 179 ܒܡܵܘܬܵܐ ܟܬܲܒܼܘ ܠܹܗ ܫܛܪ ܥܲܒܼܕܘܼܬܵܐ ܐܵܕܼܵܡ ܘܲܒܢ̈ܘ: ؟؟؟ 180 ܘܲܒܝܲܕ ܡܵܘܬܵܐ ܚܲܪܲܪ ܐܵܕܼܵܡ ܠܐܕܡ ܘܲܒܼܢܵܘ̈ܗܝ. 181 :ܡܝܼܬ ܡܝܘܬܵܐ ܐܵܕܼܵܡ ܕܲܬܪܹܝܢ ܡܸܛܠ ܐܵܕܼܵܡ 182 ܘܩܡ ܒܲܪ ܐܕܡ ܘܐܚܼܝ ܠܐܵܕܼܵܡ ܘܠܝܠܕ̈ܬܹܗ. 183 :ܡܝܬܼ ܦܓܼܪܢܐ ܕܡܪܟܸܒ ܗ̣ܵܘܐ ܒܥܪ̈ܩܝ ܪܘܼܚܵܐ 184 :ܘܩܡ ܘܐܬܢܚܲܡ ܒܚܹܝܠ ܐܘܼܡܵܢܵܐ ܕܣܲܬܪܗ ܘܲܒܢ̣ܵܝܗܝ 185 :ܒܢܘܼܚܵܡ ܦܓܼܪܹܗ ܚܕܝܼܘ ܐܪ̈ܥܢܐ ܘܫܡܝ̈ܢܹܐ 186 ܘܐܦܨܲܚ ܐܸܢܘܿܢ ܕܟܼܡܝܼܪܝܼܢ ܗ̣̄ܘܵܘ ܡܛܠ ܡܵܘܬܹܗ. 187 :ܚܕܝܼܘ ܪ̈ܘܚܢܹܐ ܕܲܙܟܼܵܐ ܒܡܵܘܬܹܗ ܠܡܵܘܬܼܵܐ ܝܲܥܢܵܐ 188 ܘܢܚܸܬܘ ܙܚܘ ܦܓܼܪܗ ܒܩܲܒܼܪܵܐ ܐܲܝܟ ܙܟܲܝܵܐ. 189 :ܗܝܟܠ ܡܲܠܟܵܐ ܥܒܼܝܼܕ ܗ̣̄ܘܵܐ ܦܓܼܪܹܗ ܠܫܡܝܢܹ̈ܐ 190 ܘܡܲܗܠܠܝܼܢ ܗ̣̄ܘܵܘ ܩܵܠ ܙܵܟܘܬܵܐ ܠܚ̇ܣܢ ܡܵܘܬܵܐ. 191 ܫܘܼܒܼܚܵܐ ܩܥ̣ܘ ܠܹܗ ܟܲܕ ܣܵܠܸܩ ܗ̄ܘ̣ܵܐ ܡ̣ܢ ܓܵܘ ܩܲܒܼܪܵܐ: pb. f.166v 192 ܒܪܝܼܟ ܕܒܼܡܘܬܹܗ ܩܛܠܗ ܠܡܵܘܬܼܵܐ ܕܚܸܒܼܠ ܐ̄ܢܵܫܵܐ. 193 :ܟܡܝܼܪܝܼܢ ܗ̄ܘ̣ܵܘ ܛܵܒܼ ܥܲܠ [...]ܘܼܢܵܕܢܹܗ ܐܲܝܟ ܕܥܲܠ ܡܲܠܟܵܐ 194 ܘܐܠܒܸܫ ܐܢܘܿܢ ܓܘܢܐ ܦܲܐܝܵܐ ܒܝܘܿܡ ܢܘܼܚܵܡܹܗ. 195 :ܒܝܲܕ ܚܘܪ̈ܐ ܚܘܼܝ ܐܢܘܿܢ ܠܲܫܡܲܝܵܢܹܐ 196 ܕܢܲܠܸܦ ܐܸܢܘܿܢ ܥܲܠ ܚܘܼܕܵܬܵܐ ܕܗܵܘܹܐ ܒܐܝܼܕܵܘ̈ܗܝ. 197 :ܚܙܵܬܵܐ ܕܬܲܗܪܵܐ ܚܵܘܝܼ ܥܝܼܪܹ̈ܐ ܠܐܪ̈ܥܢܝܐ 198 ܠܒܼܘܫܵܐ ܦܐܝܵܐ ܕܠܒܼܫܝܼܢ ܦܓܼܪ̈ܐ ܒܝܘܿܡ ܢܘܼܚܵܡܵܐ. 199 :ܒܝܲܕ ܦܐܝܘܬܵܐ ܕܠܒܘܫܝ̈ܗܘܢ ܐܠܦ ܐܸܢܘܿܢ 200 ܕܒܐܬ̤ܐ ܕܫܲܝܢܵܐ ܙܪܲܥ ܒܐܕܢܲܝ̈ܗܘܿܢ ܩܵܠ ܦܘܼܪܩܵܢܵܐ. 201 :ܡ̇ܢ ܒܲܥܝܵܬ̇ܝܼܢ ܚܲܝܵܐ ܒܡܝܼ̈ܬܹܐ ܠܢܫ̈ܐ ܐܸܡ̣ܪܘ 202 ܬܚܸ̈ܝܢ ܕܩܡ ܘܐܸܬܢܲܚܲܡ ܘܚܲܣܢܹܗ ܠܡܵܘܬܵܐ. 203 :ܥܲܓܸܠܘ ܟܹܐܦܵܐ ܡ̣ܢ ܦܘܼܡ ܩܲܒܼܪܵܐ ܒܪܸܡܙܵܐ ܟܣܝܵܐ 204 ܘܦܬܚ̣ܘ ܬܲܪܥܵܐ ܩܕܵܡ ܥܝܢܝܗܹ̈ܝܢ ܘܥܵܠܹܝ̈ܢ ܘܲܚܙ̈ܝ. 205 :ܠܡ̇ܢ ܟܲܝ ܫܩܠܘܼܗ̇ ܥܝܼܪܹ̈ܐ ܠܟܹܐܦܵܐ ܕܛܒܼܝܵܥܐ ܗ̣̄ܘܵܬ 206 ܕܥܣܩܐ ܗ̣̄ܘܵܬ ܠܹܗ ܠܐܟܐ ܡܘܬܐ ܕܥܪܝܼܡ ܟܹܐܦܵܐ. 207 :ܗܵܐ ܢܘܼܚܡܵܐ ܕܥܣܸܩ ܣܲܓܝܼ ܒܪܸܡܙܵܐ ܣܲܥܪܹܗ 208 ܘܐܝܟܵܢ ܟܐܦܵܐ ܕܦܫܝܼܩܵܐ ܗ̣̄ܘܵܬ ܠܵܐ ܐܲܪܝܼܡܵܗ̇. 209 :ܦܓܼܪܹܗ ܦܠܸܛ ܡ̣ܢ ܦܘܼܡ ܡܵܘܬܵܐ ܐܪܝܵܐ ܪܗܝܼܒܼܵܐ 210 ܘܟܹܐܦܵܐ ܕܫܝܼܛܵܐ ܩܪܵܐ ܪ̈ܘܚܢܹܐ ܕܲܢܪܝܼܡܘܼܢܵܗ̇. 211 :ܠܵܐ ܥܣܩܵܐ ܗ̣̄ܘܵܬ ܠܗ̇ܘ ܦܘܼܩܕܢܵܐ ܕܢܲܚܸܡ ܦܲܓܼܪܹܗ 212 ܕܢܪܝܼܡ ܟܹܐܦܵܐ ܐܦܲܝ̈ ܬܲܪܥܵܐ ܘܐܲܣܸܢ ܢܸܦܘܿܩ. 213 :ܡܛܠ ܥܲܝܢܵܐ ܕܦܓܪ̈ܢܝܹܐ ܫܲܩܠܵܗ̇ ܠܟܹܐܦܵܐ 214 ܕܢܸܚܙܘܿܢ ܩܲܒܼܪܵܐ ܘܡܐܢܲܝ̈ ܦܓܼܪܐ ܘܢܩܢܘܿܢ ܣܲܒܼܪܵܐ. 215 :ܠܫܘܼܪܵܪ ܐ̄ܢܫܐ ܦܬܚܹܗ ܠܩܲܒܼܪܵܐ ܩܕܼܵܡ ܚܙ̈ܝܐ 216 ܕܠܵܐ ܢܸܬܦܠܓܘܿܢ ܥܲܠ ܢܘܼܚܵܡܹܗ ܕܕܲܠܡܵܐ ܠܵܐ ܩܵܡ. 217 :ܕܩܡ ܫܲܪܝܼܪܵܐ ܗ̄ܝ̣ ܘܗܵܕܹܐ ܕܢܝܼܚܵܐ ܛ̇ܒܼ ܡ̣ܢ ܫܸܡܫܵܐ 218 ܘܣܗ̇ܕ ܪܗܛܵܐ ܕܟܵܪܘܿܙܘܼܬܹܗ ܠܐܪ̈ܒܲܠܦܸܢܚܵܢ. 219 :ܘܟܲܕ ܛܵܒܼ ܓܠܝܵܐ ܩܝܵܡܬܹܗ ܠܟܼܠܵܐ ܒܝܲܕ ܣܘܼܥܪ̈ܵܢܹܐ 220 ܠܥܛܠܝ̈ ܠܸܒܵܐ ܘܣܡܚ̈ ܢܦܫܵܐ ܠܵܐ ܫܪܝܼܪܵܐ. 221 :ܕܩܡ ܘܐܬܢܚܲܡ ܗܵܐ ܬܲܚܘܼܝܵܬܐ ܕܪܲܒܘܼܬ ܚܲܝܠܹܗ 222 ܕܒܛܠ ܛܘܥܝܲܝ ܘܫ̣ܪܐ ܦܟܵܪܹ݁ܐ ܕܡܝܘܬܘܬܐ. 223 :ܩܡ ܠܬܠܬܵܐ ܘܠܵܐ ܬܐܕܓܠ ܫܘܼܘܕܵܝ ܡܸܠܵܘ̈ܗܝ 224 ܘܫܡܠܝܼ ܐ̄ܪܙܐ ܕܨܪ ܒܲܪ ܡܲܬܲܝ ܒܟܲܪܣܐ ܕܒܘܼܢܵܐ. 225 :ܬܠܵܬܵܐ ܝܵܘܡܝܼ̈ܢ ܗܘ̣ܐ ܒܲܬܗܘܿܡ̈ܐ ܢܒܝܼܵܐ ܒܐ̄ܪܙܵܐ 226 ܘܓܡ̇ܪ ܐ̄ܪܙܵܐ ܬܠܬܐ ܝܵܘܡܝܼ̈ܢ ܒܝܲܕ ܣܘܼܥܪ̈ܢܹܐ. 227 :ܒܝܘܢܢ ܐ̄ܪܙܐ ܕܡܝܼܬ ܟܲܕ ܠܵܐ ܡܝܼܬ ܘܦܫ̣ܐ ܠܝܲܚܹ̈ܐ 228 ܘܗܪܟܐ ܥܒܕܐ ܕܡܝܼܬ ܒܲܫܪܪܵܐ ܘܠܵܐ ܐܸܬܼܒܲܠ. 229 :ܣܠܸܡ ܒܲܪ ܡܲܬܲܝ ܡ̣ܢ ܓܵܘ ܝܲܡܵܐ ܐܲܝܟ ܡ̇ܐ ܕܢܚܸܬ 230 ܘܨܵܪܬܚܘܼܝܵܬܐ ܕܡܵܘܬܵܐ ܘܚܲܝܹ̈ܐ ܘܦܘܼܢܝܵ ܥܲܡܡܹ̈ܐ. 231 :ܒܗܵܕܹܐ ܬܢܘܝ ܫܲܕܪܹܗ ܪܸܡܙܵܠ ܒܬܲܪ ܥܲܡܡܹ̈ܐ 232 ܕܢܨܘܪ ܐ̄ܪܙܐ ܕܗܵܕܹܐ ܕܗܘ̤ܵܬ ܒܫܘܼܠܵܡ ܙܲܒܼܢܹ̈ܐ. 233 :ܐܵܦ ܪܹܫܝܼܬܵܐ ܕܚܠܦ ܟܠ ܡܝܬܼ ܡܛܠ ܟܠܐ 234 ܘܩܡ ܘܐܬܢܚܲܡ ܘܐܟܪܸܙ ܚܝ̈ܐ ܠܥܲܡܵܐ ܘܥܲܡܡܹ̈ܐ. 235 :ܢܦܲܩ ܡ̣ܢ ܒܲܒܼܪܵܐ ܘܲܫܒܲܩ ܢܲܚܬܵܘ̈ܗܝ ܐܲܝܟ ܣܗܕܘܵܬܼܵܐ 236 ܕܫܠܚܵܗ̇ ܡܸܟܹܝܠ ܠܡܝܘܬܘܼܬܼܵܐ ܘܲܠܒܸܫ ܫܘܼܒܼܚܵܐ. 237 :ܬܲܪܬܹܝܢ ܐܘܕܲܥ ܒܢܚ̈ܬܐ ܕܫܒ̣ܩ ܐܲܝܟ ܝܵܕܘܿܥܵܐ 238 ܕܠܗ ܠܵܐ ܚܵܫܚܝܼܢ ܘܗ̇ܘܝܢ ܣܵܗܕܹ̈ܐ ܠܘܵܬ ܛܵܠܘܡܹ̈ܐ. 239 :ܓܠܝܵܐ ܗ̣̄ܘܵܬ ܠܹܗ ܠܛܘܿܡܘܼܬܼܵܐ ܕܒܢܲܝ̈ ܝܲܥܩܘܿܒܼ 240 ܕܡܚܦܝܼܢ ܠܵܗ̇ ܒܡܹܐ ܟܲܠܩܪܨܵܐ ܠܣܝܡܲܬܼ ܢܲܚܬܵܘ̈ܗܝ. 241 :ܒܢܚ̈ܬܐ ܕܫܒܲܩ ܦܪܣܝܼ ܢܟܼܠܵܐ ܕܪ̈ܥܝܢܝܗܘܿܢ 242 ܕܐܝܟܵܢ ܐܲܪܦܝܼܘ ܢܚܬ̈ܐ ܒܩܲܒܼܪܵܐ ܐܓܢܒܲܝ̈ ܦܓܼܪܹܗ. 243 :ܒܡܘܼܪܵܐ ܘܥܠܘܝ ܚܢܝܼܛ ܗ̄ܘ̣ܐ ܦܓܼܪܗ ܘܣܝܼܡ ܒܙܗܝܼܪܘ 244 :ܘܠܫܩܘܠܵܘ̈ܗܝ ܒܢܚ̈ܬܐ ܦܫܝܼܩ ܗ̄ܘ̣ܵܐ ܕܲܢܫܫܘܼܢܵܝ̈ 245 :ܐܸܢ ܕܹܝܢ ܓܲܢܒܘܼܗܝ ܐܲܝܟ ܥܪ̈ܘܩܐ ܠܒܝܼܫܝ̈ ܩܢܛܵܐ 246 ܐܝܟܵܢ ܦܲܪܩܸܘ ܘܟܪܟܼܘ ܢܚܬ̈ܐ ܒܲܒܼܗܝܼܠܘܼܬܵܐ. 247 ܚܣܡܵܐ ܥܟܝܪܐ ܣܡܝܼ ܐܢܘܢ ܠܐܟܠܝ̈ ܩܪܨܐ: pb. f.167r 248 ܘܠܵܐ ܐܬܒܩܝܼܘ ܒܢܘܼܗܪܵܐ ܓܠܝܵܐ ܕܦܘܼܚܡ ܦܲܓܼܪܹܗ. 249 :ܒܢܚܬܐ ܕܟܸܣܦ̇ܐ ܨܒܼܘ ܕܢܟܣܘܢ ܠܪܵܪܘܿܙܘܼܬܹܗ 250 ܘܬܠܚܗ ܠܢܚ̇ܬܐ ܕܙܩܪ ܢܟܼܠܐ ܘܠܐ ܩܘܿܪ̈ܵܘܗܝ. 251 :ܒܟܣܦܵܐ ܙܒܢܘܼܗ̇ ܡ̣ܢ ܝܼܗܘܕܵܐ ܠܥܒܕܘܼܬ ܡܵܘܬܵܐ 252 ܘܡ̣ܢ ܕܐܬܢܚܡ ܛܠܡܘ ܢܘܚܡܹܗ ܒܘܣܦܐ ܢܟܼܝܵܠܐ. 253 :ܘܡܵܢܵܐ ܢܥܒܕ ܟܸܣܦܵܐ ܢܟܝܼܠܵܐ ܠܩܘܼܫܬܐ ܓܠܝܵܐ 254 ܟܕ ܡܬܡܠ݂ܲܐ ܐܲܝܟ ܟܵܪܘܿܙܵܐ ܒܦܘܼܡ ܫܲܬܝܼܩܹ̈ܐ. 255 :ܟܐܦ̈ܐ ܘܩܒܪ̈ܐ [...]ܐܦܝ̈ ܬܲܪܲܥܐ ܩܥ̣ܵܘ ܠܲܡܠܝܼ̈ܠܹܐ 256 ܕܩܘܡܘ ܛܒܝܼ̈ܥܐ ܘܩܒܸܠܘ ܣܒܼܪܐ ܕܚ̇ܝܬ ܡܝܼ̈ܬܹܐ. 257 :ܘܐܸܢ ܫܬܝܩ̈ܐ ܘܕܠܵܐ ܦܘܼܡܵܐ ܩܥ̣ܵܘ ܙܟܘܬܹܗ 258 ܒܛܝܼܠ ܡܕܹܝܢ ܢܟܼܠܹܗ ܕܟܸܣܦܵܐ ܘܠܵܐ ܡܢܗܝܡܢ. 259 :ܡܠܝܼ̈ܠܹܐ ܘܚܪ̈ܫܹܐ ܣܗ̈ܕܐ ܗܘ̣ܘ ܠܹܗ ܠܘܵܬ ܛܠܘܿܡܹ̈ܐ 260 ܘܐܪܡܝܼܘ ܐܝܕܵܐ ܒܕܝܬܩܹܐ ܕܡܘܬܹܗ ܘܚܲܝܵܘ̈ܗܝ. 261 :ܣܦܪܐ ܡܗܝܼܪܵܐ ܘܚܲܝܵܠܬ ܕܪܘܼܚܵܐ ܫܸܡ ܙܟܼܘܬܐ 262 ܝܗ̣ܒ ܬܚܘܼܝܼܬܵܐ ܒܐܦܝ̈ ܬܲܪܥܵܐ ܕܣܕܩܹܗ ܠܲܬܪܹܝܢ. 263 :ܘܚܵܘܝܼ ܕܫܒܸܩܹܗ ܠܗܝܟܠ ܕܒܼܚܵܐ ܕܚܘܣܵܝ ܥܡܐ 264 ܘܠܵܐ ܬܘܼܒܼ ܨ̇ܒܐ ܒܕܡܵܐ [...]ܢܓܠܹܐ ܠܬܪܥܘܼܬ ܐ̄ܢܵܫܵܐ. 265 :ܒܐܦܝ̈ ܬܪܥܵܐ ܓ̣ܠܐ ܠܘܼܚܵܡܹܗ ܕܥܲܠ ܡܪ̈ܚܹܐ 266 ܕܐܸܢ ܫܲܬܝܼܩܵܐ ܒܠ̣ܥ ܘܫܐܬܲܩ ܟܡܵܐ ܡܲܠܠܹ̈ܐ 267 :ܢܓܼܕܐ ܕܪܘܓܼܙܐ ܚܝܒܼܵܐ ܗ̣̄ܘ̈ܬ ܦܪܘܿܫܘܼܬܵܐ 268 ܘܐܪܝܼܡ ܫܒܼܛܐ ܘܡ̣ܚܐ ܠܢܝ̇ܬܐ ܚܠܵܦ ܪܸܥܝܵܢܵܐ. 269 :ܚܡܠܹܗ ܠܣܝܦܵܐ ܕܓܼܙܪ ܕܝܼܢܹܗ ܠܓܼܘ ܡ̣ܢ ܪ̈ܲܚܡܵܘܗܝ 270 ܘܐܪܝܼܡ ܐܝܕܗ ܕܢܚܬ ܫܒܛܹܗ ܘܟܼܠܝܗܝ ܚܘܼܒܹܗ. 271 :ܠܵܐ ܬܒ̇ܥ ܐ̄ܢܐ ܥܝܪܬܵܐ ܕܡܘܬܹܗ ܐܲܝܟ ܚܝܒܹ̈ܐ 272 ܕܠܵܐ ܦܐܝܵܐ ܗ̣̄ܘܵܬ ܠܡܚܐ ܐ̄ܢܫ̈ܐ ܕܢܵܘܒܸܕ ܐ̄ܢܫ̈ܐ. 273 :ܠܚ̈ܝܹܐ ܕܐ̄ܢܫ̈ܐ ܐܡ̣ܪ ܕܐܸܬܲܝܬ ܠܵܘ ܠܐܒܕܢܵܐ 274 ܘܫܪܪ ܐܢܹܝܢ ܠܒܢ̈ܬ ܩܵܠܵܘ̈ܗܝ ܒܝܲܕ ܣܘܼܥܵܪ̈ܵܢܵܘܗܝ. 275 :ܡܝܼܬ ܡܛܠ ܟܠ ܘܐܚܝܼ ܠܟܼܠܐ ܐܝܟ ܕܐܫܬܘܕܝܼ 276 ܘܫܡܠܝܼ ܘܓܼܡܪ ܣܥܘܿܪܘܼܬܼܵܐ ܕܚܠܦ ܟܠܐ. 277 :ܡܝܼܬ ܒܟܼܝܢܹܗ ܐܵܕܼܵܡ ܕܲܬܪܹܝܢ ܠܦܘܼܬ ܡܝܘ̈ܬܐ 278 ܘܙܩܦ ܥܲܡܹܗ ܡܝܘܬܘܬܐ ܘܐܲܚܝܵܗ̇ ܒܚܲܝܵܘ̈ܗܝ. 279 :ܝܗ̣ܒ ܒܢܝܢܵܐ ܕܗܝܟܠ ܦܓܼܪܬ ܕܣܲܬܪܘܼܗܝ ܒܝܼ̈ܫܹܐ 280 ܘܫܲܟܸܠܸܠ ܘܲܒܼܢܵܝܗܝ ܡܸܠܬܹܗ ܕܐܲܒܼܵܐ ܐܲܝܟ ܫܘܼܘܕܵܝܹܗ. 281 :ܢܚܬ ܒܟܝܢܵܐ ܡܘܠܸܕ ܚܫ̈ܐ ܘܥ̣ܡܕ ܒܫܝܘܿܠ 282 ܘܐܣܸܩ ܥܡܹܗ ܨܝܕܵܐ ܕܐ̄ܢܫ̈ܐ ܠܚܝ̈ܐ ܚܕ̈ܬܹܐ. 283 :ܬܪܥܹܗ ܠܒܘܼܪܐ ܕܒ̣ܢܐ ܡܵܘܬܵܐ ܒܐܦܲܝ̈ ܡܝܼ̈ܬܐ 284 ܘܕܪܲܫ ܐܘܼܪܚܵܐ ܠܡܵܝܘܿܬܘܼܬܼܵܐ ܠܘܵܬ ܚܲܝܘܼܬܵܐ. 285 :ܐܲܪܝܼܡ ܩܠܹܗ ܐܝܟ ܪܒ ܚܝܠܐ ܩܕܼܵܡ ܦܠܚ̈ܘܗܝ 286 ܕܩܘܼܡܘ ܘܐܬܠܒܲܒܼܘ ܕܐܢܵܐ ܙܟܝܬܹܗ ܠܡܘܵܬܐ ܘܒܝܼܫܵܐ. 287 :ܐܸܢܵܐ ܐܚܕܸܬ ܕܲܪܐ ܟܣܝܵܐ ܒܦܲܓܼܪܵܐ ܓܲܠܝܵܐ 288 ܘܲܠܚܣܝܼܢܵܐ ܙܟܹܝܬ ܒܐܵܓܼܘܿܢܵܐ ܘܒܙ̇ܬ ܥܘܼܬܪܹܗ. 289 :ܕܝܼܢܵܐ ܟܸܐܢܵܐ ܐܡ̇ܪܬ ܥܲܡܹܗ ܩܕܼܵܡ ܕܝ̇ܢܐ 290 ܘܟܸܢ ܚܝܒܬܗ ܕܥܘ̇ܠܐܝܼܬ ܫܒܹܐ ܠܹܗ ܓܸܢܣܲܢ. 291 :ܫܛܵܪܐ ܕܥܘܼܠܵܐ ܐܦܸܩ ܚܵܘܝܼ ܩܕܼܵܡ ܢܵܡܘܿܣܹ̈ܐ 292 ܕܠܵܐ ܡܚܬܡ ܗ̄ܘ̣ܵܐ ܒܐܪܡܝܼ ܐܝܼܕܼܵܐ ܕܣܗ̈ܕܐ ܒܚܝܼܪܹ̈ܐ. 293 :ܘܟܲܕ ܐܬܥܓܝܲܬ̤ ܕܲܓܵܠܘܼܬܼܵܐ ܕܟܣܝܵܐ ܒܡܸܠܵܘ̈ܗܝ 294 ܓ̣ܥܪ ܒܹܗ ܡܲܠܟܵܐ ܘܦ̣ܩܕ ܘܫܕܝܗܝ ܠܐܟܣܘܼܪܝܼܵܐ. 295 :ܡܸܟܹܝܠ ܕܙܟ̇ܝܬ ܘܚܒܼ ܚܲܣܝܼܢܵܐ ܣܢܹܐܗ ܕܓܸܢܣܲܢ 296 ܡܫܘܬ̤ܦܢܐ ܒܗ̇ ܒܪܒܘܼܬ ܙܟܘܼܬܝ ܐܵܦ ܠܟܢܘ̈ܬܝ. 297 :ܚܝܠܐ ܕܚ̈ܝܹܐ ܡܝܘܿܬ̈ܐ ܝܲܗ̣̄ܒ ܠܝܼ ܪܘܼܚܵܐ 298 ܒܹܗ ܡܙܝܢ ܐ̄ܢܵܐ ܠܚܵܫܘܿܫܘܼܬܼܵܐ ܠܘܼܩܒܲܠ ܚܲܫܹ̈ܐ. 299 :ܗܵܐ ܚܫܝܼܠ ܙܝܥܵܐ ܪܘܚܢܝܵܐ ܠܒܣܪ̈ܢܝܐ 300 ܠܒܫܘ ܡܝܘܬ̈ܐ ܘܐܩܪܸܒܘ ܘܲܙܟ̣ܵܘ ܪܘܼܚܵܢܵܐܝܼܬ. 301 :ܒܓܼܙܪ ܕܝܼܫܵܐ ܕܡܵܘܬܐ ܚܒܼܢܘܢ ܘܐܬܡܫܟܫܬܘܢ 302 ܬܵܘ ܣܒܼܘ ܡܓܲܢ ܫܛܪ ܚܘܒ̈ܝܟܘܢ ܘܲܩܢܵܘ ܚܲܝܹ̈ܐ. 303 ܒܡܵܘܬܵܐ ܕܲܩܢܘܿܡܝ ܕܫܬܹܗ ܠܡܵܘܵܢܬ ܕܚܒܠ ܐ̄ܢܫ̈ܐ: pb. f.167v 304 ܘܒܝܲܕ ܙܟܼܘܬܝ ܚܵܒܼ ܘܐܬܦܪܣܝܼ ܪܫܵܐ ܕܐܵܐܲܪ. 305 :ܐܘ ܙܟܘܬܵܐ ܕܟܕ ܡܸܙܕܟܝܐ ܙܟܬ̤ ܠܛܪ̈ܘܢܐ 306 ܐܘ ܡܦܘܠܵܬܐ ܕܦܓܼܪܢܝܵܐ ܕܢܦ̣ܠ ܘܐܲܩܝܼܡ. 307 :ܢܦ̣ܠ ܡܝܘܬܵܐ ܗܝܟܠ ܒܣܪܐ ܕܒܹܢܐ ܒܪܘܼܚܵܐ 308 ܘܚܕܸܬ ܘܒܢ̣ܝܗܝ ܨܒܼܝܵܢ ܡܲܠܵܟܵܐ ܕܥܡ̇ܪ ܗ̄ܘ̣ܵܐ ܒܹܗ. 309 :ܡܢ̣ܘ ܕܢܦ̣ܠ ܬܚܬܝܼ ܡܵܘܬܵܐ ܪܚܡܝ ܡܘܬܼܵܐ 310 ܘܐܝܫܵܘ ܕܦܪܥ ܫܛܪ ܚܒ̈ܐ ܐܲܝܟ ܚܲܝܵܒܼܵܐ. 311 :ܕܡܲܢܘܼ ܡܵܘܬܼܵܐ ܕܡܝܼܬܼ ܒܲܟܼܝܵܢܵܐ ܘܩܡ ܒܫܪܪܐ 312 ܕܡ̇ܢ ܗ̣ܝ ܩܝܵܡܬܼܵܐ ܕܐܵܦ ܫܬܝܼ̈ܩܹܐ ܗܘ̤ܘ ܟܪ̈ܘܙܹܝܗ̇. 313 :ܓ̣ܠܘ ܠܲܡ ܢܝܼܫܵܐ ܕܪܸ̈ܥܝܢܲܝܟܘܿܢ ܕܢܚܫܐ ܠܩܘܼܒܼܠܹܗ 314 ܠܡ̇ܢ ܨܵܒܹ̇ܝܬܘܿܬ ܕܬܸܩܪܘܿܢ ܡܚܵܬܐ ܕܙܟܼܵܐ ܠܡܵܘܬܵܐ. 315 :ܠܐܝܢܵܐ ܟܝܢܵܐ ܠܚܲܡ ܚܲܫܵܐ ܐܵܦ ܙܟܘܬܵܐ 316 ܓܠ̣ܘ ܘܒܕܸܩܘ ܠܲܢ ܐܘܿ ܒܚܘܿܪܹ̈ܐ ܕܫܲܪܝܼܪ̈ܬܵܐ. 317 :ܘܐܸܢܗܘ̤ ܕܡܸܠܬܼܵܐ ܝܲܠܕܹܗ ܕܐܲܒܼܵܐ ܚܲܫ ܒܟܼܝܵܢܹܗ 318 ܡܕܝܢ ܟܝܢܲܢ ܠܵܐ ܚܲܫ ܥܲܡܹܗ ܒܡܵܘܬܵܐ ܕܝܵܬܹܗ. 319 :ܘܐܸܢܗܘ̤ ܕܠܵܐ ܡܝܼܬ ܘܐܦ ܐܬܢܲܚܲܡ ܟܝܵܢܲܢ ܫܝܼܛܵܐ 320 ܡܕܝܢ ܕܓܠ ܘܣܪܝܼܩ ܣܲܒܼܪܵܐ ܕܚ̇ܝܬ ܡܝܼܬܹ̈ܐ. 321 :ܐܢ ܠܟܝܼܢܵܬ ܠܵܐ ܚܵܫܘܿܫܵܐ ܒܠ݂ܲܥ ܗ̄ܘ̣ܵܐ ܡܵܘܬܐ 322 ܐܝܟܢ ܟܝ ܚܫ ܒܗ ܒܟܝܢܹܗ ܐܵܘ ܒܲܟܼܝܢܲܢ. 323 :ܐܸܢ ܒܟܝܢܹܗ ܛܥܡܹܗ ܠܚܲܫܵܐ ܗܕܐ ܕܪܘܫܥܵܐ ܗ̣̄ܝ 324 ܟܠܹܗ ܟܲܝ ܚܲܫ ܐܘ ܒܡܢܬܐ ܚܲܫ ܘܐܸܬܢܣܝܼ. 325 :ܘܗܵܐ ܠܲܝܬ ܡܕܡ ܕܠܵܘ ܚܫܘܿܫܵܐ ܗ̄ܘ̣ ܐܘ ܚܵܫܘܿܫܵܐ ܗ̄ܘ̣ 326 ܕܡܸܢܹܗ ܚܐܸܫ ܘܡܸܢܹܗ ܡܩܵܘܹܐ ܕܠܵܐ ܫܘܼܠܡܵܬܐ. 327 :ܐܸܢ ܝܼܚܝܼܕܵܐ ܢܦ̣ܠ ܒܟܼܝܢܹܗ ܬܚ̈ܬܝ ܡܵܘܬܵܐ 328 ܡܕܹܝܢ ܦܣܩܗ̇ ܠܐ ܡܝܼܢܘܼܬܼܵܐ ܕܫܸܡ ܐܝܼܬܘܼܬܼܵܐ. 329 :ܘܐܢܗܘ̤ ܕܢܦ̣ܠ ܐܲܝܟ ܡܠܬܘܘܿܢ ܠܵܘ ܐܲܝܟ ܕܝܼܠܲܢ 330 ܡ̇ܢ ܐܲܩܝܼܡܹܗ ܡ̣ܢ ܡܦܘܠܬܹܗ ܘܝܲܗ̄ܒ̣ܠܗ ܚܲܝܹ̈ܐ. 331 :ܕܗܘ̤ ܠܩܢܘܡܹܗ ܢܩܲܝܡ ܢܦܝܠܵܬ ܗܕܐ ܥܲܣܩܵܐ ܗ̣̄ܝ 332 ܘܕܐܚܪܝܢ ܢܩܝܼܡܝܼܘܗܝ ܣܢܝܼܩܵܐ ܐܝܼܬܵܘܗܝ ܐܵܦ ܚܲܣܝܼܪܵܐ. 333 ܐܢܗܘ̤ ܕܪܘܼܚ̇ܐ ܘܚܲܝܠܹܗ ܕܐܲܒܼܵܐ ܬܪܨܡܲܦܘܼܠܠܹܗ. 334 ܗܵܐ ܐܬܚܙܝܲܬ̤ ܕܣܓܝܼ ܡܬܚܬܲܝ ܡ̣ܢ ܐܝܼܬܘܼܬܼܵܐ. 335 :ܘܐܢܗܘ̤ ܕܒܨܝܼܪ ܡ̣ܢ ܐܝܼܬܘܼܬܼܵܐ ܠܘܵ ܐ̄ܢܐ ܐܡ̇ܪܸܬ 336 ܠܡ̇ܢ ܢܨܝܢܲܢ ܥܲܡ ܐܪܝܼܘܿܣ ܐܲܝܟ ܢܘܟܼܪܵܝܵܐ. 337 :ܡܛܠܗܵܕܹܐ ܛܪܕܬܹܗ ܥܕܬܵܐ ܠܒܲܪ ܡ̣ܢ ܬܪ̈ܥܹܝܗܝ 338 ܕܡܙܥܲܪ ܠܲܒܼܪܐ ܘܡܬܚܬܐ ܠܹܗ ܡ̣ܢ ܝܵܠܘܕܹܝܗ. 339 :ܘܐܸܢ ܗܵܟܲܢܵܐ ܗ̄ܝ̣ ܗܵܕܹܐ ܕܥܘ̣ܠܐ ܗ̄ܘ̣ ܠܡܐܡܲܪ ܗܵܟ̣ܵܢ 340 ܓܕܘܼܠܘ ܠܹܗ ܟܠܝܼܠܵܐ ܠܡܬܪܓܡܢܐ ܕܫܲܦܝܼܪ ܬܲܪܓܸܡ. 341 :ܠܟܼܘܿܢ ܗ̄ܘ̣ ܐܸܡ̇ܪܬ ܕܣܥܘܿܪܘ ܗܵܕܹܐ ܚܢܲܢ ܠܵܐ ܡܨܝܵܐ 342 ܗܘܬܼܵܐ ܪܒܬܼܵܐ ܒܝܢܲܢ ܘܲܠܗܘܿܢ ܠܵܐ ܡܬܥܒܼܪܵܐ. 343 :ܠܵܐ ܫܠܡܝܼܢܲܢ ܠܗܝܼܢܲܢ ܠܗܪ̈ܛܝܼܩܹܐ ܢܚܬܐ ܣܕܝܼܩܵܐ 344 ܘܠܵܐ ܡܪܡܝܼܢܲܢ ܚܡܪܵܐ ܛܵܒܼܵܐ ܒܙܩ̈ܐ ܕܛܘܥܝܝ. 345 :ܠܐ ܝܗܒܝܢܲܢ ܩܘܼܕܫܵܐ ܕܟܿܝܵܐ ܕܗܝܡܢܘܼܬܲܢ 346 ܠܟܠܒܹ̈ܐ ܦܐܩ̈ܐ ܕܠܵܐ ܡܣܬܟܠܝܼܢ ܚܹܝܠ ܐܝܼܬܘܼܬܵܐ. 347 :ܠܡ̇ܢ ܡܪܝܢܲܬ ܡܪܓܢܝܬܐ ܕܬܵܘܕܝܼܬ ܢܦܫܲܢ 348 ܩܕܼܵܡ ܪ̈ܥܝܢܹܐ ܪ̈ܚܡܲܝ ܙܒܼܠܵܐ ܐܲܝܟ ܚܝܘܬ̈ܐ. 349 :ܠܵܐ ܪܕܝܢܲܢ ܒܐܘܼܪܚܵܐ ܕܬܵܘܫܵܐ ܥܲܡ ܛܥ̈ܝܐ 350 ܘܠܐ ܚܙܩܝܢܢ ܒܲܫܒܝܼܠ ܙܹܐܦܵܐ ܕܚܵܫܘܿܫܘܼܬܼܵܐ. 351 :ܠܵܐ ܡܬܚܬܝܢܲܢ ܠܪܡ ܡ̣ܢ ܟܠܐ ܠܘܵܬ ܡܘܿܟܵܟ̣ܵܐ 352 ܘܠܵܐ ܡܡܝܬܝܼܢܲܢ ܠܗ̇ܝ ܚܲܝܘܼܬܵܐ ܝܗܒܬ̤ ܚܲܝܹ̈ܐ. 353 :ܟܝܵܫܵܐ ܗ̄ܘ̣ ܕܢܦ̣ܠ ܒܫܝܘܿܠ ܗܵܘܬܼܵܐ ܬܚܬܝ ܡܘܵܬܼܵܐ 354 ܒܝܲܕ ܡܝܘܿܬܵܐ ܕܡܝܼܬ ܒܲܟܼܝܵܢܹܗ ܠܒܘܼܛܵܠ ܡܵܘܬܵܐ. 355 :ܠܨܦܐ ܓܒܝܠܐ ܡ̣ܢ ܕܚܝܼܚܐ [ܢ]ܢܩܫ ܗ̄ܘ̣ܵܐ ܡܘܬܵܐ 356 ܘܗ̣ܦܟ ܓܒܼܠܗ ܡܠܩܢ ܟܠܐ ܪܘܼܚܢܵܐܹܝܬ. 357 :ܗܘ̤ܝܘ ܕܥܡ̣ܪ ܝܘܡ̈ܐ ܬܠܵܬܐ ܥܲܡ ܥܢܝܼ̈ܕܹܐ 358 ܘܗܘ̤ ܐܬܢܚܲܡ ܒܲܬܠܝܼܵܬܵܝܵܐ ܘܢܚܸܡ ܓܸܢܣܲܢ. 359 ܚܣܡܵܐ ܥܘܼܝܪܐ ܣܡܝܼ ܐܸܢܘܿܢ ܠܐܟܼܠܲܝ̈ ܩܪܨܐ: pb. f.168r 360 ܘܠܵܐ ܐܬܒܩܝܼܘ ܒܢܘܼܗܪܵܐ ܓܠܝܵܐ ܕܢܘܼܕܚܵܡ ܦܲܓܼܪܹܗ. 361 :ܒܢܚܬܐ ܕܟܣܦܵܐ ܨܒܘ ܕܢܘܣܘܢ ܠܟܪܘܙܘܬܹܗ 362 ܘܬܠܚܗ ܠܢܚ̇ܬܐ ܕܙܩܲܪ ܢܟܼܠܐ ܘܲܥܙܩܘܼܪ̈ܵܘܗܝ. 363 :ܒܟܸܣܦܵܐ ܙܒܢܘܼܗ̇ ܝܼܗܘܼܕܵܐ ܠܥܲܒܼܕܘܼܬ ܡܵܘܬܼܵܐ 364 ܘܡ̣ܢ ܕܐܬܢܚܡ ܛܠ̣ܡܘ ܢܘܚܡܹܗ ܒܟܸܣܦܵܐ ܢܟܝܼܠܵܐ. 365 :ܘܡܵܢܵܐ ܢܸܥܒܸܕ ܟܸܣܦܵܐ ܢܘܼܝܼܠܵܐ ܠܩܘܼܫܬܼܵܐ ܓܠܵܝܐ 366 ܟܲܕ ܡܬܡܥܲܠ ܐܲܝܟ ܟܵܪܘܿܙܵܐ ܐܒܦܘܼܡ ܫܲܬܼܝܼܩܹ̈ܐ. 367 :ܟܸܐܦܹ̈ܐ ܘܩܲܒܼܪܹ̈ܐ ܘܐܦܲܝ̈ ܬܪ̈ܥܐ ܩܥ̣ܵܘ ܠܲܡܠܝܼ̈ܠܹܐ 368 ܕܩܘܡܘ ܛܒܝܼ̈ܥܹܐ ܘܩܲܒܸܠܘ ܣܒܪܼܐ ܕܚܝ̇ܬ ܡܝ̈ܬܐ. 369 :ܘܐܼܢ ܫܬܝܼܩܹ̈ܐ ܘܲܕܠܵܐ ܦܘܼܡܵܐ ܩܥ̣ܘ ܙܟܘܬܹܗ 370 ܒܲܛܝܼܠ ܡܵܕܹܝܬ ܢܸܟܼܠܗ ܕܟܸܣܦܵܐ ܘܠܵܐ ܡܸܬܼܗܲܝܡܢ. 371 :ܡܠܝܼ̈ܠܹܐ ܡܝܪ̈ܫܹܐ ܣܗ̈ܕܐ ܗܘ̣ܘ ܠܹܗ ܠܘܵܬ ܛܠܘܿܡܹ̈ܐ 372 ܘܐܪܡܝܼܘ ܐܝܼܕܼܵܐ ܒܲܕܝܬܩܹܐ ܕܡܵܘܬܹܗ ܘܚܲܝܵܘ̈ܗܝ. 373 :ܣܦܪܐ ܡܗܝܼܪܵܐ ܘܚܲܝܵܠܵܐ ܕܪܘܼܚܵܐ ܕܫܸܡ ܙܟ̣ܘܬܵܐ 374 ܝܗ̣ܒ ܬܚܘܝܼܬܵܐ ܒܐܦܲܝ̈ ܬܲܪܥܵܐ ܕܣܲܕܩܹܗ ܠܲܬܪܹܝܢ. 375 :ܘܚܘܝܼ ܕܫܒܩܹܗ ܠܗܲܝܟܠ ܕܒܼܚܵܐ ܕܚܘܼܣܵܝ ܥܲܡܵܐ 376 ܘܠܵܐ ܬܘܼܒܼ ܨܵܒܹܐ ܒܲܕܡܵܐ ܓܢܥܓܼܐ ܠܬܲܪܥܘܼܬ̤ ܐ̄ܢܵܫ̈ܐ. 377 :ܒܐܦܝ̈ ܬܪܥܵܐ ܓ̣ܠܐ ܠܘܼܚܵܡܹܗ ܕܥܲܠ ܡܘ̈ܚܹܐ 378 ܕܐܸܢ ܫܲܬܝܼܩܵܐ ܒܠܸܠ ܘܐܫܬܬܲܩ ܟܡܵܐ ܡܲܠܠܹܐ. 379 :ܢܓܼܪܵܐ ܕܪܘܓܼܙܐ ܚܲܝܵܒܵܐ ܗ̄ܘ̣ܵܬ ܦܪܘܿܫܘܼܬܵܐ 380 ܘܐܪܝܼܡ ܫܲܒܼܛܵܐ ܘܲܡܚܵܐ ܠܢܚ̇ܬܵܐ ܚܠܦ ܪܸܥܝܵܢܵܐ. 381 :ܚܲܡܠܹܗ ܠܣܲܝܦܵܐ ܕܓܙܪܕܝܼܢܹܗ ܠܓܘ ܡ̣ܢ ܪ̈ܚܡܘܗܝ 382 ܘܐܪܝܼܡ ܐܝܼܕܹܗ ܕܢܚܬ ܫܲܒܛܹܗ ܘܟܼܠܝܗܝ ܚܘܼܒܹܗ. 383 :ܠܵܐ ܬܒ̇ܥ ܐ̄ܢܐ ܥܝܵܪܬܵܐ ܕܡܘܬܹܗ ܐܲܝܟ ܚܲܝܒܹ̈ܐ 384 ܕܠܵܐ ܠܐ[...] ܗ̄ܘ̣ܵܬ ܠܢܫܲܚܹܐ ܐ̄ܢܫ̈ܐ ܕܢܵܘܒܸܕ ܐ̄ܢܵܫ̈ܐ. 385 :ܠܚܝܹ̈ܐ ܕܐ̄ܢܫ̈ܐ ܐܡ̣ܪ ܕܐܸܬܲܝܬ ܘܠܵܘ ܠܐܲܒܼܕܵܢܵܐ 386 ܘܫܪܵܪ ܐܢܝܢ ܠܒܢ̈ܬ ܩܵܠܵܘ̈ܗܝ ܒܝܲܕ ܣܘܼܥܪ̈ܵܘܗܝ. 387 :ܡܝܼܬ ܡܸܛܠ ܟܠ ܘܐܲܚܝܼ ܠܟܼܠܵܐ ܐܲܝܟ ܕܐܸܫܬܵܘܙܝܼ 388 ܘܫܲܡܠܝܼ ܘܓܼܡܪ ܣܥܘܿܪܘܼܵܬܐ ܕܚܝܠ ܟܠܐ. 389 :ܡܝܼܬܼ ܒܟܝܢܹܗ ܐܕܡ ܕܲܬܼܪܹܝܢ ܠܦܘܼܬ ܡܘܝܬܹ̈ܐ 390 ܘܙܩ̣ܦ ܥܲܡܹܗ ܡܵܝܘܼܬܘܼܬܼܵܐ ܘܐܲܚܝܵܗ̇ ܒܚܲܝܵܘ̈ܗܝ. 391 :ܝܗ̣ܒ ܒܢܝܢܵܐ ܕܗܝܘܠ ܦܓܼܪܵܬ ܕܣܬܪܘܼܗܝ ܒܝܼ̈ܫܹܐ 392 ܘܫܟܼܠܠ ܘܲܒܢ̣ܵܝܗܝ ܡܠܬܹܗ ܕܐܲܒܼܵܐ ܐܲܝܟ ܫܘܼܘܕܵܝܹܗ. 393 :ܢܚܸܬ ܒܟܝܢܐ ܡܘܠܕ ܚܫ̈ܐ ܘܥܡܕ ܒܫܝܘܿܠ 394 ܘܐܣܸܩ ܥܲܡܹܗ ܨܝܕܵܐ ܕܐܢܫ̈ܐ ܠܚܲܝܹ̈ܐ ܚܲܕܬܹ̈ܐ. 395 :ܬܪܥܹܗ ܠܫܘܼܪܵܐ ܡܘܬܐ ܒܐܦܲܝ̈ ܡܝܼ̈ܬܐ 396 ܘܲܕܪܲܫ ܐܘܼܪܚܵܐ ܠܡܵܝܘܿܬܘܼܬܵܐ ܠܘܵܬ ܚܲܝܘܼܬܼܵܐ. 397 ܐܲܪܝܼܡ ܩܠܹܗ ܐܲܝܟ ܪܒ ܢܚܠܐ ܩܕܡ ܦܠܚܘ̈ܗܝ. 398 ܕܩܘܡܘ ܘܐܸܬܼܠܲܒܲܒܼܘ ܕܐܢܐ ܙܟܝܬܗ ܠܡܵܘܬܼܵܐ ܘܒܼܝܼܫܵܐ 399 :ܐܢܵܐ ܐܚ̇ܕܬ ܕܲܪܐ ܟܲܣܝܵܐ ܒܦܓܼܪܐ ܓܲܠܝܵܐ 400 ܘܲܠܚܲܣܝܼܢܵܐ ܙܟܹܝܬ ܒܐܵܓܼܘܿܢܵܐ ܘܒܸܪܙܸܬ ܥܘܼܬܼܪܹܗ. 401 :ܕܝܼܢܵܐ ܟܹܐܢܵܐ ܐܸܡ̇ܪܸܬ ܥܲܡܹܗ ܩܕܼܵܡ ܕܝ̇ܢܐ 402 ܘܟܸܢ ܚܝܒܬܿܗ ܕܥܘ̇ܠܐܝܬ ܫܒܹܐ ܠܹܗ ܓܸܢܣܲܢ. 403 :ܫܛܪܐ ܕܥܘ̣ܠܐ ܐܦܸܩ ܚܵܘܝܼ ܩܕܼܵܡ ܢܸܡܘ̈ܣܹܐ 404 ܕܠܵܐ ܡܚܲܬܼܡ ܗ̄ܘ̣ܵܐ ܒܐܪܡܝܼ ܐܝܼܕܵܐ ܕܣܗ̈ܕܐ ܒܚܕ̈ܐ. 405 :ܗܘܝ̤ܘ ܕܢܚܸܬܼ ܠܬܲܚܬܝ̈ܬܐ ܕܐܪ̈ܥܢܝܹܐ 406 ܘܗܘܝ̤ܘ ܕܲܣܠܸܩ ܠܥܸܠ ܡ̣ܢ ܟܠܐ ܕܢܪܝܼܡ ܟܠܐ. 407 :ܒܪܘܟܵܒܼ ܦܓܼܪܹܗ ܩܒܲܥܘ ܡܲܪ̈ܚܐ ܨܨ̈ܐ ܘܪܘܼܡܚܵܐ 408 ܘܒܚܘܕܬܹܗ ܥܛ̣ܝܗܝ ܠܫܛܪܐ ܕܚܫܲܝ̈ ܦܲܓܼܪܵܐ. 409 :ܢܚܸܬ ܥܲܠ ܐܲܪܝܵܐ ܠܡܪܒܘܥܝܼܬܹܗ ܒܙܲܝܢܵܐ ܕܪܘܼܚܵܐ 410 ܘܐܥܕܝܼ ܓܙܪܐ ܕܓܢܣܹܗ ܕܐܕܡ ܕܲܡܒܲܣܒܸܣܘܵܐ. 411 ܩܵܥ̣ܵܐ ܒܵܗ̇ ܒܫܝܘܿܠ ܐܲܝܟ ܚܲܣܝܼܢܵܐ ܘܙܵܥ ܫܬܐܣܹܝ̈ܗ̇. 412 ܘܬܒܲܪ ܬܲܪ̈ܥܹܝܗ̇ ܘܦܣܩ ܡܘܼܟܼܠܝ̈ܗ̇ ܘܲܒܙܵܗ̇ ܡܲܦ̣ܩ. 413 :ܐܲܪܝܼܡܘ ܬܲܪ̈ܥܹܐ ܐܦܲܝ̈ ܬܲܪ̈ܥܹܐ ܟܲܕ ܢܦ̇ܩ ܗ̄ܘ̣ܵܐ 414 ܘܡܗܠܠܝܼܢ ܗ̄ܘ̣ܵܘ ܪ̈ܘܚܢܝܹܐ ܠܚܹܝܠ ܙܵܟܘܬܹܗ. [ܐܢܐ ܚܡܫܐ ܓ̱ܪ̈ܙܐ ܕܘܼܙܝܼܢ̈ܐ.] 415 ܫܡܝܵܐ ܘܐܪܥܵܐ ܦܘܡ̈ܐ ܗܘ̤ܘ ܠܹܗ ܚܠܵܦ ܛܵܠܘܡܹ̈ܐ: pb. f.168v 416 ܕܛܠ̣ܡܘ ܚ̈ܝܐ ܩܥ̣ܵܘ ܥܲܢܝܼ̈ܕܹܐ ܘܚܬܡܘ ܚܪ̈ܫܹܐ. 417 :ܟܸܢܫܲܝ̈ ܪܘܡܵܐ ܒܚܸܬܘ ܠܐܝܩܪܹܗ ܕܐܲܪܥܵܢܵܝܵܐ 418 ܘܙܲܚܲܝܘ ܡܘܬܹܗ ܘܐܲܟܕܲܙܘ ܚܲܝܵܘ̈ܗܝ ܠܲܟܢܘ̈ܬܹܗ. 419 :ܣܒܼܪܐ ܕܚ̈ܝܐ ܐܝܬܝܼܘ ܥܝܼܪܹ̈ܐ ܠܒܹܝܬܼ ܡܝܘ̈ܬܐ 420 ܩܘܡܘ ܘܐܬܠܒܲܒܼܘ ܥܦܪ̈ܢܝܹܐ ܒܒܘܼܛܵܠ ܡܵܘܬܵܐ. 421 :ܩܥ̣ܵܘ ܘܐܡ̣ܪܘ ܠܹܗ ܠܡܚܒܠܢܵܐ ܕܗܕܡܲܝ̈ܟܘܿܢ 422 ܕܐܝܵܟܘ ܥܘܼܩܣܵܟ ܚܸܘܝܵܐ ܕܩܲܛܠܲܢ ܒܐܘܼܟܼܠܹܗ ܕܦܵܐ[...]ܐ. 423 :ܬܢܘ ܘܐܗܸܠܘ ܒܹܗ ܟܕܓ̇ܚܟܝܢ ܐ̄ܢܬܘܿܢ ܥܲܠ ܨܢ̈ܬܹܗ 424 ܕܡܵܢܵܐ ܥܒ̇ܕ ܕܦܣܩܘܼܗܝ ܚ̈ܝܐ ܠܐܝܼܠܢ ܡܵܟܵܬܐ 425 :ܒܝܲܕ ܦܸܠܐܬܵܐ ܡܠܸܠܘ ܫܡܹܗ ܒܕܡܘܼܬ ܫܸܡܫܘܿܢ 426 ܕܦܓܼܪܐ ܕܒܠܥ̣ܬ ܗ̄ܘ̣ܵܐ ܠܹܗ ܢܒ̣ܥܐ ܡܵܘܠܹܕܼ ܚܲܝܹ̈ܐ. 427 :ܡ̣ܢ ܓܵܘ ܐܘܼܟܼܠܵܐ ܢܦ݂ܲܩ ܠܲܢ ܐܘܼܟܼܠܵܐ ܪܘܚܵܢܝܵܐ 428 ܘܡ̣ܢ ܕܚܝܼܝܲܢ ܡܵܘܠܸܕ ܚܲܫܹ̈ܐ ܪܕܬ̤ ܚܠܝܘܼܬܼܵܐ. 429 :ܢܚܕܘܢ ܥܡܲܢ ܫܡܲܝܵܐ ܘܐܪܫܵܐ ܡܠܝ̈ܠܐ ܘܚܲܪ̈ܫܹܐ 430 ܕܕܒܚܵܐ ܕܡ̣ܢܲܢ ܪܥܝܼ ܠܡܪܐ ܥܲܡ ܒܪ̈ܝܬܹܗ. 431 :ܚܕ ܪܫܝܬܵܐ ܩܪܸܒܼ ܓܢܣܢ ܠܐ ܠܗܘܼܬܵܐ 432 ܘܝܗ̣ܒ ܠܲܡ ܒܐܝܼܕܹܗ ܐܬ̤ܐ ܕܫܲܝܢܵܐ ܘܚܘܼܕܬ ܟܠܐ. 433 :ܥܡܲܢ ܢܘܕܘܢ ܐܪ̈ܥܢܝܹܐ ܘܫܡܝܫܹ̈ܐ 434 ܒܪܝܟ ܕܒܦܓܼܪܢ ܚܵܘܝܼ ܚܘܼܒܹܗ ܠܘܵܬ ܬܘܼܩܵܢܵܘ̈ܗܝ܀ ܫܠܸܡ܀