Letter from the Mar Ephrem the doctor to Mar Papa the catholicos patriarch

ܠܪܒܐ ܕܐܠܗܐ ܘܒܚܝܪܐ܆ ܘܓܒܝܐ ܒܬܓܡܐ ܕܐܒܗ̈ܬܐ : ܢܨܝܚ ܒܟܠ ܕܡܪܢ ܆ ܡܪܐ ܕܝܠܝ ܡܪܝ ܦܦܐ ܩܬܘܠܝܩܐ. ܐܦܪܝܡ ܚܛܐ ܘܚܠܫܐ ܘܒܨܝܪܐ ܕܬܠܡܝܕ̈ܝܟ܆ ܒܟܘܢ ܠܟܘܢ ܣܓܕܬܐ ܡܩܪܒ ܡܼܢ ܪܘܚܩܐ ܐܝܟ ܕܒܩܘܪܒܐ ܩܕܡ ܪ̈ܓܠܝܟ ܩܕܝ̈ܫܬܐ. ܐܢܐ ܡܪܝ ܠܐ ܛܿܥܝܐ ܠܝ ܝܵܬܝ : ܕܐܕܥ ܡܢܐ ܐܝܬܝ : ܘܠܡܢܘ ܟܬܿܒ ܐ̄ܢܐ ܐܓܪܬܐ. ܐܦ ܟܬܒܐ ܐܠܦܢܝ܆ ܘܐܡܼܪ ܠܝ ܆ ܕܪܘܪ̈ܒܢ ܡܢܟ ܠܐ ܬܒܥܐ. ܙܥܘܪܘܬܝ ܡܪܝ܆ ܘܪܒܘܬܟ ܕܒܐܠܗܐ ܆ ܐܫܬܘܕܥܬܼ ܘܡܫܬܘܕܥ ܐ̄ܢܐ. ܐܠܐ ܡܛܠ ܕܐܢ̄ܬܘܢ ܐܝܟ ܐܒܗ̈ܐ ܡܪ̈ܚܡܢܐ ܩܕܡܬܘܢ ܒܙܒܢ ܙܒܢ ܘܚܫܒܬܘܢ ܠܢ ܒܟܬܝܒ̈ܬܟܘܢ ܆ ܕܢܫܬܘܐ ܘܢܬܡܢܐ ܥܡ ܬܠܡܝܕܝ̈ܟܘܢ. ܐܦ ܐܢܐ ܒܙܒܢܐ ܙܥܘܪܐ ܒܙܒܢܐ ܗܢܐ ܡܹܠܐ ܬܘ̈ܟܐ ܘܚܘܣܪ̈ܢܐ ܒܩܪܒܐ pb. C 5r ܗܢܐ ܕܥܼܪܨ ܥܠ ܥܕܬܗ ܕܐܠܗܐ. ܘܒܚܘܣܪ̈ܢܐ ܕܥܕܘ ܥܠ ܐܒܗܘܬܟܘܢ ܇ ܡܼܢ ܓܘ̈ܕܐ ܕܡܫܠܡ̈ܢܐ. ܐܬܪܓܪܓܬܼ ܕܐܸܗܘܹܐ ܥܡܟܘܢ ܫܘܬܦܐ ܒܫܵܡܘܢܐ ܕܡܠܬܝ. ܚܼܙܐ ܡܪܝ ܣܛܢܐ ܕܐܬܢܨܚܬܸ ܐܒܗܘܬܟ ܒܟܠ ܚܫ̈ܝܼܢ ܕܡܝܬܪܘܬܐ : ܘܒܟܠ ܐܘܠܨܢܝ̈ܢ ܕܒܡܣܝܒܪܢܘܬܐ ܆ ܘܥܠܼܬܿ ܠܕܪܐ ܘܐܬܢܨܚܼܬܿ ܒܐܓܘܢܟ ܩܕܡ ܐܚܝ̈ܕܝ ܫܘܠܛܢܐ ܕܥܠܡܐ ܗܢܐ ܥܒܘܪܐ. ܐܡܣܪܬܿ ܥܠ ܚܫ̈ܐ pb. M1 38r ܩܫܝ̈ܐ ܆ ܘܒܣܼܪܬܿ ܥܠ ܐܘܠܨ̈ܢܐ ܡܪܝܪ̈ܐ. ܬܗܪܘ ܚܢ̈ܦܐ ܘܐܬܕܡܪܘ ܪ̈ܫܢܝܗܘܢ. ܘܒܥܘܒܵܛܐ ܕܢܨܚ̈ܢܝܟ ܆ ܓܕܠܬܿ ܝܗ̄ܒܼܬܿ ܠܗܿ ܠܥܕܿܬܐ ܩܕܿܝܫܬܐ ܟܠܝܠܐ ܪܒܐ ܕܢܨܚ̈ܢܝܟ ܆ ܘܕܠܐ ܐܫܟܚ ܣܛܢܐ ܚܲܣܢܵܗܿ ܠܓܢܒܪܘܬܟ ܒܩܪܒܐ ܕܣܕܪ ܠܩܘܒܠܟ. ܒܐܝܕܝ̈ ܕܣܓܕܝ̈1 ܠܐܣܛܘܟܣ̈ܐ ܘܡܫܡܫܝ̈2 [ܠܒܹܪܝܬܐ]3. ܓܒܼܐ ܠܗ ܦܠܚ̈ܐ ܡܼܢ ܬܠܡܝ̈ܕܐ ܕܙܐܹܦܐ ܕܐܬܪܒܝܘ4 ܒܓܘ ܥܕܬܐ. ܘܡܛܠ ܕܡܬܝܚ ܗ̄ܘܼܐ ܫܲܒܛܵܟ5 ܐܒܗܲܝܵܐ ܆ ܥܠܝܗܘܢ ܠܡܪܕܘܬܐ pb. M3 106v ܕܪ̈ܚܡܐ ܆ ܐܝܟ ܕܠܐ ܢܗܘܘܢ ܙܝܼܙ̈ܢܐ ܒܝܢܬܼ ܚܛܐ̈ ܒܚܩܠܐ ܕܥܕܬܐ : ܘܠܐ ܢܫܬܟܚܘܢ ܟܣܦܐ ܡܲܣܠܹܝܐ ܥܠ ܦܬܘܪܐ ܕܬܐܓܘܪܬܐ pb. B 111v/223 ܕܡܠܟܘܬܐ : ܕܚܠܦ ܛܒ̈ܬܐ ܕܠܘܬܗܘܢ ܆ ܘܕܚܝܵܒܝܢ ܗ̄ܘܘ ܕܢܦܪܥܘܢܟ ܚܘܒ̈ܠܐ ܛܒ̈ܐ. ܐܝܟ ܒܢܝ̈ܐ ܠܐܒܗ̈ܐ ܆ ܦܪܥܘܟ ܒܝܫܬܐ ܚܠܦ ܛܒܬܐ. pb. C 5v ܘܣܢܐܬܐ ܚܠܦ ܪܚܡܬܐ. ܘܥܒܕܘܗܝ ܠܦܘܡܗܘܢ ܐܝܟ ܩܛܲܪܩܵܐ. ܘܣܦܘܬ̈ܗܘܢ ܐܝܟ ܩܸܫܬܐ. ܘܠܫܢܗܘܢ ܐܝܟ ܣܦܣܪܐ ܕܬܪ̈ܝܢ ܦܘܡܘ̈ܗܝ. ܒܛܢܘ ܥܘܼܠܐ ܒܠܝ̈ܠܘܬܐ ܆ ܘܝܠܕܘ ܥܼܬܐ ܒܐܝܡܡ̈ܐ. ܠܲܚܸܫܘ ܒܟܣܝܐ ܆ ܘܩܛܲܪܘ ܐܪܙܐ ܒܚܫܘܟܐ. ܘܟܿܢܫܸܘ ܕܐܟܘܬܗܘܢ ܆ ܘܥܒܕܘ ܠܗܘܢ ܓܘ̈ܕܐ ܕܢܟܠܐ. ܘܐܛܥܝܼܘ ܒܐܚܪ̈ܢܐ ܕܡܫܬܡܗܝܢ ܡܝܬܪܐ. ܘܕܒܼܝܪܝܼܢ ܒܢܝ̈ܢܫܐ ܒܬܪܗܘܢ ܆ ܒܫܡܐ ܕܡܝܬܪܘܬܐ. ܟܕ ܡܬܚܲܝܢܝܼܢ ܗܠܝܢ ܥܡܗܘܢ6 ܆ ܡܬܥܫܢܐ ܓܘܕܗܘܢ ܘܡܬܗܝܡܢܐ ܛܠܘܡܘܬܗܘܢ. ܘܡܬܩܒܠܐ ܥܫܘܩܘܬܗܘܢ. ܒܗܠܝܢ ܘܕܐܝܟ ܗܠܝܢ ܦܠܚ̈ܐ ܣܒܲܪ ܣܛܢܐ ܆ ܕܡܟܬܸܡ ܠܢܨܚ̈ܢܐ ܕܐܒܗܘܬܟܘܢ. ܘܟܕ ܐܬܛܝܒܘ ܠܩܪܒܐ܆ ܚܘܝܘ ܢܦܫܗܘܢ ܐܝܟ ܛܢܢ̈ܐ ܘܡܬܲܚܘ ܘܫܕܘ ܫܘܩܪܐ ܐܝܟ ܓܐܖ̈ܐ܆ ܘܕܓܠܘܬܐ ܐܝܟ ܣܦܣܪܐ. ܘܨܥܪܐ ܘܨܘܚ̈ܝܬܐ ܐܝܟ ܣܝܵܢܵܐ ܣܿܪܝܐ. ܘܛܠܘܡܝ̈ܐ ܘܥܫܘܩ̈ܝܐ ܕܢܕܝܼܕܝܼܢ ܛܒ ܡܼܢ ܐܘܪܩܲܥܬܐ ܕܟܸܦܣܵܢܝܬܐ. ܘܫܲܬܸܩ ܣܛܢܐ ܠܐܝܠܝܢ ܕܡܣܬܲܒܪܝܢ ܡܝܬܪ̈ܐ ܕܠܐ ܢܗܘܘܢ ܣܢܐܓܪ̈ܐ ܠܫܪܪܐ. ܐܲܪܡܝ7 ܬܚܦܝܬܗ ܘܚܲܦܝܼ8 ܒܚܫܘܟܐ ܕܥܡܛܢܗ. ܒܘܝܢܐ ܘܡܕܥܐ ܘܬܪܥܝܬܐ ܕܟܠܢܫ. ܐܝܟ ܕܒܠܚܘ̈ܕܝܟ ܬܫܬܘܚܪ. ܘܠܐ ܢܗܘܐ ܥܡܟ ܐ̄ܢܫ9 ܒܩܪܒܐ ܕܡܼܢ ܒܝܬܝ̈ܐ pb. C 6r ܐܣܬܕܪ ܠܩܘܒܠܟ. ܡܠܐ ܐܢܘܢ pb. M1 38v ܪܘܓܙܐ ܘܚܡܬܐ܆ ܘܫܓܲܪ ܐܢܘܢ ܒܣܢܐܬܐ ܣܪܝܩܬܐ ܠܩܘܒܠܟ. ܟܬܝܫܝܢ ܐܟܚ̄ܕܐ10 ܘܕܿܝܒܝܢ ܘܡܪܝܡܝܢ ܒܩܠܝܗ̈ܘܢ ܐܝܟ ܐ̄ܢܫ̈ܐ ܕܒܝܼܪ̈ܝ ܒܩܛܝܪܐ. ܡܚܪܩܝܢ ܫܢܝ̈ܗܘܢ ܘܲܡܢܲܟܿܬܝܢ ܣܦܘܬ̈ܗܘܢ. ܟܦܢܝܢ ܠܒܣܪܟ ܩܕܝܫܐ ܘܨܗܹܝܢ ܠܕܡܟ ܙܟܝܐ. ܫܦܝܪ̈ܬܟ ܕܐܝܬܝ̈ܗܝܢ ܘܡܬܚܙ̈ܝܢ ܠܟܠܢܫ܆ ܛܥܼܘ܆ ܘܣܢܝ̈ܬܐ ܕܠܐ ܐܝܬܝܗܝܢ11 pb. A 50r ܒܟ pb. M3 107r ܟܠܗܘܢ ܐܡܪܝܢ ܐܟܚ̄ܕܐ. ܕܫܡܥܢܢ ܟܠܗܘܢ ܡܢ ܫܡܥܐ ܐܡܪܝܢ. ܘܚܙܵܝܐ [ܕܚܙܐ ܗܘܐ pb. E 73r ܕܐܡܪܝܢ]12 ܒܝܢܬܗܘܢ܆ ܠܝܬ. ܗܝܕܝܢ ܟܕ ܚܙܐ ܕܒܗܠܝܢ ܟܠܗܝܢ ܠܐ ܐܬܓܡܪ ܨܒܝܢܗ܆ ܐܥܝܪܟ ܐܝܟ ܛܲܢܵܢܵܐ. ܘܫܓܪܟ ܐܝܟ ܡܗܝܡܢܐ. ܕܛܠܘܡܝܵܟ pb. B 112r/224 ܘܥܠܘܒܝܟ ܕܡܢܗܘܢ. ܡܼܢ ܐܘܢܓܠܝܘܢ ܩܕܿܝܫܐ ܬܒܥܐ. ܐܬܩܼܪܒܬܿ ܕܠܐ ܒܥܝܕܐ. ܘܣܥܼܪܬܿ ܕܠܐ ܒܛܟܣܐ13. ܘܩܒܸܠܬܿ ܡܣܡ ܒܪܫܐ ܕܟܠܗܼ ܟܠܝܠܐ ܗ̄ܘܼ ܠܟ ܕܬܫܒܘܚܬܐ. ܡܼܣܬܸ ܕܒܩܪܒܐ ܗܢܐ ܆ ܕܐܦ ܕܠܐ ܬܬܓܠܸܙ ܡܼܢ ܚܫ̈ܐ ܕܒܗܘܢ ܢܛܝܪ [ܠܟ]14 ܐܲܓܪܐ ܘܦܘܪܥܢܐ. ܡܪܝ ܐܢ ܒܙܒܢܐ ܕܥܠܝܡܘܬܟ ܒܥܘܕܪܢܗ ܕܡܫܝܚܐ ܫܲܥܒܸܕܬܿ ܠܚܫ̈ܐ ܘܩܲܦܚܬܿ ܠܪ̈ܓܝܓܬܐ ܆ ܘܣܥܼܪܬܿ ܚܝ̈ܠܐ ܬܡܝ̈ܗܐ. ܘܥܒܕܬܿ ܐܬܘ̈ܬܐ ܘܬܕܡܪ̈ܬܐ: ܕܠܐ ܐܬܚܙܝ ܐ̄ܢܫ ܒܕܪ̈ܐ ܗܠܝܢ ܕܥܒܼܕܘ ܘܠܓܒܝܬܐ ܕܦܛܪܝܪܟܘܬܟ ܡܕܢܚܐ ܘܡܥܪܒܐ ܫܲܠܡܬܸ ܆ ܘܫܬܝܢ pb. C 6v ܘܬܡܢܐ ܫܢܝ̈ܢ ܕܲܒܪܬܿ15 ܪܒܘܬ ܒܝܬܝܘܬܟ ܒܫܡܐ ܫܦܝܪܐ: ܘܗܫܐ ܕܐܸܬܲܝܬܿ ܠܟ ܠܥܘܡܩܐ ܕܣܝܒܘܬܐ ܒܫܬܝܢ ܘܬܡܢܐ ܫܢܝ̈ܢ ܕܪܒܘܬ ܟܗܢܘܬܐ ܕܦܛܪܝܪܟܘܬܐ ܕܲܒܪܬܼ ܒܡܕܢܚܐ ܘܒܡܥܪܒܐ. ܠܝܬ ܒܬܓܡܐ ܕܟܗ̈ܢܐ ܕܡܲܛܝܼ ܠܟ16 ܆ ܘܠܐ ܒܚܕܐ ܡܼܢ ܗܠܝܢ ܡܘܗ̈ܒܬܐ ܕܩܲܒܠܸܬ ܡܼܢ ܡܪܟ. ܗܠܝܢ ܕܐܬܐܡܪ ܥܠ ܐܒܗܘܬܟ ܒܗܢܐ ܙܒܢܐ܆ ܐܢ ܥܠ ܡܝ̈ܬܐ ܕܒܓܘ ܩܒܪ̈ܐ ܦܫܝܩ17 ܠܡܐܡܪ ܇ ܐܦ ܥܠܝܟܘܢ. ܕܠܘ ܒܠܚܘܕ ܠܥܘܡܩܐ ܕܣܝܒܘܬܐ ܝܬܝܪ ܡܼܢ ܡܐܐ ܫܢܝ̈ܢ ܢܚܸܬܬܘܢ18: ܐܠܐ ܐܦܢ ܥܠܝܡܐ ܐܝܬܝܟ ܗܘܝܬܿ : ܒܗܠܝܢ ܫܘ̈ܡܬܐ ܘܟܘܬ̈ܡܬܐ ܕܛܥܝܢ ܐܢ̄ܬ ܥܠ19 ܟܠܗܘܢ ܗܕܡ̈ܐ ܕܓܘܫܡܟ ܆ ܘܡܼܢ ܥܼܠܬܸ ܣܪ̈ܩܐ ܘܢܓܕ̈ܐ ܘܚܫ̈ܐ ܘܐܘܠܨ̈ܢܐ ܘܟܐܒ̈ܐ. ܘܟܘܪ̈ܗܢܐ ܕܐܬܢܵܘܲܠܬܿ ܒܗܘܢ ܒܟܠܗܘܢ ܙܒ̈ܢܐ ܕܐܓܘܢܝ̈ܟ ܡܫܚ̈ܠܦܐ. ܘܝܬܝܪܐܝܬ ܗܫܐ. ܕܟܠ ܐ̄ܢܫ ܝܕܥ ܕܩܲܪ ܠܗ ܓܘܫܡܟ. ܘܦܛܪܘ pb. M1 39r ܠܗܘܢ ܟܠܗܘܢ20 ܗܕܡܝ̈ܟ. ܘܥܸܒܪܬܸ ܡܢܟ ܪܓܬܐ ܕܡܐܟܘܠܬܐ ܘܕܫܢܬܐ. ܘܟܠܗܘܢ ܙܘܥܝ̈ܟ ܘܪ̈ܓܫܝܟ ܒܛܸܠܘ ܠܗܘܢ ܡܼܢ ܟܠܗܿ ܚܫܚܬܗܘܢ. ܡܢܼܘ21 ܗܿܘ ܕܦܣܼܩ 0 ܣܒܪܗ ܡܼܢ ܬܪ̈ܝܗܘܢ ܥܠܡ̈ܐ ܆ ܕܗܠܝܢ ܘܕܐܝܟ ܗܠܝܢ ܢܬܪܥܐ ܠܡܐܡܪ. ܘܐܢ22 ܐܝܠܝܢ ܕܐܝܬܝܗܘܢ ܡܼܢ ܗܿܢܘܢ ܕܐܘܓܪܘ ܢܦܫܗܘܢ pb. C 7r ܠܦܥܠܘܬܐ ܕܣܛܢܐ ܐܒܘܗܘܢ. ܡܬܚܫܚܝܢ ܒܗܠܝܢ ܘܕܐܝܟ ܗܠܝܢ. ܡܛܠ ܕܕܝܠܗܘܢ ܐܢܝ̈ܢ ܆ ܡܢܼܘ ܡܼܢ ܒܢܝ̈ܗܿ ܕܥܕܬܐ ܕܡܦܣ ܒܐܒܼܗܘܬܟ : ܘܫܡܿܥ ܡܠܝܗ̈ܘܢ ܡܪ̈ܚܬܐ ܘܡܘ̈ܒܕܢܝܬܐ ܆ ܘܡܸܬܿܛܦܝܼܣ ܕܢܫܬܪܓܲܠ ܘܢܩܒܠ ܡܢܗܘܢ. pb. B 112v/225 ܐܠܐ ܐܢ ܕܠܡܐ ܐܦ ܗܘܸ ܦܠܚܐ ܗܘܼ ܕܣܛܢܐ ܐܟܘܬܗܘܢ. ܗܠܝܢ ܡܪܝ ܟܬܒܿܬܼ ܠܚܣܝܘܬܟܘܢ܆ ܒܕܠܐ ܣܿܦܩ ܐ̄ܢܐ ܠܡܕܪܟܘ. ܕܗܢܐ ܩܪܒܐ ܆ ܠܘܩܒܠ ܡܢܼܘ ܥܬܼܕܗ ܣܛܢܐ. ܕܗܐ ܚܿܙܐ ܐ̄ܢܐ ܕܐܒܗܘܬܟ ܒܡܕܒܪܢܘܬܟ ܘܟܘܪܣܝܟ ܘܢܟܝܢܐ ܕܓܘܫܡܟ ܆ ܠܐ ܐܫܟܚܘ ܠܡܚܠܵܨܘ ܠܥܡ̈ܠܝܟ ܪܘܪ̈ܒܐ ܘܠܕܘܒܪ̈ܝܟ ܫܒܝܚ̈ܐ . ܘܟܬܝܒ̈ܬܐ ܕܥܼܒܕܘ ܗܼܢܘܢ ܡܪ̈ܚܐ ܒܢܘ̈ܗܝ ܕܐܒܕܢܐ : ܕܟܢܝܸܘ ܢܦܫܗܘܢ ܪ̈ܥܘܬܐ ܕܚܛܝܬܵܐ ܆ ܠܐ ܐܫܟܚܘ ܠܡܒܛܠܘܬܟ ܡܼܢ ܬܫܡܫܬܐ ܕܪܒܘܬ ܟܗܢܘܬܐ. ܐܠܐ ܗܼܢܘܢ ܥܓܢܼܝܼܢ ܘܫܕܝܹܢ ܡܼܢ ܪܘܡܐ ܕܕܪ̈ܓܝܗܘܢ ܒܓܙܪ ܕܝܼܢܐ ܕܡܢܟܘܢ : ܕܲܥܠܝܗܘܢ ܐܬܬܚܡ. ܝܬܝܪܐܝܬ ܕܒܝܬ ܥܩܒܠܗܐ ܘܡܝܼܠܝܣܼ ܘܚܒܪ̈ܝܗܘܢ. ܕܡܼܢ ܙܒܢܐ ܕܐܦܸܩܬܿ ܓܙܪ ܕܝܼܢܐ ܥܠܝܗܘܢ܆ ܗܘܘ ܠܗܘܢ ܐܝܟ ܡܣ̈ܠܝܐ ܘܢܕܝ̈ܕܐ ܘܬܘܠܡܕܐ ܕܪܵܬܚ ܗ̄ܘܼܐ ܒܐܝܕܝ̈ܗܘܢ ܆ ܗܫܐ ܐܬܟܠܝ. ܘܐܫܟܚ ܠܗ ܣܛܢܐ ܗܝܿ ܕܒܼܥܐ. ܕܒܢܝ̈ܢܫܐ ܢܬܢܟܪܘܢ ܡܼܢ ܚܝ̈ܐ ܕܠܥܠܡ. ܘܬܿܘܒ ܥܡ pb. C 7v ܪ̈ܕܘܦܝܐ ܩܕܡܝ̈ܐ ܕܚܢ̈ܦܐ ܕܙܩܝܦ ܥܠ ܥܕܬܐ ܆ ܐܠܐ ܣܼܕ̈ܩܐ ܘܒܘܠܒ̈ܠܐ23. ܕܠܝܚܘܬܐ ܘܫܓܫܘܬܐ ܘܦܠܝܓܘܬܐ ܕܥܼܠܬܸ ܥܠ ܟܪ̈ܣܛܝܢܐ ܆ ܘܐܫܬܓܫܬܸ ܟܠܗܿ ܥܕܬܐ : ܘܟܒܪ ܘܐܬܥܫܸܢ ܩܪܒܐ ܗܢܐ ܆ ܝܬܝܪ ܡܼܢ ܗܘܿ ܕܒܲܪ̈ܝܐ. ܡܛܠ ܕܪܗܝܒܝܢ ܫܠܝܚܝ̈ܗܘܢ ܕܗܿܢܘܢ ܥܘ̈ܿܠܐ ܘܡܪ̈ܚܐ . ܘܩܠܝܠܝܢ ܐܝܙܓܕܝ̈ܗܘܢ. ܟܕ ܛܥܝܼܢܝܼܢ ܟܬܝ̈ܒܬܐ ܗܠܝܢ ܕܐܸܬܥܒܸܕܘ ܥܠ ܐܒܗܘܬܟܘܢ. ܘܡܝܒܠܝܢ ܠܐܬܪ̈ܘܬܐ. ܘܟܕ ܠܐܒܗܘܬܟܘܢ ܡܕܡ ܠܐ ܡܫܟܚܝܢ ܕܢܲܚܣܪܘܢ ܆ ܐܠܐ ܗܼܢܘܢ ܗܐ ܟܿܬܫܝܼܢ ܠܒܢܝ̈ܗܿ pb. M1 39v ܕܥܕܬܐ ܒܝܕ ܟܼܫܠܝܗ̈ܘܢ ܘܡܠܝܗ̈ܘܢ ܘܟܬܝ̈ܒܬܗܘܢ. ܘܐܝܟ ܕܫܡܥܢܢ ܣܓܝ̈ܐܐ ܕܡܵܛܘ ܠܗܘܢ ܡܼܢ ܣܒܪܗܘܢ24. ܘܒܝܕ pb. M3 108r ܕܘ̈ܘܕܐ ܘܛܒ̈ܐ ܘܟܬܝܒ̈ܬܐ ܫܟܝܪ̈ܬܐ ܕܙܢܝ̈ܢ ܙܢܝ̈ܢ ܆ ܕܡܝܵܒܠܝܢ ܘܩܿܪܝܢ ܩܕܡܝ̈ܗܘܢ ܐܝܟ ܕܠܚܕܘܬܐ ܘܠܦܘܪܓܝܐ ܕܝܠܗܘܢ ܕܡܪ̈ܚܐ. ܘܐܝܟ ܕܲܠܟܸܫܠܐ ܘܠܲܬܒܪ ܠܒܐ ܕܣܓܝ̈ܐܐ. ܘܗܘܸܐ ܠܗ ܩܪܒܐ ܗܢܐ ܐܝܟ ܥܩܲܠܩܠܐ. ܕܐܢ ܠܘܬ ܐܒܗܘܬܟܘܢ pb. A 50v ܚܿܐܪ ܐ̄ܢܫ ܘܐܢ ܠܘܬ ܗܿܢܘܢ ܕܒܝܬܼ ܥܩܒܠܗܐ ܘܡܝܼܠܝܼܣ : ܘܐܢ ܠܘܬ ܗܿܢܘܢ ܡܪ̈ܚܐ ܘܐܢ pb. E 73v ܠܘܬ ܟܠܗܿ ܥܕܿܬܐ. ܟܠ pb. B 113r/226 ܟܪ ܕܢܬܒܩܐ ܐ̄ܢܫ ܆ ܬܡܢ ܡܫܟܚ ܠܗ܆ ܠܟܠܗ ܚܐܦܗ ܕܩܪܒܐ. pb. C 8r ܘܠܐܣܝܘܬܐ ܕܗܠܝܢ ܆ ܝܕܥܬܐ ܕܝܠܟܘܢ ܣܦܩܬܸ ܆ ܥܩܒܠܗܐ ܘܡܝܠܝܣ ܘܚܒܪ̈ܘܗܝ : ܒܿܟܝܢ ܘܐܠܿܝܢ ܥܠ ܢܦܫܗܘܢ. ܘܬܘܸܝܢ ܘܚܫܝܼܫܝ̈ܢ. ܘܡܩܪܒܝܢ ܒܟܬܝܼܒ̈ܬܐ ܠܟܠ ܐ̄ܢܫ ܕܐܝܬܘܗܝ ܡܚܒܢܟܘܢ ܫܪܝܪܐ : ܕܢܗܘܐ ܒܿܥܐ ܚܠܦܝܗܘܢ. ܘܐܦ ܠܕܘܝܘܬܝ ܆ ܟܬܒܼܘ. ܕܐܢ ܡܨܝܐ ܢܬܚܫܒܘܢ ܐܝܟ ܡܿܐܪܝܼ ܘܝܘܚܢܢ. ܗܿܢܘܢ ܕܟܕ ܒܫܫ̈ܠܬܐ ܘܒܣܘ̈ܛܡܐ ܠܐܒܗܘܬܟܘܢ ܢܓܕܝܢ ܗܘܘ ܠܩܕܡ ܒܝܡ ܕܕܝܿ̈ܢܐ. ܗܿܢܘܢ ܒܡܪܝܪܘܬܗܘܢ ܟܐ̈ܦܐ ܒܐܒܗܘܬܟ ܫܿܕܝܢ ܗܘܘ. ܘܐܡܪ̈ܚܘ ܕܐܦ ܡܐܢܝ̈ܟ ܨܿܪܝܼܘ ܒܫܘ̈ܩܐ. ܘܐܦ ܣܥܪܐ ܕܪܫܟ ܘܕܩܢܟ ܫܡܛܘ. ܘܒܐܦܝ̈ܟ ܪܩܼܘ ܠܟ܆ ܙܒܢܬ̈ܐ ܩܕܡ ܚܢ̈ܦܐ ܘܝܗܘ̈ܕܝܐ. ܘܒܬܪ ܕܗܘܹܐ ܫܠܝܐ ܩܠܝܠ. ܘܐܫܬܘܙܲܒܼܬܿ ܡܼܢ ܐܣܘܪ̈ܝܟ. ܩܿܪܸܒܬܿ ܐܢܘܢ ܠܘܬܟ. ܘܡܠܝܼܬܿ ܒܠܒܗܘܿܢ ܘܒܝܐܬܿ ܐܢܘܢ ܘܙܒܼܢܬܿ ܐܢܘܢ. ܘܒܣܘܓܐܐ ܕܡܬܢܚܬܢܘܬܟ ܪܚܿܡܬܿ ܥܠܝܗܘܢ. ܘܡܼܢ ܫܦܝܥܘܬܐ ܕܚܘܒܟ ܕܠܘܬܗܘܢ. ܬܘܬܼ ܢܦܫܐ. ܠܘ ܒܠܚܘܕ ܩܕܡ ܟܪ̈ܣܛܝܢܐ ܚܿܘܝܸܘ ܆ ܐܠܐ ܐܦ ܩܕܡ ܚܢ̈ܦܐ ܘܝܗܘ̈ܕܝܐ. ܐܢ ܫܦܪܐ ܠܨܒܝܢܟܘܢ ܛܒܐ : ܐܝܟ ܕܥܕܡܐ ܠܗܫܐ ܛܒ̈ܬܐ ܚܠܦ ܒܝܫ̈ܬܐ ܦܪܥܬܘܢ ܠܣܓ̈ܝܐܐ ܆ ܐܦ ܠܘܬ ܗܠܝܢ ܐܓܙܪܘ ܠܗܘܢ ܫܘܒܩܢܐ ܐܝܟ ܥܝܕ̈ܝܟ. ܘܐܦ ܠܝ ܒܨܼܪܐ ܢܬܝܗܹܒ ܠܝ pb. C 8v ܦܪܬܘܬܐ ܙܥܘܪܐ ܡܼܢ ܦܬܘܪܐ ܕܠܫܢܟ. ܘܒܝܢܬ ܣܕܪ̈ܐ ܕܟܬܝ̈ܒܬܟ ܆ ܢܗܘܐ ܥܘܗܕܢܐ ܕܒܨܝܪܘܬܝ. ܘܒܒܘܪ̈ܟܬܟ ܕܥܠܝ ܆ ܬܲܥܬܪ ܣܢܝܩܘܬܝ ܆ ܡܼܢ ܓܙܟ ܪܒܐ ܕܠܐ ܚܿܣܪ. ܘܢܬܦܣܸܣ ܠܝ ܡܢܟܘܢ. ܒܒܥܘ ܫܡܼܥ pb. M3 108v ܦܝܵܣܝ ܘܢܬܒܲܛܠ bb ܡܢܟܘܢ ܟܠܝܵܢܟܘܢ ܕܥܠܝ ܕܡܟܬܒܢܘܬܐ ܗܝܿ ܕܫܿܪܝܬܼ ܕܐܥܒܸܕ ܡܛܠܬܟܘܢ ܆ ܐܹܫܠܡ ܕܒܟܘܢ ܢܗܘܐ ܠܝ ܥܘܗܕܢܐ ܒܥܕܬܗ ܕܐܠܗܐ ܆ ܘܕܪ̈ܐ ܕܐܬܿܝܢ ܡܼܢ ܒܬܪܢ. ܢܗܘܘܢ ܝܕܥܝܢ ܥܘܬܪܐ ܪܒܐ ܕܕܘܒܪ̈ܝܟ ܫܒܝ̈ܚܐ. ܘܓܠ̈ܠܐ ܘܡܚ̈ܫܘܠܐ ܘܟܝ̈ܡܘܢܐ ܕܥܒܼܪܘ ܥܠܝܟ ܙܒܢܝ̈ܢ ܙܒܢܝ̈ܢ. ܘܕܐܫܬܟܚܬܿ ܒܗܘܢ ܚܠܝܼܨܐ ܘܥܝܪܐ. ܘܥܹܒܪܬܸ ܚܟܡܬܟ ܘܝܕܥܬܟ ܠܟܠܗܘܢ ܩܘܒܪ̈ܢܝܛܐ ܪ̈ܘܚܢܝܐ: cc ܕܒܕܪ̈ܐ ܗܠܝܢ. ܘܐܦ ܡܕܝܢ̄ܬܢ ܘܐܬܪܢ ܕܐܒܝܠܝܢ ܡܛܠ ܐܒܗܘܬܐܟ ܆ ܒܟܬܝ̈ܒܬܟܘܢ ܢܬܒܝܐܘܢ. ܘܐܦ ܠܐܒܗ̈ܬܐ ܪ̈ܥܘܬܐ ܕܠܩܘܫܬܝܼܢ ܕܐܘܚܕܢܐ ܡܥܪܒܝܐ: ܕܪܕܝܦܝܢ ܡܼܢ ܦܩܪ̈ܐ ܕܒܝܬ ܐܪܝܘܣ ܆ ܐܓܪܬܐ ܕܦܘܠܘܛܝܩܐ ܡܼܢ ܐܒܗܘܬܟ ܬܬܟܬܸܒ ܠܗܘܢ. ܡܛܠ ܕܐܦ ܗܼܢܘܢ ܥܬܝܕܝܢ ܐܢܘܢ ܩܠܝܠܐܝܬ ܕܢܫܕܪܘܢ ܟܬܝܒ̈ܬܗܘܢ ܠܘܬ ܐܒܗܘܬܟ. ܒܐܝܕܝ̈ dd ܥܒܕܝ̈ܟ ܘܬܠܡܝܕܝ̈ܟ ܩܠܪ̈ܝܩܐ ܕܥܕܬܐ ܕܡܕܝܢ̄ܬܢ. ܐܒܘܢ25 ܩܕܝܫܐ ܡܪܝ ܝܥܩܘܒ ܐܦܝܣܩܘܦܢ ܘܟܠܗܿ ܡܪܥܝܬܗ26 ܥܡ ܕܘܝܘܬܝ ܘܚܠܫܘܬܝ ܣܓܕܝܢܢ ܠܟܘܢ ܘܫܐܠܝܢܢ ܨ̈ܠܘܬܟܘܢ ܒܡܪܢ ܡܢܛܪܢܟܘܢ ܒܪܫ ܥܕܬܗ ܩܕܝܫܬܐ.