On the Bronze Serpent - ܥܲܠ ܚܸܘܝܵܐ ܕܲܢܚܵܫܵܐ

1 :ܩܝܵܡܵܐ ܕܚܘܼܒܵܐ ܐܲܩܝܼܡ ܡܵܪܝܵܐ ܥܲܡ ܐܲܒܼܪܵܗܵܡ 2 ܘܐܵܫܬܵܘܕܝܼ ܠܹܗ ܕܢܸܦܪܘܿܩ ܙܪܥܹܗ ܡ̣ܢ ܥܲܒܼܕܘܼܬܼܵܐ. 3 :ܥܲܒܼܕܵܐ ܥܬܝܼܕ ܗ̄ܘ̣ܵܐ ܕܢܸܗܘܹܐ ܙܲܪܥܹܗ ܒܐܲܪܥܵܐ ܕܲܟܸܢܲܥܢ 4 ܘܩܲܕܸܡ ܚ̇ܘܝܹܗ ܕܲܡܚܲܪܲܪ ܠܹܗ ܒܚܹܝܠ ܪܲܒܘܼܬܹܗ. 5 ܚܹܝܠ ܪܲܒܘܼܬܹܗ ܚܵܘܝܼ ܒܡܸܨܪܹܝܢ ܠܐܵܓܸܒܵܛ̈ܝܹܐ: pb. f.200r 6 ܘܟܲܕ ܠܵܐ ܨܵܒܹܝܢ ܓܡܲܪ ܨܒܼܝܵܢܹܗ ܨܝܕ ܐܲܒܼܪܵܗܵܡ. 7 :ܒܚܲܝܠܵܐ ܘܥܘܼܬܼܪܵܐ ܐܲܦܸܩ ܐܸܢܘܿܢ ܡ̣ܢ ܐܵܓܸܒܛܘܿܣ 8 ܘܲܕܠܵܐ ܩܸܢܛܵܐ ܐܲܫܪܝܼ ܐܸܢܘܿܢ ܒܚܘܼܪܒܵܐ ܕܚܝܼܠܵܐ. 9 :ܒܐܵܬܼܪܵܐ ܕܚܘܼܪܒܵܐ ܐܲܥܡܲܪ ܐܸܢܘܿܢ ܠܣܲܢܝܲܝ̈ ܫܲܝܢܵܐ 10 ܕܲܒܝܲܕܼ ܚܘܼܪܒܵܐ ܢܫܲܝܸܢ ܚܘܼܪܒܵܐ ܕܪ̈ܥܝܵܢܲܝܗܘܿܢ. 11 :ܠܥܲܠܲܬ ܫܲܝܢܵܐ ܐܲܥܡܲܪ ܐܸܢܘܿܢ ܒܚܘܼܪܒܵܐ ܕܲܠܒܲܪ 12 ܕܕܵܡ ܢܸܬܼܢܲܟܼܪܘܿܢ ܡ̣ܢ ܥܸܢܝܵܢܵܐ ܕܲܫܟܝܼܪܵܬܵܐ. 13 :ܚܙܵܐ ܕܲܒܼܫܲܝܢܵܐ ܠܵܐ ܡܸܫܬܲܢܝܼܢ ܡ̣ܢ ܣܲܢܝܵܬ̈ܐ 14 ܘܲܛܪܲܕ ܐܸܢܘܿܢ ܠܐܲܬܼܪܵܐ ܕܡܲܒܼܥܲܕ ܡ̣ܢ ܐ̄ܢܵܫܘܼܬܼܵܐ. 15 :ܒܚܘܼܠܵܦ ܐܲܬܼܪܵܐ ܣܒܲܪ ܕܲܡܚܲܠܦܝܼܢ ܣܘܼܥܪ̈ܵܢܲܝܗܘܿܢ 16 :ܠܵܘ ܟܲܕ ܛܥܬܹܗ ܚܸܪܚܵܘܼܬܼܗܘܿܢ ܕܚܘܼܪܒܵܐ ܘܫܲܝܢܵܐ 17 :ܥܝܵܕܵܐ ܒܝܼܫܵܐ ܥܲܝܸܕ ܐܸܢܘܿܢ ܒܲܕܠܵܐ ܦܲܐܝ̈ܢ 18 ܘܠܵܐ ܕܡܝܼܘ ܒܕܘܼܡܝܵܐ ܦܲܐܝܵܐ ܕܚܵܘܝܼ ܐܸܢܘܿܢ. 19 :ܒܫܲܦܝܼܪ̈ܵܬܵܐ ܪܓܼܝܼܓܼ ܗ̄ܘ̣ܵܐ ܕܢܸܥܫܹܐ ܠܪܸ̈ܥܝܵܢܲܝܗܘܿܢ 20 ܘܐܲܣܓܝܼ ܚܲܝܹ̈ܐ ܘܓܒܲܪ̈ܘܼܬܼܵܐ ܕܕܼܵܡ ܢܸܬܚܲܠܦܘܿܢ. 21 :ܒܡܲܢܢܵܐ ܘܣܲܠܘܲܝ ܬܲܪܣܝܼ ܐܸܢܘܿܢ ܟܲܕ ܠܵܐ ܠܵܐܹ̇ܝܢ 22 ܘܡ̣ܢ ܛܲܪܵܢܵܐ ܐܲܪܕܝܼ ܫܸܩܝܵܐ ܘܒܲܣܸܡ ܐܸܢܘܿܢ. 23 :ܥܢܵܢܵܐ ܕܛܲܠܵܐ ܡܬܲܚ ܐܲܝܟ ܡܲܫܟܢܵܐ ܥܲܠ ܪܹ̈ܫܲܝܗܘܿܢ 24 ܘܒܲܕܡܘܼܬ ܡܢܪܬܵܐ ܩܒܲܥ ܥܲܡܘܼܕܵܐ ܕܲܡܐܹܐ ܢܘܼܗܪܵܐ. 25 :ܢܘܼܗܪܵܐ ܡܐܹܐ ܗ̄ܘ̣ܵܐ ܒܹܝܬܼ ܡܲܥܡܲܪܗܘܿܢ ܠܹܠܝ ܐܝܼܡܵܡ 26 ܘܥܲܡܹܗ ܕܢܘܼܗܪܵܐ ܡܸܬܚܲܙܝܵܢܵܐ ܢܘܼܗܪܵܐ ܕܩܘܼܫܬܼܵܐ. 27 :ܒܢܘܼܗܪܵܐ ܘܢܘܼܗܪܵܐ ܡܸܬܼܒܲܣܡܝܼܢ ܗ̄ܘ̣ܵܘ ܣܲܢܝܲܝ̈ ܢܲܦܫܵܐ 28 ܘܟܲܕ ܛܵܒܼ ܦܐܹܝܢ ܗ̄ܘ̣ܵܘ ܘܠܵܐ ܦܐܚܼܢ ܗ̄ܘ̣ܵܘ ܐܲܝܟ ܕܲܦܐܝܼܢ ܗ̄ܘ̣ܵܘ. 29 :ܦܐܹܐ ܗ̄ܘ̣ܵܐ ܢܘܼܗܪܵܐ ܡܸܬܼܚܲܙܝܵܢܵܐ ܠܥܹܝܢܲܝ̈ ܦܲܓܼܪܵܐ 30 ܘܝܲܬܝܼܪ ܡܸܢܹܗ ܦܐܹܐ ܗ̄ܘ̣ܵܐ ܩܘܼܫܬܵܐ ܠܥܹܝܢܲܝ̈ ܢܲܦܫܵܐ. 31 :ܦܲܓܪܵܐ ܘܢܲܦܫܵܐ ܡܸܬܒܲܩܝܼܢ ܗ̄ܘ̣ܵܘ ܒܲܬܼܪܹܝܢ ܢܘܼܗܪ̈ܝܼܢ 32 ܘܟܲܕ ܚܵܙܹܝܢ ܗ̄ܘ̣ܵܘ ܘܠܵܐ ܚܵܙ̣ܝܼܢ ܗ̄ܘ̣ܵܘ ܫܪܝܼܪܵܐܝܼܬ. 33 :ܒܫܲܝܢܵܐ ܪܲܒܵܐ ܫܪܝܢ ܗ̄ܘ̣ܵܘ ܬܲܡ̇ܢ ܟܪ ܕܲܫܪܝܼܢ ܗ̄ܘ̣ܵܘ 34 ܘܠܲܝܬ ܗ̄ܘ̣ܵܘ ܚܘܼܪܒܵܐ ܕܲܩܫܹܐ ܚܘܼܪܒܹܗ ܐܲܝܟ ܡܲܕܥܲܝ̈ܗܘܿܢ. 35 :ܚܘܼܪܒܵܐ ܒܫܲܝܢܹܗ ܡܲܟܸܣ ܗ̄ܘ̣ܵܐ ܠܹܗ ܠܚܘܼܒܵܐ ܕܲܒܗܘܿܢ 36 ܕܗܘ̤ ܐܸܫܬܲܝܢ ܘܗܸܢܘܿܢ ܠܵܐ ܬܒܲܥܘ ܡ̣ܢ ܒܝܼ̈ܫܵܬܼܵܐ. 37 :ܒܝܼܫ ܗ̄ܘ̣ܵܐ ܐܵܦ ܗܘ̤ ܩܕܼܵܡ ܕܢܕܝܲܪ ܥܲܡܵܐ ܒܓܼܵܘܹܗ 38 ܘܲܒܝܲܕܼ ܥܲܡܵܐ ܐܲܡܠܸܟ ܫܲܝܢܵܐ ܥܲܠ ܒܝܼܫܘܼܬܹܗ. 39 :ܪܓܼܝܼܓܼ ܗ̄ܘ̣ܵܐ ܫܲܝܢܹܗ ܘܡܸܬܝܲܐܒܼܝܢ ܗ̄ܘ̣ܵܘ ܐ̄ܢ̈ܫܵܐ ܠܫܲܝܢܹܗ 40 ܘܠܲܝܬ ܗ̄ܘ̣ܵܐ ܕܲܡܥܝܼܩ ܐܵܦܠܵܐ ܕܡܲܟܹܐ ܠܲܡܫܲܝܢܘܼܬܹܗ. 41 :ܦܲܟܼܝܵܗܵܐ ܗ̄ܘ̣ܵܬ ܡܸܪܲܬܼ ܪ̈ܚܫܐ ܕܥܵܡܪܵܐ ܗ̄ܘ̣ܵܬ ܒܹܗ 42 ܘܟܲܕ ܢܵܟܹܐ ܗ̄ܘ̣ܵܐ ܘܠܵܐ ܢܵܟܹܐ ܗ̄ܘ̣ܵܐ ܠܦܘܼܬ ܢܸܟܼܝܵܢܹܗ. 43 :ܕܠܵܐ ܢܸܟܼܝܵܢܵܐ ܡܪܲܝܼܪ ܗ̄ܘ̣ܵܐ ܒܹܗ ܙܪܲܥܹܗ ܕܐܲܒܼܪܵܡ 44 ܘܠܵܐ ܦܵܪܸܫ ܗ̄ܘ̣ܵܐ ܕܡ̇ܢ ܢܵܛܲܪ ܠܹܗ ܡ̣ܢ ܢܸܟܼܝܵܢܹ̈ܐ. 45 :ܛܠܘܼܡܝܵܐ ܪܲܒܵܐ ܛܠܡܘ ܛܵܠܘܿܡܹ̈ܐ ܠܛܝܼܒܘܼ ܕܲܒܼܗܘܿܢ 46 ܘܕܚܙܵܐ ܚܘܼܪܒܵܐ ܦܢܵܐ ܠܲܥܝܵܕܵܐ ܕܐܝܼܬܼܵܘܗܝ ܗ̄ܘ̣ܵܐ ܒܹܗ. 47 :ܥܝܵܕܵܐ ܒܝܼܫܵܐ ܥܨܵܝܗܝ ܕܲܢܕܲܡܸܐ ܒܡܵܐ ܕܐܝܼܬܵܘܗܝ ܗ̄ܘ̣ܵܐ 48 ܘܠܵܐ ܫܲܘܝܘܼܬܹܗ ܪܕܦܲܬܹܗ ܠܫܲܝܢܹܗ ܕܠܵܐ ܢܸܫܬܝܲܢ. 49 :ܩܵܠ ܓܘܼܕܵܦܵܐ ܐܲܥܝܼܪ ܠܪܲܓܼܫܵܐ ܕܥܵܡܲܪ ܗ̄ܘ̣ܵܐ ܒܹܗ 50 ܘܪܛܢܵܐ ܣܲܢܝܵܐ ܦܲܬܼܚܲܗ ܠܦܘܼܡܹܗ ܠܡܸܬܼܢܵܟܬܼܘ. 51 :ܡܸܪܲܬܼ ܚܲܨܪܵܐ ܬܪܲܥܬܹܗ ܠܩܒܝܐ ܕܡܸܪܲܬܼ ܪ̈ܚܫܵܐ 52 ܘܲܣܥ̣ܵܐ ܪ̈ܲܚܫܹܐ ܠܲܡܫܲܥܒܵܕܘ ܠܲܡܠܝܼܠܘܼܬܼܵܐ. 53 :ܚܛܝܼܬܵܐ ܦܸܬܼܚܲܬ̤ ܬܪܲܥ ܦܘܼܩܕܵܢܵܐ ܩܕܼܵܡ ܫܲܬܝܼ̈ܩܹܐ 54 ܘܐܲܦܠܲܬ̤ ܐܸܢܘܿܢ ܠܡܸܫܬܲܩܵܠܘܼ ܥܲܠ ܡܲܠܵܠܹ̈ܐ. 55 :ܚܛܵܐ ܠܲܡ ܥܲܡܵܐ ܒܣܦܪܵܐ ܟܬܝܼܒܼܵܐ ܕܪܲܒܵܐ ܡܘܼܫܹܐ 56 ܘܓܼܪܝ ܡܵܪܝܵܐ ܠܲܚܘܵܘܵܬܹ̈ܐ ܕܲܢܢܲܟܼܬܘܼܢܵܝܗܝ. 57 :ܥܲܠ ܐܲܠܵܗܵܐ ܣܵܡܹܗ ܟܬܼܵܒܼܵܐ ܠܢܟܼܝܵܢ ܚܪܫܵܐ 58 ܕܢܵܘܕܲܥ ܐܸܢܘܿܢ ܠܡܸܬܢܲܓܼܕܵܢܹ̈ܐ ܚܹܝܠ ܡܵܪܘܼܬܹܗ. 59 ܚܲܝܠܹܗ ܚܲܟܸܡ ܠܲܚܘܵܘܵܬܼܵܐ ܠܵܐ ܦܵܪ̈ܘܿܫܹܐ: pb. f.200v 60 ܘܫܲܠܝܼ ܐܸܢܘܿܢ ܘܐܲܥܝܼܪ ܐܸܢܘܿܢ ܐܲܝܟ ܕܲܫܦ݂ܲܪ ܠܹܗ. 61 :ܫܦܲܪ ܠܹܗ ܘܐܲܪܡܝܼ ܠܛܼܵܒܼܥܵܐ ܕܫܸܬܼܩܵܐ ܥܲܠ ܦܘܼܡܲܝ̈ܗܘܿܢ 62 ܘܲܦܢ̣ܵܐ ܫܦ̣ܪ ܠܹܗ ܘܲܫܪܵܐ ܐܸܢܘܿܢ ܠܲܡܢܲܟܵܬܼܘ. 63 :ܠܵܘ ܠܹܗ ܫܵܦܪܲܬ̤ ܗܵܕܹܐ ܕܐܸܡܪܸܬ ܕܠܹܗܘ̤ ܫܸܪܪܲܬ̤ 64 ܠܵܐ ܫܲܦܝܼܪܬܵܐ ܕܥܲܡܵܐ ܥܨܵܬܹܗ ܠܡܸܫܬܲܚܠܵܦܘܼ. 65 :ܫܟܝܼܪܘܼܬܼ ܥܲܡܵܐ ܚܙܵܐ ܗ̇ܘ ܪܸܡܙܵܐ ܕܫܲܦܝܼܪ ܟܠܹܗ 66 ܘܠܵܐ ܫܸܦܪܲܬ̤ ܠܹܗ ܠܡܸܬܼܒܲܩܵܝܘܼ ܒܲܫܟܝܼܪܘܼܬܹܗ. 67 :ܫܘܼܚܵܢܐ ܕܥܵܘ̣ܠܵܐ ܚܙܵܐ ܒܡܲܫܪܝܼܬܼܵܐ ܕܲܫܪܹ̈ܐ ܗ̄ܘ̣ܵܐ ܒܵܗ̇ 68 ܘܝܗܒܵܗ̇ ܐܘܼܟܼܠܵܐ ܠܪ̈ܲܚܫܵܐ ܫܝܼܛܵܐ ܐܲܝܟ ܕܲܒܼܡܸܠܬܼܵܐ. 69 :ܕܠܵܐ ܒܲܟܼܝܵܢܹܗ ܩܥ̣ܵܐ ܫܲܬܼܝܼܩܵܐ ܠܲܡܠܝܼܠܘܼܬܼܵܐ 70 ܕܚܘܿܪܘ ܒܝܼ ܠܵܘ ܠܝܼ ܐܸܠܵܐ ܒܚܲܝܠܵܐ ܕܐܲܣܪܢܝ ܘܲܫܪܲܢܝ. 71 :ܚܲܝܠܵܐ ܕܲܒܼܪܢܝ ܟܠܢܝ ܡ̣ܢ ܕܐܲܟܸܐ ܠܦܵܪܘܿܫܘܼܬܹܟܝ 72 ܘܲܕܠܵܐ ܦܪܲܫܬܵܝܗܝ ܫܪܲܢܝ ܕܐܹܬܲܪܸܟ ܠܠܵܐ ܝܼܕܲܥܬܹܟܝ. 73 :ܙܲܝܢܵܐ ܕܚܸܡܬܼܵܐ ܠܒܸܫ ܗ̄ܘ̣ܵܐ ܪ̈ܚܫܐ ܥܲܠ ܦܪ̈ܘܿܫܹܐ 74 ܘܫܲܪܝܼ ܡܸܫܕܵܐ ܓܹܐܪ̈ܲܝ ܡܸܪܬܹܗ ܒܣܸܕܪ̈ܲܝ ܥܲܡܵܐ. 75 :ܐܲܝܟ ܣܲܦܣܸܪܵܐ ܫܡܲܛܘ ܡܲܪ̈ܵܚܹܐ ܠܸܫܵܢܲܝ̈ܗܘܿܢ 76 ܘܲܕܠܵܐ ܚܵܘܣܵܢ ܕܓܫܘ ܐܸܢܘܿܢ ܠܚܵܪ̈ܡܲܝ ܢܲܦܫܵܐ. 77 :ܩܪܵܒܼܵܐ ܩܲܫܝܵܐ ܥܒܲܕܘ ܥܲܡ ܦܲܓܼܪܵܐ ܘܥܲܡ ܪܸܥܝܵܢܵܐ 78 ܘܲܠܚܲܕ ܩܲܛܠܘܼܗܝ ܘܲܠܐ ܚܪܹܝܢ ܛܲܕܲܕܘܼܗܝ ܡ̣ܢ ܓܵܘ ܥܘܼܡܪܹܗ. 79 :ܥܝܵܪܬܵܐ ܕܥܵܘ̣ܠܵܐ ܬܒܲܥܘ ܫܲܬܝܼ̈ܩܹܐ ܡ̣ܢ ܡܲܠܵܠܹ̈ܐ 80 ܘܲܫܬܸܩܘ ܐܸܢܘܿܢ ܡ̣ܢ ܓܘܼܕܵܦܵܐ ܕܥܲܠ ܒܵܪܘܿܝܵܐ. 81 :ܗܘ̤ ܒܵܪܘܿܝܵܐ ܐܲܠܸܦ ܐܸܢܘܿܢ ܠܠܵܐ ܦܵܪ̈ܘܿܫܹܐ 82 ܠܡܸܬܼܢܲܩܡܘܼ ܥܝܵܪܵܬܵܐ ܕܨܲܥܪܹܗ ܡ̣ܢ ܦܵܪ̈ܘܿܫܹܐ. 83 :ܣܲܓܝܼ ܦܪܲܫܘ ܗ̄ܘ̣ܵܘ ܠܵܐ ܦܵܪ̈ܘܿܫܹܐ ܠܡܸܦܪܲܫ ܣܲܓܝܼ 84 ܘܛܟ ܠܵܐ ܦܵܪܫܝܼܢ ܩܲܢܝܝ̈ ܡܸܠܬܼܵܐ ܐܲܝܟ ܦܘܼܪܫܵܢܗܘܿܢ. 85 :ܒܦܵܪܘܿܫܘܼܬܼܗܘܿܢ ܚܲܟܡܹܗ ܠܥܲܡܵܐ ܥܛܸܠ ܪܸܥܝܵܢܵܐ 86 ܘܲܒܼܡܸܪܲܬܼܗܘܿܢ ܕܲܟܸܝܵܗ̇ ܠܡܸܪܬܵܐ ܕܚܘܼܫܵܒܲܝ̈ܗܘܿܢ. 87 :ܡܸܪܬܵܐ ܒܝܼܫܬܼܵܐ ܕܲܦܬܼܟܼܪܘܼܬܼܵܐ ܡܠܹܐ ܗ̄ܘ̣ܵܐ ܠܸܒܗܘܿܢ 88 ܘܦܲܟܗܵܗ̇ ܛܒܵܐ ܒܡܸܪܬܵܐ ܕܒܝܼܫܵܐ ܡ̣ܢ ܡܸܪܲܬܼܗܘܿܢ. 89 :ܠܡܸܪܬܵܐ ܒܡܸܪܬܵܐ ܦܲܟܗ ܚܲܝܠܹܗ ܚܲܟܼܝܼܡܵܐܝܼܬܼ 90 ܘܙܵܟܼܵܗ̇ ܡܸܪܬܵܐ ܕܲܚܘ̈ܘܵܬܵܐ ܠܡܸܪܲܬܼ ܐ̄ܢܵܫܵܐ. 91 :ܛܲܟܼܣܵܐ ܪܲܒܵܐ ܚܵܘܝܼ ܒܡܸܕܸܡ ܕܲܕܼܠܵܐ ܛܲܟܼܣܵܐ ܗ̄ܘ̣ 92 ܘܒܲܒܼܠܝܼܠܘܼܬܹܗ ܛܲܟܸܣ ܛܲܟܼܣܵܐ ܕܒܲܠܒܸܠ ܝܲܨܪܵܐ. 93 :ܐܣܩܛܐ ܕܪܘܼܓܼܙܵܐ ܐܵܘܚܸܕ ܪܸܡܙܹܗ ܒܦܘܼܡ ܫܬܲܝܼ̈ܩܹܐ 94 ܘܲܚܠܦ ܐܝܕܵܐ ܒܦܘܼܡܵܐ ܢܓܸܕ ܠܡܸܬܼܢܲܓܼܕ̈ܢܹܐ 95 :ܠܢܸܓܼܕܹ̈ܐ ܩܫܲܝܵ̈ܐ ܡܲܬܚܹܗ ܠܥܲܡܵܐ ܝܲܩܝܼܪ ܠܸܒܵܐ 96 ܘܲܡܢܲܓܼܕܵܢܵܘ̈ܗܝ ܥܒܲܕ ܚܲܪ̈ܡܵܢܹܐ ܕܚܲܪ̈ܡܝܼܢ ܡܸܢܹܗ. 97 :ܠܩܲܣܛܘܿܢܵܪܹ̈ܐ ܓܠܝܼܙܲܝ̈ ܪ̈ܲܚܡܹܐ ܐܲܫܠܸܡ ܐܸܢܘܿܢ 98 ܕܲܒܼܚܲܪܡܘܼܬܗܘܿܢ ܢܲܪܟܸܟ ܠܸܒܵܐ ܕܩܲܫܝܲܝ̈ ܥܵܘ̣ܠܵܐ. 99 :ܐܲܝܟ ܬܵܒܘܿܥܹ̈ܐ ܡܸܢܟܿܪܟܝܼܢ ܗ̄ܘ̣ܵܘ ܒܵܓܼܵܘ ܡܲܫܪܝܼܬܼܵܐ 100 ܘܲܡܥܩܒܝܼܢ ܗ̄ܘ̣ܵܘ ܒܵܬܲܪ ܥܵܘ̣ܠܵܐ ܕܐܲܝܟܵܐ ܡܣܲܬܲܪ. 101 :ܐܲܝܟ ܚܲܝܵܒܹ̈ܐ ܡܸܬܛܲܫܝܼܢ ܗ̄ܘ̣ܵܘ ܥܵܒܼܪ̈ܲܝ ܥܵܘ̣ܠܵܐ 102 ܕܪܓܝܼܫܝܼܢ ܗ̄ܘ̣ܵܘ ܕܲܠܚܵܘ̈ܒܵܢܗܘܿܢ ܬܵܒܲܥ ܪ̈ܚܫܐ. 103 :ܚܵܒܼܘ ܚܲܝܵܒܹ̈ܐ ܘܠܵܐ ܣܦܵܩܘ ܠܲܡܩܵܡ ܩܕܼܵܡ ܬܵܒܼܘܿܥܹ̈ܐ 104 ܘܙܩܦܘ ܨܒ̈ܥܐ ܠܡܵܪܹܐ ܚܵܘܒܵܐ ܕܚܘܣ ܠܵܐ ܬܵܘܒܼܕ. 105 :ܚܣ ܚܲܢܵܢܵܐ ܠܵܘ ܒܲܦܝܵܣܵܐ ܐܸܠܵܐ ܒܚܘܼܒܵܐ 106 ܘܲܩܪܵܐ ܠܥܲܒܼܕܹܗ ܘܐܲܠܦܹܗ ܕܲܢܣܝܼܡ ܣܲܡܵܐ ܠܥܲܡܹܗ. 107 :ܥܒܸܕ ܠܲܡ ܚܸܘܝܵܐ ܐܸܡܲܪ ܡܵܪܝܵܐ ܠܡܘܼܫܹܐ ܥܲܒܼܕܹܗ 108 ܘܣܝܼܡܵܝܗܝ ܠܐܵܬ̤ܐ ܘܠܲܥܘܼܗܵܕܵܢܵܐ ܕܢܲܐܣܹܐ ܠܥܡܵܐ. 109 :ܢܚܵܫܵܐ ܪܲܟܸܒܼ ܐܲܝܟ ܪܘܼܟܵܒܼܵܐ ܕܚܘܘ̈ܬܐ 110 ܘܢܸܗܘܹܐ ܕܡ̇ܐ ܟܠܹܗ ܒܟܼܠܹܗ ܠܚܸܘܝܵܐ ܚܲܝܵܐ. pb. f.201r 111 :ܚܘܝܵܐ ܡܝܼܬܼܵܐ ܥܒܸܕ ܒܐܣܟܝܡܐ ܕܕܡ̇ܐ ܠܩܘܼܫܬܼܵܐ 112 ܕܒܡܝܼܬܘܼܬܹܗ ܢܫܬܸܩ ܡܸܪܬܐ ܕܚܘܘ̈ܬܐ. 113 :ܫܠܸܡ ܡܲܟܝܼܟܼܵܐ ܠܩܵܠ ܦܘܼܩܕܵܢܵܐ ܕܡܲܠܸܠ ܥܲܡܹܗ 114 ܘܗܝܡܸܢ ܘܐܫܪ ܘܬܲܩܢ ܘܥܒܼܕ ܚܸܘܝܵܐ ܚܫܝܼܠܵܐ. 115 :ܚܫܠ ܡܠܠܐ ܕܡܘܬܼܵܐ ܕܪ̈ܚܫܐ ܕܠܵܐ ܒܘܼܝܵܢܵܐ 116 ܘܐܲܪܝܼܡ ܘܲܬܠܝܗܝ ܒܓܼܵܘ ܡܲܫܪܝܼܬܼܵܐ ܕܫܒܛܲܝ̈ ܥܲܡܵܐ. 117 :ܒܡܨܥܲܬܼ ܥܲܡܵܐ ܬܠܗ̇ ܠܲܕܡܘܼܬܐ ܡܟܝܢܬܐ 118 ܕܢܚܘܼܪܘܢ ܒܵܗ̇ ܡܸܬܼܢܲܟܼܬ̈ܢܹܐ ܘܢܸܒܼܥܘܿܢ ܥܸܠܬܗ̇. 119 :ܒܢܘܡ̈ܐ ܕܩܘܼܕܫܵܐ ܡܲܨܥ ܣܡܹܗ ܠܣܡ ܚܝܘܬܐ 120 ܘܐܦܢܝܼ ܨܐܕܵܘܗܝ ܚܝܵܪܵܐ ܕܟܼܠܢܵܫ ܕܢܸܬܼܒܩܘܢ ܒܹܗ. 121 :ܐܝܟ ܡܚܙܝܼܬܼܵܐ ܩܲܒܼܥܹܗ ܒܩܲܝܣܵܐ ܩܕܼܵܡ ܥܲܝܢܲܝ̈ܗܘܿܢ 122 ܕܬܸܗܘܹܐ ܓܲܠܝܐ ܚܙܵܬܹܗ ܠܦܓܼܪܐ ܘܲܠܪܸܥܝܵܢܵܐ. 123 :ܚܙܬ̇ܐ ܚܲܕܬܵܐ ܚܘܝܼ ܡܘܼܫܹܐ ܠܒܢܲܝ̈ ܥܲܡܹܗ 124 ܘܒܵܗ̇ ܒܲܚܙܵܬܵܐ ܚܵܘܝܼ ܐܸܢܘܿܢ ܠܡܸܬܐܣܵܝܘܼ. 125 :ܚܘܪܘ ܘܐܬܐܣܵܘ ܗܵܕܹܐ ܒܩܵܠܵܐ ܡܸܬܟܪܙܵܐ ܗ̄ܘ̣ܵܬ 126 ܘܬܗܲܪܘ ܘܲܬܡܲܗܘ ܕܐܝܟܢ ܡܵܨܝܵܐ ܚܙܬܵܐ ܕ[...]ܣܹܐ. 127 :ܒܝܲܕ ܦܘܼ̈ܠܓܹܐ ܩܡܘ ܩܕܡܝܬ ܟܲܕ ܐܸܬܒܲܩܝܼܘ 128 ܥܕܲܡܵܐ ܕܝܼܠܸܦܘ ܒܝܲܕ ܡܣܝܢܵܐ ܘܲܐܟܸܢ ܗܲܝܡܸܢܘ. 129 :ܒܝܲܕ ܢܸܣܝܢܵܐ ܩܢܵܘ ܒܘܼܝܵܢܵܐ ܠܡܸܬܼܚܲܟܵܡܘܼ 130 ܘܗܲܝܡܸܢܘ ܕܡܨܐ ܚܪܫܐ ܠܡܸܟܼܠܵܐ ܡܪܬ ܪ̈ܚܫܐ. 131 :ܒܝܲܕ ܣܡܪ̈ܢܹܐ ܝܼܠܸܦܘ ܣܘܼܥܪܢܹܗ ܕܚܸܘܝܵܐ ܚܫܝܼܠܵܐ 132 ܘܫܲܪܝܼܪ ܕܝ̇ܫܝܼܢ ܠܚܘܘ̈ܬܐ ܒܚܲܝܠܵܐ ܕܡܸܢܹܗ. 133 :ܚ̣ܙܵܘ ܕܲܚܙܵܬܹܗ ܡܲܫܠܝܵܐ ܩܪܒܼܵܐ ܕܐܘܼܠܨܵܢܲܝܼ̈ܗܘܿܢ 134 ܘܒܣܪܘ ܘܐܲܗܸܠܘ ܒܡܐܢܲܝ̈ ܙܲܝܢܵܐ ܕܢܟܘ ܚܲܗ̈ܘܿܢ. 135 :ܐܝܟ ܠܵܟ ܡܕܡ ܗܘ̣̈ܝ ܢܘܼܟ̈ܬܐ ܡܲܪܝܼܪ̈ܬܵܐ 136 ܕܚܸܘܝܵܐ ܒܚܸܙܘܹܗ ܡܦܟܲܗ ܗ̄ܘ̣ܵܐ ܠܵܗ̇ ܠܡܸܪܬܵܐ ܕܒܼܗܹܝܢ. 137 :ܡܵܐ ܕܢ̇ܟܬ ܗ̄ܘ̣ܵܐ ܚܸܘܝܵܐ ܚܝܐ ܠܐ̄ܢܫ̈ܐ ܚܲܝܵܐ 138 ܚܪ ܒܹܗ ܒܡܝܼܬܼܵܐ ܘܗܦܟܬ̤ ܡܪܬܗ ܡ̣ܢ ܗܲܕܡܵܘ̈ܗܝ. 139 :ܡܵܐ ܕܐܸܬܡܲܪܡܲܪܘ ܚܪܵܡܢܝܹܐ ܚܲܪ ܡܵܢܵܐܝܼܬ 140 ܫܠܝܼܬ̤ ܐܸܢܘܿܢ ܚܙܬܼܵܐ ܫܠܝܼܬܼܵܐ ܕܠܵܐ ܚܝܘܬܐ. 141 ܠܐܝܘ ܘܐܬܦܫܲܚܘ ܡ̣ܢ ܕܠܡܐ ܫܲܕ ܡܸܪܬܼܵܐ ܕܒܼܗܘܿܢ. 142 ܕܟܕ ܡܪܝܼܪܵܐ ܠܐ ܐܸܬܝܕܥܬ̤ ܡܪ ܡܲܪܝܼܪܘܼܬܵܗ̇. 143 :ܟܡܵܐ ܕܡܲܣܓܝܼܢ ܗ̄ܘ̣ܵܘ ܘܡܢܟܬܝܢ ܗ̄ܘ̣ܵܘ ܡܲܪܝܪܵܐܝܼܬ 144 ܐܲܝܟ ܠܵܐ ܡܸܪܬܵܐ ܡܬܕܡܝܵܐ ܗ̄ܘ̣ܵܬ ܒܸܪ̈ܓܼܫܲܝ ܦܓܼܪܐ. 145 :ܟܡܵܐ ܕܒܡܝܬܐ ܨܕܝܼܪܵܐ ܗ̄ܘ̣ܵܬ ܥܲܝܢܵܐ ܕܐ̄ܢܫܐ 146 ܡܪܬ ܚ̈ܝܹܐ ܐܵܦܠܵܐ ܕܐܝܼܬܹܝܗ̇ ܡܣܬܲܒܼܪܵܐ ܗ̄ܘ̣ܵܬ. 147 :ܒܐܡܝܼܢܘܼܬܼܵܐ ܐܡܝܢܵܐ ܗ̄ܘ̣ܵܬ ܥܲܝܢܵܐ ܒܚܸܙܘܹܗ 148 ܘܠܐ ܣܒܼܥܐ ܗ̄ܘ̣ܵܬ ܠܡܬܒܩܝܘܼ ܒܫܬܝܩܘܼܬܹܗ. 149 :ܐܘܫܸܬܝܼܩܵܐ ܕܐܬܗܲܪ ܫܬܩܗ ܠܲܡܠܝܼܠܘܼܬܼܵܐ 150 ܘܢܓܼܕܗ ܠܚܵܪܗ̇ ܒܬܪ ܚܲܝܠܵܐ ܕܟܿܣܹܐ ܒܚܸܙܘܹܗ. 151 :ܐܘ ܠܵܐ ܚܝܐ ܕܓܠܝܼܙ ܟܠܹܗ ܡ̣ܢ ܚܲܝܘܼܬܼܵܐ 152 ܕܐܲܚܝܼ ܠܐ̄ܢܫ̈ܐ ܡ̣ܢ ܡܝܼܬܘܼܬܼܵܐ ܕܡܪܬܼ ܪ̈ܚܫܐ. 153 :ܐܘ ܠܵܐ ܩܵܠܵܐ ܘܲܕܠܵܐ ܪ̈ܓܫܐ ܡܥܠܝ ܩܵܠܵܐ 154 ܕܟܐ̣ܐ ܒܚܪ̈ܫܐ ܘܫܠܝܼ ܐܸܢܘܿܢ ܡ̣ܢ ܬܲܟܼܬܘܼܫܵܐ. 155 :ܐܘ ܕܠܵܐ ܚ̇ܙܐ ܠܕܚ̇ܙܝܢ ܠܹܗ ܕܠܡ̇ܢ ܕܡ̇ܝܢ 156 ܕܗܘ̣ܐ ܚܙܬܐ ܕܪܕܦܐ ܚܫܹ̈ܐ ܘܟܸܐܒܼ̈ܐ ܕܐ̄ܢܫ̈ܐ. 157 :ܐܘ ܕܠܵܐ ܦܪܫ ܚܝܠ ܪܒܘܼܬܼܵܐ ܕܡܸܬܡܠܠ ܒܹܗ 158 ܕܬܟܣ ܡܪܬܼܵܐ ܕܚܘ̈ܘܬܐ ܠܵܐ ܦܪ̈ܫܹܐ. 159 :ܐܘ ܕܠܵܐ ܝ̇ܕܥ ܐܵܦܠܵܐ ܕܐܝܼܬܼܵܘܗܝ ܗ̇ܘ ܡܵܐ ܕܐܝܼܬܼܵܘܗܝ 160 ܕܐܘܕܲܥ ܠܐ̄ܢܫ̈ܐ ܠܡܸܬܒܩܝܼܘ ܒܚܹܝܠ ܒܵܪܘܿܝܵܐ. 161 :ܐܝܘ ܠܵܟ ܚܸܘܝܵܐ ܠܵܘ ܠܵܟ ܚܸܘܝܵܐ ܕܐܵܦܠܵܐ ܚܸܘܝܵܐ ܐܲܢ̄ܬ 162 ܕܣܦܩܬ̇ ܕܬܗܘܐ ܥܠܲܬܼ ܚܲܝܹ̈ܐ ܠܕܚ̇ܐܪ ܒܵܟ. 163 ܐܪܐ ܚܙܵܬܵܟ ܡܦܟܗܐ ܗ̄ܘ̣ܵܬ ܠܗ̇ ܠܡܸܪܬ ܪ̈ܚܫܐ: pb. f.201v 164 ܐܘ ܕܲܠܡܵܐ ܟܝ ܚܙܬܵܐ ܐܚܪܬܵܐ ܕܠܵܐ ܡܸܬܚܙܝܵܐ. 165 :ܐܪܐ ܡܢܵܟ ܪܕܐ ܗ̄ܘ̣ܵܐ ܠܹܗ ܚܢܢܵܐ ܠܥܲܡܵܐ 166 ܐܘ ܕܠܡܵܐ ܟܲܝ ܡ̣ܢ ܗ̇ܘ ܕܒܼܵܪܝܗܝ ܠܥܲܡܵܐ ܘܠܟܼܠ. 167 :ܐܪܐ ܒܓܕܫܵܐ ܗܘܼܬ̤ ܐܵܣܝܘܼܬܼܵܐ ܕܗܘ̣ܬܸ ܡܸܢܵܟ 168 ܐܘ ܕܲܠܡܵܐ ܟܲܝ ܐܪܙܐ ܟܣܹܐ ܒܵܟ ܕܐܣܝܵܐ ܕܩܘܼܫܬܵܐ. 169 ܐܪܐ ܡܢܵܐ ܗ̄ܝ̣ ܕܟܲܕ ܫܲܬܝܼܩ ܐܲܢ̄ܬ ܩܫܐ ܐ̄ܢܬ ܡ̣ܢ ܚܲܝܹ̈ܐ. 170 ܘܒܐܝܢܵܐ ܚܲܝܵܠܵܐ ܚ̇ܣܢ ܐܲܢ̄ܬ ܚ̈ܝܐ ܘܡܚܐ ܐܲܢ̄ܬ ܡܝܼ̈ܬܹܐ. 171 :ܒܥܬܐ ܡܠܝܐ ܒܥܵܬܵܟ ܚܘܝܐ ܠܵܐ ܕܓܘܿܫܵܐ 172 ܘܚܲܝܬܵܐ ܪܒܵܐ ܟܣܐ ܒܥܘܕܪܢܵܐ ܕܪܕܐ ܡܸܢܵܟ. 173 :ܒܥܬܵܐ ܕܥܝܟ ܩܪܵܬܵܢܝ ܕܐܒܼܥܐ ܒܥ̣ܵܬܵܐ ܕܥܠܲܝܟ 174 ܘܗ̤ܝ ܚܦܛܬܢܝ ܕܐܪܕܐ ܒܡ̈ܠܹܐ ܕܲܫܒܝܼܠ ܫܲܪܒܵܟ. 175 :ܫܲܪܒܵܟ ܫܲܚܩܵܢܝ ܠܡܬܢܵܐ ܫܲܪܒܟ ܩܕܵܡ ܫܡܘ̈ܥܹܐ 176 ܘܗܵܐ ܡܣܘܚ ܐ̄ܢܐ ܕܐܓܼܠܐ ܚܲܝܠܵܐ ܕܟܣܹܐ ܒܫܸܬܩܵܟ. 177 :ܬܵܘ ܫܡܘ̈ܥܐ ܒܥܵܘ ܥܡܝ ܥܸܠܬܐ ܕܒܥܝܬ ܕܐܸܕܲܥ 178 ܕܡܵܐ ܕܝܕܥܢܲܢ ܢܕܥ ܫܲܦܝܼܪ ܠܡܸܒܥܵܐ ܕܟܣܝ̈ܢ. 179 :ܢܒܼܥܐ ܕܥܲܠ ܡ̇ܢ ܗܘ̤ܵܐ ܬܘܼܩܵܢܹܗ ܕܚܸܘܝܵܐ ܚܫܝܼܛܵܐ 180 ܘܡ̣ܢ ܕܐܬܬܩܢ ܐܲܝܟܵܢ ܕܒ̣ܡ̇ܢ ܣܥ̣ܪ ܗ̇ܝ ܕܣܥ̣ܪ. 181 :ܒܐܝܢܵܐ ܚܲܝܠܵܐ ܙܟ̣ܐ ܒܲܚܙܬܹܗ ܠܚܘܘ̈ܬܐ 182 ܘܫܗܝܗ ܠܥܘܼܙܵܐ ܕܡܸܪܲܬ ܡܘܬܐ ܕܡܫܕܝܢ ܗ̄ܘ̣ܵܘ. 183 :ܐܝܟܢ ܣܦܩܬ̤ ܚܙܵܬܵܐ ܡܝܼܬܼܵܐ ܕܠܐ ܚܝܘܬܐ 184 ܠܡܪܕܲܦ ܚܲܫܹ̈ܐ ܡ̣ܢ ܗܕܡ̈ܐ ܡܸܬܚܒܠܢܹ̈ܐ. 185 :ܐܝܟܢ ܟܲܝ ܬܘܼܒܼ ܒܥܝ̈ܢܹܐ ܒܲܠܚܘܿܕ ܡܒܨܐ ܗ̄ܘ̣ܵܐ ܕܢܲܐܣܹܐ 186 ܘܪ̈ܓܼܫܐ ܐ̄ܚܪ̈ܢܐ ܠܵܐ ܝܬܪܝܼܢ ܗ̄ܘ̣ܵܘ ܡ̣ܢ ܥܘܼܕܪܢܹܗ. 187 :ܠܡ̇ܢ ܒܚܝܪܐ ܡܬܦܠܓ ܗ̄ܘ̣ܵܐ ܚܢܵܢܵܐ ܕܡܸܢܹܗ 188 ܘܠܵܘ ܗܘ̤ ܓܘܼܫܡܹܗ ܡܸܬܩܪܲܒܼ ܗ̄ܘ̣ܵܐ ܠܘܵܬ ܫܘܼܡ̈ܬܵܐ. 189 ܐܸܢ ܕܝܼܠܹܗ ܗܘ̤ ܚܲܝܠܵܐ ܕܚܣ̇ܢ ܠܲܚܘ̈ܘܬܐ 190 ܠܡ̇ܢ ܠܵܐ ܨܐܕܵܘܗܝ ܡܬܩܪܒܝܼܢ ܗ̄ܘ̣ܵܘ ܡܸܬܢܟܝܼܢܹ̈ܐ. 191 :ܐܸܢܠܵܐ ܩܢܹܐ ܗ̄ܘ̣ܵܐ ܚܲܝܠܵܐ ܠܡܬܠ ܚ̈ܝܐ ܠܐ̄ܢܫ̈ܐ 192 ܠܡ̇ܢ ܟܠ ܟܠ ܟܠܗ ܚܙܬܐ ܡܝܬ̇ܬ̇ܐ ܕܠܵܐ ܚܲܝܘܼܬܼܵܐ. 193 :ܡ̇ܢ ܚ̇ܫܚ ܗ̄ܘ̣ܵܐ ܠܵܐ ܪܓܘܫܐ ܠܡܸܬܪܓܫܢܹܐ 194 ܘܡ̇ܢ ܡܘܬܲܪ ܗ̄ܘ̣ܵܐ ܢܚܵܫܵܐ ܫܠܝܵܐ ܠܩܢܝ̈ܝ ܡܸܠܬܼܵܐ. 195 :ܐܸܢ ܡܫܟܲܝܝ ܗ̄ܘ̣ܵܐ ܟܝܵܢ ܫܬܼܝܼܩܹ̈ܐ ܗܵܕܹܐ ܠܡܸܣܥܲܪ 196 ܠܡ̇ܢ ܠܵܐ ܣܥܪܘܗ̇ ܡܐܢܝ̈ ܩܘܼܕܫܵܐ ܕܒܒܝܬ ܩܘܼܕܫܵܐ. 197 :ܦܐܹܝܢ ܗ̄ܘ̣ܵܘ ܣܸܦܪܹ̈ܐ ܘܫܒܝܼܚܵܐ ܗ̄ܘ̣ܵܬ ܐܵܦ ܩܒܼܘܼܬܼܵܐ 198 ܘܡܸܛܠ ܡܢܵܐ ܠܵܘ ܒܚܙܢܗܘܿܢ ܗܘ̤ܵܐ ܚܘܼܠܡܵܢܵܐ. 199 :ܚܕܵܐ ܡ̣ܢ ܬܲܪܬܹܝܢ ܡܠܹܐ ܣܘܼܥܪܵܢܹܗ ܕܚܸܘܝܵܐ ܚܫܝܼܠܵܐ 200 ܕܐܘ ܡܕܡ ܗ̄ܘ̣ ܐܵܘ [...] ܡܕܡ ܟܣܹܐ ܒܲܚܙܵܬܹܗ. 201 :ܥܠܵܬܐ ܡܸܕܡ ܐܝܬ ܠܗ̇ ܠܥܸܠܬܹܗ ܘܲܠܚܘܼܠܡܵܢܹܗ 202 ܘܕܡܝܵܐ ܕܪܒܵܐ ܗ̄ܝ̣ ܡ̣ܢ ܟܠ ܥ̈ܠܠܢ ܕܒܢܡܘܿܣܵܐ. 203 :ܠܵܐ ܣܦܩ̣ܘ ܣܦܪ̈ܐ ܠܡܸܣܥܪ ܗܵܕܹܐ ܕܣܥ̣ܪ ܚܙܘܗ 204 ܘܐܵܦܠܵܐ ܕܒܼܚܹ̈ܐ ܘܥܠܘ̈ܬܐ ܘܲܕܡܵܐ ܕܥ̈ܓܼܠܹܐ. 205 :ܚܙܬ̣ ܣܘܼܥܪܵܢܵܐ ܕܗܘ̤ܵܐ ܒܐܝܼܕܹܗ ܕܠܵܐ ܪܓܘܫܵܐ 206 ܘܪܡ ܘܡܥܠܝܼ ܐܵܦ ܡ̣ܢ ܡܘܼܫܹܐ ܕܪܟܒ ܥܲܒܼܕܹܗ. 207 :ܐܝܟܵܢ ܠܵܐ ܪܒ ܡܢܹܗ ܕܡܘܼܫܹܐ ܐܦ ܡ̣ܢ ܣܸܦܪܹܗ 208 ܕܣܥܪ ܡܸܕܸܡ ܕܠܵܐ ܣܥܲܪ ܡܘܼܫܹܐ ܘܠܵܐ ܢܵܡܘܿܣܹܗ. 209 :ܒܡܘܼܫܹܐ ܘܣܸܦܪܹܗ ܡܸܬܼܒܩܝܼܢ ܗ̄ܘ̣ܵܘ ܡܬܢܟܝ̈ܢܹܐ 210 ܘܠܵܐ ܐܬܥܕܪܘ ܡ̣ܢ ܢܟܼܝܢܹ̈ܐ ܕܲܚܘܵܘ̈ܬܐ. 211 :ܕܚܝܼܠ ܗ̄ܘ̣ܵܐ ܚܸܙܘܹܗ ܕܡܘܼܫܹܐ ܪܲܒܵܐ ܡ̣ܢܟܠܡܸܕܸܡ 212 ܘܠܚܘܘ̈ܬܐ ܫܝܼܛ ܗ̄ܘ̣ܵܐ ܘܒܼܣܹܐ ܡ̣ܢܟܠܡܸܕܡ. 213 ܟܠܗ ܡܘܫܐ ܐܸܠܘܼ ܐܸܬܬܣܝܼܡ ܥܲܠ ܢܘܟܬܬ̈ܐ. 214 [ܠܵܐ] ܡܐܣܹܐ ܗ̄ܘ̣ܵܐ ܐܠܐ ܐܸܢ ܚܪ ܐ̄ܢܫܐ ܒܚܸܘܝܵܐ. 215 :ܚܙܬܐ ܕܚܪܫܐ ܝܲܩܝܼܪܵܐ ܗ̄ܘ̣ܵܬ ܥܲܠ ܚܪ̈ܡܢܹܐ 216 ܛܒܼ ܡ̣ܢ ܡܘܼܫܹܐ ܘܡ̣ܢ ܢܡܘܣܵܐ ܐܲܠܵܗܵܝܵܐ. pb. f.202r 217 :ܫܲܦܝܼܪ ܡܕܹܝܢ ܠܡܒܼܥܵܐ ܥܸܠܬܹܗ ܕܡܢܐ ܗ̄ܝ̣ ܘܥܲܠ ܡ̇ܢ 218 ܘܡܸܛܠ ܡܢܵܐ ܝܪܒ ܘܐܸܬܼܝܩܲܪ ܠܥܸܠ ܡ̣ܢ ܡܘܼܫܹܐ. 219 :ܒܪܒܘܼܬܼ ܕܲܪܓܹܗ ܬܗܪܸܬܼ ܣܲܓܝܼ ܘܬܘܼܒܼ ܬܗ̇ܪ ܐ̄ܢܐ 220 ܕܐܝܟܢ ܦܠܓ ܚܘܼܠܡܵܢ ܚܲܝܹ̈ܐ ܟܕܗܘ̤ ܡܝܼܬܐ ܗ̄ܘ̣. 221 :ܗܘ̤ ܡܝܬܘܼܬܹܗ ܥܨܬܼܢܝ ܕܐܡ̣ܪ ܡ̈ܠܹܐ ܕܲܥܠܵܘܗܝ 222 ܘܗܵܐ ܩܐ̇ܡ ܐ̄ܢܐ ܐܲܝܟ ܝܵܠܕܬܵܐ ܒܥܠܲܬܼ ܫܪܒܗ. 223 :ܒܕܡܘܼܬ ܥܘܸܠܬܐ ܥܨܐ ܫܲܪܒܹܿܗ ܠܡܪܒܲܥ ܪܸܥܝܵܢܝ 224 ܕܢܦܘܿܩ ܢܟܼܪܸܙ ܚܹܝܠ ܒܘܼܕܵܩܵܐ ܕܟܼܣܹܐ ܒܓܼܵܘܹܗ. 225 :ܒܘܼܕܼܵܩ ܚܝܠܵܐ ܐܠܗܝܵܐ ܡܬܒܕܲܩ ܒܹܗ 226 ܕܥܬܝܼܕ ܕܢܸܣܥܘܿܪ ܚܲܕܬܵܐ ܒܐܪܥܵܐ ܐܝܟ ܕܣܥ̣ܪ ܒܗ. 227 :ܐܘܪܚܵܐ ܕܪܫ ܒܹܗ ܐ̄ܪܙܢܵܐܝܼܬ ܩܕܡ ܣܘܼܥܪ̈ܢܹܐ 228 ܕܬܗܘܹܐ ܦܫܝܼܩܵܐ ܠܐ̄ܢܫ̈ܐ ܠܡܸܪܕܵܐ ܠܘܵܬ ܚܲܝ̈ܗܘܿܢ. 229 :ܚ̈ܝܹܐ ܕܐܢܫ̈ܐ ܟܣܹܝܢ ܒܚܙܝܬܹܗ ܘܒܼܚܘܼܠܡܵܢܹܗ 230 ܘܕܘܡܝܵܐ ܕܒܐܝܕܐ ܕܡܕܡ ܕܟܼܣܐ ܥܬܝܼܕܝܼܢ ܠܡܕܢܝܝ. 231 :ܪܘܚܢܐܝܼܬ ܪܕܐ ܚܘܼܠܡܵܢܵܐ ܡ̣ܢ ܫܲܠܝܘܼܬܹܗ 232 ܘܛܟ ܗܟܢܐ ܗܘܝܐ [ܠܐ]ܢܫ̈ܐ ܒܝܲܕ ܒܪܢܫܵܐ. 233 :ܒܐ̄ܢܫ̈ܐ ܥܬܝܼܕ ܗ̄ܘ̣ܵܐ ܐܠܗ ܘܠܵܐ ܕܢܚܐ ܠܐܢܫ̈ܐ 234 ܘܩܕܡ ܣܥܪܗ̇ ܒܥܠܲܬ ܚܸܘܝܵܐ ܕܐܲܣܝܼ ܠܐ̄ܢܫ̈ܐ. 235 :ܐ̄ܪܙܗ̇ܘ ܕܐܬܿܐ ܨܪ ܒܚܙܬܵܐ ܕܒܫܬܝܼܩܵܐ 236 ܕܐܡܬܝ ܕܐܬܹܐ ܠܵܐ ܬܸܬܼܢܟܪܹܐ ܚܙܬܹܗ ܠܐ̄ܢܵܫ̈ܐ. 237 :ܥܬܝܼܕܝܼܢ ܗ̄ܘ̣ܵܘ ܓܹܝܪ ܐ̄ܢܫ̈ܐ ܠܡܬܗܪ ܒܚܕܬܘܼܬ ܚܲܝܠܹܗ 238 ܘܚܝܠܗ ܠܚܘܝܵܐ ܕܠܵܐ ܢܬܦܠܓܼܘܿܢ ܥܲܠ ܗ̇ܘ ܕܐܬ̇ܐ. 239 :ܒܚܙܘܹܗ ܒܠܚܘܿܕ ܝܗ̣ܒ ܚܘܼܠܡܵܢܵܐ ܠܡܡܚ̈ܝܐ 240 ܕܠܵܐ ܐ̄ܢܫ ܢܸܬܒܲܥ ܒܗܝܡܢܘܼܬܼܵܐ ܚܙܬܐ ܕܩܪܪܒܵܐ. 241 :ܒܗܝܡܢܘܼܬܵܐ ܡܬܐܣܝܢ ܗ̄ܘ̣ܵܘ ܐܵܦ ܥܒܪ̈ܝܹܐ 242 ܘܠܵܐ ܗ̄ܘ̣ܵܐ ܒܣܡܵܐ ܡܸܬܚܙܝܢܵܐ ܘܡܬܠܒܟܢܐ. 243 :ܒܗ ܒܗܝܡܢܘܼܬܼܵܐ ܥܬܝܼܕ ܗ̄ܘ̣ܵܐ ܕܢܲܚܸܐ ܠܐ̄ܢܫ̈ܐ ܒܐ̄ܢܫ̈ܐ 244 ܘܣܡ ܬܚܘܼܬܵܐ ܕܗܲܝܡܵܢܘܼܬܹܗ ܒܗܝܡܢܘܼܬܼܵܐ. 245 :ܒܡܘܬܐ ܕܐ̄ܢܫ̈ܐ ܣܝܼܡܵܐ ܗ̄ܘ̣ܵܬ ܠܗ ܕܢܸܫܪܹܐ ܠܡܵܘܬܼܵܐ 246 ܘܐܠܦ ܐ̄ܢܫ̈ܐ ܠܡܫܐܲܠ ܚܲܝܹ̈ܐ ܡ̣ܢ ܡܝܼܬ ܟܠܹܗ. 247 :ܒܪܸܫ ܓܓܘܠܬܐ ܥܬܝܕ ܗ̄ܘ̣ܵܐ ܕܢܬܠܝܼܘܗܝ ܥܲܠ ܪܸܫ ܩܲܝܣܵܐ 248 ܘܐܠܦܹܗ ܠܡܘܼܫܹܐ ܕܢܸܬܠܝܼܘܗܝ ܠܐ̄ܪܙܹܗ ܒܡܨܥܲܬܼ ܥܲܡܵܐ. 249 :ܒܙܒܼܢܵܐ ܕܣ̇ܓܐ ܥܘ̣ܠܵܐ ܕܥܲܡܡܹ̈ܐ ܡܚܘܬܐ ܗ̄ܘ̣ܵܐ ܠܹܗ 250 ܘܒܵܗ̇ ܒܕܡܘܼܬܼܵܐ ܓܠܵܗ̇ ܠܲܕܡܘܼܬܼܵܐ ܒܥܠܲܬܼ ܥܵܘ̣ܠܵܐ. 251 :ܡܸܛܠ ܥܘ̣ܠܵܐ ܣܥ̣ܘ ܚܲܪ̈ܡܢܹܐ ܥܲܠ ܥܸܒܼܪ݁ܝܹܐ 252 ܘܠܐ ܫܕ̈ܝ ܥܘ̣ܠܐ ܙܝܢ ܚܘܝܵܐ ܠܘܼܩܒܼܵܠ ܚܫ̈ܐ. 253 :ܒܠܵܐ ܚܫܘܿܫܵܐ ܫܪܐ ܚܫܘ̈ܫܹܐ ܡ̣ܢ ܚܲܫܝܼ̈ܗܘܿܢ 254 ܕܐܡܲܬܝ ܕܦܪܩ ܒܝܲܕ ܚܵܫܘܿܫܵܐ ܠܵܐ ܐ̄ܢܫ ܢܸܥܕܘܿܠ. 255 :ܒܡܝܼܬܼܵܐ ܕܠܵܐ ܩܢܹܐ ܫܸܡ ܚܲܝܘܼܬܼܵܐ ܐܚܝܼ ܠܥܵܡܵܐ 256 ܕܡܵܐ ܕܡܢܚܡ ܠܡܝ̈ܬܐ ܒܡܝܼܬܵܐ ܠܵܐ ܢܕܘܢ ܕܐܲܝܟܵܢ. 257 :ܠܐܝܢܵܐ ܕܕܐܸܢ ܩܕܡ ܐܟܣ ܒܐܝܼܕܐ ܕܣܥ̣ܪ 258 ܕܐܸܢܗܘ̤ ܕܕܐܸܢ ܢܕܘܢ ܗ̇ܝ ܕܗܘ̤ܬ ܘܐܟܢ ܗܕܹܐ. 259 ܠܐܝܢܵܐ ܕܦܠܝܼܓ ܩܕܸܡ ܦܪܣܝܼ ܒܚܘܠܡܵܢ ܚܸܘܝܵܐ. 260 ܕܐܸܢ ܫܬܝܼܩܵܐ ܝܗܒ̣ ܚܘܼܠܡܢܵܐ ܟܡܵܐ ܡܠܠܵܐ. 261 :ܒܐܝܢܵܐ ܕܚܪܝܲܝ ܟܐܐ ܒܲܚܙܬܵܐ ܕܪܕܦܬ̤ ܟܸܐܒܹ̈ܐ 262 ܕܐܸܢ ܒܢܚܫܵܐ ܗܕܐ ܓܕܫܬ̤ ܟܡܵܐ ܒܒܪܢܫܵܐ. 263 :ܐܪܐ ܐ̄ܢܫܐ ܡ̇ܢ ܡܬܕܡܲܪ ܐܲܢ̄ܬ ܒܦܘܼܪܩܵܢ ܐ̄ܢܫ̈ܐ 264 ܕܗܵܐ ܒܲܢܚܵܫܵܐ ܗܘ̤ܬ ܬܸܕܡܘܼܪܬܵܐ ܕܕܡܝܵܐ ܠܗܵܕܹܐ. 265 :ܐܪܐ ܓܙܝܼܪܐ ܠܡ̇ܢ ܠܵܐ ܫܠܡ ܐܲܢ̄ܬ ܠܒܼܘܼܕܵܩ ܐܪ̈ܙܲܝܟ 266 ܕܗܵܐ ܒܵܟ ܨܝܪܐ ܗܕܐ ܕܗܘ̤ܬ ܒܥܡܡܹ̈ܐ ܥܘܼܪ̈ܠܹܐ. 267 :ܐܪܐ ܚܸܘܝܵܐ ܫܪܝܼܪܐ ܠܵܟ ܕܐܣܝܼܟ ܡܓܢ 268 ܘܐܝܟܢ ܕܲܐܚܝܼ ܐ̄ܢܫܐ ܠܐ̄̈ܢܫܐ ܠܐ ܡܩܲܒܸܠ ܐܲܢ̄ܬ. 269 :ܐܪܐ ܚܵܙܬܐ ܕܚܪܫܵܐ ܦܪܩܬܵܟ ܡ̣ܢ ܡ̣ܢ ܦܘܼܡ ܚܪ̈ܫܹܐ 270 ܘܒܼܦܘܼܪܩܵܢܵܐ ܕܒܼܡܲܠܠܐ ܠܵܐ ܡܘܕܹܐ ܐܲܢ̄ܬ. pb. f.202v 271 :ܐܪܐ ܘܐܸܢ ܠܵܐ ܓܠܝܼ ܘܐܡ̣ܪ ܠܝܼ ܥܸܠܬܹܗ ܕܚܸܘܝܵܐ 272 ܕܡܵܢܲܐ ܗ̄ܝ̣ ܘܥܲܠ ܡ̣ܢ ܘܡܸܛܠ ܡܵܢܵܐ ܒܹܗ ܐܬܐ ܣܝܼܬ. 273 :ܐܸܢ ܫܪܝܼܪ ܠܵܟ ܕܐܣܝܼ ܟܹܐܒܲܝ̈ܟ ܐܝܟ ܡܵܐ ܕܐܣܝܼ 274 ܠܡ̇ܢ ܡܬܦܠܓ ܐܲܢ̄ܬ ܥܲܠ ܐܣܝܘܼܬܵܐ ܕܪܲܒܵܐ ܡ̣ܢ ܗ̇ܝ. 275 :ܪܒ ܦܘܼܪܩܢܵܐ ܕܗܘ̤ܵܐ ܒܐܵܢܵܫܵܐ ܛܵܒܼ ܡ̣ܢ ܚܘܝܵܐ 276 ܐܝܟ ܡܵܐ ܕܪܲܒܵܐ ܪܒܘܼܬ ܐ̄ܢܫܐ ܡ̣ܢ ܕܚܝܘ̈ܬܐ. 277 :ܫܬܘܿܩ ܠܵܟ ܡܕܝܢ ܝܣܪܠܝܐ ܥܘܼܪ ܒܲܚܣܡܵܐ 278 ܘܠܵܐ ܬܕܓܼܠܝܼܘܗܝ ܠܩܘܼܒܬܵܐ ܓܲܠܝܵܐ ܒܕܓܵܠܘܼܬܵܟ. 279 :ܫܠܝܼ ܠܵܟ ܐܦ ܐܲܢ̄ܬ ܗܲܪܵܛܝܼܩܵܐ ܣܡܣܐ ܕܬܪܝܼܢ 280 ܠܵܐ ܬܘܕܝ ܬܕܲܘܕܝܼܗ̇ ܠܡܪܕܝܼܬ ܡܠܬܲܢ ܒܚܸܪܚܵܘܼܬܼܵܟ. 281 :ܫܘܹܐ ܠܝܼ ܓܘܼܡܕܵܐ ܕܚܸܪܚܘܼܬܵܟ ܥܲܡ ܕܝܗܘܕܝܐ 282 ܥܲܠ ܗ̇ܝ ܚܠܛܬ ܫܸܡ ܒܝܼܫܘܼܬܵܟ ܥܲܡ ܕܐܲܟܼܘܬܵܟ. 283 :ܚܕܵܐ ܗ̄ܝ̣ ܬܘܕܝܼܬܵܐ ܕܗܝܡܢܘܼܬܵܟ ܘܕܝܗܘܕܝܐ 284 ܕܛܐܡ̣ܬܿ ܐ̄ܪܙܐ ܕܦܓܪܢܘܼܬܼܵܐ ܒܕܘܼܡܝܵܐ ܕܝܼܠܹܗ. 285 :ܠܵܐ ܗܘ̤ ܡܩܲܒܸܠ ܦܘܼܪܩܵܢ ܐ̄ܢܫ̈ܐ ܕܗܘ̤ܐ ܒܐ̄ܢܫ̈ܐ 286 ܘܠܵܐ ܐܲܢ̄ܬ ܡܘܕܐ ܐܲܢ̄ܬ ܕܐܝܬܝܐ ܒܐ̄ܢܫܐ ܦܪܩ ܐ̄ܢܫܘܼܬܼܵܐ. 287 :ܒܐ̄ܢܫܐ ܦܪܝܼܩܵܐ ܐ̄ܢܫܘܬܼ ܐ̄ܢܫܐ ܐܘ ܚܸܪ̈ܚܹܵܐ 288 ܘܣܗ̇ܕ ܡܘܼܫܹܐ ܕܐܪܝܼܡ ܚܸܘܝܵܐ ܒܐ̄ܪܙ ܦܘܼܪܩܵܢܵܟ. 289 :ܐܝܟܲܢܵܐ ܠܲܡ ܕܐܲܪܝܼܡ ܡܘܼܫܹܐ ܚܘܝܵܐ ܒܡܲܕܒܪܵܐ 290 ܗܵܟܲܢܵܐ ܥܬܝܼܕ ܐܦ [ܒܪܢܵܫܵܐ] ܒܪܹܗ ܕܐ̄ܢܵܫܵܐ ܠܡܸܬܼܪܵܡܪܵܡܘܼ. 291 :ܗܘ̇ ܦܘܼܩܕܵܢܵܐ ܕܐܲܣܝܼ ܒܚܘܝܵܐ ܠܟܐܒܲܝ̈ ܥܲܡܵܐ 292 ܗܘ̤ ܬܘܼܒܼ ܟܕ ܗܘ̤ ܐܚܝܼ ܠܐ̄ܢܫ̈ܐ ܒܝܲܕ ܒܪܢܫܐ. 293 :ܗ̇ܘ ܨܒܝܼܢܵܐ ܕܪܲܡܪܸܡ ܚܲܪܫܵܐ ܒܝܲܕ ܥܘܼܕܪܵܢܹܗ 294 ܗܘ̤ ܬܘܼܒܼ ܪܲܡܪܸܡ ܐ̄ܢܫܐ ܡܠܝܼܠܵܐ ܠܥܸܠ ܡ̣ܢ ܟܠܵܐ. 295 :ܒܐ̄ܪܙ ܪܘܼܡܪܵܡܵܐ ܕܒܡܠܠܐ ܝܼܪܸܒܼ ܫܬܝܼܩܵܐ 296 ܘܒܫܘܠܛܢܹܗ ܩܢ̣ܵܐ ܫܘܼܠܛܢܵܐ ܠܡܸܪܕܲܦ ܟܸܐܒܹ̈ܐ. 297 :ܒܗܕܐ ܬܢܘܝ ܐܵܦ ܬܘܼܩܵܢܹܗ ܐܵܦ ܪܘܼܡܪܵܡܹܗ 298 ܕܢܕܪܘܿܫ ܐܘܼܪܚܵܐ ܠܪܘܼܡܪܵܡ ܐ̄ܢܫܐ ܕܒܒܪܢܫܵܐ. 299 :ܠܐ̄ܢܫܐ ܪܲܡܪܸܡ ܚܹܝܠ ܒܵܪܘܿܝܵܐ ܒܚܘܝܵܐ ܘܐ̄ܢܫܐ 300 ܘܠܟܪܝܗܘܼܬܹܗ ܐܣܝܼ ܒܚܪܫܵܐ ܘܲܒܼܡܲܠܵܠܵܐ. 301 :ܒܚܸܘܝܵܐ ܐܣܝܼ ܟܐܒܹ̈ܐ ܓܠܝ̈ܐ ܕܒܗܕܡ̈ܐ 302 ܘܒܒܪܢܵܫܵܐ ܠܟܸܐܒܹ̈ܐ ܓܠܝ̈ܐ ܘܚܵܒܹ̈ܐ ܟܣܝ̈ܐ. 303 :ܒܚܘܪܐ ܕܥܝ̈ܢܐ ܡܬܦܠܓ ܗ̄ܘ̣ܵܐ ܚܘܼܠܡܵܢ ܚܲܝܹ̈ܐ 304 ܘܦܘܪܩܵܢ ܐ̄ܢܫܵܐ ܒܗܝܡܢܘܼܬܼܵܐ ܕܒܪܥܝܢܵܐ. 305 :ܒܨܝܼܪ ܗ̄ܘ̣ܵܐ ܚܲܝܵܠܵܐ ܕܒܼܫܬܝܼܩܵܐ ܡ̣ܢ ܡܲܠܵܠܐ 306 ܒܲܕܠܵܐ ܡܨܐ ܗ̄ܘ̣ܵܐ ܠܡܸܥܛܵܐ ܚܵܘܒܹ̈ܐ ܐܵܦ ܟܘ̈ܬܡܬܐ. 307 :ܡܘܼܡܹ̈ܐ ܕܦܓܼܪܵܐ ܡܨܹܐ ܗ̄ܘ̣ܵܐ ܒܠܚܘܿܕ ܠܡܕܟܝܘܼ 308 ܘܚܘܒܬ ܚܘܒܹ̈ܐ ܥܣܩܐ ܗ̄ܘ̣ܵܐ ܠܹܗ ܠܲܡܚܲܣܵܝܼܘ. 309 :ܠܦܠܓܘܼܬ ܐ̄ܢܫܐ ܐܣܝܼ ܐܵܣܝܵܐ ܠܵܐ ܪܓܘܫܵܐ 310 ܕܠܵܘ ܕܝܼܠܹܗ ܗ̄ܘ̣ܵܬ ܕܢܸܓܼܡܘܿܪ ܐ̄ܢܫܐ ܒܲܕܠܵܘ ܐ̄ܢܫܐ ܗ̄ܘ̣. 311 :ܐ̄ܢܫܐ ܥܬܝܼܕ ܗ̄ܘ̣ܵܐ ܕܢܓܼܡܘܿܪ ܐ̄ܢܫ̈ܐ ܒܚܹܝܠ ܒܵܪܘܿܝܵܐ 312 ܘܩܕܡ ܕܪܫܗ̇ [ܠܨܝܼܪܝܼܬܹܗ] ܠܲܓܼܡܝܼܪܘܼܬܹܗ ܒܕܲܒܼܨܝܼܪ ܡܸܢܹܗ. 313 :ܐܝܟ ܗܕܝܼܐ ܫܲܕܪ ܚܸܘܝܵܐ ܩܕܼܵܡ ܡܹܐܬܝܼܬܹܗ 314 ܕܒܡܟܝܢܐ ܢܐܣܹܐ ܟܸܐܒܹ̈ܐ ܕܡܸܬܢܟܝ̈ܢܹܐ. 315 :ܠܒܗܬܲܬܼ ܫܸܐܕܹ̈ܐ ܣܲܥܪܵܗ̇ ܠܗܕܐ ܒܚܸܘܝܵܐ ܘܐ̄ܢܫܐ 316 ܕܒܼܗܘ̇ ܡܕܡ ܕܐܲܟܝܼܘ ܠܐ̄ܢܫܐ ܢܚܐ ܠܐ̄ܢܫܐ. 317 :ܒܚܸܘܝܵܐ ܐܲܛܠܝܼ ܪܸܫ ܣܸܕܪ̈ܲܝܗܘܿܢ ܠܪܸܫ ܐ̄ܢܫܘܼܬܼܵܐ 318 ܘܲܒܼܝܲܕ ܚܸܘܝܵܐ ܐܣܝܼ ܟܸܐܒܹ̈ܐ ܕܚܘܘ̈ܬܐ. 319 :ܠܗܘܿܢ ܪܵܕܸܦ ܗ̄ܘ̣ܵܐ ܒܐ̄ܪܙ ܚܘܼܠܡܵܢܵܐ ܕܡ̣ܢ ܫܲܬܝܼܩܵܐ 320 ܕܢܘܕܥ ܐܸܢܘܿܢ ܕܩܪܸܒܼ ܙܲܒܼܢܵܐ ܕܡܸܬܦܲܪܣܝܼܢ ܒܹܗ. 321 :ܘܟܒܪ ܐܲܟܼܪܝܼܘ ܟܕ ܪܵܕܦ ܗ̄ܘ̣ܵܐ ܚܸܘܝܵܐ ܠܟܸܐܒܹ̈ܐ 322 ܐܝܟ ܡܵܐ ܕܐܲܝܠܸܠܘ ܟܕ ܪܕܦ ܗ̄ܘ̣ܵܐ ܡܫܝܼܚܵܐ ܠܠܓܼܝܘܿܢ. 323 :ܘܲܟܒܲܪ ܒܲܓܸܢܘ ܟܕ ܚܵܙܹܝܢ ܗ̄ܘ̣ܵܘ ܚܘܠܡܵܢ ܚܪܫܵܐ 324 ܐܝܟ ܗ̇ܘ ܙܲܒܼܢܵܐ ܕܡ[...] ܕܡܬܩܠܝܢ ܗܘ̣ܵܘ ܠܘܼܩܒܼܵܠ ܝܼܫܘܿܥ: pb. f.203r 325 :ܟܒܲܪ ܗܪܓܼܝܢ ܗ̄ܘ̣ܵܘ ܒܗܸܪܓܵܐ ܣܢܝܵܐ ܕܪ̈ܥܝܢܲܝܗܘܿܢ 326 ܕܐܪܵܐ ܡܢܐ ܗ̄ܝ̣ ܚܕܬ̇ܐ ܕܗܘ̣ܬܸ ܒܹܝܬܼ ܡܝܘ̈ܬܐ. 327 :ܐܝܟܢ ܓܕܫܲܬ ܕܚܸܘܝܵܐ ܕܐܲܥܸܠ ܡܘܬܐ ܒܐܝܼܕܹܗ 328 ܗܦܟ ܡܚܐ ܠܵܗ̇ ܠܡܝܼܬܘܼܬ ܐ̄ܢܫܐ ܒܚܸܙܘܵܐ ܕܐܲܦܵܘ̈ܗܝ. 329 :ܐܸܒܼܠܵܐ ܠܒܸܫܘ ܗ̄ܘ̣ܵܘ ܠܘܼܩܒܠ ܚܸܘܝܵܐ ܘܥܘܩܒܼܵܠ ܡܲܪܢ 330 ܕܐܝܟܢ ܡܲܐܣܝܼܢ ܟܐܒܹ̈ܐ ܘܚܵܘ̈ܒܹܐ ܕܠܵܐ ܣܲܡܡܵܢܹ̈ܐ. 331 :ܠܘܼܩܒܼܵܠ ܡܵܪܵܢ ܐܒܝܼܠܝܼܢ ܗ̄ܘ̣ܵܘ ܝܲܬܝܼܪܵܐܝܼܬ 332 ܕܦܓܼܪܐ ܘܢܲܦܫܵܐ ܡܬܐܣܝܼܢ ܗ̄ܘ̣ܵܘ ܒܡܒܲܬܼ ܦܘܼܡܹܗ. 333 :ܒܹܗ ܘܒܚܘܝܵܐ ܬܗܝܼܪܝܼܢ ܗ̄ܘ̣ܵܘ ܘܡܸܬܡܗܝܼܢ ܗ̄ܘ̣ܵܘ 334 ܕܟܼܡܵܐ ܕܡ̇ܐ ܐ̄ܪܙܵܐ ܠܩܘܼܫܬܼܵܐ ܒܝܲܕ ܣܘܼܥܪ̈ܢܵܘܗܝ. 335 :ܘܐܢܗܘ̤ ܕܫܐܕ̈ܐ ܬܡܲܗܘ ܘܐܸܬܕܡܲܪܘ ܒܩܘܼܫܬܼܵܐ ܘܐ̄ܪܙܵܐ 336 ܢܦܘܫ ܝܗܘܕܝܐ ܕܗܪܣܝܘܛܵܐ ܠܒܲܪ ܡ̣ܢ ܬܲܪܥܵܐ. 337 :ܠܒܲܪ ܡ̣ܢ ܬܲܪܥܵܐ ܕܗܝܡܵܢܘܼܬܼܵܐ ܢܩܘܡܘܢ ܥܛ̈ܠܐ 338 ܒܕܠܵܐ ܨ̇ܒܝܼܢ ܠܡܥܠ ܥܡܲܢ ܠܬܵܘܕܝܼܬ ܩܘܼܫܬܼܵܐ. 339 :ܐ̄ܪܙܐ ܘܩܘܼܫܬܼܵܐ ܢܒܣܘܪ ܐܸܢܘܿܢ ܠܲܟܼܪ̈ܘܡܬܢܹܐ 340 ܘܢܹܐܚܘܕ ܬܲܪܥܵܐ ܕܫܲܪܝܼܪܘܼܬܹܗ ܩܕܼܵܡ ܐܲܦܲܝ̈[ܗܘܿܢ]. 341 :ܚܸܘܝܵܐ ܒܫܸܬܩܹܗ ܢܐܡܲܪ ܕܝܼܢܵܐ ܥܲܡ ܡܸܠܲܝ̈ܗܘܿܢ 342 ܕܠܵܐ ܝܵܗܒܝܼܢ ܠܹܗ ܠܐ̄ܢܫܐ ܕܡܸܢܲܢ ܠܡܸܬܪܡܪܡܘܼ. 343 :ܐܪܵܐ ܚܸܘܝܵܐ ܕܠܵܐ ܚܝܘܼܬܼܵܐ ܝܼܪܸܒ ܘܐܬܝܩܪ 344 ܘܠܐܕܵܡ ܕܲܬܼܪܹܝܢ ܡ̇ܢ ܟܠܹܝܢ ܐ̄ܢܬܘܿܢ ܡ̣ܢ ܪܘܼܡܪܵܡܵܐ. 345 :ܐܪܐ ܢܚܵܫܵܐ ܕܚܲܫܠܘܼܗܝ ܐ̄ܢܫ̈ܐ ܐܣܝܼ ܠܐܢܫܐ 346 ܘܐ̄ܢܫܐ ܕܚܲܫܠܹܗ ܚܲܝܠܵܐ ܕܪܘܼܚܵܐ ܠܡ̇ܢ ܠܵܐ ܡܲܐܣܹܐ. 347 :ܐܪܵܐ ܗܒܼܘ ܠܹܗ ܚܹܝܠ ܥܘܼܕܪܵܢܵܐ ܐܝܟ ܕܠܚܪܫܵܐ 348 ܘܫܒܘܩܘ ܩܵܐܸܡ ܒܕܲܪܓܼܵܐ ܕܲܡܛܵܝܗܝ ܥܲܡ ܐܝܼܬܘܼܬܼܵܐ. 349 :ܪܲܒ ܗ̄ܘ̣ ܕܲܪܓܹܗ ܡ̣ܢ ܫܲܠܝܼܩܵܐ ܒܢܲܝ̈ ܚܸܪܝܢܵܐ 350 ܘܐܝܢܵܐ ܕܡܙܥܲܪ ܠܪܵܡܘܼܬ ܕܲܪܓܹܗ ܥܦܝܼܦ ܫܘܼܢܵܩܹܗ. 351 :ܒܥܠܲܬ ܕܲܪܓܹܗ ܝܼܪܸܒܼ ܚܲܠܵܫܵܐ ܚܸܘܝܵܐ ܚܫܝܼܠܵܐ 352 ܘܐܸܠܘܼܠܵܐ ܗܘ̤ ܐܵܦܠܵܐ ܕܐܝܼܬܼܵܘ̄[...] ܚܫܝܼܒܼ ܗ̄ܘ̣ܵܐ ܡܸܕܸܡ. 353 :ܠܵܐ ܡܸܕܡ ܗ̄ܘ̣ܵܐ ܐܸܠܘܼ ܡܸܕܸܡ ܠܵܐ ܟܣܹܐ ܗ̄ܘ̣ܵܐ ܒܹܗ 354 ܘܠܵܐ ܚܘܠܡܢܹܗ ܡܬܗܝܡܢ ܗ̄ܘ̣ܵܐ ܒܠܥܕ ܡܕܡ. 355 :ܡܕܡ ܕܐܡ̇ܪܬ̣ ܡܫܝܼܚܵܐ ܗ̄ܘ̣ ܡܕܡ ܕܫܲܪܝܼܪ ܥܲܠ ܟܠ 356 ܘܐܝܟ ܠܐ ܡܕܡ ܚܫܝܼܒܼ ܟܠܡܸܕܸܡ ܒܦܸܚܡܵܐ ܕܝܼܠܹܗ. 357 :ܘܣܗ̇ܕ ܦܵܘܠܘܿܣ ܕܛܠܢܝܼܬܼܵܐ ܕܡܕܡ [ܟܫܢܗ] 358 :ܢܡܘܿܣܵܐ ܠܲܡ ܛܠܢܝܼܬܼܵܐ ܩܢܐ ܗ̄ܘ̣ܵܐ ܒܲܠܚܘܿܕ 359 ܘܠܵܐ ܗ̄ܘ̣ܵܐ ܫܪܵܪܵܐ ܕܒܼܣܘܼܥܪ̈ܵܢܹܐ ܓܘܼܫܡܵܢܵܝܼܐ. 360 :ܓܘܼܫܡܵܐ ܡܫܝܼܚܵܐ ܗ̄ܘ̣ ܕܫܲܪܝܼܪ ܘܲܓܼܡܝܼܪ ܒܦܲܓܼܪܐ ܘܢܲܦܫܵܐ 361 ܘܛܠܢܝܼܬܹܗ ܚܘܝܵܐ ܕܫܡܫ ܐ̄ܪܙ ܦܘܼܪܩܵܢܹܗ. 362 :ܐ̄ܪܙ ܦܘܼܪܩܢܹܗ ܫܡܸܫ ܚܪܫܵܐ ܒܹܝܬ ܥܒܪ̈ܝܹܐ 363 ܘܐܝܟ ܟܪܘܿܙܵܐ ܩܥܬ̤ ܫܲܠܝܘܼܬܹܗ ܥܲܠ ܡܹܐܬܝܼܬܹܗ. 364 :ܘܠܦܪ̈ܘܿܫܹܐ ܓܠܹܐ ܗ̄ܘ̣ܵܐ ܡܲܡܠܠܐ ܕܫܲܬܝܼܩܘܼܬܹܗ 365 ܕܠܵܐ ܒܪܬ ܩܵܠܵܐ ܡܣܬܘܕ ܗ̄ܘ̣ܵܐ ܥܲܡ ܫܡܘܿܥܵܘ̈ܗܝ. 366 ܘܚܠܦ ܐܕܢܹ̈ܐ ܥܝܢܹ̈ܐ ܨܵܬܵܗ̇ ܠܟܵܪܘܿܙܘܼܬܹܗ. 367 :ܐܘ ܟܪܘܿܙܵܐ ܠܵܐ ܦܵܪܘܿܫܵܐ ܘܠܵܐ ܡܲܠܵܠܵܐ 368 ܕܐܫܡܲܥ ܒܐܪܥܵܐ ܛܸܒܵܐ ܚܲܕܬܵܐ ܕܚܘܕܬ ܐ̄ܢܫܐ. 369 :ܐܘ ܐܝܙܓܕܐ ܚܓܝܼܪ ܡ̣ܢ ܡܠܬܐ ܘܡ̣ܢ ܗܠܟ̈ܝܬܐ 370 ܕܥܒܲܪ ܐܸܢܘܿܢ ܠܩܲܢܝܲܝ̈ ܡܸܠܬܐ ܒܩܲܠܝܼܠܘܼܬܹܗ. 371 :ܐܘ ܕܠܥܸܙ ܒܹܗ ܚܹܝܠ ܒܵܪܘܿܝܵܐ ܟܕܠܵܐ ܠܥܸܙ ܒܹܗ 372 ܘܨܵܬܘܼܗܝ ܐ̄ܢܫܐ ܟܕ ܠܵܐ ܡܡܬܘܡ ܫܡܥ ܒܪܬܩܠܗ. 373 :ܐܘ ܟܡܐ ܫܲܦܝܼܪ ܫܪܒܵܟ ܚܸܘܝܵܐ ܠܵܐ ܫܲܦܝܼܪܵܐ 374 ܘܟܕ ܐܲܢ̄ܬ ܣܢܝܐ ܐܲܢ̄ܬ ܫܦ̣ܪܘ ܒܟ ܐ̄ܢܫ̈ܐ ܡ̣ܢ ܣܢܝ̈ܬܐ. 375 :ܐܘ ܠܵܟ ܣܢܝܐ ܕܐܲܣܢܝܼ ܠܐ̄ܢܫܐ ܡ̣ܢ ܫܘܼܪܝܐ 376 ܕܗܦܟ ܐܫܦܪ ܫܘܼܦܪܐ ܕܐܣܢܝܼ ܒܐܬܪܐ ܕܥܕܢ. 377 ܣܢܐ ܐܲܢ̄ܬ ܚܸܘܝܵܐ ܘܝܬܝܪ ܐܝܼܬ ܐܲܢ̄ܬ ܕܲܢܚܫܵܐ: pb. f.203v 378 ܘܛܵܒܼܬܼܵܐ ܕܡܸܢܵܟ ܠܵܘ ܕܝܼܠܵܟ ܗ̣̄ܝ ܐܸܠܵܐ ܕܛܵܒܼܵܐ. 379 :ܛܵܒܼܵܐ ܒܚܘܒܹܗ ܥܲܒܼܕܵܟ ܚܸܙܘܵܐ ܕܫܦܝܼܪ̈ܬܵܐ 380 ܕܢܟܐܪ ܒܵܟ ܠܣܢܵܐܐ ܕܐܣܢܝܼ ܠܐܢ̈ܫܐ ܒܐܝܼܕܲܝ̈ܟ. 381 :ܡܕܝܢ ܠܵܘ ܠܟ ܡܩܲܠܸܣ ܐܝܟܵܐ ܕܡܩܠܸܣ ܠܵܟ 382 ܐܸܠ̇ܐ ܠܝܲܚܠܵܐ ܕܐܵܦ ܒܡܚ̈ܝܠܐ ܡܚܵܘܹܐ ܚܲܝܠܹܗ. 383 :ܚܹܝܠ ܒܪܘܿܝܵܐ ܐܲܚܝܼ ܠܥܲܡܵܐ ܒܐ̄ܪܙܐ ܚܲܪܫܵܐ 384 ܘܗܘ̤ ܬܘܼܒܼ ܐܲܚܝܼ ܠܥܲܡܡܹ̈ܐ ܡܝܼ̈ܬܐ ܒܩܘܼܫܬܵܐ ܚܝܐ. 385 :ܒܩܘܼܫܬܼܵܐ ܢܘܕܐ ܕܚܝܠܗ ܣܥܪܗ̇ ܠܗܝ̇ ܘܠܗܕܐ 386 :ܕܝܼܠܹܗ ܐܢܝܢ ܩܕܡ̈ܝܬܐ ܘܐܚܪ̈ܝܬܐ 387 :ܒܪܝܟ ܕܒܨܠܝܼܒܹܗ ܕܪܫ̣ ܠܲܢ ܐܘܼܪܚܵܐ ܠܡܠܟܘ̱ܬ ܪܵܘܡܵܐ 388 ܘܒܹܗܘ̣ ܦܪܩܲܢ ܡ̣ܢ ܥܲܒܕܘܼܬܼܵܐ ܕܒܝܼܫܵܐ ܘܡܵܘܬܼܵܐ܀