Narsai: On Creation of Adam and Eve - ܥܲܠ ܬܘܼܩܵܢܵܐ ܕܐܵܕܼܡ ܘܚܵܘܵܐ

1 :ܡܲܠܟܵܐ ܒܨܲܠܡܹܗ ܡܸܬܼܝܲܩܲܪ 2 ܟܲܕܼ ܪܲܚܝܼܩ ܐܲܝܟ ܩܲܪܝܼܒܼܵܐ. 3 :ܒܵܪܘܿܝܵܐ ܒܨܲܠܡܹܗ ܕܐܵܕܼܵܡ 4 ܨܒܼܵܐ ܕܲܢܚܲܕܲܡ ܠܲܡܠܝܼܠܹ̈ܐ ܀ 5 :ܒܥܵܠܡܵܐ ܡܕܝܼܢܲܬܼ ܡܲܠܟܿܘܼܬܼܵܐ 6 ܣܵܡܹ݂ܗ ܠܨܲܠܡܹܗ ܒܵܪܘܿܝܵܐ. 7 :ܘܲܒܼܨܲܠܡܵܐ ܡܸܬܼܚܲܙܝܵܢܵܐ 8 ܡ̇ܘܕܲܥ ܚܲܝܠܵܐ ܕܟܲܣܝܘܼܬܹܗ ܀ 9 :ܒܨܲܠܡܹܗ ܚܲܙܩܵܗ̇ ܒܵܪܘܿܝܵܐ 10 ܠܲܒܼܪܝܼܬܼܵܐ ܟܲܕܼ ܡܲܬܼܩܸܢ ܠܵܗ̇. 11 :ܕܲܒܼܚܘܼܒܵܐ ܕܲܠܘܵܬܼ ܐܵܕܼܵܡ 12 ܒܚܘܼܒܵܐ ܕܝܼܠܹܗ ܢܸܬܿܕܲܡܘܿܢ ܀ 13 :ܥܲܒܼܕܹܿܗ ܐ̄ܚܝܵܢܵܐ ܠܡܲܠܲܐܟܹ̈ܐ 14 ܒܚܲܕܼ ܢܲܦܫܵܐ ܪܘܼܚܵܢܵܝܬܼܵܐ. 15 :ܘܐܲܩܸܦ ܠܹܗ ܟܝܵܢܹ̈ܐ ܚܲܪ̈ܫܹܐ 16 ܒܝܲܕܼ ܪܘܼܟܵܒܼܵܐ ܕܗܲܕܵܡ̇ܘ̈ܗܝ ܀ 17 :ܓ̣ܒܲܠ ܠܲܡ ܡ̇ܪܝܵܐ ܐܵܠܵܗܵܐ 18 ܠܐܵܕܼܵܡ ܥܲܦܪܵܐ ܡ̣ܢ ܐܲܪܥܵܐ. 19 :ܘܲܢܦܲܚ ܒܹܗ ܪܘܼܚܵܐ ܕܚܲܝܹ̈ܐ 20 ܘܥܲܒܼܕܹܿܗ ܚܲܝܵܐ ܘܲܡܠܝܼܠܵܐ ܀ 21 :ܚܙ̣ܵܐ ܠܲܡ ܡ̇ܪܝܵܐ ܐܲܠܵܗܵܐ 22 ܘܗܵܐ ܟܠ ܕܲܥܒ݂ܲܕܼ ܐܸܫܬܿܡܠܝܼ. 23 :ܚܵܘܵܐ ܒܲܠܚܘܿܕܼ ܚܵܣܝܼܪܵܐ 24 ܡܥܲܕܿܢܵܐ ܕܬܸܗܘܸܐ ܠܐܵܕܼܵܡ ܀ 25 :ܐܲܪܡܝܼ ܡ̇ܪܝܵܐ ܐܲܠܵܗܵܐ 26 ܫܠܝܵܐ ܥܲܠ ܐܵܕܼܵܡ ܘܲܕܼܡܸܟ. 27 :ܘܲܢܣ݂ܲܒܼ ܐܸܠܝܵܐ ܡ̣ܢ ܐܸܠܥܵܘ̈ܗܝ 28 ܘܬܲܩܸܢ ܠܐܲܢ̄ܬܿܬܼܵܐ ܒܲܕܼܡܘܼܬܹܗ ܀ 29 :ܫܩ݂ܲܠ ܗܲܕܵܡ̇ܐ ܡ̣ܢ ܐܵܕܼܵܡ 30 ܘܲܥܒ݂ܲܕܼ ܐ̄ܢܵܫܵܐ ܐܲܝܟ ܐܵܕܼܵܡ. 31 :ܘܡܲܠܝܼ ܠܐܵܕܼܵܡ ܗܲܕܵܡ̇ܘ̈ܗܝ 32 ܕܠܵܐ ܢܸܗܘܸܐ ܠܹܗ ܚܲܣܝܼܪܵܐ ܀ 33 :ܚܙ̣ܵܐ ܐܵܕܼܵܡ ܬܲܗܪܵܐ ܚܲܕܼܬܼܵܐ 34 ܐ̄ܢܵܫܵܐ ܕܲܗܘ̤ܵܐ ܡ̣ܢ ܐ̄ܢܵܫܵܐ. 35 :ܕܲܡܫܲܡܠܲܝ ܗ̄ܘ̣ܵܐ ܒܟܼܠܡܸܕܲܡ 36 ܒܦܲܓܼܪܵܐ ܘܢܲܦܫܵܐ ܐܲܟܼܘܵܬܹܗ ܀ 37 :ܐܲܪܚܸܩ ܒܹܗ ܕܹܝܢ ܥܵܒܼܘܿܕܼܵܐ 38 ܓܸܠܝܵܢܵܐ ܐܲܝܟ ܕܲܡܨܸܐ ܗ̄ܘ̣ܵܐ. 39 :ܘܥܲܒܼܕܹܿܗ ܕܢܸܕܲܥ ܬܘܼܩܵܢܵܗ̇ 40 ܕܚܵܘܵܐ ܡܢܵܬܼܵܐ ܗ̄ܝܼ ܡ̣ܢ ܒܸܣܪܹܗ ܀ 41 :ܐܸܬܼܢܲܒܿܝܼ ܐܵܕܼܵܡ ܘܐܸܡ݂ܲܪ 42 ܕܚܵܘܵܐ ܓܲܪܡ̇ܐ ܗ̄ܝܼ ܡ̣ܢ ܓܲܪ̈ܡܲܝ. 43 :ܗܵܕܹܐ ܬܸܬܼܟܲܢܸܐ ܐܲܢ̄ܬܿܬܼܵܐ 44 :ܕܲܡܩܝܼܡܵܐ ܥܘܼܡܪܵܐ ܕܙܲܒܼܢܵܐ 45 ܒܬܼܘܼܩܵܢܹܗ ܕܐܵܕܼܵܡ ܚܵܘܝܼ: pb. 101 46 ܕܠܵܐܕܼܵܡ ܪܹܫܵܐ ܣܵܐܹ̇ܡ ܠܹܗ. 47 :ܘܚܵܘܵܐ ܒܛܲܟܼܣܵܐ ܬܪܲܝܵܢܵܐ 48 ܡܡܲܠܝܵܐ ܠܓܲܒܼܪܵܐ ܬܸܫܡܸܫܬܹܿܗ ܀ 49 :ܫܲܘܝܵܐ ܗ̄ܝܼ ܚܵܘܵܐ ܥܲܡ ܐܵܕܼܵܡ 50 ܒܲܟܼܝܵܢܵܐ ܘܲܒܼܬܼܘܼܩܵܢܵܐ. 51 :ܒܨܝܼܪܵܐ ܡܸܢܹܗ ܒܫܘܼܠܛܵܢܵܐ 52 ܕܐܵܕܼܵܡ ܪܹܫܵܐ ܘܗ̤ܝ ܪ̈ܓܼܠܹܗ ܀ 53 :ܠܒܲܪ ܡ̣ܢ ܥܘܼܡܪܵܐ ܕܦܲܪܕܵܝܣܵܐ 54 ܬܲܩܸܢ ܐܸܢܘܿܢ ܒܵܪܘܿܝܵܐ. 55 :ܘܒܲܐܬܼܪܵܐ ܕܲܥܕܹܢ ܣܵܡ̣ ܐܸܢܘܿܢ 56 ܐܲܝܟܵܐ ܕܕܼܵܢܚ̇ܝܼܢ ܢܲܗܝܼܪܹ̈ܐ ܀ 57 :ܕܒܲܪ ܠܲܡ ܡ̇ܪܝܵܐ ܐܲܠܵܗܵܐ 58 ܠܐܵܕܼܵܡ ܨܲܠܡܵܐ ܕܐܝܼܩܵܪܹܗ. 59 :ܘܣ̣ܵܡܹܗ ܒܦܲܪܕܲܝܣܵܐ ܕܲܥܕܹܢ 60 ܕܢܸܗܘܸܐ ܒܓܼܵܘܹܗ ܝܵܪܘܿܬܼܵܐ ܀ 61 :ܣܵܡ̣ ܠܹܗ ܕܹܝܢ ܐܵܦ ܦܘܼܩܕܼܵܢܵܐ 62 ܕܚܵܫܲ݁ܚ ܗ̄ܘ̣ܵܐ ܠܹܗ ܒܗܵܘ̇ ܙܲܒܼܥܵܐ. 63 :ܕܢܸܕܲܥ ܚܲܝܠܵܐ ܕܲܟܼܝܵܢܹܗ 64 ܘܢܹܐܠܲܦ ܫܘܼܠܛܵܢ ܥܵܒܼܘܿܕܼܵܐ ܀ 65 :ܦܲܩܸܕܼ ܠܲܡ ܡܵܪܝܵܐ ܠܐܵܕܼܵܡ 66 ܘܣܵܡ̣ ܠܹܗ ܬܚܘܼܡ̇ܐ ܒܐܝܼܠܵܢܵܐ. 67 :ܕܲܒܼܝܲܕܼ ܗܵܕܹܐ ܬܸܬܼܝܼܕܲܥ 68 ܦܵܪܘܿܫܘܼܬܼܵܐ ܕܲܟܼܝܵܢܹܗ ܀ 69 :ܟܠܗܘܿܢ ܦܹܐܪܹ̈ܐ ܕܦܲܪܝܣܵܐ 70 ܠܒܼܘܼܣܵܡܵܟ ܝܸܗ̄ܒܹ̇ܬܼ ܐܸܢܘܿܢ. 71 :ܡ̣ܢ ܚܲܕܼ ܒܲܠܚܘܿܕܼ ܠܵܐ ܬܹܐܟܼܘܼܠ 72 ܕܡ̇ܘܬܵܐ ܡ̇ܘܠܸܕܼ ܡ̣ܢ ܦܹܐܪ̈ܵܘܗܝ ܀ 73 :ܐܸܢ ܕܹܝܢ ܬܸܛܲܪ ܦܘܼܩܕܼܵܢܲܝ̈ 74 ܘܠܵܐ ܬܲܡܪܲܚ ܥܲܠ ܐܝܼܠܵܢܵܐ. 75 :ܦܹܐܪܵܐ ܕܚܲܝܹ̈ܐ ܐܸܬܲܠ ܠܵܟ 76 ܡ̇ܐ ܕܲܒܼܩܹܝܬܼܵܗ̇ ܠܚܹܐܪܘܼܬܼܵܟ ܀ 77 :ܠܲܬܼܪ̈ܲܝܗܘܿܢ ܕܹܝܢ ܫܲܘܝܵܐܝܼܬܼ 78 ܣ̣ܵܡܹܗ ܠܗܵܢܵܐ ܢܵܡܘܿܣܵܐ. 79 :ܕܠܵܐ ܢܸܬܼܥܲܕܿܠܘܼܢ ܒܲܚܕܼܵܕܹ̈ܐ 80 ܡ̇ܐ ܕܥܵܒܼ̇ܪܝܼܢ ܥܲܠ ܦܘܼܩܕܼܵܢܵܐ ܀ 81 :ܐܘܿ ܢܸܒܼܥܵܐ ܕܟܼܠ ܚܸܟܼܵܡܵܬܼܵܐ 82 ܕܝܵ̇ܕܲܥ ܟܠ ܥܲܕܼܠܵܐ ܢܸܗܘܸܐ. 83 :ܕܟܲܕܼ ܝܵ̇ܕܲܥ ܠܹܗ ܠܬܼܘܼܩܵܢܹܗ 84 ܣܵܐܹ̇ܡ ܠܹܗ ܐܲܝܟ ܠܵܐ ܝܵ̇ܕܲܥ ܀ 85 :ܒܥܵܬܼܵܐ ܕܗܵܠܹܝܢ ܓܲܪܸܓܼܬܲܢܝ 86 ܕܐܸܬܼܢܸܐ ܥܸܠܬܹܗ ܕܐܝܼܠܵܢܵܐ. 87 :ܕܐܲܝܟܲܢ ܡܸܫܟܲܚ ܫܲܬܿܝܼܩܵܐ 88 ܕܢܸܗܘܸܐ ܝܵ̇ܕܲܥ ܚܸܟܼ̈ܡܵܬܼܵܐ ܀ 89 :ܘܐܸܢ ܝܵ̇ܕܲܥ ܗ̄ܘ̣ܵܐ ܕܠܵܐ ܢܵܛܲ݁ܪ 90 ܢܵܡܘܿܣܵܐ ܕܣܵܐܹ̇ܡ ܗ̄ܘ̣ܵܐ ܠܹܗ. 91 :ܥܲܠ ܡ̇ܢ ܥܲܒܼܕܹܿܗ ܡ̇ܝܘܿܬܼܵܐ 92 ܠܡܵܝܘܿܬܼܵܐ ܕܠܵܐ ܒܨܸܒܼܝܵܢܹܗ ܀ 93 :ܘܐܸܢ ܠܵܘ ܡ̇ܝܘܿܬܼܵܐ ܒܪ̣ܵܝܗܝ ܗ̄ܘ̣ܵܐ 94 ܠܐܵܕܼܵܡ ܪܹܫܹܗ ܕܲܟܼܝܵܢܲܢ. 95 :ܗܵܘ̇ ܝܵ̇ܕܲܘܿܥܵܐ ܕܟܼܠ ܝܵ̇ܕܲܥ 96 ܥܲܠ ܡ̇ܢ ܠܵܐ ܟܠ̣ܵܝܗܝ ܡ̣ܢ ܗܵܕܹܐ ܀ 97 :ܫܸܡܥܵܐ ܕܡܸܠܬܼܵܐ ܕܩܸܪܝܵܢܵܐ 98 ܕܵܘܸܕܼ ܣܲܓܿܝܼ ܠܲܦܫܝܼܛܹ̈ܐ. 99 :ܕܲܥܒܼܵܪ ܦܘܼܩܕܵܢܹܗ ܕܐܵܕܼܵܡ 100 ܥܲܒܼܕܹܿܗ ܠܓܸܢܣܲܢ ܡ̇ܝܘܿܬܼܵܐ ܀ 101 :ܘܐܸܢܗܘ̤ ܕܣܲܟܼܠܘܼܬܹܗ ܕܐܵܕܼܵܡ 102 ܚܲܝܒܲܬ̤ ܠܐܵܕܼܵܡ ܘܲܠܝܲܠܕܵܘ̈ܗܝ. 103 :ܗܵܘ̇ ܝܵܕܼܘܿܥܵܐ ܕܟܼܠ ܝܵ̇ܕܲܥ 104 ܥܲܠ ܡ̇ܢܵܐ ܥܒ݂ܲܪܬܹܗ ܗܵܕܹܐ ܀ 105 :ܠܡܵܢ ܬܲܩܸܢ ܗ̄ܘ̣ܵܐ ܒܸܪ̈ܝܵܬܼܵܐ 106 ܕܚܵܫ̈ܚܵܢ ܣܲܓܿܝܼ ܠܡܵܝܘܿܬܹ̈ܐ. 107 :ܘܥܲܠ ܡ̇ܢ ܕܸܟܼܪܹ̈ܐ ܘܢܸܩ̈ܒܼܵܬܼܵܐ 108 ܒܲܟܼܝܵܢܵܐ ܠܐܲܡܝܼܢܘܼܬܼܵܐ ܀ 109 :ܚܵܣ ܕܹܝܢ ܠܵܐ ܦܲܐܝܵܐ ܕܢܹܐܡܲܪ 110 ܗܵܕܹܐ ܠܨܸܒܼܝܵܢ ܒܵܪܘܿܝܵܐ. 111 ܕܠܵܐ ܝܵ̇ܕܲܥ ܗ̄ܘ̣ܵܐ ܕܚܵܛܹ̇ܝܢܲܢ: pb. 102 112 ܘܪܘܼܓܼܙܵܐ ܫܲܚܠܸܦ ܨܸܒܼܝܵܢܹܗ ܀ 113 :ܝܵ̇ܕܲܥ ܗ̄ܘ̣ܵܐ ܟܲܕܼ ܡܲܬܼܩܸܢ ܠܲܢ 114 ܕܡ̇ܝܘܿܬܹ̈ܐ ܥܵܒܹ̇ܕܼ ܗ̄ܘ̣ܵܐ ܠܲܢ. 115 :ܘܣܵܗ̇ܕܵܐ ܒܪܝܼܬܹܗ ܠܝܼܕܲܥܬܹܗ 116 ܕܲܠܡܵܝܘܿܬܹ̈ܐ ܐܸܬܼܒܲܪܝܲܬ̤ ܀ 117 :ܡܠܝܼܠܹ̈ܐ ܘܦܵܪ̈ܘܿܫܹܐ ܥܲܒܼܕܲܢ 118 ܘܐܲܣܸܢ ܘܲܡ̣ܠܵܢ ܚܸܟܼܡܵܬܹ̈ܗ. 119 :ܘܲܨܒܼܵܐ ܕܢܲܝܬܸܿܐ ܒܢܸܣܝܵܢܵܐ 120 ܠܓܲܠܝܘܼܬܼܵܐ ܦܵܪܘܿܫܘܼܬܿܢ ܀ 121 :ܓܒܼܝܼܠ ܗ̄ܘ̣ܵܐ ܐܵܕܼܵܡ ܘܲܡܨܲܒܲܬܼ 122 ܒܦܲܓܼܪܵܐ ܘܢܲܦܫܵܐ ܫܲܘܝܵܐܝܼܬܼ. 123 :ܘܟܲܣܝܵܐ ܗ̄ܘ̣ܵܬܼ ܦܵܪܘܿܫܘܼܬܹܗ 124 ܥܕܲܡ̇ܐ ܠܲܥܒܼܵܪ ܦܘܼܩܕܼܵܢܵܐ ܀ 125 :ܗܘ̤ܵܐ ܦܘܼܩܕܼܵܢܵܐ ܐܲܝܟ ܟܘܼܪܐ 126 ܘܐܲܥܠܹܗ ܠܐܵܕܼܵܡ ܠܒܼܘܼܚܪܵܢܵܐ. 127 :ܘܐܸܬܼܓܲܠܝܲܬ̤ ܦܵܪܘܿܫܘܼܬܹܗ 128 ܕܠܵܘ ܚܲܣܝܼܪܵܐ ܗ̄ܘ̣ ܒܲܟܼܝܵܢܹܗ ܀ 129 :ܩܪ̣ܵܝܗܝ ܐܝܼܠܵܢܵܐ ܕܝܼܕܲܥܬܼܵܐ 130 ܟܲܕܼ ܚܲܪܫܵܐ ܗ̄ܘ̣ܵܐ ܒܲܟܼܝܵܢܹܗ. 131 :ܕܝܼܕܲܥܬܼܵܐ ܕܟܲܣܝܵܐ ܒܐܵܕܼܵܡ 132 ܒܦܹܐܪܵܐ ܕܡܸܢܹܗ ܐܸܬܼܓܲܠܝܲܬ̤ ܀ 133 :ܕܲܗܒܼܵܐ ܗ̄ܘ̣ܵܐ ܫܚܝܼܡܵܐ ܐܵܕܼܵܡ 134 ܩܕܼܵܡ ܡܹܐܟܼܘܼܠܬܹܿܗ ܕܐܝܼܠܵܢܵܐ. 135 :ܘܡ̣ܢ ܒܵܬܲܪ ܕܐܸܟܲܠ ܦܹܐܪܵܐ 136 ܚܵܘܝܼ ܫܘܼܦܪܵܐ ܕܨܘܼܪ̈ܵܬܹܗ ܀ 137 :ܗܘ̤ܵܐ ܦܹܐܪܵܐ ܒܲܕܼܡܘܼܬܼ ܟܘܼܪܵܐ 138 ܘܐܵܕܼܵܡ ܒܓܼܵܘܹܗ ܐܲܝܟ ܕܲܗܒܼܵܐ. 139 :ܘܲܢܦ݂ܲܚ ܒܹܗ ܚܹܝܠ ܡܹܐܟܼܘܼܠܬܼܵܐ 140 ܘܩܲܒܸܿܠ ܛܲܥܡܵܐ ܕܝܼܕܲܥܬܼܵܐ ܀ 141 :ܬܘܼܩܵܢܵܐ ܕܥܵܠܡܵܐ ܕܲܥܬܼܝܼܕܼ 142 ܒܐܝܼܠܵܢ ܚܲܝܹ̈ܐ ܒܲܕܲܩ ܠܲܢ. 143 :ܘܣܵܡܹܗ ܒܕܼܘܼܟܲܬܼ ܦܘܼܪܥܵܢܵܐ 144 ܠܲܡܝܲܬܿܪܘܼܬܼܵܐ ܕܨܸܒܼܝܵܢܹܗ ܀ 145 :ܪܸܓܿܬܼܵܐ ܕܦܹܐܪܵܐ ܕܐܝܼܠܵܢܵܐ 146 ܓܲܪܓܲܬ̤ ܠܫܲܒܼܪܘܼܬܹܗ ܕܐܵܕܵܪܡ. 147 :ܕܡ̇ܐ ܕܐܸܟܼܠܲܬ̤ ܢܲܦܫܹܗ ܡܸܢܹܗ 148 ܡܚܲܕܸܿܬܼ ܠܹܗ ܦܹܐܪܵܐ ܕܚܲܝܹ̈ܐ ܀ 149 :ܒܫܸܡܥܵܐ ܕܲܬܼܪܹܝܢ ܐܝܼܠܵܢܹ̈ܐ 150 ܥܵܠܡܹ̈ܐ ܬܪ̈ܲܝܗܘܿܢ ܐܲܡܬܸܿܠ ܠܲܢ. 151 :ܘܐܲܝܟ ܕܲܠܫܲܒܼܪܹ̈ܐ ܒܝܲܕܼ ܐ̄ܪܵܙܵܐ 152 ܨܒܼܵܐ ܕܲܢܒܲܕܸܿܩ ܟܲܣܝܘܼܬܹܗ ܀ 153 :ܒܐܝܼܠܵܢܵܐ ܕܹܝܢ ܕܝܼܕܲܥܬܼܵܐ 154 ܒܥܘܼܬܼܪܵܐ ܐܲܪܥܵܢܵܐ ܐܲܣܪ̣ܹܗ. 155 :ܘܒܼܐܝܼܠܵܢ ܚܲܝܹ̈ܐ ܒܲܕܸܿܩ ܠܹܗ 156 ܥܲܠ ܗܵܘ̇ ܥܘܼܬܼܪܵܐ ܫܡܲܝܵܐ ܀ 157 :ܠܵܐ ܡܨܸܐ ܗ̄ܘ̣ܵܐ ܕܢܹܐܠܲܦ ܗܵܕܹܐ 158 ܐܵܕܼܵܡ ܫܲܒܼܪܵܐ ܒܗܵܘ̇ ܙܲܒܼܢܵܐ. 159 :ܘܥܲܠ ܗܵܝ̇ ܓܼܪܓܹܗ ܒܐܝܼܠܵܢܵܐ 160 ܕܢܸܗܘܸܐ ܣܵܦܹ̇ܩ ܠܝܼܕܲܥܥܬܼܵܐ ܀ 161 :ܝܵ̇ܕܲܥ ܗ̄ܘ̣ܵܐ ܒܟܼܠܗܹܝܢ ܕܐܵܕܼܵܡ 162 ܗܵܘ̇ ܕܲܒܼܪܵܝܗܝ ܠܐܵܕܼܵܡ ܘܲܠܟܼܠ. 163 :ܘܲܒܼܬܼܘܼܩܵܢܹܗ ܕܡ̇ܝܘܿܬܼܵܐ 164 ܨܒܼܵܐ ܕܲܢܒܲܕܸܿܩ ܚܸܕܡܵܬܹ̈ܗ ܀ 165 :ܬܲܚܡܹܗ ܡ̣ܢ ܚܲܕܼ ܐܝܼܠܵܢܵܐ 166 ܘܓܲܪܓܹܗ ܠܪܸܓܿܬܼܵܐ ܕܲܐ̄ܚܪܹܢܵܐ. 167 :ܘܲܕܢܹܐܟܼܘܿܠ ܘܲܕܼܠܵܐ ܢܹܐܟܼܘܿܠ 168 ܒܨܸܒܼܝܵܢ ܐܵܕܼܵܡ ܣܝܼܡܵܐ ܗ̣̄ܘܵܬܼ ܀ 169 :ܒܥܘܼܡܪܵܐ ܕܲܥܕܹܢ ܣܵܡ̣ ܐܸܢܘܿܢ 170 ܠܲܦܫܝܼܛܹ̈ܐ ܘܝܲܩܲܪ ܐܸܢܘܿܢ. pb. 103 171 :ܘܫܲܥܒܸܿܕܼ ܟܠ ܕܲܗܘ̤ܵܐ ܡܸܢܹܗ 172 ܠܫܘܼܠܛܵܢܵܐ ܕܨܲܠܡܹܗ ܕܐܵܕܼܵܡ ܀ 173 :ܒܪ̣ܵܐ ܠܲܡ ܡ̇ܪܝܵܐ ܐܲܠܵܗܵܐ 174 ܠܲܒܼܥܝܼܪܵܐ ܘܲܠܚܲܝ̈ܘܵܬܼܵܐ. 175 :ܘܐܲܥܒܲܪ ܐܸܢܘܿܢ ܩܕܼܵܡ ܐܵܕܼܵܡ 176 ܕܢܸܩܪܸܐ ܫܡܵܗܹ̈ܐ ܠܩܸܢܝܵܢܵܘ̈ܗܝ ܀ 177 :ܘܝܲܗ̣̄ܒܼ ܒܹܗ ܚܲܝܠܵܐ ܥܵܒܼܪܕܹܗ 178 ܘܲܩ̣ܪܵܐ ܫܡܵܗܹ̈ܐ ܟܡܵܐ ܕܲܣܦܲܩ̣. 179 :ܟܲܕܼ ܡܲܠܸܦ ܠܹܗ ܒܝܲܕܼ ܗܵܕܹܐ 180 ܕܡ̇ܪܵܐ ܕܟܼܠ ܕܲܗܘ̤ܵܐ ܣܵܡܹܗ ܀ 181 :ܬܲܗܪܵܐ ܗ̄ܘ̣ ܨܲܠܡܹܗ ܕܒܼܵܪܘܿܝܵܐ 182 ܕܲܟܼܡܵܐ ܡܝܲܬܲܪ ܬܘܼܩܵܢܹܗ. 183 :ܕܡ̇ܪܘܼܬܹܗ ܥܲܠ ܟܠ ܡܸܬܼܚܲܬ̤ 184 ܘܠܹܗ ܐܸܫܬܲܥܒܲܕܼܘ ܟܠ ܕܲܗܘ̤ܵܘ ܀ 185 :ܒܹܗ ܐܲܣܝܼܪܝܼܢ ܫܲܘܝܵܐܝܼܬܼ 186 ܚܲܝܹ̈ܐ ܕܲܪ̈ܫܹܐ ܘܲܡܠܝܼܠܹ̈ܐ. 187 :ܘܒܲܐܚܝܵܢܘܼܬܼܗܘܿܢ ܕܲܠܘܵܬܹܗ 188 ܡܙܲܝܚܝܼܢ ܠܹܗ ܐܲܝܟ ܕܲܠܡܲܠܟܵܐ ܀ 189 :ܪܵܘܡ̇ܐ ܘܥܘܼܡܩܵܐ ܠܕܼܘܼܝܪ̈ܵܘܗܝ 190 ܝܲܡܵܐ ܘܝܲܒܼܫܵܐ ܠܦܘܼܪܢܵܣܹܗ. 191 :ܪ̈ܘܼܚܹܐ ܘܡܲܫܒܹ̈ܐ ܠܚܲܝܘܼܬܹܗ 192 ܩܲܝܛܵܐ ܘܣܲܬܼܘܵܐ ܠܲܢܝܵܚܹܗ ܀ 193 :ܦܨܝܼ̈ܚܵܢ ܗ̣̄ܘܲܝ̈ ܒܹܗ ܒܸܪ̈ܝܵܬܼܵܐ 194 ܘܫܵܡ̈ܝܥܵܢ ܠܹܗ ܐܲܝܟ ܕܲܠܡܵܪܵܐ. 195 :ܘܲܡܕܲܝܠܝܼܢ ܗ̄ܘ̣ܵܘ ܡܲܠܲܐܪܹ̈ܐ 196 ܒܬܸܫܡܸܫܬܹܿܗ ܟܲܕܼ ܚܵܕܹܝܢ ܗ̄ܘ̣ܵܘ ܀ 197 :ܒܚܘܼܒܵܐ ܠܘܵܬܹܗ ܟܵܢ̇ܫܝܼܢ ܗ̄ܘ̣ܵܘ 198 ܟܝܵܢܹ̈ܐ ܚܲܪ̈ܫܹܐ ܘܲܡܠܝܼܠܹ̈ܐ. 199 :ܘܚܵܕܹܝܢ ܗ̄ܘ̣ܵܘ ܕܲܡܫܵܘܬܲܦ ܗ̄ܘ̣ 200 ܟܝܵܢܵܐ ܕܟܼܠܗܘܿܢ ܒܐܝܼܩܵܪܹܗ ܀ 201 :ܚܲܕܼ ܒܲܠܚܘܿܕܼ ܠܵܐ ܢܲܦܫܹܗ 202 ܒܡܵܪܘܼܬܼܵܐ ܕܚܘܼܒܹܿܗ ܕܐܵܕܼܵܡ. 203 :ܘܠܵܐ ܒܸܣܡܲܬ̤ ܠܹܗ ܐܵܘܝܘܼܬܼܵܐ 204 ܕܲܒܼܓܹܐܪܵܐ ܒܠܲܥ ܕܲܝܣܵܡܵܐ ܀ 205 :ܠܵܐ ܗ̄ܘ̣ܐ ܩܛܝܼܪܵܐ ܕܲܐ̄ܚܪ̈ܵܢܹܐ 206 ܥܨ̣ܵܝܗܝ ܗ̄ܘ̣ܵܐ ܕܢܸܗܘܸܐ ܕܲܠܩܘܼܒܼܠܵܐ. 207 :ܕܒܲܟܼܝܵܢܹܗ ܛܵܒܼܵܐ ܒܪܸܐ ܗ̄ܘ̣ܵܐ 208 ܐܲܝܟ ܡܲܠܲܐܟܹ̈ܐ ܒܢܲܝ̈ ܬܸܓܼܡܹܗ ܀ 209 :ܠܵܐ ܗܘ̤ܵܬܼ ܥܸܠܬܼܵܐ ܠܲܚܣܵܡܹܗ 210 ܘܠܵܐ ܐܲܬܼܪܵܐ ܠܡܲܪܝܼܪܘܬܹܗ. 211 :ܐܸܠܵܐ ܪܲܒܿܘܼܬܹܗ ܕܐܵܕܼܵܡ 212 ܕܲܚܙ̣ܵܝܗܝ ܕܡ̣ܢ ܟܠ ܡܸܬܼܝܩܲܪ ܀ 213 :ܕܠܲܚܬܹܗ ܡܸܪܬܹܗ ܠܚܲܣܵܡܵܐ 214 ܘܲܗܘ̤ܵܐ ܟܠܹܗ ܕܲܠܩܘܼܒܼܠܵܐ. 215 :ܘܐܸܬܼܚܲܡܲܬܼ ܥܲܠ ܒܵܪܘܿܝܵܐ 216 ܒܗܵܝ̇ ܕܝܲܩܲܪ ܨܲܠܡܹܗ ܕܐܵܕܼܵܡ ܀ 217 :ܗܘ̤ ܒܚܘܼܫܵܒܼܵܘ̈ܗܝ ܝܵܒܹ̇ܕܼ ܗ̄ܘ̣ܵܐ 218 ܒܪܸܓܿܬܼܵܐ ܒܝܼܫܬܵܐ ܕܕܸܠܩܲܬ̤ ܒܹܗ. 219 :ܘܟܼܠ ܦܘܼܪ̈ܣܝܼܢ ܡܸܨܛܲܢܲܥ ܗ̄ܘ̣ܵܐ 220 ܕܢܲܝܬܸܿܐ ܠܓܸܠܝܵܐ ܨܸܢܥܵܬܹ̈ܗ ܀ 221 :ܪܸܓܿܬܹܗ ܣܢܝܼܬܼܵܐ ܗܵܕܹܐ ܗ̄ܘ̣ܵܬܼ 222 ܕܥܲܠ ܡ̇ܢ ܐܵܕܼܵܡ ܡܸܬܼܝܲܩܲܪ. 223 :ܘܥܲܠ ܡ̇ܢܵܐ ܒܚܘܼܒܹܿܗ ܟܕܼܝܼܢܝܼܢ 224 ܟܝܵܢܹ̈ܐ ܚܲܪ̈ܫܹܐ ܘܲܡܠܝܼܠܹ̈ܐ ܀ 225 :ܠܝܼ ܕܐܝܼܬܲܝ ܪܹܫܵܐ ܕܐܵܐܲܪ 226 ܘܟܼܠܗܘܿܢ ܬܸܓܼܡܹ̈ܐ ܪ̈ܘܼܚܵܢܹܐ. 227 :ܐܵܦܠܵܐ ܒܡܸܠܬܼܵܐ ܝܲܩܲܪ ܠܲܢ 228 ܟܲܕܼ ܡܲܬܼܩܸܢ ܠܹܗ ܠܲܟܼܝܵܢܲܢ ܀ 229 :ܒܬܼܘܼܩܵܢܹܗ ܕܗܵܢܵܐ ܫܝܼܛܵܐ 230 ܥܲܦܪܵܐ ܕܲܚܝܼܚܵܐ ܕܐܲܪܥܵܐ. 231 :ܢܸܥܒܸܿܕ ܠܲܡ ܐ̄ܢܵܫܵܐ ܒܨܲܠܡܲܢ 232 ܘܢܸܗܘܸܐ ܝܲܩܝܼܪ ܒܲܕܼ ܡܘܼܬܲܢ ܀ 233 ܥܲܒܼܕܹܿܗ ܐܲܝܟ ܡ̇ܪܵܐ ܒܐܲܪܥܵܐ: pb. 104 234 ܘܲܩ̣ܪܵܝܗܝ ܨܲܠܡܵܐ ܕܟܲܣܝܘܼܬܹܗ. 235 :ܘܡܸܬܼܝܲܩܲܪ ܡ̣ܢ ܟܠ ܕܲܗܘ̤ܵܘ 236 ܐܲܝܟ ܒܵܪܘܿܝܵܐ ܒܲܒܼܪܝܼܬܹܗ ܀ 237 :ܐܸܠܵܐ ܘܫܲܥܒܸܿܕܼ ܠܐܝܼܩܵܪܹܗ 238 ܫܡܲܝܵܢܹ̈ܐ ܘܐܲܪ̈ܥܵܢܵܝܹܐ ܀ 239 :ܓܒܼܝܼܠ ܡ̣ܢ ܐܲܪܥܵܐ ܡ̇ܝܘܿܬܼܵܐ 240 ܘܫܝܼܛ ܒܲܕܼܝܵܢܹܗ ܐܲܝܟ ܐܲܪܥܵܐ. 241 :ܘܫܘܼܠܛܵܢܵܐ ܕܡܸܠܬܹܗ ܡܲܡܠܸܟ 242 ܥܲܠ ܥܸܠܵܝܹ̈ܐ ܘܬܲܚܬܵܝܹ̈ܐ ܀ 243 :ܣܸܦܲܬ̤ ܢܘܼܪܵܐ ܕܲܚܣܵܡܹܗ 244 ܘܲܕܼܠܸܩ ܪܘܼܓܼܙܵܐ ܕܲܛܢܵܢܹܗ. 245 :ܘܲܒܼܥ̣ܵܐ ܕܲܢܕܼܝܼܩ ܨܹܐܕܲܝܗܘܿܢ 246 ܘܢܲܝܬܸܿܐ ܠܓܸܠܝܵܐ ܚܘܼܫܵܒܼܵܘ̈ܗܝ ܀ 247 :ܠܵܐ ܚܵܘܝܼ ܠܗܘܿܢ ܨܸܢ̈ܥܵܬܹܗ 248 ܐܲܝܟ ܕܲܡܬܵܕܼ ܕܢܸܥܒܸܿܕܼ ܗܵܫܵܐ. 249 :ܕܠܵܐ ܫܲܠܝܼܛ ܗ̄ܘ̣ܵܐ ܒܗܵܘ̇ ܙܲܒܼܢܵܐ 250 ܕܲܢܕܲܡܸܐ ܒܐܸܣܟܹܿܝܡ ܐ̄ܢܵܫܵܐ ܀ 251 :ܚܸܘܝܐ ܥܒ݂ܲܕܼ ܠܹܗ ܟܘܿܬܿܝܼܢܵܐ 252 ܘܲܠܒܸܫ̣ ܘܟܲܣܝܼ ܣܢܝܼܘܼܬܹܗ. 253 :ܕܠܵܐ ܢܸܬܼܪܲܞܒܿܘܼܢ ܡ̣ܢ ܫܸܠܝܵܐ 254 ܒܲܚܙܵܬܼܵܐ ܕܠܵܐ ܡܥܵܕܼܝܼܢ ܒܵܗ̇ ܀ 255 :ܒܗܝܼܠܝܼܢ ܘܲܫܠܹܝܢ ܬܲܡܝܼܡܹ̈ܐ 256 ܘܢܵܛ̇ܪܝܼܢ ܛܲܟܼܣܹܗ ܕܥܵܒܼܘܿܕܼܵܐ. 257 :ܘܦܲܐܝܵܐ ܚܙܵܬܼܗܘܿܢ ܠܲܚ̈ܕܼܵܕܹܐ 258 ܒܢܲܟܼܦܘܼܬܼܵܐ ܕܪܸ̈ܥܝܵܢܲܝܗܘܿܢ ܀ 259 :ܫܲܪܝܼ ܡܡܲܠܸܠ ܙܹܐܦܵܢܵܐ 260 ܒܟܸܢܵܪܵܐ ܕܒܸܣܪܵܐ ܒܩܵܠܵܐ. 261 :ܕܡܵܢܲܐ ܗ̄ܝܼ ܥܸܠܬܼܵܐ ܕܲܟܼܠܹܝܢ ܐ̄ܢܬܿܘܿܢ 262 ܡ̣ܢ ܡܹܐܟܼܘܼܠܬܵܐ ܕܟܼܠ ܦܹܐܪ̈ܝܼܢ ܀ 263 :ܠܗܘܿܢ ܫܲܐܸܠ ܗ̄ܘ̣ܵܐ ܩܲܕܼܡ̇ܝܑܬܼ 264 ܐܲܝܟ ܕܢܹܐܠܲܦ ܫܲܪܝܼܪܵܐܝܼܬܼ. 265 :ܕܲܡܦܵܣ ܗ̄ܘ̣ܵܐ ܒܹܗ ܒܲܟܼܝܵܢܹܗ 266 ܕܠܵܐ ܡܨܸܐ ܝܵ̇ܕܲܥ ܟܲܣ̈ܝܵܬܼܵܐ ܀ 267 :ܠܵܐ ܫܡܝܼܥ ܗ̄ܘ̣ܵܐ ܠܹܗ ܦܘܼܩܪܵܢܵܐ 268 ܕܣܵܡ̣ ܒܵܪܘܿܝܵܐ ܠܒܹܝܬܼ ܐܵܕܼܵܡ. 269 :ܥܲܠ ܗܵܕܹܐ ܫܲܐܸܠ ܐܸܢܘܿܢ 270 ܕܢܹܐܠܲܦ ܡܸܠܬܼܵܐ ܘܟܸܢ ܢܲܛܥܸܐ ܀ 271 :ܚܸܘܝܵܐ ܠܚܵܘܵܐ ܐܸܡ݂ܲܪ ܗ̄ܘ̣ܵܐ 272 ܨܢܝܼܥܵܐ ܠܫܲܦܝܲܬܼ ܪܸܥܝܵܢܵܐ. 273 :ܕܕܲܠܡܵܐ ܒܵܪܘܿܝܵܐ ܟܠܵܟܼܘܿܢ 274 ܡ̣ܢ ܦܹܐܪܹ̈ܐ ܪ̈ܓܼܝܼܓܹܐ ܕܲܥܕܹܢ ܀ 275 :ܫܒܲܪܬܼܵܐ ܠܲܢܟܼܝܼܠܵܐ ܐܸܡܪܵܬ̤ 276 ܕܠܵܐ ܟܠܹܝܢܲܢ ܡ̣ܢ ܐܝܼܠܵܢܹ̈ܐ. 277 :ܡ̣ܢ ܚܲܕܼ ܐܝܼܠܵܢܵܐ ܬܲܝܡܲܢ 278 ܕܡ̇ܘܬܵܐ ܟܣܸܐ ܒܵܗ̇ ܒܡܹܐܟܼܘܼܠܬܸܿܗ ܀ 279 :ܐܸܫܟܲܚ ܐܲܬܼܪܵܐ ܙܹܐܦܵܢܵܐ 280 ܘܫܲܪܝܼ ܕܢܸܙܪܘܿܥ ܙܝܼܙܵܢܵܘ̈ܗܝ. 281 :ܘܐܵܘܥܝܼ ܦܹܐܪܵܐ ܕܨܸܒܼܝܵܢܹܗ 282 ܕܓܵܠܘܼܬܼܵܐ ܒܫܘܼܪܵܝܵܐ ܀ 283 :ܠܵܐ ܠܲܡ ܡ̇ܘܬܵܐ ܡ̇ܝ̇ܬܿܝܼܢ ܐܢ̄ܬܿܘܿܢ 284 ܚܸܘܝܵܐ ܠܚܵܘܵܐ ܡܲܛܥܸܐ ܗ̄ܘ̣ܵܐ. 285 :ܐܲܝܟ ܐܲܠܵܗܹ̈ܐ ܗܵܘܹ̇ܝܢ ܐܢ̄ܬܿܘܿܢ 286 ܝܵܕܲܘܿܥܹ̈ܐ ܕܲܣܬܼܝܼܪ̈ܵܬܼܵܐ ܀ 287 :ܐܘܿܗ ܡ̣ܢ ܣܵܢܵܠܵܐ ܕܐ̄ܢܵܫܘܼܬܼܵܐ 288 ܕܕܲܠܚܹܗ ܠܫܲܝܢܵܐ ܕܲܒܼܪܝܼܬܼܵܐ. 289 :ܕܠܵܐ ܣܸܦܩܲܬ̤ ܕܐܲܛܥܝܼ ܒܲܠܚܘܿܕܼ 290 ܐܸܠܵܐ ܕܐܲܒܲܥ ܐܲܠܵܗܹ̈ܐ ܀ 291 ܗܵܪܟܵܐ ܕܸܢܚܲܬ̤ ܒܝܼܫܘܼܬܹܗ: pb. 105 292 ܘܗܘ̤ ܒܡܸܠܵܘ̈ܗܝ ܩܲܛܪܸܓܼ ܢܲܦܫܹܗ. 293 :ܕܲܚܣ݂ܲܡ ܒܐܵܕܼܵܡ ܘܲܒܼܝܲܠܕܵܘ̈ܗܝ 294 ܘܐܲܥܸܠ ܐܝܼܬܼܝܹ̈ܐ ܣܲܓܿܝܼ̈ܠܹܐ ܀ 295 :ܐܲܠܵܗܹ̈ܐ ܠܲܡ ܗܵܘܹ̇ܝܬܿܘܿܢ 296 ܘܠܵܘ ܚܲܕܼ ܐܲܠܵܗܵܐ ܒܲܠܚܘܿܕܼ. 297 :ܘܥܲܠ ܗܵܕܹܐ ܟܠܵܟܼܘܿܢ ܡܸܢܹܗ 298 ܕܐܝܼܠܵܢܵܐ ܘܲܩܪ̣ܵܝܗܝ ܡ̇ܘܬܵܐ ܀ 299 :ܩܪܘܿܒܼܘ ܐܸܬܼܒܲܣܲܡܘ ܡ̣ܢ ܦܹܐܪ̈ܵܘܗܝ 300 ܘܗܵܐ ܡܸܬܼܦܲܬܼ̈ܚܵܢ ܥܲܝܢܲܝ̈ܟܿܘܿܢ. 301 :ܕܚܲܝܹ̈ܐ ܟܣܹܝܢ ܒܵܗ̇ ܒܡܹܐܐܟܼܘܼܠܬܵܐ 302 ܕܬܸܥܒܸܿܕܼ ܐ̄ܢܵܫܵܐ ܐܲܠܵܗܹ̈ܐ ܀ 303 :ܚܙܵܬ̤ ܠܲܡ ܐܲܢ̄ܬܿܬܼܵܐ ܠܐܝܼܠܵܢܵܐ 304 ܕܪܸܓܿܬܼܵܐ ܗ̄ܘ̣ ܟܠܹܗ ܘܲܚܙܵܬܼܵܐ ܗ̄ܘ̣. 305 :ܘܢܸܣܒܲܬ̤ ܡ̣ܢ ܦܹܐܪ̈ܵܘܗܝ ܘܐܸܟܼܠܲܬ̤ 306 ܘܝܸܗ̄ܒܲܬ̤ ܥܲܡܵܗ̇ ܠܫܵܘܬܵܦܵܗ̇ ܀ 307 :ܗ̤ܝ ܠܘܼܩܕܼܵܡ ܐܸܡ݂ܲܪ ܕܐܸܟܼܠܲܬ̤ 308 ܕܬܸܩܛܘܿܦ ܠܵܗ̇ ܫܸܡ ܐܲܠܵܗܹ̈ܐ. 309 :ܒܗܵܝ̇ ܕܐܸܬܿܕܒܼܪܲܬ̤ ܠܲܦܝܵܣܵܐ 310 ܕܐܲܝܟ ܐܲܠܵܗܹ̈ܐ ܗܵܘܹ̇ܝܬܿܘܿܢ ܀ 311 :ܠܒܲܥܠܵܗ̇ ܐ̄ܚܪܵܘܑܬܼ ܝܸܗ̄ܒܲܬ̤ ܠܹܗ 312 ܕܗ̤ܝܼ ܠܘܼܩܕܼܵܡ ܬܸܗܘ̤ܐ ܐܲܠܵܗ. 313 :ܕܣܲܒܼܪܵܐ ܣܪܝܼܩܵܐ ܐܲܛܥܝܼ ܒܗ̇ 314 ܕܫܘܼܘܕܵܝܹܗ ܕܐܵܟܹ̇ܠ ܩܲܪܨܵܐ ܀ 315 :ܐܸܬܼܦܬܲܚ ܠܲܡ ܥܲܝܢܲܝ̈ܗܘܿܢ 316 ܒܡܹܐܟܼܘܼܠܬܵܐ ܕܦܹܐܪܵܐ ܘܲܚ̣ܙܵܘ. 317 :ܘܐܸܬܼܥܲܕܲܠܘ ܒܲܩܢܘܿܡܲܝ̈ܗܘܿܢ 318 ܚܙܵܬܼܵܐ ܕܡܲܠܝܵܐ ܫܘܼܚܵܪܵܐ ܀ 319 :ܠܵܐ ܝܵ̇ܕܲܥܝܼܢ ܗ̄ܘ̣ܵܘ ܟܘܼܐܵܪܵܐ 320 ܩܕܼܵܡ ܡܹܐܟܼܘܼܠܬܵܐ ܕܐܝܼܠܵܢܵܐ. 321 :ܘܡ̣ܢ ܕܥܲܒ݂ܲܪܘ ܥܲܠ ܦܘܼܩܕܵܢܵܐ 322 ܚܙ̣̰ܵܘ ܕܲܫܠܝܼܚܝܼܢ ܘܲܡܦܲܪܣܹܝܢ ܀ 323 :ܕܲܒܸܿܩܘ ܕܹܝܢ ܛܲܪ݁ܦܹܐ ܕܬܹܐܢܹ̈ܐ 324 ܡ̣ܢ ܟܘܼܚܵܕܼܵܐ ܕܲܚܕܵܕܹ̈ܐ. 325 :ܕܲܚܛܝܼܬܼܵܐ ܥܸܒܼܕܲܬ̤ ܐܸܢܘܿܢ 326 ܦܘܼܪܣܵܝܵܐ ܘܨܲܥܪܵܐ ܡܸܢܫܹܠܝ ܀ 327 :ܟܲܣܝܵܐ ܗ̄ܘ̣ܵܬܼ ܦܵܪܘܿܫܘܼܬܼܵܐ 328 ܒܪܸ̈ܥܝܵܢܲܝܗܘܿܢ ܕܲܦܝܼܛܹ̈ܐ. 329 :ܘܡ̣ܢ ܕܐܸܟܲܠ̣ܘ ܡ̣ܢ ܐܝܼܠܵܢܵܐ 330 ܗܘ̤ܵܘ ܦܵܪ̈ܘܿܫܹܐ ܕܘܵܠ̈ܝܵܬܼܵܐ ܀ 331 :ܥܲܠ ܗܲܕܹܐ ܩ̣ܪܵܝܗܝ ܕܝܼܕܲܥܬܼܵܐ 332 ܠܐܝܼܠܵܢܵܐ ܕܐܸܟܲܠ̣ܘ ܡܸܢܹܗ. 333 :ܕܝܼܕܲܥܬܼܵܐ ܕܪܸ̈ܥܝܵܢܲܗܘܿܢ 334 ܒܡܹܐܟܼܘܼܠܬܵܐ ܕܡܸܢܹܗ ܕܸܢܚܲܬ̤ ܀ 335 :ܠܵܘ ܕܝܼܕܲܥܬܼܵܐ ܝܵܗ̇ܒܼ ܗ̄ܘ̣ܵܐ 336 ܕܗܵܕܹܐ ܠܵܐ ܩܢܸܐ ܒܲܟܼܝܵܢܹܗ. 337 :ܐܸܠܵܐ ܕܲܒܼܥܸܠܬܹܗ ܕܝܼܠܹܗ 338 ܝܲܠܦ̣ܘܼܗܝ ܠܲܥܵܒܼܵܪ ܦܘܼܩܕܵܢܵܐ ܀ 339 :ܥܒ݂ܲܕܼܘ ܬܲܟܼܣܝܼܬܼܵܐ ܠܓܼܘܼܫܡܲܝ̈ܗܘܿܢ 340 ܛܲܪ̈ܦܵܘܗܝ ܕܝܼܠܹܗ ܕܐܝܼܠܵܢܵܐ. 341 :ܕܲܒܼܥܸܠܬܹܗ ܩ̣ܢܵܘ ܝܼܕܲܥܬܼܵܐ 342 ܒܛܲܪ̈ܦܵܘܗܝ ܟܲܣܝܼܘ ܦܲܓܼܪ̈ܲܝܗܘܿܢ ܀ 343 :ܗܵܘ̇ ܕܹܝܢ ܝܵ̇ܕܲܥ ܟܲܣ̈ܝܵܬܼܵܐ 344 ܠܵܐ ܐܲܗܡܝܼ ܡ̣ܢ ܬܘܼܒܵܢܹܗ. 345 :ܕܐܵܦ ܟܲܕܼ ܣܵܡ̣ ܠܹܗ ܦܘܼܩܕܵܢܵܐ 346 ܝܵ̇ܕܲܥ ܗ̄ܘ̣ܵܐ ܕܡܸܚܛܵܐ ܚܵܛܹ̇ܐ ܀ 347 :ܠܦܵܢܝܹܗ ܕܝܵܘܡ̇ܐ ܐܲܫܡܲܥ ܗ̄ܘ̣ܵܐ 348 :ܩܵܠܵܐ ܕܪܸ̈ܓܼܠܵܘܗܝ ܒܵܪܘܿܝܵܐ 349 :ܟܲܕܼ ܐܵܬܹܿܐ ܕܢܸܬܼܒܲܥ ܐܸܢܘܿܢ 350 ܥܝܵܪܬܵܐ ܕܲܥܒܼܵܪ ܦܘܼܕܵܢܵܐ ܀ 351 ܐܘܿ ܟܝܵܢܵܐ ܕܠܵܐ ܪܘܼܟܵܒܼܵܐ: pb. 106 352 ܕܠܵܐ ܡܸܣܬܲܝܲܟ ܒܲܥܒܼܵܕܼܵܘ̈ܗܝ. 353 :ܕܐܲܩܢܝܼ ܩܵܠܵܐ ܠܗܲܠܟܼܵܬܹ̈ܗ 354 ܟܲܕܼ ܐܵܬܹ̇ܐ ܕܢܲܟܸܿܣ ܠܐܵܕܼܵܐ ܀ 355 :ܐܘܿ ܢܸܒܼܥܵܐ ܕܟܼܠ ܚܸܟܼ̈ܡܵܬܼܵܐ 356 ܕܐܲܚܝܼܕܼ ܣܵܟܼܵܐ ܕܟܼܠ ܡܸܕܹܿܡ. 357 :ܕܲܡܫܲܐܸܠ ܐܲܝܟ ܠܵܐ ܝܵ̇ܕܲܥ 358 ܕܐܲܝܟܵܐ ܡܣܲܬܲܪ ܒܲܪ ܒܲܝܬܹܿܗ ܀ 359 :ܐܲܡܫܲܥ ܩܵܠܵܐ ܕܗܲܠܟܼܵܬܹ̈ܗ 360 ܕܢܲܪܗܸܒܼ ܐܸܢܘܿܢ ܥܲܠ ܕܲܚܛܵܘ̣. 361 :ܡܫܲܐܸܠ ܗ̄ܘ̣ܵܐ ܕܐܲܝܟܵܐ ܐܢ̄ܬܿ ܐܵܕܼܵܡ 362 ܘܲܡܚܵܘܸܐ ܕܝܵ̇ܕܲܥ ܕܐܲܝܟܵܐ ܗ̄ܘ̣ ܀ 363 :ܐܲܝܟܵܐ ܐܢܬܿ ܐܕܼܵܡ ܐܸܡ݂ܲܪ ܗ̄ܘ̣ܵܐ 364 ܥܵܒܼܘܿܕܼܵܐ ܠܨܲܠܡܵܐ ܕܐܲܬܼܩܸܢ. 365 :ܐܲܝܟܵܐ ܐܢ̄ܬܿ ܝܵܪܬܹܿܗ ܕܦܲܪܕܲܝܣܵܐ 366 ܠܡܵܢܵܐ ܡܛܲܫܹܝܬܿ ܣܘܼܪ̈ܚܵܢܲܝܟ ܀ 367 :ܐܘܿ ܛܵܒܼܵܐ ܟܡܵܐ ܡܲܚܸܒܼ ܠܹܗ 368 ܠܨܲܠܡܵܐ ܕܐܵܕܼܵܡ ܥܲܦܪܵܢܵܐ. 369 :ܕܲܒܼܥ̈ܡܵܬܼܵܐ ܚܢܝܼܓܼܵܬܼܵܐ 370 ܒܵܥܹ̇ܐ ܠܵܗ̇ ܠܐܲܒܿܝܼܕܼܘܼܬܹܗ ܀ 371 :ܐܲܝܟܵܐ ܐܢ̄ܬܿ ܐܵܕܼܵܡ ܝܲܩܝܼܪܵܐ 372 ܕܲܥܒܲܕܿܬܵܟ ܡ̇ܪܵܐ ܒܐܲܪܥܵܐ. 373 :ܡ̇ܢܵܐ ܥܒܼܝܼܕܲܬܿ ܦܘܼܪܣܵܝܵܐ 374 ܢܲܟܼܦܵܐ ܕܲܫܠ݂ܲܚ ܙܲܗܝܘܼܬܹܗ ܀ 375 ܩܵܠܵܟ ܫܸܡܥܹ̇ܬܼ ܘܐܸܬܿܛܲܫܝܼܬܼ. 376 ܐܵܕܼܵܡ ܦܲܢܝܼ ܠܥܵܒܼܘܿܕܹܗ. 377 :ܘܒܼܵܗܹ̇ܬܼ ܐ̄ܢܵܐ ܕܐܸܚܙܸܐ ܐܲܦܲܝ̈ܟ 378 ܕܲܫܠܝܼܚ ܐ̄ܢܵܐ ܘܲܡܦܲܪܣܲܝ ܐ̄ܢܵܐ ܀ 379 :ܡܲܢ ܥܲܒܼܕܵܟ ܥܲܪܛܸܠܵܝܵܐ 380 ܡ̇ܪܵܐ ܠܥܲܒܼܕܹܿܗ ܐܸܡ݂ܲܪ ܗ̄ܘ̣ܵܐ. 381 :ܡܲܢ̣ܘܼ ܐܲܫܠܲܚ ܬܲܟܼܣܝܼܬܼܵܟ 382 ܝܲܩܝܼܪܵܐ ܕܨܲܥܲܪ ܢܲܦܫܹܗ ܀ 383 :ܕܲܠܡܵܐ ܚܙܵܬܼܵܐ ܕܐܝܼܠܵܢܵܐ 384 ܓܲܪܸܓܼܬܼܵܟ ܨܹܝܕܼ ܡܹܐܟܼܘܼܠܬܼܵܐ. 385 :ܘܲܬܼܚܘܼܡ̇ܐ ܕܬܲܚܡܹܬܼ ܥܲܒܼܕܵܟ 386 ܥܲܪܛܸܠܝܵܐ ܕܠܵܐ ܢܲܚ̈ܬܹܿܐ ܀ 387 :ܐܲܢ̄ܬܿܬܼܵܐ ܝܸܗ̄ܒܲܬ̤ ܠܝܼ ܘܐܸܟܼܠܹ̇ܬܼ 388 ܐܕܼܵܡ ܫܲܒܼܪܵܐ ܐܸܡ݂ܲܪ ܗ̄ܘ̣ܵܐ. 389 :ܟܲܕܼ ܣܵܒܲܪ ܗ̄ܘ̣ܵܐ ܕܲܡܚܵܘܸܐ 390 ܕܪܲܚܝܼܩ ܗ̄ܘ̣ ܡ̣ܢ ܥܸܕܼܠܵܝܵܐ ܀ 391 :ܐܸܡ݂ܲܪ ܐܲܠܵܗܵܐ ܠܚܵܘܵܐ 392 ܡ̇ܢܵܘ ܠܲܡ ܗܵܢܵܐ ܕܲܥܒ݂ܲܕܿܬܿܝ. 393 :ܣܵܓܼܬܼܵܗ̇ ܠܥܸܠܬܼܵܐ ܒܲܐ̄̈ܚܪܹܢܵܐ 394 ܕܚܸܘܝܵܐ ܐܲܛܥܝܼ ܒܝܼ ܘܐܸܟܼܠܹ̇ܬܼ ܀ 395 :ܠܵܐ ܕܹܝܢ ܫܲܐܠܹܗ ܠܲܢܟܼܝܼܠܵܐ 396 ܒܲܕܼܡܘܼܬܼܵܠ ܕܫܲܐܠܹܗ ܠܐܵܕܼܵܡ. 397 :ܕܠܲܝܬܿ ܠܹܗ ܥܸܠܬܼܵܐ ܠܲܚܣܵܡܹܗ 398 ܕܢܹܐܡܲܪ ܕܐ̄ܚܪܹܝܢ ܐܲܛܥܝܼ ܒܝܼ ܀ 399 :ܫܲܪܝܼ ܕܹܝܢ ܒܲܓܼܙܵܪ ܕܝܼܢܵܐ 400 :ܒܵܪܘܿܝܵܐ ܕܐܲܬܼܩܸܢ ܐܸܢܘܿܢ 401 :ܘܠܘܼܩܕܵܪܡ ܫܲܪܝܼ ܡ̣ܢ ܚܸܘܝܵܐ 402 ܕܗܘ̤ ܗܘ̤ܵܐ ܥܸܠܲܬܼ ܒܝܼ̈ܫܬܼܵܐ ܀ 403 :ܒܠܵܘ̈ܛܵܬܼܵܐ ܕܹܝܢ ܕܲܠܚܸܝܵܐ 404 ܠܐܵܟܹ̇ܠ ܩܲܪܨܵܐ ܠܵܐܹ̇ܛ ܗ̄ܘ̣ܵܐ. 405 :ܪܵܡܹ̇ܙ ܗ̄ܘ̣ܵܐ ܥܲܠ ܡܲܦܘܼܠܬܹܿܗ 406 ܕܫܵܪܹܐ ܠܹܗ ܡ̣ܢ ܫܘܼܠܛܵܢܹܗ ܀ 407 :ܪܹܫܵܐ ܕܐܵܐܲܪ ܐܝܼܬܼܵܘܗܝ ܗ̄ܘ̣ܵܐ 408 ܘܪܲܒܿܚܲܝܠܵܐ ܕܲܟܼ̈ܢܵܘܵܬܹܗ. 409 :ܘܕܲܐܛܥܝܼ ܒܐܵܕܼܵܡ ܘܲܒܼܚܵܘܵܐ 410 ܢܦܲܠ̣ ܥܲܠ ܐܲܪܥܵܐ ܘܐܸܫܬܬܲܦܲܠ ܀ 411 :ܐܸܡ݂ܲܪ ܐܲܠܵܗܵܐ ܠܚܸܘܝܵܐ 412 ܥܲܠ ܕܲܥܒ݂ܲܕܿܬܿ ܗܵܕܹܐ ܘܐܲܛܥܝܼܬܿ. 413 :ܠܝܼܛ ܐܲܢ̄ܬܿ ܡ̣ܢ ܟܠܹܗ ܪ̈ܲܚܫܵܐ 414 ܘܗܲܠ̈ܟܼܵܬܼܵܟ ܒܵܟ ܢܸܬܼܐܲܣܪ̈ܵܢ ܀ 415 :ܥܲܦܪܵܐ ܬܸܗܘܸܐ ܡܹܐܟܼܘܼܠܬܵܟ 416 ܘܲܒܼܓܼܵܘ ܐܲܪܥܵܐ ܗܘܼܦܵܟܼܵܟ. pb. 107 417 :ܕܐܲܦܸܩܬܿ ܝܵܪܬܵܐ ܡ̣ܢ ܫܘܼܒܼܚܹܗ 418 ܒܐܲܪܥܵܐ ܢܸܗܘܸܐ ܩܘܼܦܵܚܵܟ ܀ 419 :ܒܥܸܠܕܲܒܼܵܒܼܵܐ ܬܸܗܘܸܐ ܡܸܟܹܿܝܠ 420 ܠܐܵܕܼܵܡ ܘܲܠܟܼܠܗܘܿܢ ܝܲܠܕܵܘ̈ܗܝ. 421 :ܕܗܘ̤ ܕܵܐܹ̇ܿܫ ܪܹܫܵܟ ܒܐܲܪܥܵܐ 422 ܘܐܲܢ̄ܬܿ ܡ̇ܚܹܝܬܿ ܠܹܗ ܡ̇ܐ ܕܲܚܛ̣ܵܐ ܀ 423 :ܒܵܬܬܲܪ ܚܸܘܝܵܐ ܨܹܝܕܼ ܚܵܘܵܐ 424 ܐܲܚܝܼܪܹܗ ܠܲܓܼܙܵܪ ܕܝܼܢܵܐ. 425 :ܕܗ̤ܝ ܩܲܒܿܠܲܬ̤ ܡܸܠܟܹܿܗ ܠܘܼܩܕܼܵܡ 426 ܘܦܸܫܛܲܬ̤ ܐܝܼܕܼܵܗ̇ ܥܲܠ ܦܹܐܪܵܐ ܀ 427 :ܒܟܹܐܒܹ̈ܐ ܘܝܼܠܲܠܬܵܐ ܠܵܛ̣ܵܗ̇ 428 ܘܲܒܼܚܸܒܼܠܹ̈ܐ ܕܝܲܠܕܵܐ ܐܲܣܪ̣ܵܗ̇. 429 :ܘܫܘܼܥܒܵܕܼܵܐ ܠܓܲܒܼܪܵܐ ܝܲܗ̣̄ܒܵܗ̇ 430 ܕܬܸܗܘܸܐ ܡܡܲܠܝܵܐ ܣܘܼܢܩܵܢܹܗ ܀ 431 :ܐܘܿ ܦܘܼܪ̈ܣܹܐ ܟܡܵܐ ܚܲܟܿܝܼܡܝܼܢ 432 ܕܒܼܵܪܘܿܝܵܐ ܨܹܝܕܼ ܬܘܼܩܵܢܵܘ̈ܗܝ. 433 :ܕܐܲܝܠܹܝܢ ܕܲܩ̣ܒܲܥ ܒܲܟܼܝܵܢܵܐ 434 ܣܵܡ̣ ܐܸܢܹܝܢ ܐܲܝܟ ܠܘܼܚܵܡܵܐ ܀ 435 :ܠܐܵܕܼܵܡ ܨܲܠܡܵܐ ܕܐܝܼܩܵܪܹܗ 436 ܐ̄ܚܪܵܝܑܬܼ ܠܵܛܹܗ ܒܵܪܘܿܝܵܐ. 437 :ܕܩܲܫܝܘܼܬܹܗ ܕܲܓܼܙܵܪ ܕܝܼܢܵܐ 438 ܒܚܸܘܝܵܐ ܘܚܵܘܵܐ ܐܸܬܼܦܲܟܲܗ ܀ 439 :ܐܸܡ݂ܲܪ ܠܲܡ ܡ̇ܪܝܵܐ ܠܐܵܕܼܵܡ 440 ܥܵܒܼܘܿܕܼܵܐ ܠܨܲܠܡܵܐ ܕܐܲܬܼܩܸܢ. 441 :ܕܡܸܛܠܵܬܼܵܟ ܠܵ̄ܐܹ̇ܛ ܐ̄ܢܵܐ 442 ܦܹܐܪܹ̈ܐ ܘܙܲܪ̈ܥܹܐ ܘܐܝܼܠܵܢܹ̈ܐ ܀ 443 :ܥܲܠ ܕܲܫܡ݂ܲܥܬܿ ܒܩܵܠܵܐ ܕܐܲܢ̄ܬܿܬܼܵܟ 444 ܘܐܸܟܲܠ̣ܬܿ ܦܹܐܪܵܐ ܕܝܼܕܲܥܬܼܵܐ. 445 :ܦܲܠܵܚܵܐ ܬܸܗܘܸܐ ܒܐܲܪܥܵܐ 446 ܘܗܵܝܕܹܿܝܢ ܬܸܬܸܿܠ ܠܵܟ ܦܹܐܪܹ̈ܐ ܀ 447 :ܥܲܦܪܵܐ ܐܢ̄ܬܿ ܐܵܕܼܵܡ ܡ̣ܢ ܐܲܪܥܵܐ 448 ܘܠܲܐܪܥܵܐ ܬܸܗܦܘܿܟ ܥܲܠ ܕܲܚܛܲܝܬܿ. 449 :ܕܫܵܛ̣ܬܿ ܦܘܼܩܕܵܢܵܐ ܕܣܵܡܹ̇ܬܼ ܠܵܟ 450 ܡܠܝܼܠܹ̈ܐ ܘܚܲܪ̈ܫܹܐ ܢܫܘܼܛܘܼܢܵܟ ܀ 451 :ܗܵܐ ܗ̤ܘܲܝܬܿ ܡܸܟܹܿܝܠ ܐܲܠܵܗܵܐ 452 ܐܲܟܼܡܵܐ ܕܐܲܛܥܝܼ ܒܵܟ ܒܝܼܫܵܐ. 453 :ܦܩܘܿܕܼ ܠܲܟܼܝܵܢܹ̈ܐ ܡܸܫܬܲܡܥܝܼܢ 454 ܐܸܢ ܫܲܪܝܼܪܵܐ ܢܒܼܝܼܘܼܬܹܗ ܀ 455 :ܗܸܠܹܝܢ ܩܵܠܹ̈ܐ ܡܲܫܡܲܥ ܗ̄ܘ̣ܵܐ 456 ܒܵܪܘܿܝܵܐ ܟܲܕܼ ܡܲܗܸܠ ܒܹܗ. 457 :ܕܗܵܐ ܐܵܕܼܵܡ ܐܲܝܟ ܚܲܕܼ ܡܸܢܲܢ 458 ܗܘ̤ܵܐ ܠܹܗ ܡܸܟܸܿܝܠ ܐܲܠܵܗܵܐ ܀ 459 :ܢܸܦܘܿܩ ܠܹܗ ܡ̣ܢ ܦܲܪܕܲܝܣܵܐ 460 ܝܵܪܬܵܐ ܕܠܵܐ ܦܪ̣ܵܫ ܐܝܼܩܵܪܹܗ. 461 :ܕܲܠܡܵܐ ܠܲܡ ܢܵܘܫܸܛ ܐܝܼܕܹܗ 462 ܘܢܸܣܲܒ ܡ̣ܢ ܐܝܼܠܵܢ ܚܲܝܹ̈ܐ ܀ 463 :ܠܝܘܼܠܦܵܢܹܗ ܕܹܝܢ ܡܲܫܡܲܥ ܗ̄ܘ̣ܵܐ 464 ܗܵܠܹܝܢ ܩܵܠܹ̈ܐ ܒܵܪܘܿܝܵܐ. 465 :ܕܬܹܐܪܲܒܼ ܒܥܲܝܢܵܘ̈ܗܝ ܣܲܟܼܠܘܼܬܹܗ 466 ܘܢܸܣܢܹܝܗ̇ ܣܲܓܿܝܼ ܠܲܚܛܝܼܬܼܵܐ ܀ 467 :ܘܐܸܢ ܕܲܥܒ݂ܲܪ ܥܲܠ ܦܘܼܩܵܕܵܢܵܐ 468 ܥܲܒܼܕܹܿܗ ܠܥܘܼܡܪܹܗ ܢܘܼܟܼܪܵܝܵܐ. 469 :ܟܡܵܐ ܙܵܕܹܩ ܠܹܗ ܕܲܢܝܲܩܲܪ 470 ܠܒܼܵܪܘܿܝܹܗ ܘܠܵܘ ܬܘܼܒܼ ܢܸܚܛܸܐ ܀ 471 :ܟܡܵܐ ܕܲܗܕܼܝܼܪ ܗ̄ܘ̣ܵܐ ܦܲܪܕܲܝܣܵܐ 472 ܘܲܫܟܼܝܼܚ ܗ̄ܘ̣ܵܐ ܒܹܗ ܒܘܼܣܵܡܵܐ. 473 :ܟܲܕܼ ܡܲܪܦܸܐ ܠܹܗ ܘܢܵܦܹ̇ܿܩ ܗ̄ܘ̣ܵܐ 474 ܒܲܚܛܝܼܬܼܐ ܡܸܬܼܥܲܕܿܠ ܗ̄ܘ̣ܵܐ ܀ 475 :ܥܒܼܵܪ ܦܘܼܩܕܵܢܵܐ ܐܲܝܟ ܪܲܒܵܐ 476 ܚܲܟܿܡܹܗ ܣܲܓܿܝܼ ܠܲܦܫܝܼܛܵܐ. 477 :ܘܲܓܼܙܵܪ ܕܝܼܢܵܐ ܘܠܘܼܚܵܡܵܐ 478 ܥܲܒܼܕܹܿܗ ܕܢܸܣܢܹܝܗ̇ ܠܲܚܛܝܼܬܼܵܐ ܀ 479 ܒܝܲܕܼ ܐܝܼܠܵܢܵܐ ܐܸܬܼܓܲܠܝܲܬ̤: pb. 108 480 ܬܲܚܦܝܼܬܼܵܐ ܕܥܲܠ ܪܸܥܝܵܢܹܗ. 481 :ܘܲܒܼܪܸܓܲܬܼ ܦܹܐܪܵܐ ܕܡܸܢܹܗ 482 ܠܚܹܐܪܘܼܬܼܵܐ ܕܒܹܗ ܐܸܫܬܵܘܕܲܥ ܀ 483 :ܫܲܪܝܼ ܐܵܕܼܵܡ ܕܢܸܬܼܢܲܒܸܿܐ 484 ܒܚܲܝܠܵܐ ܕܝܲܗ̣̄ܒܼ ܒܹܗ ܒܵܪܘܿܝܵܐ. 485 :ܘܲܥܬܼܝܼ̈ܕܼܵܬܼܵܐ ܕܒܲܟܼܝܵܢܹܗ 486 ܒܓܸܠܝܵܢܵܐ ܡܲܠܸܠ ܐܸܢܹܝܢ ܀ 487 :ܩܪ̣ܵܐ ܠܲܡ ܐܵܕܼܵܡ ܫܸܡ ܐܲܢ̄ܬܿܬܹܗ 488 ܚܵܘܵܐ ܝܵܠܕܲܬܼ ܚܲܝܘܼܬܼܵܐ. 489 :ܕܲܥܬܼܝܼܕܼܵܐ ܕܬܸܗܘܸܐ ܐܸܡ̇ܐ 490 ܘܬܼܵܘܠܸܕܼ ܐ̄ܢܵܫܵܐ ܒܝܘܼܒܵܠܵܐ ܀ 491 :ܥܒ݂ܲܕܼ ܠܲܡ ܡ̇ܪܝܵܐ ܐܲܠܵܗܵܐ 492 ܟܘܿܬܼܝܼ̈ܢܝܵܬܼܵܐ ܠܒܹܝܬܼ ܐܵܕܼܵܡ. 493 :ܟܲܕܼ ܐܲܙܝܼܥ ܚܘܼܫܵܒܲܝ̈ܗܘܿܢ 494 ܕܲܢܟܲܣܘܿܢ ܗܲܕܵܡܲܝ̈ܗܘܿܢ ܀ 495 :ܟܘܿܬܿܝܼ̈ܢܝܵܬܼܵܐ ܕܲܩܠܵܦܹ̈ܐ 496 ܐܲܠܒܸܿܫ ܐܸܢܘܿܢ ܒܵܪܘܿܝܵܐ. 497 :ܒܗܵܝ̇ ܕܐܲܫܪܝܼ ܒܗܘܿܢ ܝܼܕܲܥܬܼܵܐ 498 ܕܲܢܡܲܠܘܿܢ ܣܘܼܢܩܵܢܲܝ̈ܗܘܿܢ ܀ 499 :ܠܝܘܼܠܦܵܢܗܘܿܢ ܡܸܣܬܲܥܪ̈ܵܢ ܗ̣̄ܘܲܝ̈ 500 ܟܠܗܹܝܢ ܕܲܓܼܙܲܪ ܘܐܸܬܼܠܲܚܲܡ. 501 :ܘܲܠܒܼܘܼܝܵܐܗܘܿܢ ܡܡܲܠܸܐ ܗ̄ܘ̣ܵܐ 502 ܣܘܼܢܩܵܢܵܐ ܕܗܲܕܵܡܲܝ̈ܗܘܿܢ ܀ 503 :ܒܩܵܠܵܐ ܢܸܦܩܘܼܢ ܦܲܩܸܕ ܗ̄ܘ̣ܵܐ 504 ܡ̣ܢ ܥܘܼܡܪܵܐ ܦܲܐܝܵܐ ܕܲܥܕܹܢ. 505 :ܕܠܵܐ ܢܸܬܼܒܲܣܡܘܼܢ ܡ̣ܢ ܦܹܐܪ̈ܵܘܗܝ 506 ܕܐܝܼܠܵܢܵܐ ܕܝܵܗܹ̇ܒܼ ܚܲܝܹ̈ܐ ܀ 507 :ܕܲܠܡܵܐ ܠܲܡ ܢܸܦܢܸܐ ܐܵܕܼܵܡ 508 ܘܢܸܣܲܒܼ ܡ̣ܢ ܦܹܐܪܵܐ ܕܚܲܝܹ̈ܐ. 509 :ܢܸܦܘܿܩ ܠܐܲܝܟܵܐ ܕܐܸܬܿܬܲܩܲܢ 510 ܘܢܸܦܠܘܿܚ ܐܲܪܥܵܐ ܕܠܵܘ̈ܛܵܬܼܵܐ ܀ 511 :ܚܲܕܼ ܝܵܘܡ̇ܐ ܗܘ̤ܵܘ ܥܲܦܪ̈ܵܢܹܐ 512 ܝܵܪ̈ܬܹܿܐ ܒܥܘܿܡܪܵܐ ܕܦܲܪܕܲܝܣܵܐ. 513 :ܘܲܠܦܵܢܝܹܗ ܕܝܵܘܡ̇ܐ ܫܲܢܝܼܘ 514 ܬܵܘܬܵܒܹ̈ܐ ܠܐܲܬܼܪܵܐ ܐ̄ܚܪܹܢܵܐ ܀ 515 :ܒܨܲܦܪܵܐ ܒܲܒܸܿܠܘ ܬܘܼܩܵܢܵܐ 516 ܘܒܲܬܼܫܲܥ ܫܵܢ̈ܥܝܼܢ ܡܲܪܫܘܼܬܼܵܐ. 517 :ܘܲܒܼܝܵܘܡ̇ܐ ܕܐܸܬܿܬܲܩܲܢܘ ܗ̄ܘ̣ܵܘ 518 ܒܹܗ ܐܸܟܸܿܠܘ̣ ܘܲܚܛܵܘ̣ ܘܲܢܦܲܩ̣ܘ ܀ 519 :ܢܒܼܝܼܵܐ ܒܪܘܼܚܵܐ ܐܲܟܼܬܸܿܒ ܠܲܢ 520 ܕܝܵܘܡ̇ܐ ܗܘ̤ܵܘ ܒܐܲܬܼܪܵܐ ܕܲܥܕܹܢ. 521 :ܕܲܠܦܵܢܝܹܗ ܕܝܵܘܡ̇ܐ ܐܸܡ݂ܲܪ 522 ܘܠܵܐ ܗ̄ܘ̣ܵܐ ܠܦܵܢܝܹܗ ܕܐ̄ܚܪܹܢܵܐ ܀ 523 :ܢܦ݂ܲܩ ܐܵܕܼܵܡ ܡ̣ܢ ܦܲܪܕܲܝܣܵܐ 524 ܘܲܥܡ݂ܲܪ ܒܐܲܬܼܪܵܐ ܕܲܚܕܼܵܪܵܘܗܝ. 525 :ܟܲܕܼ ܟܲܪܝܵܐ ܠܹܗ ܠܥܲܦܪܵܢܵܐ 526 ܕܲܗܘ̤ܵܐ ܠܥܘܼܡܪܹܗ ܢܘܼܟܼܪܵܝܵܐ ܀ 527 :ܣܵܓܹܗ ܠܦܲܪܕܲܝܣܵܐ ܒܐܲܦܵܘ̈ܗܝ 528 ܒܲܫܢܵܢܵܐ ܕܚܲܪܒܵܐ ܕܪܘܼܡܚܵܐ. 529 :ܘܐܲܩܝܼܡ ܠܹܗ ܐܵܦ ܢܵܛܘܿܪܵܐ 530 ܟܪܘܿܒܼܵܐ ܕܚܝܼܠܵܐ ܕܢܸܛ̇ܲܪ ܠܹܗ ܀ 531 :ܐܘܿ ܒܵܪܘܿܝܵܐ ܚܲܟܿܝܼܡܵܐ 532 ܟܡܵܐ ܪܵܚܹ̇ܡ ܠܹܗ ܠܬܼܘܼܩܵܢܹܗ. 533 :ܕܲܟܼܠ̣ܵܐ ܡܸܢܹܗ ܫܝܼ̈ܛܵܬܼܵܐ 534 ܕܲܢܝܲܩܪܝܼܘܗܝ ܒܲܫܒܼܝܼ̈ܚܵܬܼܵܐ ܀ 535 :ܝܲܩܪܹܗ ܣܲܓܿܝ ܠܦܲܪܕܲܝܣܵܐ 536 ܒܗܵܝ̇ ܕܐܲܩܝܼܡ ܠܹܗ ܢܵܛܘܿܪܵܐ. 537 :ܕܢܸܕܲܥ ܐܵܕܼܵܡ ܣܲܟܼܠܘܼܬܹܗ 538 ܘܢܸܗܦܘܿܟ ܢܸܒܼܥܸܐ ܐܝܼܩܵܪܹܗ ܀ 539 :ܥܲܒܼܕܹܿܗ ܕܢܸܪܓܼܫ ܒܲܚܛܝܼܬܹܗ 540 ܕܲܢܝܲܩܲܪ ܦܘܼܩܕܵܢ ܡ̇ܪܹܗ. 541 :ܕܡ̇ܐ ܕܦܵܠܲܚ ܐܵܪܥܵܐ ܒܚܲܝܠܹܗ 542 ܢܸܗܘܸܐ ܝܵ̇ܕܲܥ ܡ̇ܢ ܐܵܘܒܸܿܕܼ ܀ 543 :ܢܦ݂ܲܩ ܐܵܕܼܵܡ ܡ̣ܢ ܦܲܪܕܲܝܣܵܐ 544 ܘܲܟܼܕܼܝܼܢܵܐ ܠܹܗ ܟܲܪܝܘܼܬܼܵܐ. pb. 109 545 :ܘܣܵܢ̇ܠܵܐ ܫܲܪܝܼ ܡܸܫܬܲܒܼܗܲܪ 546 ܕܲܗܘ̤ܵܐ ܠܝܼ ܐܵܕܼܵܡ ܥܲܒܼܕܵܐ ܀ 547 :ܐܲܟܼܪܝܼܘ ܟܸܢܫܹ̈ܐ ܪ̈ܘܼܚܵܢܹܐ 548 ܕܲܚܼܙܵܘ ܨܲܥܪܹܗ ܕܝܲܩܝܼܪܵܐ. 549 :ܘܲܠܒܸܫ݂ܘ ܟܠܗܘܿܢ ܟܲܪܝܘܼܬܼܵܐ 550 ܕܒܲܪ ܚܹܐܪܹ̈ܐ ܦܠܲܚ݂ ܥܲܒܼܕܿܘܼܬܼܵܐ܀ 551 :ܕܲܚܕܹܝܢ ܗ̄ܘ݂ܵܘ ܒܹܗ ܒܬܼܘܼܩܵܢܹܗ 552 ܘܲܦܨܝܼܚܝܼܢ ܗ̄ܘ݂ܵܘ ܒܲܚܙܵܬܹܗ. 553 :ܕܚܵܙܹܿܝܢ ܗ̄ܘ݂ܵܘ ܕܲܡܚܲܝܲܢ ܗ̄ܘ݂ܵܐ 554 ܟܝܵܢܵܐ ܕܝܼܠܗܘܿܢ ܠܲܕܼܢܲܦܫܹܗ܀ 555 :ܚܲܫܵܐ ܕܚܘܼܒܵܐ ܠܒܼܝܼܫܝܼܢ ܗ̄ܘܼܵܘ 556 ܕܐܲܡܼܠܸܟ ܡܵܘܬܵܐ ܥܲܠ ܐܲܕܼܵܡ. 557 :ܘܲܡܥܵܩܝܼܢ ܗ̄ܘܵܘ ܟܲܕܼ ܚܵܙܹܝܢ 558 ܕܦܵܪܫܵܐ ܢܲܦܫܹܗ ܡܼܢ ܦܲܓܼܪܹܗ܀ 559 :ܒܪܝܼܬܵܐ ܟܠܵܗܿ ܐܸܬܼܐܲܒܼܠܲܬ̤ 560 ܥܲܠ ܨܲܠܡܵܐ ܦܐܲܝܵܐ ܕܐܵܕܵܡ. 561 :ܕܥܲܡܹܗ ܒܚܘܼܒܵܐ ܟܕܼܝܼܢܵܐ ܗ̄ܘܼܵܬܼ 562 ܚܛܝܼܬܼܵܐ ܫܪܵܬܹܗ ܠܐܲܣܵܪܵܐ܀ 563 :ܐܲܦܝܼܘ ܡܸܢܹܗ ܐܲܦܲܝ̈ܗܘܿܢ 564 ܪ̈ܘܼܚܵܢܹܐ ܐܲܝܟ ܢܘܼܟܼܪ̈ܵܝܹܐ. 565 :ܘܠܵܐ ܨܵܒܹܿܝܢ ܗ̄ܘܼܵܘ ܕܢܙܝܼܥܘܼܢ 566 ܐܸܣܛܘܼܟܼܣܹ̈ܐ ܠܩܘܼܝܵܡ ܚܲܝܵܘ̈ܗܝ܀ 567 :ܡܼܪܲܕܼ ܡܸܢܹܗ ܐܵܦ ܚܲܝ̈ܘܵܬܼܵܐ 568 ܘܼܪ̈ܲܚܫܵܐ ܥܼܪܲܩ ܘܲܛܼܫܵܐ ܒܐܲܪܥܵܐ. 569 :ܘܫܼܵܛܘܼܗܝ ܟܠܗܘܿܢ ܩܸܢܝܵܢܵܘ̈ܗܝ 570 ܥܲܠ ܕܐܲܫܝܼܛ ܡܸܠܲܬܼ ܡܵܪܹܗ܀ 571 :ܗܘ̤ܵܐ ܢܘܼܟܼܪܵܝܵܐ ܒܨܸܒܼܝܵܢܹܗ 572 ܠܡܵܪܘܼܬܼܵܐ ܕܐܸܬܲܗ̄ܒܲܬ̤ ܠܹܗ. 573 :ܘܫܼܵܛܘܼܗܝ ܣܲܓܿܝܼ ܠܝܲܩܝܼܪܵܐ 574 ܫܝܼܛܹ̈ܐ ܕܲܗܘܸܵܘ ܡܲܪ̈ܵܚܹܐ܀ 575 :ܟܝܵܢܹ̈ܐ ܚܲܪ̈ܫܹܐ ܘܲܡܠܝܼܠܹ̈ܐ 576 :ܐܸܒܼܠܵܐ ܠܒܼܫܼܘ ܥܲܠ ܡܲܦܘܼܠܬܹܿܗ 577 :ܘܚܲܕܼܗ̄ܘܼ ܒܲܠܚܘܿܕܼ ܚܵܕܹܐ ܗ̄ܘܼܵܐ 578 ܗܵܘܿ ܕܲܡܥܵܩ ܗ̄ܘ݂ܵܐ ܒܐܝܼܩܵܪܹܗ܀ 579 :ܒܲܫܒܼܵܒܼܘܼܬܹܗ ܕܦܲܪܕܲܝܣܵܐ 580 ܝܲܗ̄ܒܼܠܹܗ ܥܘܼܡܪܵܐ ܠܡܵܝܘܿܬܼܵܐ. 581 :ܕܢܸܗܘܸܐ ܡܸܬܥܲܗܲܕܼ ܟܠܫܵܥ 582 ܝܵܪܬܿܘܼܬܹܗ ܐܲܦ ܣܲܟܼܠܘܼܬܹܗ܀ 583 :ܒܗܵܠܹܝܢ ܦܘܼܪ̈ܣܹܐ ܐܸܨܛܲܢܲ 584 ܒܵܪܘܿܝܵܐ ܕܢܸܪܕܲܝܘܗܝ ܠܐܵܕܼܵܡ. 585 :ܘܲܒܼܩܲܫܝܘܼܬܼܵܐ ܕܠܘܼܚܵܡܹܗ 586 ܠܝܼܕܲܥܬܼܵܐ ܢܵܓܹܕܼ ܗ̄ܘ݂ܵܐ ܠܹܗ܀ 587 :ܗܵܠܹܝܢ ܡܸܡܬܼܘܿܡ ܟܲܣ̈ܝܵܢ ܗ̄ܘܲܝ̈ 588 ܒܝܼܕܲܥܬܹܗ ܕܗܵܘ ܕܲܒܼܪܵܐ ܟܠ. 589 :ܘܲܠܓܸܠܝܵܐ ܐܲܝܬܿܝܼ ܐܸܢܹܝܢ 590 ܒܥܸܠܬܼܵܐ ܕܲܥܒܼܵܪ ܦܘܼܩܕܵܢܵܐ܀ 591 ܡܵܝܘܿܬܼܵܐ ܒܼܪܵܝܗܝ ܗ̄ܘ݂ܵܐ ܠܐܵܕܼܵܡ. 592 ܘܐܲܬܼܩܸܢ ܥܘܼܡܪܵܐ ܕܚܵܫܲܚ ܠܹܗ. 593 :ܘܣܵܡ݂ ܥܸܠܬܼܵܐ ܕܡܵܝܘܿܬܼܘܼܬܼܵܐ 594 ܚܛܝܼܬܼܵܐ ܕܲܥܒܼܵܪ ܦܘܼܩܕܵܢܵܐ܀ 595 :ܠܟܼܠܹܗ ܟܝܵܢܵܐ ܡܚܲܟܲܡ ܗ̄ܘ݂ܵܐ 596 ܒܗܵܕܹܐ ܥܸܠܬܼܵܐ ܕܒܹܝܬܼ ܐܵܕܼܵܡ. 597 :ܕܐܸܢ ܚܛܝܼܬܼܵܐ ܡܵܘܬܵܐ ܥܸܒܼܕܲܬ̤ 598 ܢܸܣܢܹܝܗܿ ܡܸܟܹܿܝܠ ܕܲܦܛܲܠܬܲܢ܀ 599 :ܪܲܒܵܐ ܗܘܵܐ ܠܹܗ ܓܙܵܪ ܕܝܼܢܵܐ 600 ܘܲܪܕܼܵܝܗܝ ܣܲܓܿܝܼ ܠܲܦܫܝܼܛܵܐ. 601 :ܕܲܚܛܝܼܬܼܵܐ ܠܡܵܘܬܵܐ ܫܕܵܬܹܗ 602 ܢܹܐܠܲܦ ܡܲܢܼܘܼ ܕܡܲܚܸܐ ܠܹܗ܀ 603 :ܚܲܟܿܡܹܗ ܣܲܓܿܝܼ ܦܘܼܩܕܵܢܵܐ 604 ܘܥܲܒܼܕܲܗ ܕܢܸܕܲܥ ܠܲܟܼܝܵܢܹܗ. 605 ܕܠܵܐ ܢܸܬܼܪܵܘܪܲܒܼ ܥܲܦܪܵܢܵܐ: pb. 110 606 ܘܢܸܛܥܹܐ ܟܝܵܢܹܗ ܬܵܚܘܿܒܼܵܐ܀ 607 :ܐܲܣܸܢ ܣܼܵܡ ܒܹܗ ܥܵܒܼܘܿܕܼܵܐ 608 ܒܬܼܘܼܩܵܢܹܗ ܟܠ ܚܸܟܼ̈ܡܵܬܼܵܐ. 609 :ܘܥܲܒܼܕܹܿܗ ܡܵܪܵܐ ܕܚܹܐܪܘܼܬܹܗ 610 ܕܐܲܝܟ ܨܸܒܼܝܵܢܹܗ ܢܸܬܿܕܲܒܲܪ܀ 611 :ܢܼܨܲܒܼ ܒܹܗ ܙܵܘܥܹ̈ܐ ܗܲܢܝܹ̈ܐܐ 612 ܪܸܓܿܬܼܵܐ ܘܚܘܼܒܵ ܟܝܵܢܵܐܝܼܬܼ. 613 :ܕܡܼܢ ܢܸܒܼܥܵܐ ܕܦܲܓܼܪܹܗ ܢܸܗܘܸܐ 614 ܩܘܼܝܵܡܵܐ ܕܟܼܠܹܗ ܓܸܢܣܹܗ܀ 615 :ܚܟ݂ܲܡ ܠܲܡ ܐܲܕܼܵܡ ܠܒܲܪ̄ܬܼ ܙܵܘܓܹܿܗ 616 ܘܒܸܛܢܲܬ̤ ܚܵܘܵܐ ܚܲܝܘܼܬܼܵܐ. 617 :ܘܝܸܠܕܲܬ̤ ܝܲܠܕܵܐ ܘܲܩܪܵܬܹܗ 618 ܩܸܢܝܵܢܵܐ ܕܡܼܢ ܐܲܠܵܗܵܐ܀ 619 :ܗܵܐ ܚܸܟܼܡܬܹܗ ܕܲܟܼܝܵܢܲܢ 620 ܕܡܲܪܚܸܫ ܗ̄ܘܼܵܐ ܒܹܗ ܥܵܒܼܘܿܕܼܵܐ. 621 :ܕܡܵܘܗܲܒܼܬܼܵܐ ܕܝܲܗ̄ܒܼ ܩܲܕܼܡܵܝܑܬܼ 622 ܩܸܢܝܵܢܵܐ ܕܝܼܠܹܗ ܚܲܫܼܒܵܗܿ܀ 623 :ܚܸܕܼܝܲܬ̤ ܚܵܘܵܐ ܒܩܸܢܝܵܢܹܗ 624 ܕܩܵܐܹܝܢ ܒܘܼܟܼܪܵܐ ܩܲܕܼܡܵܝܵܐ. 625 :ܘܝܸܠܕܲܬ̤ ܒܵܬܼܪܹܗ ܠܲܐ̄ܚܪܹܢܵܐ 626 ܘܲܩܪܵܬܹܗ ܒܲܫܡܵܐ ܕܗܸܒܼܠܵܐ܀ 627 :ܠܗܵܒܹܝܠ ܗܸܒܼܠܵܐ ܟܲܢܝܵܬܹܗ 628 ܕܡܵܘܦܹܝܢ ܚܲܝܵܘ̈ܗܝ ܐܲܝܟ ܗܸܒܼܠܵܐ. 629 :ܟܲܕ ܡܲܟܿܣܵܐ ܒܲܢܒܼܝܼܘܼܬܼܵܗܿ 630 ܠܐܲܚܘܼܗܝ ܕܲܡܛܲܠܸܩ ܚܲܝܵܘ̈ܗܝ܀ 631 :ܚܙ݂ܵܘ ܠܲܡ ܚܵܘܵܐ ܐܵܦ ܐܵܕܼܵܡ 632 :ܕܵܩܢ̣ܵܘ ܦܹܐܪܹ̈ܐ ܡܲܠܵܠܹ̈ܐ 633 :ܕܲܒܲܚܛܝܼܬܼܵܐ ܗܘ̤ܵܘ ܡ̇ܝܘܿܬܹ̈ܐ 634 ܩܢ̣ܵܘ ܚܲܝܹ̈ܐ ܒܝܲܕܼ ܝܲܠܕܲܝ̈ܗܘܿܢ ܀ 635 :ܗܘ̤ܵܐ ܗܵܒܹܝܠ ܪܵܥܹ̇ܐ ܥܵܢ̈ܵܐ 636 ܘܩܵܐܹܝܢ ܦܲܠܵܚܵܐ ܕܐܲܪܥܵܐ. 637 :ܘܪܹܫܝܼܬܼܵܐ ܕܣܘܼܥܪ݁ܵܢܲܝܗܘܿܢ 638 ܠܐܲܠܵܗܵܐ ܕܟܼܠ ܩܲܪܸܒܼܘ ܗ̄ܘ̣ܵܘ ܀ 639 :ܗܵܒܹܝܠ ܐܸܡܪܵܐ ܩܲܪܸܒܼ ܗ̄ܘ̣ܵܐ 640 :ܘܥܲܡ ܩܘܼܪܒܵܢܹܗ ܨܸܒܼܝܵܢܹܗ 641 :ܘܩܵܐܹܝܢ ܥܸܣܒܵܐ ܡ̣ܢ ܐܲܪܥܵܐ 642 ܘܠܵܐ ܚܠܝܼܛ ܗ̄ܘ̣ܵܐ ܒܹܗ ܨܸܒܼܝܵܢܵܐ ܀ 643 :ܒܩܘܼܪ̈ܒܵܢܲܝܗܘܿܢ ܐܸܬܼܒܲܕܲܩܘ 644 ܨܸܒܼܝܵܢܹ̈ܐ ܕܚܘܼܫܵܒܲܝ̈ܗܘܿܢ. 645 :ܘܦܲܣܪܝܼ ܘܐܲܟܸܿܣ ܠܲܢܟܼܝܼܠܵܐ 646 ܒܗܵܝ̇ ܕܐܲܥܛܸܦ ܠܹܗ ܩܘܼܪܒܵܢܹܗ ܀ 647 :ܗܵܘ̇ ܥܵܒܼܘܿܕܼܵܐ ܕܐܲܟܸܿܣ ܗ̄ܘ̣ܵܐ 648 ܠܚܵܘܵܐ ܘܐܵܕܼܵܡ ܟܲܕܼ ܐܲܣܟܸܿܠܘ. 649 :ܗܘ̤ ܨܒܼ݂ܵܐ ܕܢܲܝܬܸܿܐ ܒܓܲܠ̈ܝܵܬܼܵܐ 650 ܠܨܸܒܼܝܵܢܵܐ ܕܗܵܒܹܝܠ ܘܐܲܚܘܼܗܝ ܀ 651 :ܗܘ̤ܸܵܬܼ ܝܼܕܲܥܬܹܗ ܡܲܣܲܐܬܼܵܐ 652 ܘܬܸܩܠܲܬ̤ ܐܸܢܘܿܢ ܠܲܬܼܪ̈ܲܝܗܘܿܢ. 653 :ܘܲܢܬ̣ܿܥ ܕܬܲܡܝܼܡܵܐ 654 ܘܲܙܠ ܨܸܒܼܝܵܢܹܗ ܕܲܢܟܼܝܼܠܵܐ ܀ 655 :ܩܲܒܿܠܹܗ ܒܚܘܼܒܵܐ ܠܩܘܼܒܵܢܹܗ 656 ܕܗܵܒܹܝܠ ܕܲܕܼܟܸܐ ܗ̄ܘ̣ܵܐ ܠܵܒܹܿܗ. 657 :ܘܐܲܣܠܝܼ ܘܲܫܕܼܵܐ ܠܲܕܼܩܵܐܹܝܢ 658 ܕܠܵܐ ܫܲܦܝܵܐ ܗ̣̄ܘܵܬܼ ܬܲܪܥܝܼܬܹܗ ܀ 659 :ܒܢܘܼܪܵܢܐ ܒܲܕܸܿܩ ܒܵܪܘܿܝܵܐ 660 ܩܘܼܪܒܵܢܵܐ ܕܡܲܢ ܐܸܬܼܩܲܒܲܠ. 661 :ܕܗܵܒܹܝܠ ܫܸܠܛܲܬ̤ ܘܐܸܟܲܠܬܹܗ 662 ܘܲܕܼܩܵܐܹܝܢ ܠܵܐ ܩܸܪܒܲܬ̤ ܠܹܗ ܀ 663 :ܠܒܸܫ̣ ܩܵܐܹܝܢ ܐܸܒܼܠܵܐ ܪܲܒܵܐ 664 ܘܐܲܟܼܡܲܪ ܣܲܓܼܝܼ ܦܲܪܨܘܿܦܹܗ. 665 :ܘܐܸܬܼܡܲܪܡܲܪ ܥܲܠ ܥܵܒܼܘܿܕܹܗ 666 ܕܥܲܠ ܡ̇ܢ ܐܲܣܠܝܼ ܩܘܼܪܒܵܢܹܗ ܀ 667 :ܘܐܸܡ݂ܲܪ ܠܲܡ ܡ̇ܪܝܵܐ ܠܩܵܐܹܝܢ 668 ܒܩܵܠܵܐ ܢܝܼܚܵܐ ܓܼܠܝܵܐܝܼܬܼ. 669 :ܕܐܸܢܗܘ̤ ܕܬܲܫܦܲܪ ܨܒܼܝܵܢܵܟ 670 ܡܩܲܒܸܿܠ ܐ̄ܢܵܐ ܠܵܗ̇ ܠܡܵܘܗܲܒܼܬܼܵܟ ܀ pb. 111 671 :ܘܐܸܢ ܕܹܝܢ ܡܸܪܬܼܵܐ ܕܚܘܼܫܵܒܼܵܟ 672 ܠܵܐ ܡܸܬܼܦܲܟܿܗܵܐ ܒܚܲܠܝܘܼܬܼܵܐ. 673 :ܚܛܵܗܵܟ ܪܲܒܿܝܼܥ ܥܲܠ ܬܲܪܥܵܐ 674 ܘܠܵܐ ܡܫܲܥܸܐ ܡ̣ܢ ܗܲܕܵܡܲܝ̈ܟ ܀ 675 :ܗܵܐ ܩܘܼܪܒܵܢܵܟ ܚܲܣܵܡܵܐ 676 ܝܲܗ̣̄ܒܼܬܹܿܗ ܠܵܟ ܡ̇ܢ ܟܲܪܝܵܐ ܠܵܟ. 677 :ܐܲܢ̄ܬܿ ܫܲܠܝܼܛ ܐܲܢ̄ܬܿ ܥܲܠ ܕܝܼܠܵܟ 678 ܙܸܠ ܦܲܪܢܸܣ ܕܝܼܠܵܟ ܒܐܝܼܕܲܝ̈ܟ ܀ 679 :ܠܵܐ ܐܸܫܬܲܚܠܲܦ ܨܹܒܼܝܵܢܹܗ 680 ܕܩܵܐܹܝܢ ܒܵܬܲܪ ܡܲܪܫܘܼܬܹܗ. 681 :ܘܠܵܐ ܩܲܒܸܿܠ ܗ̄ܘ̣ܵܐ ܬܘܼܪܵܨܵܐ 682 ܒܟܼܘܼܘܵܢܵܐ ܕܐܸܬܼܩܲܪܲܒܼ ܠܹܗ ܀ 683 :ܡܸܬܼܥܲܕܲܠ ܗ̄ܘ̣ܵܐ ܒܪܵܡܘܼܬܼܵܐ 684 ܒܲܕܼܡܘܼܬܹܗ ܕܐܵܟܹ̇ܠ ܩܲܪܨܵܐ. 685 :ܘܐܵܘܣܸܦ ܪܘܼܓܼܙܵܐ ܥܲܠ ܪܘܼܓܼܙܵܐ 686 ܘܐܵܘܠܸܕܼ ܩܸܛܠܵܐ ܪܸܥܝܵܢܹܗ ܀ 687 :ܣܵܒܲ݁ܪ ܗ̄ܘ̣ܵܐ ܓܹܝܪ ܡܲܪܵܚܵܐ 688 ܡ̇ܐ ܕܩܵܛܹ̇ܠ ܠܹܗ ܠܬܲܡܝܼܡܵܐ. 689 :ܕܲܡܥܝܼܩ ܗ̄ܘ̣ܵܐ ܠܹܗ ܠܒܼܵܪܘܿܝܵܐ 690 ܥܲܠ ܕܐܲܣܠܝܼ ܗ̄ܘ̣ܵܐ ܩܘܼܪܒܵܢܹܗ ܀ 691 :ܒܝܲܕܼ ܗܵܒܹܝܠ ܡܸܬܼܢܲܩܲܡ ܗ̄ܘ̣ܵܐ 692 ܥܝܵܪܬܵܐ ܕܠܘܼܩܒܲܠ ܥܵܒܼܘܿܕܼܵܐ. 693 :ܒܲܕܼܘܡܘܼܬܼ ܪܲܒܹܿܗ ܣܵܛܵܢܵܐ 694 ܕܒܼܵܐܕܼܵܡ ܨܲܚܝܼ ܠܓܼܵܒܼܘܿܠܹܗ ܀ 695 :ܘܐܸܡ݂ܲܪ ܠܲܡ ܩܵܐܹܝܢ ܠܐܲܚܘܼܗܝ 696 ܚܲܣܵܡܵܐ ܠܘܵܬܼ ܬܲܡܝܼܡܵܐ. 697 :ܬܵܐ ܠܲܡ ܢܸܪܕܹܿܐ ܠܲܦܩܲܥܬܼܵܐ 698 ܘܢܸܚܙܸܐ ܦܲܐܝܘܼܬܼܵܐ ܕܐܲܪܥܵܐ ܀ 699 :ܬܸܢܘܲܝ ܕܚܘܼܒܵܐ ܪܲܟܸܿܒܼ ܠܹܗ 700 ܗܵܘ̇ ܕܲܫܓܼܝܼܪ ܗ̄ܘ̣ܵܐ ܒܲܚܣܵܡܵܐ. 701 :ܕܲܒܼܥܸܠܲܬܼ ܚܘܼܒܵܐ ܢܹܐܙܲܠ 702 ܢܫܲܡܠܸܐ ܪܘܼܓܼܙܹܗ ܒܲܦܫܝܼܛܵܐ ܀ 703 :ܗܲܝܡܸܢ ܦܫܝܼܛܵܐ ܠܲܨܢܝܼܥܵܐ 704 ܒܲܕܼܡܘܼܬܼ ܚܵܘܵܐ ܠܲܢܟܼܝܼܠܵܐ. 705 :ܘܲܢܦ݂ܲܩ ܥܲܡܹܗ ܠܲܦܩܲܥܬܼܵܐ 706 ܬܲܡܝܼܡܵܐ ܟܲܕܼ ܠܵܐ ܝܵ̇ܕܲܥ ܀ 707 :ܘܲܣܥ̣ܵܐ ܩܵܐܹܝܢ ܩܵܛ̇ܘܠܵܐ 708 ܘܲܛܠ݂ܲܡ ܪ̈ܲܚܡܹܐ ܕܲܟܼܝܵܢܵܐ. 709 :ܘܩܲܛ̣ܠܹܗ ܠܐܲܚܘܼܗܝ ܒܲܚܣܵܡܵܐ 710 ܕܲܒܼܩܸܛܠܹܗ ܢܥܝܼܡ ܠܐܲܠܵܗܵܐ ܀ 711 :ܐܘܿ ܠܸܒܵܐ ܕܐܵܘܠܸܕܼ ܩܸܛܠܵܐ 712 ܣܘܼܥܪܵܢܵܐ ܚܲܕܼܬܼܵܐ ܒܐܲܪܥܵܐ. 713 :ܐܘܿ ܨܸܒܼܝܵܢܵܐ ܡܲܪܵܚܵܐ 714 ܕܲܕܼܪܲܫ ܐܘܼܪܚܵܐ ܠܒܹܝܬܼ ܡܝܼܬܹ̈ܐ ܀ 715 ܒܗܵܒܹܝܠ ܐܘܼܪܚܵܐ ܐܸܬܿܕܲܪܫܲܬ̤: ܘܲܫܪܝܼ ܡܵܘܬܵܐ ܕܢܸܪܕܸܿܐ ܒܵܗ̇. 716 :ܘܐܵܕܼܵܡ ܝܲܠܦ̣ܵܗ̇ ܒܲܥܒܼܵܕܼܵܐ 717 ܕܡ̇ܝܘܿܬܼܵܐ ܗܵܘܹ̇ܐ ܐܵܦ ܗܘ̤ ܀ 718 :ܐܵܟܹ̇ܿܠܩܲܪܨܵܐ ܒܝܲܕܼ ܩܵܐܹܝܢ 719 ܡܲܠܝܼ ܪܸܓܿܬܼܵܐ ܕܲܚܣܵܡܹܗ. 720 :ܘܐܸܬܼܒܲܝܲܐ ܒܲܡܠܸܐܐ ܙܲܒܼܢܵܐ 721 ܕܲܚܙ̣ܵܐ ܡ̇ܘܬܵܐ ܕܐܸܫܬܲܠܲܛ ܀ 722 :ܐܲܠܦܹܗ ܪܲܒܵܐ ܠܬܲܡܠܝܼܕܹܗ 723 ܕܲܓܵܠܘܼܬܼܵܐ ܘܲܣܪܘܼܒܼܝܵܐ. 724 :ܘܣܲܬܿܪܹܗ ܒܐܲܪܥܵܐ ܠܲܩܛܝܼܠܵܐ 725 ܕܠܵܐ ܢܵܘܕܹܿܐ ܟܲܕܼ ܡܸܫܬܲܐܲܠ ܀ 726 :ܣܵܒܲ݁ܪ ܗ̄ܘ̣ܵܐ ܓܹܝܪ ܩܵܛ̇ܘܿܠܵܐ 727 ܕܲܕܡܹܗ ܕܗܵܒܹܝܠ ܡܸܬܼܟܲܣܸܐ. 728 :ܘܠܵܐ ܝܵ̇ܕܲܥ ܗ̄ܘ̣ܵܐ ܕܚܵܙܹ̇ܐ ܠܹܗ 729 ܗܵܘ̇ ܕܐܲܣܠܝܼ ܗ̄ܘ̣ܵܐ ܩܘܼܪܒܵܢܹܗ ܀ 730 :ܣܲܬܿܪܹܗ ܩܵܐܹܝܢ ܠܲܩܛܝܼܠܵܐ 731 ܘܛܲܫܝܼ ܥܲܡܹܗ ܨܸܒܼܝܵܢܹܗ. 732 ܘܲܒܼܥ̣ܵܐ ܢܟܲܣܸܐ ܣܘܼܥܪܵܢܹܗ: 733 ܡ̣ܢ ܗܵܘ̇ ܝܵ̇ܕܲܥ ܟܹܿܣ̈ܝܵܬܼܵܐ ܀ pb. 112 734 :ܡܲܠܸܠ ܡܸܢܫܹܠܝ ܥܵܒܼܵܘܿܕܼܵܐ 735 ܘܲܩ̣ܪܵܐ ܒܩܵܠܵܐ ܠܩܵܛ̇ܘܿܠܵܐ. 736 :ܕܐܘܿ ܚܲܣܵܡܵܐ ܘܲܢܟܼܝܼܠܵܐ 737 ܡ̇ܢ ܐܲܣܟܸܿܠ ܒܵܟ ܬܲܡܝܼܡܵܐ ܀ 738 :ܐܲܝܟܵܘ ܠܲܡ ܗܵܒܹܝܠ ܐܲܚܘܼܟ 739 ܡ̇ܪܝܵܐ ܠܩܵܐܹܝܢ ܐܸܡ݂ܲܪ ܗ̄ܘ̣ܵܐ. 740 :ܘܦܲܢܝܼ ܠܹܗ ܓܘܼܡܕܵܢܵܐܝܼܬܼ 741 ܕܝܵ̇ܕܲܥ ܕܥܲܠ ܡ̇ܢ ܩܵܪܹܐ ܠܹܗ ܀ 742 :ܐܘܿ ܝܵ̇ܕܲܥ ܟܠ ܕܲܡܫܲܐܸܠ 743 ܐܲܝܟ ܠܵܐ ܝܵ̇ܕܲܥ ܡ̇ܐ ܕܲܗܘ̤ܵܐ. 744 :ܕܐܲܝܟ ܕܫܲܐܸܠ ܗ̄ܘ̣ܵܐ ܒܦܲܪܕܲܝܣܵܐ 745 ܗܵܟܲܢ ܫܲܐܠܹܗ ܠܩܵܛ̇ܘܿܠܵܐ ܀ 746 :ܒܲܥܕܹܢ ܠܐܵܕܼܵܡ ܡܫܲܐܸܠ ܗ̄ܘ̣ܵܐ 747 ܕܐܲܝܟܵܐ ܐܢ̄ܬܿ ܐܵܕܼܵܡ ܘܚܵܙܹ̇ܐ ܠܹܗ. 748 :ܘܗܵܪܟܵܐ ܐܩܵܐܹܝܢ ܥܲܠ ܗܸܒܹܝܠ 749 ܕܐܲܝܟܵܘ ܐܲܚܘܼܟ ܟܲܕܼ ܝܵ̇ܕܲܥ ܀ 750 :ܫܲܐܸܠ ܕܹܝܢ ܐܲܝܟ ܠܵܐ ܝܵ̇ܕܲܥ 751 ܕܲܟܼܒܲܪ ܢܸܬܿܬܿܘܸܐ ܡܲܪܵܚܵܐ. 752 :ܕܐܸܢܗܘ̤ ܕܢܵܘܕܸܿܐ ܒܣܲܟܼܠܘܼܬܹܗ 753 ܢܲܣܪܲܚ ܠܹܗ ܐܵܦ ܫܘܼܒܼܩܵܢܵܐ ܀ 754 :ܩܵܐܹܝܢ ܬܲܠܡܝܼܕܼܵܐ ܩܲܕܼܡ̇ܐ 755 ܒܙܲܝܢܵܐ ܕܪܲܒܹܿܗ ܐܸܬܼܥܲܬܲܕܼ. 756 :ܘܕܲܓܸܿܠ ܪܲܒܵܐ ܘܬܲܠܡܝܼܕܹܗ 757 ܘܦܸܟܼܪܲܬ̤ ܐܸܢܘܿܢ ܟܹܐܢܘܼܬܼܵܐ ܀ 758 :ܐܲܝܟܿܘ ܠܲܡ ܗܵܒܹܝܠ ܐܲܚܘܼܟ 759 ܘܠܵܐ ܨܒܼܵܐ ܕܢܵܘܕܸܿܐ ܣܵܪܘܿܚܵܐ. 760 :ܐܸܠܵܐ ܦܲܢܝܼ ܒܝܪܫܵܐܝܼܬܼ 761 ܕܢܵܛ̇ܘܿܪܹܗ ܐܸܠܵܐ ܓܹܝܪ ܕܐܸܚܝ ܀ 762 :ܒܓܼܘܼܡܕܵܐ ܠܡܵܪܹܗ ܐܸܡ݂ܲܪ ܗ̄ܘ̣ܵܐ 763 ܘܠܵܐ ܐܸܬܼܟܲܚܲܕܼ ܩܵܛ̇ܘܿܠܵܐ. 764 :ܕܐܸܢܗܘ̤ ܕܐܸܒܲܕܼ ܚܲܒܿܝܼܒܼܵܟ 765 ܡ̇ܢ ܚܲܝܵܒܼ ܐ̄ܢܵܐ ܕܐܸܬܸܿܠ ܠܵܟ ܀ 766 :ܒܚܲܒܼܠܹ̈ܐ ܕܚܝܼܠܹ̈ܐ ܦܲܟܲܪܬܹܗ 767 ܟܹܐܢܘܼܬܼܵܐ ܠܩܵܠܹܗ ܕܩܵܐܹܝܢ. 768 :ܕܠܵܐ ܨܒܼܵܐ ܕܢܵܘܕܸܿܐ ܒܨܸܒܼܝܵܢܹܗ 769 ܓܠ̣ܵܐ ܘܐܵܘܕܲܝܼ ܟܲܕܼ ܐܸܬܼܦܲܪܣܝܼ ܀ 770 :ܡ̇ܢܵܘ ܠܲܡ ܗܵܢܵܐ ܕܲܥܒܲܕܿܬܿ 771 ܡ̇ܪܝܵܐ ܠܩܵܐܹܝܢ ܐܸܡ݂ܲܪ ܗ̄ܘ̣ܵܐ. 772 :ܕܡܹܗ ܕܐܲܚܘܼܟ ܓܵܥܹ̇ܐ ܨܹܐܕܲܝ 773 ܟܲܕܼ ܕܐܹ̇ܝܢ ܥܲܡ ܩܵܛ̇ܘܿܠܹܗ ܀ 774 :ܡܸܟܸܿܝܠ ܠܚ̣ܛ ܐܲܢ̄ܬܿ ܡ̣ܢ ܐܲܪܥܵܐ 775 ܘܐܲܪܥܵܐ ܬܚܘܿܬܲܝܟ ܠܵܐ ܬܸܬܼܩܲܢ. 776 :ܕܩܲܒܿܠܲܬ̤ ܠܲܕܼܡ̇ܐ ܙܲܟܵܝܵܐ 777 ܬܩܲܒܸܿܠ ܥܲܡܵܗ̇ ܠܵܘ̈ܛܵܬܼܵܐ ܀ 778 :ܒܙܵܘܥܵܐ ܦܲܓܼܪܵܟ ܢܸܬܼܬܵܘܲܠ 779 ܚܠܵܦ ܦܲܓܼܪܵܐ ܕܚܲܒܸܿܠ ܐܝܼܕܼܵܝ̈ܟ. 780 :ܘܬܸܗܘܸܐ ܕܚܸܠܵܐ ܠܚܲܙܵܝܹ̈ܐ 781 ܕܠܵܐ ܙܵܥ ܠܸܒܵܟ ܡ̣ܢ ܩܸܛܠܵܐ ܀ 782 :ܕܫܲܪܷܼܬܿ ܒܲܕܼܡ̇ܐ ܩܲܕܼܡ̇ܝܵܐ 783 ܘܪܹܫܝܼܬܼܵܐ ܠܡܵܘܬܵܐ ܩܲܪܸܒܼܬܿ. 784 :ܠܫܲܒܼܥܵܐ ܕܵܪ̈ܝܼܢ ܬܵܒܲܥ̇ ܐ̄ܢܵܐ 785 ܕܡ̇ܐ ܙܲܟܝܵܐ ܡ̣ܢ ܐܝܼܕܲܝ̈ܟ ܀ 786 :ܕܲܕܼܪܲܫܬܿ ܐܘܼܪܚܵܐ ܠܒܹܝܬܼ ܡܝܼ̈ܬܹܗ 787 ܕܢܸܪܕܿܘܿܢ ܒܵܗ̇ ܣܘܿܓܼܠܵܐ ܕܐ̄ܢܵܫܵܐ. 788 :ܒܵܟ ܣܵܐܹ̇ܡ ܐ̄ܢܵܐ ܬܲܚܘܝܼܬܼܵܐ 789 ܕܠܲܕܼܡ̇ܐ ܒܲܕܼܡ̇ܐ ܬܵܒܲܥ̇ ܐ̄ܢܵܐ ܀ 790 :ܗܘ̤ܵܘ ܠܘܼܚܵܡܹ̈ܐ ܒܲܥܒܼܵܕܼܵܐ 791 ܘܠܲܒܼܫܹܗ ܙܵܘܥܵܐ ܠܩܵܛ̇ܘܿܠܵܐ. 792 :ܘܓܼܘܼܫܡܹܗ ܒܐܲܪܥܵܐ ܙܵܐܲܥ ܗ̄ܘ̣ܵܐ 793 ܘܢܵܘܕܵܐ ܠܟܼܠܹܗ ܫܵܚܹ̇ܩ ܗ̄ܘ̣ܵܐ ܀ 794 :ܒܲܬܼܘܵܬܼܵܐ ܕܠܵܐ ܒܨܸܒܼܝܝܵܢܹܗ 795 ܠܒܼܵܪܘܿܝܵܐ ܡܸܬܼܟܲܫܲܦ ܗ̄ܘ̣ܵܐ. 796 :ܘܡ̇ܘܬܵܐ ܠܢܲܦܫܹܗ ܫܵܐܹ̇ܠ ܗ̄ܘ̣ܵܐ 797 ܕܡ̣ܢ ܢܸܓܼ̈ܕܹܿܐ ܢܸܬܼܦܲܨܸܐ ܗ̄ܘ̣ܵܐ ܀ pb. 113 798 :ܘܩܵܐܹܝܢ ܠܡܵܪܝܵܐ ܐܸܡ݂ܲܪ ܗ̄ܘ̣ܵܐ 799 ܕܗܵܐ ܐܲܦܸܩܬܵܢܝ ܡ̣ܢ ܐܲܪܥܵܐ. 800 :ܙܵܘܥܵܐ ܘܢܵܘܕܵܐ ܐܲܠܒܸܿܫܬܵܢܝ 801 ܕܲܕܼܚܝܼܠ ܣܲܓܿܝܼ ܠܚܲܙܵܝܹ̈ܐ ܀ 802 :ܚܕܼܵܬ ܫܵܐܹ̇ܠ ܐ̄ܢܵܐ ܐܸܢ ܨܵܒܹ̇ܝܬܿ 803 ܕܬܸܣܥܘܿܪ ܨܹܐܕܲܝ ܐܲܝܟ ܪ̈ܲܚܡܲܝܟ. 804 :ܕܲܒܼܝܲܕܼ ܡ̇ܘܬܵܐ ܢܸܫܬܲܪ̈ܝܵܢ 805 ܠܵܘ̈ܛܵܬܼܵܟ ܡ̣ܢ ܗܲܕܵܡܲܝ̈ ܀ 806 :ܠܵܐ ܗܵܟܲܢܵܐ ܩܵܛ̇ܘܿܠܵܐ 807 ܡ̇ܪܝܵܐ ܠܩܵܐܹܝܢ ܐܸܡ݂ܲܪ ܗ̄ܘ̣ܵܐ. 808 :ܠܵܘ ܗܵܟܲܢܵܐ ܡܼܬܿܬܲܒܼܥܵܐ 809 ܒܡܵܘܬܵܐ ܒܲܠܚܘܿܕܼ ܣܲܟܼܠܘܼܬܼܵܟ . 810 :ܠܫܲܒܼܥ̇ܐ ܕܵܪ̈ܝܼܢ ܡ̇ܬܲܚ ܐ̄ܢܵܐ 811 ܢܸܓܼ̈ܕܹܿܐ ܡܩܲܝ̈ܵܐ ܕܒܼܝܼܫܘܼܬܼܵܟ. 812 :ܘܲܬܼܒܲܥܬܼܵܐ ܕܩܵܛ̇ܘܿܠܘܼܬܼܵܟ 813 ܒܥܵܠܡܵܐ ܟܠܹܗ ܬܸܬܼܡܲܠܲܠ ܀ 814 :ܣܵܡ̣ ܡ̇ܪܝܵܐ ܐܵܬܼܵܐ ܒܩܵܐܹܝܢ 815 ܕܡ̇ܘܬܵܐ ܒܝܲܕܼ ܐ̄ܢܵܫܵܐ ܠܵܐ ܢܡܘܼܬܼ. 816 :ܟܲܕܼ ܣܵܡ̣ܵܗ̇ ܐܵܬܼܵܐ ܠܗܵܕܹܐ 817 ܕܪܸܡܙܵܐ ܕܝܼܠܹܗ ܢܵܛܲ̇ܪ ܠܹܗ ܀ 818 :ܒܚܲܝܹ̈ܐ ܢܲܛ̣ܪܹܗ ܠܩܵܛ̇ܘܼܠܵܐ 819 ܠܣܘܼܪܵܕܼܵܐ ܠܕܼܵܪܹ̈ܐ ܕܐܵܬܹ̇ܝܢ. 820 :ܕܡ̇ܐ ܕܡܸܬܼܒܲܩܹܝܢ ܒܲܬܼܥܬܼܵܐ 821 ܢܸܗܘܘܿܢ ܥܵܪܩܝܼܢ ܡ̣ܢ ܩܸܛܠܵܐ ܀ 822 :ܡܠܸܐ ܙܲܒܼܢܵܐ ܐܸܬܼܒܲܝܲܐܘ ܗ̄ܘ̣ܵܘ 823 ܚܵܘܵܐ ܘܐܵܕܼܵܡ ܟܲܕܼ ܐܵܘ ܠܸܕܼܘ. 824 ܘܥܵܠܲܬ̤ ܥܵܩܵܬܼܵܐ ܕܝܲܠܕܲܝ̈ܗܘܿܢ ܀ 825 :ܠܗܵܒܹܝܠ ܕܲܩܟܝܼܠ ܒܵܟܹ̇ܝܢ ܗ̄ܘ̣ܵܘ 826 ܕܚܲܒܸܿܠ ܡ̇ܘܬܵܐ ܨܘܼܪ̈ܵܬܹܗ. 827 :ܘܥܲܠ ܩܵܐܹܝܢ ܡܸܬܼܐܲܒܼܠܝܼܢ ܗ̄ܘ̣ܵܘ 828 ܕܲܥܒܼܝܼܕܼ ܙܵܘܥܵܐ ܒܲܒܼܪܝܼܬܼܵܐ ܀ 829 :ܐܸܣܲܪ ܐܸܢܘܿܢ ܒܵܪܘܿܝܵܐ 830 ܒܚܘܼܒܵܐ ܕܪ̈ܲܚܡܵܘܗܝ ܕܲܟܼܝܵܢܵܐ. 831 :ܕܗܲܢܝܼܐܘܼܬܼܵܐ ܕܒܲܟܼܝܵܢܵܐ 832 ܬܦܲܟܲܗ ܥܵܩܬܼܵܐ ܕܩܲܫ̈ܝܵܬܼܵܐ ܀ 833 :ܒܗܵܕܹܐ ܬܸܢܘܲܝ ܚܲܟܸܿܡ ܠܲܢ 834 ܥܵܒܲܘܿܕܼܵܐ ܡ̣ܢ ܫܘܼܪܵܝܵܐ. 835 :ܕܲܒܼܟܹܐܒܹ̈ܐ ܘܚܲܫܹ̈ܐ ܕܡ̇ܘܬܵܐ 836 ܢܸܩܢܸܐ ܚܘܼܒܵܐ ܕܲܠܘܵܬܹܗ ܀ 837 :ܒܐܲܪ̈ܥܵܢܝܵܬܼܵܐ ܐܲܥܢܝܼ ܠܲܢ 838 ܒܬܼܘܼܩܵܢܵܐ ܐܲܪܥܵܢܵܝܵܐ. 839 :ܕܡ̇ܐ ܕܐܲܪܓܸܿܫܢ ܒܲܫܚܵܩܲܢ 840 ܢܸܫܐܲܠ ܚܲܝܹ̈ܐ ܕܠܵܐ ܥܲܡܠܵܐ ܀ 841 :ܒܚܲܠܒܼܵܐ ܪܲܒܿܝܵܗ̇ ܠܫܲܒܼܪܘܼܬܲܢ 842 ܒܲܡܚܝܼ̈ܠܵܬܼܵܐ ܐܲܝܟ ܚܲܝܠܲܢ. 843 :ܕܡ̇ܐ ܕܐܸܬܲܢ ܠܲܓܼܡܝܼܪܘܼܬܼܵܐ 844 ܒܝܲܕܲܥܬܼܵܐ ܕܚܲܝܹ̈ܐ ܢܸܗܘܸܐ ܀ 845 :ܠܵܐ ܐܲܫܛܸܠ ܠܲܢ ܥܲܠ ܥܘܼܬܼܪܵܐ 846 ܟܲܕܼ ܫܲܒܼܪܵܐ ܗ̄ܘ̣ܵܬܼ ܝܼܕܲܥܬܲܢ. 847 :ܕܲܟܼܡܵܐ ܕܲܛܠܸܐ ܝܵܪܘܿܬܼܵܐ 848 ܠܵܐ ܡܨܸܐ ܢܕܲܒܲܪ ܩܸܢܝܵܢܵܘ̈ܗܝ ܀ 849 :ܒܚܲܝܘܼܬܼܵܐ ܕܢܲܦܫܵܐ ܝܲܗ̣̄ܒܼ ܠܲܢ 850 ܕܢܸܬܼܩܲܝܡܘܼܢ ܚܲܝܹ̈ܐ ܕܙܲܒܼܢܵܐ. 851 :ܘܡ̇ܐ ܕܲܗ̤ܘܲܝܢ ܠܵܐ ܡ̇ܝ̈ܘܿܬܹܐ 852 ܒܚܲܝܠܵܐ ܕܪܘܼܚܵܐ ܢܸܛܲܪ ܠܲܢ ܀ 853 :ܡܦܵܣ ܗ̄ܘ̣ܵܐ ܒܟܼܠܗܹܝܢ ܕܲܟܼܝܵܢܲܢ 854 ܗܵܘ̇ ܒܵܪܘܝܹܗ ܕܲܟܼܝܵܢܲܢ. 855 ܘܚܲܟܿܝܼܡܵܐܝܼܬܼ ܕܵܒܲܪ ܠܲܢ ܀ 856 ܡ̣ܢ ܡ̇ܟܵܬܼ̈ܐ ܠܪ̈ܵܡ̇ܬܼܵܐ ܀ 857 :ܕܡ̇ܐ ܕܝܼܠܸܦܢܲܢ ܒܝܼܕܲܥܬܼܵܐ 858 ܕܡܲܢ̣ܘܼ ܠܗܵܠܹܝܢ ܐܲܝܬܲܝܼ ܠܲܢ. 859 :ܢܵܘܕܹܿܐ ܠܚܲܝܠܵܐ ܕܐܲܬܼܩܸܢ ܟܠ 860 ܕܲܟܼܡܵܐ ܪܲܚܡܹܗ ܠܲܟܼܝܵܢܲܢ ܀