On the Incarnation of Christ - ܥܲܠ ܦܲܓܼܪܵܢܘܼܬܗ ܕܡܵܪܲܢ ܡܫܝܼܚܵܐ

1 :ܥܕܬܵܐ ܡܠܝܲܬܸ ܦܘܼܪ̈ܫܵܢܹܐ 2 ܡܪܬܼ ܓܲܙܹ̈ܐ ܘܚܸܟ̈ܡܵܬܼܵܐ. 3 :ܝܘܠܦܢ̇ܐ ܕܪܕܐ ܡܸܢܵܗ̇ 4 ܚܒܸܡ ܠܐܪܒܥ ܦܸܢܝ̈ܬܐ. 5 :ܥܡܡܹ̈ܐ ܦܠܝܓܲܝ̈ ܠܫܢܹ̈ܐ 6 ܘܪ̈ܚܝܩܲܝ ܡ̣ܢ ܐܘܝܘܼܬܵܐ. 7 :ܒܚܲܕ ܢܝܼܪܵܐ ܟܕܢܲܬ̤ ܐܸܢܘܿܢ 8 ܕܡܲܠܸܦ ܚܘܼܒܵܐ ܠܛܥܘܢ̈ܘܗܝ. 9 :ܐ̄ܪܙܵܐ ܪܲܒܵܐ ܕܟܼܣܹܐ ܗ̄ܘ̣ܵܐ 10 ܡ̣ܢ ܕܪ̈ܐ ܘܡ̣ܢ ܫܪ̈ܒܬܐ. 11 :ܫܪܪܹܗ ܒܕܥܬܵܐ ܐܬܦܫܲܩ 12 ܠܥܠܝ̈ܐ ܘܲܠܬܼܚܵܬܝܹ݁ܐ. 13 :ܒܪܵܐ ܕܐܝܼܠܵܘܗܝ ܥܲܡ ܝܵܠܘܿܕܹܗ 14 ܘܟܼܣܹܐ ܘܓܼܢܝܼܙ ܐܲܟܼܘܵܬܹܗ. 15 :ܥܕܬܵܐ ܠܘܼܩܕܵܐ ܝܠܦܬܹܗ 16 ܕܐܝܼܬܝܐ ܗ̄ܘ̣ ܕܝܼܠܝܼܕ ܡ̣ܢ ܐܲܒܼܵܐ. 17 :ܪܘܼܚܵܐ ܕܐܝܼܬܵܘܗܝ ܡ̣ܢ ܐܲܒܼܵܐ 18 ܘܠܵܐ ܒܨܝܼܪ ܡܸܢܹܗ ܒܐܝܼܬܘܼܬܼܵܐ. 19 :ܒܓܼܵܘ ܥܕܬܵܐ ܦܠܓ ܥܘܼܬܼܪܹܗ 20 ܘܩܒܠܬܹܗ ܐܲܝܟ ܜܒܼܪܕܵܐ. 21 :ܒܫܸܡ ܐܲܒܼܵܐ ܘܲܒܼܪܵܐ ܘܪܘܼܚܵܐ 22 ܫܡܗܹ̈ܐ ܠܬܬܐ ܩܲܕܫܹ̈ܐ. 23 :ܩܒܠ̣ܬ ܚܲܝܠܵܐ ܘܫܘܼܠܛܢܵܐ 24 ܘܝܠܦܬ̤ ܕܚܕܼܵܐ ܗ̄ܝ̣ ܐܝܼܬܘܼܬܼܵܐ. 25 :ܚܲܕ ܐܠܗܵܐ ܡܟܪܸܙ ܗ̄ܘ̣ܵܐ 26 ܝܼܣܪܵܝܸܥ ܐܲܝܟ ܕܐܬܩܦܲܪ. 27 :ܘܥܕܬܐ ܝܠܦܬ̤ ܦܘܼܫܩܵܐ 28 ܕܬܘܕܐ ܒܩܢܘܿܡܹ̈ܐ ܠܬܵܬܼܵܐ. 29 :ܟܣܹܐ ܗ̄ܘ̣ܵܐ ܒܪܐ ܥܲܡ ܝܠܘܿܕܹܗ 30 ܡ̣ܢ ܥܠ̈ܝܐ ܘܬܸܚܬܝ̈ܐ. 31 :ܘܒܐ̄ܪ̈ܙܹܐ ܘܒܦܠܐܬ̈ܐ 32 ܢܒܝ̈ܐ ܪܸܡܙܹܗ ܐܲܟܼܬܸܒܘ ܗ̄ܘ̣ܵܘ. 33 :ܟܲܕ ܕܹܝܢ ܡܛܝܼ ܫܘܼܠܵܡܵܐ 34 ܕܙܒܼܢܵܐ ܕܦܣܝܼܡ ܒܼܝܕܲܥܬܹܗ. 35 :ܫܕܲܪ ܐܠܗܵܐ ܠܲܒܼܪܹܗ 36 ܕܢܸܐܬܹܐ ܢܚܲܕܸܬ ܬܘܩܢܲܢ. 37 :ܚܙܲܩ ܡ̣ܢ ܐܲܝܟܵܐ ܕܐܝܼܬܵܘܗܝ ܗ̄ܘ̣ܵܐ 38 ܘܐܬܐ ܠܐܝܟܵܐ ܕܐܝܼܬܼܵܘܗܝ ܗ̄ܘ̣ܵܐ. 39 :ܚܙܲܩ ܡ̣ܢ ܐܲܒܼܵܐ ܘܠܵܐ ܫܲܢܝܼ 40 :ܘܐܸܬܵܐ ܠܥܵܠܡܵܐ ܨܒܼܝܵܢܹܗ 41 :ܠܵܐ ܓܹܝܪ ܡܨܝܵܐ ܕܒܟܝܢܹܗ 42 ܡ̣ܢ ܐܬܪܐ ܠܐܲܬܪܵܬ ܢܫܢܐ. 43 :ܕܙܒܼܢܹ̈ܐ ܘܥܵܠܡܹ̈ܐ ܠܓܘ ܡܸܢܹܗ 44 ܘܠܵܐ ܚܒ̈ܫܵܢ ܠܹܗ ܒܸܪ̈ܝܬܼܵܐ. 45 :ܐܸܬܵܐ ܟܠܹܗ ܒܨܒܼܝܢܹܗ 46 ܘܩܘܝܼ ܟܠܹܗ ܒܲܟܼܝܵܢܹܗ. 47 :ܕܟܼܝܢܹܗ ܒܟܼܠܕܘܼܟ ܐܝܼܬܼܵܘܗܝ 48 ܘܨܒܝܢܹܗ ܐܙ̇ܠ ܘܐ̇ܬܐ. 49 :ܐܸܬܼܵܐ ܠܥܘܼܡܪܵܐ ܕܡܝܘ̈ܬܹܐ 50 ܕܢܚܕܬ ܨܠܡܲܢ ܕܒܼܠܝܼ. 51 :ܘܡܸܢܹܗ ܕܟܼܝܼܢܲܢ ܫܝܼܛܵܐ 52 ܥܒܕ ܠܹܗ ܢܘܣ̇ܐ ܘܥܡ̣ܪ ܒܹܗ. 53 :ܕܠܵܐ ܙܲܪܥܵܐ ܓܲܒܼܠܗ ܪܘܼܚܵܐ 54 ܒܓܼܵܘ ܟܲܪܣܵܐ ܕܠܵܐ ܙܘܼܘܵܓܼܵܐ. 55 ܕܢܚܕܸܬ ܒܹܗ ܒܸܪ̈ܝܵܬܼܵܐ. 56 ܘܢܫܝܸܢ ܒܹܗ ܥܠ̈ܝܹܐ. 57 :ܐܝܙܓܲܕܵܐ ܕܫܲܝܢܵܐ ܫܲܕܲܪ 58 ܕܒܣܒܪ ܒܛܢܹܗ ܒܐܲܪܥܵܐ. 59 :ܘܡ̣ܢ ܬܪܥܵܐ ܕܥܲܠ ܒܹܗ ܡܵܘܬܼܵܐ 60 ܥ̣ܠܘ ܚܲܝܹ̈ܐ ܘܫܲܢܝܼ ܡܵܘܝܬܼܵܐ. 61 :ܫܠܵܡ ܠܟܼܝ ܡܠܝܬ̤ ܛܲܝܒܘܼܬܼܵܐ 62 ܥܝܼܪܵܐ ܠܡܪܝܲܡ ܐܡ̣ܪ ܗ̄ܘ̣ܵܐ. 63 :ܡܵܪܝ ܥܡܟܝ ܒܲܪܬ ܡܵܝܘܬܹ̈ܐ 64 ܕܡܸܢܹܟܼܝ ܕܢ̇ܚ ܦܪܘܿܩܵܐ. 65 :ܗܵܐ ܕܘܟܬܼܵܐ ܕܐܬܬܩܠܘ ܒܗ̇ 66 ܗܪ̈ܛܝܼܩܹܐ ܚܸܪ̈ܚܹܵܐ. 67 ܘܣܡܘܼܗ̇ ܐܲܝܟ ܒܹܝܬ ܐܵܓܼܵܘܿܢܵܐ: pb. f.204r 68 ܠܬܟܬܘܼܫܵܐ ܕܫܘܼܐܵܠܲܝ̈ܗܘܿܢ. 69 :ܗܘ̤ ܠܲܡ ܡܸܠܬܼܵܐ ܐܸܫܬܲܚܠܲܦ 70 ܘܲܗܘ̤ܵܐ ܒܸܪܪܵܐ ܐܝܟ ܕܟܼܬܝܼܒ. 71 :ܘܠܵܐ ܫܩ̣ܠ ܦܓܼܪܐ ܡ̣ܢ ܡܲܪܝܲܡ 72 ܐܸܠܵܐ ܩܢܘܿܡܹܗ ܗܘ̤ܵܐ ܒܣܪܐ. 73 :ܐܢܕܹܝܢ ܡܸܠܬܼܵܐ ܐܫܬܚܠܲܦ 74 :ܡܕܝܢ ܩܲܒܸܠ ܪܘܼܟܵܒܼܵܐ 75 :ܘܐܸܢܗܘ̤ ܕܩܒܸܠ ܪܘܼܟܵܒܼܵܐ 76 :ܗܘ̤ܵܐ ܫܘܼܪܵܝܵܐ ܠܬܘܼܩܵܢܹܗ 77 :ܘܐܸܢ ܫܲܪܝܼ ܒܝܲܕ ܬܘܼܩܵܢܵܐ 78 ܫܘܹܐ ܗ̄ܘ̣ ܒܒܼܪܝܼܬܹܗ ܐܲܝܟ ܟܠܢܵܫ. 79 :ܘܒܲܫܡܵܐ ܐܝܼܬܼܵܘܗܝ ܥܵܒ̣ܘܿܕܵܐ 80 ܟܲܕ ܪܲܚܝܼܩ ܡ̣ܢ ܣܘܼܥܪ̈ܵܢܹܐ. 81 :ܗܵܢܵܐ ܓܕܘܼܦܵܐ ܢܹܗܦܘܿܟ 82 ܥܲܠ ܪܹܫܵܐ ܕܗܪ̈ܛܝܼܩܹܐ. 83 :ܕܣܕܩܘ ܢܚܬܐ ܕܬܵܘܕܝܼܬܼܵܐ 84 ܕܗܝܡܢܘܼܬܼܗܘܿܢ ܕܲܫܠܝܼܚܹ̈ܐ. 85 :ܐܙ̇ܐ ܥܛܠܝ̈ ܠܦܝܣܵܐ 86 ܘܥܘܝܼܪ̈ܲܝ ܡ̣ܢ ܒܘܼܝܵܢܵܐ. 87 :ܠܡܵܢܵܐ ܗܵܢܵܐ ܚܪܝܢܐ 88 ܘܥܲܠ ܡ̇ܢ ܗܕܐ ܡܨܘܿܬܼܵܐ. 89 :ܡܢܵܐ ܬܐܬܪܘܿܢ ܡ̣ܢ ܗܕܐ 90 ܕܬܚܫܘܿܢ ܠܐܝܼܬܝܵܐ ܕܠܵܐ ܚܐܸܫ̇. 91 :ܘܲܠܗܘ̇ ܕ ܕܫܘܹܐ ܥܲܡ ܐܲܒܘܼܗܝ 92 ܒܪܝܼܬܼܵܐ ܕܒܣܪܐ ܬܩܪܘܢܝܗܝ. 93 :ܫܡܘܿܥܵܐ ܠܵܐ ܬܬܕܘܲܕ 94 ܘܬܬܦܠܲܓܼ ܒܐܝܠܹܝܢ ܕܫܡܲܥܬ. 95 :ܬܵܐ ܐܬܩܪܲܒܼ ܠܲܦܝܣܵܐ 96 ܘܫܡܲܥ ܘܝܼܠܲܦ ܬܲܩܢܵܐܝܼܬ. 97 :ܠܘ ܗܘ̤ ܡܠܬܐ ܐܸܫܬܚܲܠܦ 98 ܘܗܘ̤ܵܐ ܒܸܣܪܵܐ ܒܲܩܢܘܿܡܹܗ. 99 :ܐܸܠܵܐ ܡܸܠܬܐ ܠܒܸܫ ܒܸܣܪܵܐ 100 ܕܢܚܪܲܪ ܒܹܗ ܠܡܝܘ̈ܬܐ. 101 :ܠܵܘ ܗܘ̤ ܡܸܠܬܼܵܐ ܗܘ̤ܵܐ ܒܣܪܐ 102 ܐܸܠܵܐ ܕܫܩ̣ܠ ܒܪܢܫܵܐ. 103 :ܕܡܫܡܲܠܝ ܗ̄ܘ̣ܵܐ ܒܟܼܠܡܸܕܸܡ 104 ܒܦܓܼܪܐ ܘܢܦܫܵܐ ܫܲܘܝܵܐܝܼܬ. 105 :ܒܲܪܢܫܵܐ ܗ̄ܘ̣ ܕܡܢܣܲܝ ܗ̄ܘ̣ܵܐ 106 ܒܒܛܢܵܐ ܘܝܲܠܕܵܐ ܘܬܲܪܒܝܼܬܼܵܐ. 107 :ܒܟܲܦܢܵܐ ܘܨܲܗܝܵܐ ܘܲܒܼܚܲܫܵܐ 108 ܘܲܒܼܡܵܘܬܼܵܐ ܕܡܠܐ ܙܒܼܢܵܐ. 109 :ܚܛܝܼܬܼܵܐ ܕܹܝܢ ܠܵܐ ܫܠܛܬ̤ ܒܹܗ 110 ܘܦܵܘܠܘܿܣ ܣܗܲܕ ܥܠܗܕܹܐ. 111 :ܕܥܘܼܡܪܵܐ ܗ̄ܘ̣ܵܐ ܕܐܲܠܵܗܘܼܬܼܵܐ 112 ܕܒܪܘܚܩܘܼܕܫܵܐ ܡܩܲܕܫ ܗ̄ܘ̣ܵܐ. 113 :ܘܠܵܐ ܬܘܼܒܼ ܢܣܒܪ ܫܡܘܿܥܵܐ 114 ܒܗ̇ܝ ܕܩܪܝܬܹܗ ܒܲܪܢܵܫܵܐ. 115 :ܕܒܢ̈ܝܐ ܬܪܹܝܢ ܐܵܡ̇ܪܢܵܐ 116 ܐܝܟ ܡܵܐ ܕܒܼܕܵܘ ܛܵܠܘܿܡܹܐ. 117 :ܚܲܕ ܗ̄ܘ̣ ܒܪܵܐ ܒܲܪ ܐܝܼܬܘܼܬܼܵܐ 118 ܗܘ̇ ܕܫܘܹܐ ܥܲܡ ܝܵܠܘܿܕܹܗ. 119 :ܘܟܼܣܹܐ ܗ̄ܘ̣ܵܐ ܒܥܘܼܒܵܐ ܕܐܲܒܘܼܗܝ 120 ܥܕܲܡܵܐ ܠܙܲܒܼܢܵܐ ܕܡܹܐܬܼܝܬܹܗ. 121 :ܘܡܛܠ ܚܘܼܒܹܗ ܕܠܘܵܬܲܢ 122 ܫܩ̣ܠ ܒܪܢܵܫܵܐ ܡܫܠܡܢܐ. 123 :ܘܥܲܒܕܹܗ ܥܲܡ̣ܗ ܚܲܕ ܡܸܕܸܡ 124 ܒܡܵܪܘܼܬܼܵܐ ܘܲܒܼܫܘܼܠܛܵܢܵܐ. 125 :ܘܡ̣ܢ ܝܵܘܡܵܐ ܕܓܲܒܼܠܗ ܪܘܼܚܵܐ 126 ܒܓܼܵܘ ܟܲܪܣܵܐ ܕܠܵܐ ܙܘܼܘܵܓܵܐ. 127 :ܡܵܪܵܐ ܘܝܵܪܬܵܐ ܘܫܲܠܝܼܛܵܐ 128 ܒܪܵܘܡܵܐ ܘܥܘܼܡܩܵܐ ܫܲܘܝܵܐܝܼܬ. 129 :ܠܵܐ ܡܨܝܵܐ ܗ̄ܘ̣ܵܬ ܕܒܼܟܝܵܢܹܗ 130 ܢܸܬܒܩܘܿܢ ܒܹܗ ܡܵܝܘ̈ܬܹܐ. 131 :ܘܥܲܠܗܵܕܹܐ ܫܩ̣ܠ ܒܪܢܵܫܵܐ 132 ܕܢܟܣܹܐ ܙܝܼܘܹܗ ܒܐ̄ܢܫܐ. 133 :ܘܒܗܕܹܐ ܠܲܢ ܐܘܼܪܸܒܼ ܗ̄ܘ̣ܵܐ 134 ܕܟܝܢܲܢ ܫܝܼܛܵܐ ܢܠܒܲܫ. 135 :ܘܢܣܩܝܼܘܗܝ ܥܲܡܹܗ ܠܫܡܲܝܵܐ 136 ܠܐܝܼܩܵܪܵܐ ܕܡ̣ܢ ܝܡܝܼܢܹܗ. 137 :ܒܨܠܡܹܗ ܩܪ̣ܝܗܝ ܗ̄ܘ̣ܵܐ ܠܟܼܝܼܢܲܢ 138 :ܒܫܘܪܝܐ ܟܕ ܡܬܩܸܢ ܠܗ 139 :ܘܐܬܚܒܲܠ ܗܵܢܵܐ ܨܲܠܡܵܐ 140 ܒܝܲܕ ܡܸܠܟܹܗ ܕܐܵܟܸ̇ܠܩܲܪܨܵܐ. 141 ܨܒܼܵܐ ܕܹܝܢ ܗܵܫܵܐ ܒܲܚܢܵܢܹܗ. 142 ܕܲܢܚܲܕܸܬ ܨܠܡܲܢ ܕܒܼܠܝܼ. 143 :ܘܫܩ̣ܠ ܡܢܲܢ ܪܹܫܝܼܬܵܐ 144 ܘܥܠܝܗ̇ ܠܘܬܹܗ ܒܬܸܫܒܘܿܚܵܬܐ. 145 :ܗܕܐ ܗ̄ܝ̣ ܟܠܗ̇ ܬܘܕܝܼܬܲܢ 146 :ܕܡ̣ܢ ܣܦܪܹ̈ܐ ܕܪܘܼܚܵܐ ܝܠܦܢܗ̇ 147 :ܕܐܲܠܵܗܵܐ ܠܵܐ ܡܫܬܚܲܠܦ 148 ܘܠܵܐ ܢ̇ܦܠ ܬܚܬܝ ܚܫܹ̈ܐ. 149 :ܚܫܹ̈ܐ ܕܐ̄ܢܫܐ ܐܝܼܬܲܝܗܘܿܢ 150 ܕܗ̇ܘ ܚܫܘܿܫܵܐ ܒܲܪ ܓܸܢܣܲܢ. 151 :ܕܐܸܬܫܵܘܬܦ ܒܲܫܒܝܼܚ̈ܝܵܬܐ 152 ܡܸܛܠ ܚܘܼܒܵܐ ܕܢܵܣܘܿܒܹܗ. 153 :ܒܛܵܢܐ ܘܝܠܕܗ ܕܒܲܪܢܫܵܐ 154 ܥܙܘܼܪܬܵܐ ܘܕܒܼܚܹ̈ܐ ܕܒܲܪܢܫܵܐ. 155 :ܟܠܢܵܐ ܘܨܗܝܵܐ ܕܒܲܪܢܫܵܐ 156 ܠܐܘܬܼܵܐ ܘܫܢܵܬܐ ܕܒܲܪܢܫܵܐ. 157 :ܨܠܘܵܬܼܵܐ ܘܚܲܫܵܐ ܕܝܼܠܹܗ ܗܘ̤ 158 ܠܒܲܪ ܡ̣ܢ ܡܸܠܬܐ ܐܲܠܗܵܐ. 159 :ܝܼܫܘܿܥ ܛܠܝܵܐ ܪܵܒܹܐ ܗ̄ܘ̣ܵܐ 160 ܒܩܵܘܡܬܼܵܐ ܘܚܟܼܡܬܐ ܕܦܘܼܪܫܵܢܹܐ. 161 ܘܡܸܬܝܲܬܼܪ ܗ̄ܘ̣ܵܐ ܒܛܲܝܒܘܼܬܼܵܐ: pb. f.204v 162 ܠܘܵܬ ܐܠܗܵܐ ܘܐ̄ܢܫܘܼܬܼܵܐ. 163 :ܐܪܐ ܕܡܲܢ̣ܘ ܐܝܼܬܲܝܗܘܿܢ 164 ܗܠܹܵܝܢ ܟܠܗܘܿܢ ܦܘܪ̈ܫܢܹܐ. 165 :ܕܥܒܘܿܕܵܐ [ܕ]ܠܵܐ ܡܸܬܬܲܚܬܹܐ 166 ܐܘܕܒܪܢܫܵܐ ܒܲܪ ܓܸܢܣܲܢ. 167 :ܠܵܐ ܚܸܪ̈ܚܹܵܐ ܠܵܐ ܬܸܛܥܘܿܢ 168 :ܬܪܒܝܼܬܼܵܐ ܕܒܲܪ ܓܸܢܣܲܢ ܗ̄ܝ̣ 169 :ܕܐܬ̣ܐ ܗ̄ܘ̣ܵܐ ܠܲܓܼܡܝܼܪܘܼܬܼܵܐ 170 ܒܚܕܝܘܵܬܼܵܐ ܕܥܲܡ ܡܸܠܬܼܵܐ. 171 :ܠܵܘ ܕܒܨܝܼܪ ܗ̄ܘ̣ܵܐ ܫܘܼܠܛܵܢܹܗ 172 ܡ̣ܢ ܝܵܘܡܵܐ ܕܝܼܠܝܼܕܘܼܬܹܗ. 173 :ܐܠܵܐ ܕܗܵܕܹܐ ܦܐܝܵܐ ܗ̄ܘ̣ܵܬܼ 174 ܕܥܲܡ ܬܲܪܒܼܝܬܹܗ ܪܘܼܡܪܵܡܹܗ. 175 :ܢܐܡܲܪ ܕܹܝܢ ܥܲܠ ܢܸܣܝܘܿܢܹܗ 176 ܘܬܲܟܼܬܘܼܫܹܗ ܕܥܲܡ ܣܵܛܵܢܵܐ. 177 :ܕܒܫܘܼܠܵܡ ܐܲܪܒܥܝܼܢ ܝܵܘܡܝܼ̈ܢ 178 ܐܡ̣ܪ ܕܟܼܦܢ ܘܐܸܬܼܢܣܝܼ. 179 :ܬܵܘ ܬܲܪܓܸܡܘ ܠܲܢ ܬܲܠܗܵܕܹܐ 180 ܣܦܪܹ̈ܐ ܚܕܬ̈ܐ ܕܬܒܥܘ ܠܲܢ. 181 :ܘܦܫܩܘ ܠܲܢ ܣܘܼܟܵܠܲܝ̈ܗܘܿܢ 182 ܕܡܢܘܼ ܟܦܢܵܐ ܘܢܸܣܝܵܢܵܐ. 183 :ܗܪܟܐ ܒܫܸܬܩܵܐ ܐܬܓܘܣܘ 184 :ܘܙܩ̣ܦܘ ܨܒܥܐ ܠܲܫܪܵܪܵܐ 185 :ܕܗ̤ܝ ܓܠܝܘܼܬܹܗ ܕܩܸܪܝܵܢܵܐ 186 ܡܟܣܐ ܠܪܘܫܥܐ ܕܡܸܠܲܝ̈ܗܘܿܢ. 187 :ܠܵܐ ܓܹܝܪ ܡܲܡܪܚ ܗ̄ܘ̣ܵܐ ܒܝܼܫܵܐ 188 ܕܢܩܪܒܼ ܗ̄ܘ̣ܵܐ ܢܣܝܢܵܐ. 189 :ܠܗܘ̇ ܝܵܕܘܿܥܵܐ ܕܟܼܠܡܕܡ 190 ܕܝ̇ܕܥ ܗ̄ܘ̣ܵܐ ܕܠܵܐ ܡܸܬܼܢܲܣܹܐ. 191 :ܡܩܪܒܼ ܗ̄ܘ̣ܵܐ ܡ̣ܢ ܕܹܝܢ ܢܣܝܢܵܐ 192 ܠܗ̇ܘ ܕܩܢܸܐ ܗ̄ܘ̣ܵܐ ܗܲܕܵܡܹ̈ܐ. 193 :ܕܚ̣ܙܝܗܝ ܕܒܫܘܼܠܵܡ ܨܵܘܡܹܗ 194 ܠܡܐܟ̣ܘܠܬܐ ܐܸܬܼܪܲܓܼܪܲܓ ܗ̄ܘ̣ܵܐ. 195 :ܘܐܝܟ ܕܠܐܵܕܼܵܡ ܗ̇ܘ ܩܲܕܡܵܝܵܐ 196 :ܒܡܐܟܘܼܠܬܼܵܐ ܐܸܬܼܪܲܓܼܪܲܓܼ ܗ̄ܘ̣ܵܐ 197 ܕܚ̣ܙܵܝܗܝ ܕܠܒܝܼܫ ܠܲܟܼܝܢܹܗ. 198 :ܘܣܒܪ ܕܡܩܒܸܠ ܡܸܠܬܹܗ 199 :ܒܗܵܠܹܝܢ ܟܠܗܹܝܢ ܐܸܬܼܢܣܝܼ 200 ܒܲܪ ܓܢܣܢ ܠܵܘ ܥܵܒ̣ܘܿܕܵܐ. 201 :ܕܪܵܡ ܗ̄ܘ̣ ܟܝܢܹܗ ܕܥܵܒܼܘܿܕܵܐ 202 ܡ̣ܢ ܚܫ̈ܐ ܘܡ̣ܢ ܢܣܝܢܐ. 203 :ܠܐܹܐ ܗ̄ܘ̣ܵܐ ܡ̣ܢ ܥܲܡܠܵܐ ܕܐܘܼܪܚܵܐ 204 ܘܝܼܬܸܒ ܘܐܸܬܢܝܼܚ ܡ̣ܢ ܥܲܡܠܹܗ. 205 :ܘܫܐܠ ܡܝ̈ܐ ܠܫܡܪܝܬܐ 206 ܕܢܦܝܓ ܚܫܵܐ ܕܨܗܝܗ. 207 :ܗܪܟܵܐ ܠܐܘܬܼܵܐ ܕܒܪܢܫܵܐ 208 ܘܟܦܢܵܐ ܘܨܗܝܵܐ ܕܝܠܗ ܗܘ̣. 209 :ܘܟܕ ܡܸܠܬܐ ܒܗ ܥܡ̇ܪ ܗ̄ܘ̣ܵܐ 210 ܗܘ̤ ܒܕܝܼܠܹܗ ܡܸܬܢܣܹܐ ܗ̄ܘ̣ܵܐ. 211 :ܒܥܸܠܬܐ ܕܡܝ̈ܬܐ ܐܲܦܢܝܼ ܗ̄ܘ̣ܵܐ 212 ܠܛܥܝܬܐ ܨܝܕ ܝܘܼܠܦܵܢܹܗ. 213 :ܘܒܝܕܥܬܵܐ ܕܐܠܗܘܼܬܹܗ 214 ܐܝܬܝ ܠܓܠܝܐ ܣܘܼܥܪ̈ܢܹܝܗ̇. 215 :ܠܬܲܠܡܝܼܕܼܵܘ̈ܗܝ ܕܹܝܢ ܐܡ̣ܪ ܗ̄ܘ̣ܵܐ 216 ܟܕ ܩܲܪܒܘ ܠܹܗ ܡܹܐܟܘܠܬܵܐ. 217 :ܕܐܝܼܬ ܠܝܼ ܡܐܟܘܠܬܐ ܐ̄ܚܪܹܬܵܐ 218 ܕܐܲܢ̄ܬܘܿܢ ܠܵܐ ܝܕܥܝܢ ܐ̄ܢܬܘܢ ܠܵܗ̇. 219 :ܘܟܲܕ ܡܐܟ̣ܠܬܐ ܗܕܐ ܗ̄ܘ̣ܵܬ 220 ܕܢܸܥܒܸܕ ܨܒܼܝܵܢܵܐ ܕܐܲܒܘܼܗܝ. 221 :ܕܲܢܚܵܘܹܐ ܕܟܼܡܵܐ ܪܓܼܝܼܓ ܗ̄ܘ̣ܵܐ 222 :ܠܬܝܒܘܼܬܼܵܐ ܕܚܛ̈ܝܹܐ 223 :ܕܡܸܟ ܒܣܦܝܢܬܐ ܘܲܐܥܪܘܼܗܝ 224 :ܘܩܡ ܘܟ̣ܐܐ ܒܝܲܡܵܐ ܘܫܠܝܗ 225 :ܫܲܢ̄ܬܐ ܕܡܝܘܬܵܐ ܐܝܼܬܹܝܗ̇ 226 ܘܫܠܝܗ ܕܝܡܐ ܕܥܒܘܕܐ. 227 :ܫܟܒ ܠܡ ܪܚܡܢ ܠܥܙܪ 228 ܘܚܕܐ ܐܢ̄ܐ ܕܠܵܐ ܗ̇ܘܝܬ ܬܡ̇ܢ. 229 :ܒܐ̄ܢܫܘܼܬܹܗ ܠܵܘ ܬܡ̇ܢ ܗ̄ܘ̣ܵܐ 230 ܒܐܠܗܘܼܬܹܗ ܬܡ̇ܢ ܗ̄ܘ̣ܵܐ. 231 :ܘܟܲܕ ܐܙ̇ܠ ܗ̄ܘ̣ܵܐ ܕܲܢܥܪܝܼܘܗܝ 232 ܕܡܥ̈ܐ ܕܚܫܵܐ ܡܪܕܐ ܗ̄ܘ̣ܵܐ. 233 :ܟܕ ܟܪܝܐ ܠܹܗ ܠܥܦܢܵܐ 234 ܥܲܠ ܥܦܪܢܵܐ ܒܲܪ ܓܸܢܣܹܗ. 235 :ܕܡܠ̈ܐ ܕܡܢܘ ܐܝܼܬܲܝܗܝܢ 236 ܥ̈ܛܠܵܐ ܕܛܥ̣ܘ ܡ̣ܢ ܐܘܼܪܚܵܐ. 237 :ܐܸܠܵܐ ܕܠܒܝܼܫ ܗܲܕܡܹ̈ܐ 238 ܕܡܟܣܝ ܗ̄ܘ̣ ܒܟ̣ܠܡܸܕܼܡ. 239 :ܘܒܲܪܘܼܚܵܐ ܠܲܡ ܐܸܬܥܙܲܙ 240 :ܘܒܩܠܐ ܩܪ̣ܐ ܠܥܥܙܪ 241 :ܬܵܐ ܦܘܿܩ ܡܝܼܬܼܵܐ ܘܚܙܝܼ ܠܵܟ 242 ܥܘܼܡܪܵܐ ܕܚܲܝܹ̈ܐ ܕܫܠܚܬܵܝܗܝ. 243 :ܗܪܟܵܐ ܩܵܠܵܐ ܕܥܵܒܼܘܕܵܐ ܗ̄ܘ̣ 244 ܕܲܩܪ̣ܵܐ ܠܥܥܙܲܪ ܘܲܝܼܚ̣ܵܐ. 245 :ܐܝܟ ܕܠܕܡܪ̈ܐ ܡ̣ܢ ܫܸܢܬܼܵܐ 246 ܡܩܝܼܡ ܡܝܼ̈ܬܐ ܡ̣ܢ ܕܲܚܝܼܚܵܐ. 247 :ܓܲܠܝܐܝܼܬ ܡܲܠܸܠ ܐܸܢܹܝܢ 248 :ܠܡܵܟ̈ܬܐ ܗܘ̤ ܥܲܠ ܢܦܫܹܗ 249 :ܟܕܐܡ̇ܪ ܗ̄ܘ̣ܵܐ ܠܬܲܠܡܝܼܕܵܘ̈ܗܝ 250 ܕܐܙ̇ܠ ܐ̄ܢܵܐ ܠܘܵܬ ܐܒܝܼ ܘܐܠܗܝ. 251 ܢܸܐܡܪܘܿܢ ܠܲܢ ܟܬܵܒܲܝ̈ ܒܸܕܝܵܐ. 252 :ܐܝܼܬ ܐܲܠܵܗܵܐ ܠܲܐܠܵܗܵܐ 253 ܘܥܲܒܼܘܕܵܐ ܠܐܝܬ ܓܢܝܼܵܙܐ. 254 ܕܒܼܗܠܬܹܗ ܗܘ̤ܵܐ ܟܠܡܸܕܸܡ. pb. f.205r 255 :ܐܲܠܵܗܹܗ ܩܪ̣ܵܐ ܠܐܲܠܵܗܵܐ 256 ܕܥܒܘܿܕܼܵܐ ܗ̄ܘ̣ ܕܝܼܠܹܗ ܘܲܕܟܼܠ. 257 :ܘܐܲܒܘܼܗܝ ܟܢܝܼ ܠܪܪܡܵܐ 258 ܕܫܘܐ ܠܗܕܐ ܒܛܲܝܒܘܼܬܼܵܐ. 259 :ܗܫܵܐ ܠܲܡ ܗܵܐ ܫܓܝܼܫܵܐ ܢܲܦܫܝ 260 :ܡ̣ܢ ܚܫܹ̈ܐ ܕܡܣܝܒܲܪ ܐ̄ܢܵܐ 261 :ܘܟܲܪܝܵܐ ܠܝܼ ܥܕܲܡ̇ܐ ܠܡܘܬܵܐ 262 ܡ̣ܢ ܩܫܝܘܼܬܹܗ ܕܨܲܠܝܼܒ̣ܵܐ. 263 :ܢܦܫܵܐ ܕܡ̇ܢ ܗ̣ܝ ܕܫܓܝܼܫܵܐ 264 ܚܪ̈ܚܐ ܕܠܐ ܒܘܼܝܵܢܵܐ. 265 :ܕܡܠܬܵܐ ܐܝܼܬܝܵܐ ܕܡ̣ܢ ܐܲܒܐ 266 ܗ̇ܘ ܕܫܕܐ ܥܲܡ ܝܵܠܘܕܹܗ. 267 :ܠܵܐ ܬܛܥܘܢ ܐܘ ܡܲܪ̈ܚܹܐ 268 ܐܝܬܝܵܐ ܪܵܡ ܗ̄ܘ̣ ܡ̣ܢ ܚܫܹ̈ܐ. 269 :ܚܫܹ̈ܐ ܕܐ̄ܢܫܐ ܐܝܼܬܲܝܗܘܿܢ 270 ܕܗ̇ܘ ܚܫܘܿܫܵܐ ܒܲܪ ܓܸܢܣܲܢ. 271 :ܗܵܠܹܝܢ ܕܐ̄ܢܫܐ ܐܝܼܬܝܗܹܝܢ 272 ܗܘ̇ ܕܗܘ̤ܐ ܒܪܵܐ ܒܛܲܝܒܘܼܬܼܵܐ. 273 :ܠܵܘ ܗ̄ܘ̣ܵܐ ܕܡܸܠܬܼܵܐ ܚܝܼܕܵܐ 274 ܕܐܝܼܬܵܘܗܝ ܡܡܬܘܿܡ ܥܲܡ ܐܲܒܘܼܗܝ. 275 :ܠܵܐ ܗ̄ܘ̣ܵܐ ܕܝܢ ܠܡܠܬܐ ܐܸܡ̇ܪܬ 276 ܕܩܢܐ ܒܪܘܬܐ ܒܛܝܒܘܼܬܼܵܐ. 277 :ܕܠܑܵܐ ܢܫܬܒܼܗܲܪ ܐܪܝܼܘܿܣ 278 ܕܕܿܠܡܵܐ ܠܢܝܼܫܹܗ ܚ̇ܢܐ ܐ̄ܢܐ. 279 :ܐܒܼܝ ܠܲܡ ܕܫܕܪܢܝ ܪܒ ܗ̄ܘ̣ ܡܸܢܝ 280 ܒܐܝܼܬܘܼܬܵܐ ܘܒܫܘܼܠܛܵܢܵܐ. 281 :ܠܵܐ ܙܪ̣ܩ ܗ̄ܘ̣ܵܐ ܠܥܒܝܼܕܵܐ 282 ܕܢܬܦܚܲܡ ܥܲܡ ܥܵܒܘܿܕܹܗ. 283 :ܪܲܒ ܗ̄ܘ̣ ܡܸܢܹܗ ܒܐܝܼܬܘܼܬܼܵܐ 284 ܕܟܼܝܢܹܗ ܕܠܵܐ ܫܘܪܝܵܐ ܗ̄ܘ̣. 285 :ܘܐܲܝܢܵܐ ܕܐܝܼܬ ܠܹܗ ܫܘܼܪܵܝܐ 286 ܙܥܘܿܪ ܡ̣ܢ ܐܝܼܬܝܐ ܒܲܢܝܵܢܹܗ. 287 :ܐܝܼܬ ܠܲܢ ܗܵܟܹܝܠ ܪܲܒܟܘܼܡܪܹ̈ܐ 288 ܕܡܗܝܡܢ ܗ̄ܘ̣ ܠܥܒܘܿܕܹܗ. 289 :ܐܝܟ ܡܘܼܫܹܐ ܒܟܠܹܗ ܒܲܝܬܗ 290 ܘܝܲܬܝܼܪ ܡܸܢܹܗ ܕܒܲܪ ܥܲܡܪܲܡ. 291 :ܡܢܘܼ ܗܢܵܐ ܪܲܒܟܘܼܡܪܹ̈ܐ 292 ܘܥܒܘܿܕܹܗ ܠܡ̇ܢ ܩ̇ܪܝܢ ܐ̄ܢܬܘܿܢ. 293 :ܕܫܪܝܼܪ ܗ̄ܘ̣ ܠܹܗ ܥܲܠ ܒܲܝܬܹܗ 294 ܘܫܠܝܛ ܒܥ̇ܒܕܐ ܕܐܝܼܕܵܘ̈ܗܝ. 295 :ܪܲܒܟܘܼܡܪܹ̈ܐ ܝܫܘܼܥ ܐܝܼܬܵܘܗܝ 296 ܘܥܵܒܘܿܕܹܗ ܐܝܬܝܐ ܓܢܝܼܙܵܐ. 297 :ܘܕܗܘ̤ܵܐ ܥܘܼܡܪܵܐ ܠܒܵܪܘܿܝܵܐ 298 ܥܲܒܼܕܗ ܡܵܪܵܐ ܠܩܸܢܝܵܢܵܘ̈ܗܝ. 299 :ܚܲܕ ܠܲܡ ܐܝܼܬܼܵܘܗܝ ܡܨܝܵܐ 300 ܕܐܠܗܵܐ ܘܕܲܒܢܝ̈ܢܫܵܐ. 301 :ܒܪܢܫܵܐ ܝܼܫܘܿܥ ܕܝܼܪܸܒ 302 ܘܗܘ̤ܐ ܡܲܠܟܵܐ ܘܫܲܠܝܼܛܵܐ. 303 :ܗܪܟܵܐ ܩ̇ܪܐ ܡܸܨܥܝܵܐ 304 ܠܗ̇ܘ ܕܐܝܼܬܼܵܘܗܝ ܗ̄ܘ̣ܵܐ ܡ̣ܢ ܕܵܘܝܼܕ. 305 :ܘܗܘ̤ܵܐ ܒܡܵܘܬܹܗ ܡܨܥܝܵܐ 306 ܘܫܝܸܢ ܠܲܢ ܥܲܡ ܒܪܘܿܝܵܐ. 307 :ܡܵܘܬܵܐ ܠܲܡ ܛܥܸܡ ܒܟܼܝܢܹܗ 308 ܣܛܲܪ ܡ̣ܢ ܡܸܠܬܼܵܐ ܐܲܠܗܵܐ. 309 :ܘܟܲܕ ܡܸܠܬܐ ܒܹܗ ܥܡ̇ܪ ܗ̄ܘ̣ܵܐ 310 ܠܐ ܩܪܒ ܚܫܵܐ ܠܟܼܝܢܹܗ. 311 :ܚܫܵܐ ܘܡܵܘܬܐ ܕܚܫܘܫܵܐ ܗ̄ܘ̣ 312 ܕܩܢܹܐ ܡܵܘܬܼܵܐ ܒܲܟܼܝܼܢܹܗ. 313 :ܩܝܵܡܬܐ ܘܚ̈ܝܐ ܕܒܼܪܵܘܿܝܵܐ 314 ܕܐܝܼܬ ܠܹܗ ܚܝܹ̈ܐ ܒܲܟܼܝܢܹܗ. 315 :ܟܠܡ̇ܢ ܕܗܘ̤ܐ ܒܗ ܚܲܝܐ ܗ̄ܘ̣ 316 ܘܗܘ̤ ܝܗ̇ܒ ܚܝܹ̈ܐ ܘܢܘܼܗܪܵܐ. 317 :ܢܒܼܥܐ ܗ̄ܘ̣ ܕܡܠܹܐ ܚܲܝܘܼܬܵܐ 318 ܕܪܕܝܹܗ ܡܸܡܬܘܡ ܠܵܐ ܓܵܐܸܙ. 319 :ܠܵܐ ܓܝܪ ܙ̇ܥܪ ܒܟ̣ܝܢܹܗ 320 ܘܐܵܦܠܵܐ ܝܵܪܸܒ ܡ̣ܢ ܕܐܝܼܬܼܵܘܗܝ. 321 :ܘܠܵܐ ܢ̇ܦܠ ܬܚ̈ܬܝ ܚܲܫܹ̈ܐ 322 ܕܪܡ ܗ̄ܘ̣ ܟܝܵܢܹܗ ܡ̣ܢ ܚܫܹ̈ܐ. 323 :ܚܫܹ̈ܐ ܕܒܲܪܓܸܢܣܢ ܐܸܢܘܿܢ 324 ܕܙܥܪ ܝܸܪܸܒܼ ܘܐܸܬܼܪܡܪܲܡ. 325 :ܙܥ̣ܪ ܕܛܥܸܡ ܡܘܬܵܐ ܕܙܒܼܢܵܐ 326 ܘܝܼܪܸܒܼ ܕܗܘ̤ܵܐ ܒܡܵܪܘܼܬܼܵܐ. 327 :ܠܵܐ ܕܝܼܢ ܢܸܪܢܹܐ ܫܵܡܘܿܥܵܐ 328 ܕܦܪܫܬܼ ܡܟ̈ܬܐ ܒܗܵܕܹܐ. 329 :ܕܦܪ̈ܨܘܿܦܹܐ ܬܪܹܝܢ ܐܡ̇ܪ ܐ̄ܢܵܐ 330 ܡܸܠܬܐ ܘܢܵܘܣܵܐ ܕܓܼܒܐ ܠܹܗ. 331 :ܘܒܼܚܲܕ ܗ̄ܘ̣ ܒܪܐ ܡܘܕܹܐ ܐܢܐ 332 ܘܟܼܝ̈ܢܐ ܬܪܹܝܢ ܡܲܟܼܪܸܙ ܐ̄ܢܐ. 333 :ܟܝܵܢܵܐ ܣܓܼܝܼܵܕܵܐ ܘܫܲܒܚܝܼܵܐ 334 ܕܡܸܠܬܐ ܐܝܼܬܝܐ ܕܥܲܡ ܐܲܒܼܵܐ. 335 :ܘܟܼܝܢܵܐ ܕܝܼܠܲܢ ܕܫܩ̣ܠ 336 ܡ̣ܢ ܡܘܼܠܟܢܹܗ ܘܐܸܫܬܵܘܕܝܼ. 337 :ܡܫܠܡܢܐ ܗ̄ܘ̣ ܒܐܲܠܗܘܼܬܹܗ 338 ܕܫܘܐ ܥܡܗ ܕܝܵܠܘܕܹܗ. 339 :ܘܲܓܼܡܝܪܵܐ ܬܘܼܒܼ ܒܐ̄ܢܫܘܼܬܹܗ 340 ܒܦܲܓܼܪܐ ܘܢܦܫܵܐ ܕܡܵܝܘ̈ܬܐ. 341 :ܬܪܹܝܬ ܕܗܘ̤ܘ ܒܲܚܕܵܝܘܼܬܼܵܐ 342 ܚܲܕ ܚܘܼܒܼܵܐ ܘܚܲܕ ܨܒܼܝܢܵܐ. 343 :ܡܸܠܬܐ ܚܝܼܕܵܐ ܕܡ̣ܢ ܐܲܒܼܵܐ 344 ܘܕܟܘܼܬܵܐ ܕܥܒܼܕܵܐ ܕܢܣܲܒܼ. pb. f.205v 345 :ܘܡܸܛܠ ܚܘܼܒܹܗ ܕܢܵܣܘܼܒܼܵܐ 346 ܝܩܪܹܗ ܥܲܡܹܗ ܠܢܣܝܼܒܼܵܐ. 347 :ܘܐܙܥܲܪ ܢܲܦܫܹܗ ܒܫܡܗܹ̈ܐ 348 ܟܕ ܒܲܟܝܵܢܹܗ ܠܵܬ ܙ̇ܥܪ. 349 :ܗܘ̤ܵܐ ܥܲܦܪܢܵܐ ܒܛܝܼܒܘܼܬܼܵܐ 350 ܘܝܵܪܬ̇ܐ ܡܡܪܐ ܥܲܡ ܡܸܠܬܼܵܐ. 351 :ܕܝܩܪܹܗ ܒܟܼܠܗܹܝܢ ܒܲܟܼܝܵܢܹܗ 352 ܘܫܥܒܸܕ ܠܹܗ ܪܘܡܵܐ ܘܥܘܼܡܩܵܐ. 353 :ܢܣܲܒܼ ܕܝܢ ܡܸܠܬܹܐ ܡܵܟ̈ܬܹܗ 354 ܕܥܦܪܢܐ ܒܫܡܵܐ ܫܐܝܼܠܵܐ. 355 :ܘܬܝܩܲܪ ܐܵܦ ܡܝܘܬܵܐ 356 ܒܫܒܝܼܚܵܬܹ̈ܗ ܕܝܼܚܝܼܕܵܐ. 357 :ܟܕ ܠܵܐ ܗ̄ܘ̣ܵܐ ܒܡܠܐ ܙܒܼܢܵܐ 358 ܐܬܝܩܲܪ ܒܲܫܒܝܼܚܵܬܐ. 359 :ܐܸܠܵܐ ܡܸܟܝܠ ܘܠܥܲܠܲܡ 360 ܕܠܵܐ ܫܘܼܠܡܵܐ ܗ̄ܘ̣ ܫܘܠܛܢܗ. 361 :ܚܕܵܐ ܙܒܢ ܩܪܒܼ ܗ̄ܘ̣ܵܬ ܢܦܲܫܹܗ 362 ܒܕܒܝܼܚܘܼܬܹܗ ܠܐܠܗܵܐ. 363 :ܘܗܘ̤ܐ ܟܘܼܡܪܵܐ ܒܲܫܡܲܝܵܐ 364 ܘܠܵܐ ܡܫܬܪܝܵܐ ܟܵܗܢܘܼܬܹܗ. 365 :ܠܲܩܕܘܿܫ ܩܘܼܕܫܹ̈ܐ ܥܠܝ̈ܐ 366 ܥܲܠ ܕܢܚܣܹܐ ܥܲܠ ܟܠܵܐ. 367 :ܘܐܫܟܲܚ ܒܐܲܝܕܹܗ ܦܘܼܪܩܵܢܵܐ 368 ܟܠܹܗ ܓ̣ܢܣܵܐ ܕܡܝܘ̈ܬܹܐ. 369 :ܠܵܐ ܥ̣ܠ ܒܲܕܡܵܐ ܕܚܝܘ̈ܬܐ 370 ܐܝܟ ܛܲܟܼܣܵܐ ܕܪ̈ܲܒܲܝ ܟܘܼܡܪܹ̈ܐ. 371 :ܐܠܐ ܩܢܘܿܡܹܗ ܗܘ̤ܵܐ ܕܒܼܚܵܐ 372 ܘܕܡܗ ܢܩܝܼ ܚܠܦ ܟܠܢܵܫ. 373 :ܠܹܗ ܐܡ̣ܪ ܕܬܸܒܼ ܡ̣ܢ ܝܲܡܝܼܢܝܼ 374 ܥܕܡܵܐ ܕܟܼܠ ܢܫܬܥܒܲܕ ܠܹܗ. 375 :ܟܕ ܡܲܡܠܸܟ ܥܲܠ ܟܠ ܕܗܘ̤ܵܐ 376 ܥܲܡ ܐܠܗܵܐ ܢܣܘܼܒܹܗ. 377 :ܕܝܼܠܹܗ ܗ̤ܝ ܐܵܦ ܡܹܐܝܼܬܵܐ 378 ܗ̇ܝ ܕܥܬܝܼܕܵܐ ܒܫܘܼܠܵܡܵܐ. 379 :ܒܢܝܼܫܵܐ ܕܚܲܫ ܗ̄ܘ̣ܵܐ ܒܹܗ ܒܲܐܪܥܵܐ 380 ܒܹܗ ܡܙܕܝܲܝ ܡܵܐ ܕܐܬ̇ܐ. 381 :ܒܩܵܠܵܐ ܕܡܠܬܹܗ ܡܸܬܢܚܲܡܝܼܢ 382 ܡܒܝ̈ܬܐ ܕܡ̣ܢ ܐܕܡ ܘܲܠܟܼܵܐ. 383 :ܘܦܪܚܝܼܢ ܠܐܘܼܪܥܹܗ ܒܥܢܢ̈ܐ 384 ܐܲܝܠܹܝܢ ܕܐܚܸܒܼܘ ܓܸܠܝܵܢܹܗ. 385 :ܒܪܘܼܚܵܐ ܕܦܘܼܡܹܗ ܡܘܒܸܕ ܠܹܗ 386 ܠܗ̇ܘ ܕܐ̇ܬܐ ܕܢܛܥܹܐ ܒܫܲܡܹܗ. 387 :ܘܒܟܐܬܐ ܕܡܸܠܬܹܗ ܫ̇ܪܐ 388 ܠܫܘܼܠܛܵܢܹܗ ܕܐܵܟ̇ܠܩܪܨܵܐ. 389 :ܒܐܠܦܵܐ ܕܥܝܼܪ̈ܐ ܡܸܙܕܲܝܲܚ 390 ܘܒܪܸ̈ܒܘܬܵܐ ܕܡܠܐܟܹ̈ܐ. 391 :ܘܣܪ̈ܦܹܐ ܕܠܵܐ ܡܸܢܝܢܵܐ 392 ܩܘܼܕܫܵܐ ܕܪܲܒܘܼܬܹܗ ܬܵܢܹܝܢ. 393 :ܠܓܲܠܝܘܬܵܐ ܕܦܓܼܪܗ ܚܵܙܹܝܢ 394 ܫܡܝ̈ܢܐ ܘܐܲܪ̈ܥܢܝܐ. 395 :ܟܕ ܟܣܝܵܐ ܐܲܠܵܗܘܼܬܹܗ 396 ܒܐܦܝ̈ ܬܼܪܥܵܐ ܕܐ̄ܢܫܘܬܗ. 397 :ܒܹܗ ܡܸܬܒܲܩܝܼܢ ܡܝܼܘ̈ܬܐ 398 ܐܦܝ̈ܢ ܒܐܦܝ̈ܢ ܓܲܠܝܵܐܝܼܬ. 399 :ܘܐܝܟ ܨܲܠܡܵܐ ܒܝܲܕ ܓܲܠܝܘܼܬܹܗ 400 ܠܘܵܬܼ ܗ̇ܘ ܟܣܝܵܐ ܢܓܲܕ ܟܠ. 401 :ܠܵܐ ܗ̄ܘ̣ܵܐ ܒܠܥܵܕ ܢܣܘܿܒܹܗ 402 ܣܥܪ ܗܠܹܝܢ ܡܵܐ ܕܐܵܬܐ. 403 :ܥܡܹܗ ܗܘ̤ ܕܠܵܐ ܫܘܚܠܦܵܐ 404 ܡ̣ܢ ܫܘܼܪܵܝܵܐ ܠܫܘܼܠܵܡܵܐ. 405 :ܚܲܕ ܗ̄ܘ̣ ܒܪܵܐ ܘܚܲܕ ܦܪܨܘܿܦܵܐ 406 ܡܝ̈ܢܹܐ ܬܪܹܝܢ ܕܗܘ̤ܵܘ ܚܲܕ. 407 :ܡܸܠܬܼܵܐ ܚܝܼܕܵܐ ܕܡ̣ܢ ܐܲܒܼܵܐ 408 ܘܕܡܘܼܬܼܵܐ ܕܥܲܒܼܕܵܐ ܕܲܢܣܲܒܼ. 409 :ܘܠܵܐ ܗ̄ܘ̣ܵܐ ܡܸܛܠ ܕܗܘ̤ܵܘ ܚܲܕ 410 ܟܝ̈ܬܐ ܐܬܪܹܝܬ ܒܲܚܕܝܘܼܬܼܵܐ. 411 :ܢܸܣܒܪ ܠܹܗ ܬܘܼܒܼ ܫܡܘܿܥܵܐ 412 ܕܡܘܙܓܼܐ ܗܘ̤ܵܐ ܒܟܝܢܹܗ. 413 :ܠܵܐ ܡܸܬܡܙܓܹܐ ܐܝܬܘܼܬܼܵܐ 414 ܘܠܵܐ ܡܫܬܚܠܲܦ ܥܵܒܘܿܕܵܐ. 415 :ܕܟܝܼܢܵܐ ܗ̄ܘ̣ ܕܟܼܣܹܐ ܘܓܲܢܝܼܙ 416 ܘܡܥܠܲܒ ܡ̣ܢ ܫܘܚܠܦܹ̈ܐ. 417 :ܐܦܠܵܐ ܠܥܘܼܡܪܹܗ ܩܲܕܝܼܫܵܐ 418 ܠܕܡܘܬܐ ܕܥܒܼܕܵܐ ܕܢܣܲܒܼ. 419 :ܠܵܐ ܩ̇ܪܒܠܹܗ ܫܘܼܚܠܦܵܐ 420 ܕܟܼܝܢܹܗ ܢܛܝܼܪ ܥܲܡ ܡܸܠܬܼܵܐ. 421 :ܒܪܥܝܢܵܐ ܕܹܝܢ ܡܬܦܪ̈ܫܵܢ 422 ܫܒܚ̈ܝܬܐ ܡ̣ܢ ܡܘ̈ܬܐ. 423 :ܘܥܲܠ ܚܲܕ ܗ̄ܘ̣ ܒܪܵܐ ܡܬܢܲܣ̈ܒܵܢ 424 ܕܟܝ̈ܢܐ ܬܪܝܢ ܕܗܘ̤ܵܘ ܚܲܕ. 425 :ܡܚܝܠܬ̈ܐ ܕܐ̄ܢܫ̈ܐ ܐܸܢܝܢ 426 ܗ̇ܘ ܕܝܼܠܝܼܕ ܗ̄ܘ̣ܵܐ ܡ̣ܢ ܡܲܪܝܲܡ. 427 :ܒܫܚ̈ܝܬܐ ܕܡܸܠܬܼܵܐ ܐܸܢܹܝܢ 428 ܕܝܠܕܹܗ ܕܐܒܼܵܐ ܡܬܘܿܡܝܵܐ. 429 :ܗ̇ܘ ܕܨܒ̣ܐ ܡܛܠ ܚܘܼܒܹܗ 430 ܕܢܬܝܩܲܪ ܓܸܢܣܲܢ ܡܸܢܹܗ. 431 :ܗܪܟܵܐ ܫܩܠܬ̤ ܫܘܼܠܵܡܵܐ 432 ܗ̇ܝ ܕܩܪܢ ܨܠܡܹܗ ܕܝܼܠܹܗ. 433 :ܠܵܐ ܗ̄ܘ̣ܐ ܒܨܠܡܵܐ ܕܟܼܝܢܹܗ 434 ܐܸܠܵܐ ܒܨܠܡܵܐ ܕܐܝܼܩܵܪܹܗ. 435 :ܠܵܐ ܓܹܝܪ ܐܝܼܬ ܠܹܗ ܪܘܼܟܵܒܼܵܐ 436 ܐܦܠܵܐ ܨܘܪܬܵܐ ܘܲܕܡܘܼܬܼܵܐ. 437 :ܕܠܵܐ ܪܘܼܟܵܒܵܐ ܗ̄ܘ̣ ܒܵܪܘܿܝܵܐ 438 ܘܠܵܐ ܡܣܬܝܲܟ ܒܲܚܵܙܬܵܐ. 439 :ܢܒܝ̈ܐ ܟܢܝܘܼܗܝ ܒܫܡܵܗܹ̈ܐ 440 ܠܦܘܼܬ ܡܫܡܥܬܐ ܕܐ̄ܢܫܘܼܬܼܵܐ. pb. f.206r 441 :ܘܟܲܕ ܠܵܐ ܙ̇ܥܪ ܐܘ ܝܵܪܒܼ 442 ܐܲܡܪܘܼܗܝ ܕܙܥ̣ܪ ܐܵܦ ܕܝܼܪܸܒܼ. 443 :ܘܟܲܕ ܒܟܝܼܢܹܗ ܒܟܼܠ ܕܘܼܟ ܗ̄ܘ̣ 444 ܐܡ̣ܪܘ ܕܢܚܸܬ ܐܵܦ ܕܲܣܠܸܩܘ 445 :ܣܘܼ̈ܠܹܐ ܕܹܝܢ ܕܫܡ̣ܥܘ ܗܵܠܹܝܢ 446 ܠܵܐ ܐܬܒܝܲܕܘ ܬܲܩܢܵܐܝܼܬ. 447 :ܣܡ̣ܘ ܐܢܝܢ ܠܲܡܚܝܼܠ̈ܬܐ 448 ܥܲܠ ܥܒܘܿܕܵܐ ܟܝܵܢܐܝܼܬ. 449 :ܘܠܵܐ ܣܸܦܩܲܬ ܡܪܚܘܬܐ 450 ܕܲܛܥܵܘ ܒܵܗ̇ ܡ̣ܢ ܘܵܠܝܼܬܼܵܐ. 451 :ܐܸܠܵܐ ܕܪܟܸܒܘ ܨܢܥ̈ܬܐ 452 ܘܐܙܕܝܲܢܘ ܠܘܩܒܼ̇ܠ ܩܘܼܫܬܵܐ. 453 :ܬܵܘ ܗܵܟܹܝܠ ܐܘܿ ܫܵܡܘܼܥܵܐ 454 ܗܘܼܝ ܬܠܡܝܼܕܵܐ ܠܟܬܒܵܐ. 455 :ܘܪܕܝܼ ܒܐܘܼܪܚܵܐ ܕܟܹܐܢܘܼܬܼܵܐ 456 ܘܠܵܐ ܬܛܥܹܐ ܒܲܫܒܼܝܼܠ ܙܹܐܦܵܐ. 457 :ܗܝܡܢ ܒܐܲܒܼܵܐ ܕܠܵܐ ܫܘܼܪܵܝ 458 ܐܝܬܝܐ ܕܩܕܝܼܡ ܠܗܘ̈ܝܐ. 459 :ܕܠܵܐ ܡܣܬܲܝܟܵܐ ܐܝܼܬܘܼܬܹܗ 460 ܡ̣ܢ ܚܘܼܫܒܵܐ ܕܥܒܝܼܕܹ̈ܐ. 461 :ܐܘܕܵܐ ܒܒܼܪܬ ܕܡ̣ܢ ܐܲܒܼܵܐ 462 ܕܝܼܠܝܼܕ ܡܸܢܹܗ ܕܠܵܐ ܚܲܫܵܐ. 463 :ܡܵܪܵܐ ܘܐܝܼܬܝܵܐ ܘܥܵܒ̣ܘܕܵܐ 464 ܕܫܘܐ ܥܡܗ ܒܲܟܝܢܹܗ. 465 :ܫܒܚ ܠܩܢܘܡܵܐ ܕܪܘܼܚܵܐ 466 ܕܐܝܼܬܼܵܘܗܝ ܡܸܢܹܗ ܕܟܼܝܵܢܵܐ. 467 :ܘܠܵܐ ܒܨܝܼܪ ܡ̣ܢ ܐܲܒܼܵܐ ܘܲܒܼܪܵܐ 468 ܒܡܵܪܘܼܬܼܵܐ ܘܲܒܼܫܘܼ ܠܛܢܵܐ. 469 :ܚܲܕ ܗ̄ܘ̣ ܟܝܵܢܵܐ ܫܲܘܝܐܝܼܬ 470 ܕܐܲܒܼܵܐ ܘܲܒܼܪܵܐ ܘܪܘܼܚ ܩܘܼܕܫܵܐ. 471 :ܩܢܘܡܹ̈ܐ ܬܠܵܬܐ [ܒܕ]ܝܼ̈ܫܹܐ 472 ܚܕܵܐ ܐܝܼܬܘܼܬܵܐ ܕܠܵܐ ܫܘܼܪܵܝ. 473 :ܠܗܢܵܐ ܟܝܢܵܐ ܐܟܪܸܙܘ ܗ̄ܘ̣ܵܘ 474 ܢܒܝ̈ܐ ܒܐܪ̈ܙܹܐ ܘܦܠܐܬܹ̈ܐ. 475 :ܟܲܕ ܦܘܼܪܫܵܢܵܐ ܕܩܢܘܿܡܹ̈ܐ 476 ܢܛܝܼܪ ܗ̄ܘ̣ ܕܲܒܼܒܼܪܵܐ ܢܬܒܕܲܩ. 477 :ܘܟܲܕ ܡܛܝܼ ܙܲܒܼܢܐ ܕܕܸܢܚܹܗ 478 ܕܗ̇ܘ ܕܟܼܣܹܐ ܗ̄ܘ̣ܵܐ ܡ̣ܢ ܕܵܪܹ̈ܐ. 479 :ܓܠ̣ܐ ܠܲܢ ܗܵܢܵܐ ܦܘܼܪܫܢܵܐ 480 ܕܢܘܼܕܹܐ ܒܲܩܢܘܿܡܹ̈ܐ ܬܵܠܵܬܐ. 481 :ܗܵܐ ܬܘܕܝܼܬܼܵܐ ܕܫܪܝܼܪܵܐ 482 ܕܠܵܐ ܫܝܼܚܩܵܐ ܒܐܪ̈ܝܼܟܵܬܵܐ. 483 :ܘܠܵܐ ܛܥܝܼܢܵܐ ܝܘܼܩܪܵܐ ܕܡܸܠܹ̈ܐ 484 ܕܢܬܕܘܕ ܒܵܗ̇ ܫܵܡܘܿܥܵܐ 485 :ܡܐܬܚܵܬܐ ܕܒܼܪܵܐ ܠܘܵܬܲܢ 486 ܠܵܐ ܗ̄ܘ̣ܵܐ ܚܙܘܼܩܝܵܐ ܘܫܘܼܢܝܵܐ. 487 :ܐܸܠܵܐ ܕܚܘܼܒܵܐ ܘܨܒܼܝܵܢܐ 488 ܟܕ ܗܘ̤ ܠܵܐ ܙܥܪ ܡ̣ܢ ܕܐܝܼܬܼܵܘܗܝ. 489 :ܐܡ̇ܪܬ ܓܹܝܪ ܒܗܵܠܹܝܢ ܕܬܢܝܬ 490 ܕܥܒܘܕܵܐ ܠܵܐ ܡܸܬܒܨܲܪ. 491 :ܘܠܐ ܘܐܦܠܵܐ ܐܵܬܹܐ 492 ܕܟܝܼܢܹܗ ܒܟܼܠܕܘܼܟ ܐܝܼܬܼܵܘܗܝ. 493 :ܦܓܼܪܢܵܐ ܗ̄ܘ̣ ܕܙܥܪ ܘܝܼܪܸܒ 494 ܒܚܲܫܵܐ ܘܡܘܬܼܵܐ ܕܨܠܝܼܒܵܐ. 495 :ܘܬܐܝܩܲܪ ܒܬܲܪ ܗܵܠܹܝܢ 496 ܒܩܝܡܵܬܐ ܘܲܒܼܣܘܼܠܩܵܐ. 497 :ܘܗܘ̤ܐ ܥܘܡܪܐ ܫܲܪܝܼܪܵܐ 498 ܠܐܠܗܘܼܬܼܵܐ ܕܠܵܐ ܦܘܼܪܵܫ. 499 :ܕܐܬܝܲܩܲܪ ܥܲܡ ܐܝܼܬܘܼܬܼܵܐ 500 ܒܡܪܘܼܬܼܵܐ ܘܲܒܼܫܘܼܠܛܢܐ. 501 :ܐܒܼܵܐ ܠܲܡ ܠܐ̄ܢܫ ܠܵܐ ܕܐܸ̇ܢ 502 :ܕܕܝܼܢܵܐ ܟܠܹܗ ܠܹܗ ܝܗܒܗ 503 :ܟܕ ܒܚ̇ܪ ܒܓܙܪ ܕܝܼܢܹܗ 504 ܠܥܠܝܹ̈ܐ ܘܠܬܚܬ̈ܝܹܐ. 505 :ܗܘ̤ܝܘ ܕܝܗ̇ܒ ܦܘܼܪܥܵܢܵܐ 506 ܠܟܲܫܝܼܪܹ̈ܐ ܚܠܵܦ ܥܲܡܠܲܝ̈ܗܘܿܢ. 507 :ܘܡܸܢܹܗ ܡܬܚܲܝܒܼܝܢ ܒܝܼܫܹ̈ܐ 508 ܒܫܡܩܵܐ ܘܒܓܹܗܢܐ. 509 :ܘܡܸܛܠܗܵܕܹܐ ܓܒܼܝܗܝ ܡ̣ܢ ܟܠ 510 ܘܥܒܕܹܗ ܢܵܘܣܵܐ ܠܐܝܩܵܪܹܗ. 511 :ܕܢܸܬܒܩܘܢ ܒܹܗ ܡܝܘ̈ܬܼܵܐ 512 ܟܕ ܒܚ̇ܪ ܣܘܼܥܪ̈ܢܝܗܘܿܢ. 513 :ܘܡܛܠ ܕܟܝܢܵܐ ܕܫܘܼܒܼܚܹܗ 514 ܠܵܐ ܡܸܫܬܥܒܲܕ ܠܲܚܙܵܬܼܵܐ. 515 :ܒܡܬܚܙܝܢܵܐ ܒܲܝܐ ܠܲܢ 516 ܐܝܟ ܗ̇ܘ ܕܠܹܗ ܚ̇ܙܝܢܢ. 517 :ܗܪܟܵܐ ܒܐܪ̈ܙܐ ܘܦܸܠܐܬ̈ܐ 518 ܒܡܚܙܝܼܬܐ ܡܸܬܒܩܝܢܢ. 519 :ܘܬܡ̇ܢ ܒܐܦ̈ܐ ܓܠܝ̈ܬܐ 520 ܚܙ̇ܝܢܢ ܠܹܗ ܠܲܩܢܘܿܡܹܗ. 521 :ܠܵܐ ܗ̄ܘ̣ܵܐ ܠܲܩܢܘܿܡܵܐ ܕܡܸܠܬܼܵܐ 522 ܗܕܐ ܠܵܐ ܡܵܨܵܝܵܐ ܕܬܸܗܘܹܐ. 523 :ܐܸܠܵܐ ܠܒܲܪ ܓܢܣܢ ܕܝܼܠܲܢ 524 ܘܠܪܫܝܼܬܹܗ ܕܟܝܼܢܲܢ. 525 :ܠܐܠܗܵܐ ܓܹܝܪ ܠܵܐ ܡܵܨܝܵܐ 526 ܕܢܸܚܙܝܘܗܝ ܡܝܘܵܬܐ ܘܢܚܐ. 527 :ܘܦܘܠܘܿܣ ܣܵܗܸ̇ܕ ܥܠܗܕܹܐ 528 ܕܠܵܐ ܚܙܵܝܗܝ ܐ̄ܢܫ ܘܠܵܐ ܚ̇ܙܐ ܠܹܗ. 529 :ܘܥܲܠܗܵܕܹܐ ܫܩ̣ܠ ܒܲܪܢܫܵܐ 530 ܘܥܲܒܼܕܹܗ ܨܠܲܡܵܐ ܕܐܝܼܩܵܪܹܗ. 531 :ܕܢܸܬܒܝܐܘܿܢ ܒܹܗ ܡܝܘ̈ܬܐ 532 ܚܠܵܦ ܟܣܝܘܬܵܐ ܕܘܝܢܹܗ. 533 :ܬܘܕܝܼ ܛܵܒܼܵܐ ܠܡܘܗܲܒܼܬܵܟ 534 ܕܟܼܡܐ ܪܚܡܬܵܝܗܝ ܠܟܼܝܢܲܢ. 535 :ܘܝܩܪܬܝܗܝ ܒܲܫܒܝܼܚܵܬܵܟ 536 ܟܕ ܗܘ̤ ܟܝܢܢ ܠܵܐ ܫܘܿܐ. 537 :ܒܪܫܝܼܬܼܵܐ ܕܡܢܲܢ ܕܫܩܠܬܿ 538 ܟܠܹܗ ܓܸܢܣܢ ܐܸܬܝܩܲܪ. 539 ܘܥܡܲܢ ܐܬܚܕܲܢܘ ܐܟ̄ܚܕ: pb. f.206v 540 ܫܡܲܝܵܐ ܘܐܪܥܵܐ ܘܟܼܠ ܕܒܼܗܘܿܢ. 541 :ܘܟܲܕ ܛܵܒܼ ܥܸܠܵܚܝܼܢ ܡܸܢܲܢ 542 ܪ̈ܘܼܚܵܢܹܐ ܒܲܟܝܢܲܝ̈ܗܘܿܢ. 543 :ܒܲܢ ܝܠܦܘܼܟ ܘܐܘܕܝܘ ܒܲܫܡܵܟ 544 ܘܥܡܲܢ ܐܟܚܕ ܐܬܚܕܲܬܘ. 545 :ܒܝܲܕ ܥܹܕܬܵܐ ܠܲܡ ܐܬܓܠܝܲܬ̤ 546 ܚܸܟܼܡܬܹܗ ܟܣܝܼܬܵܐ ܕܒܼܵܪܘܿܝܵܐ. 547 :ܠܫܘܠܛܢܹ̈ܐ ܕܫܡܝ̈ܬܐ 548 ܕܣܝܵܐ ܗ̄ܘ̣ܵܬ ܡ̣ܢ ܪܫܝܼܬܼܵܐ. 549 :ܒܲܢ ܝܠܸܦܘ ܪ̈ܘܚܢܝܹܐ 550 ܕܐܝܼܬ ܗ̄ܘ̣ ܒܪܵܐ ܠܐܲܒ̣ܵܐ ܘܟܼܣܹܐ. 551 :ܘܥܲܡܲܢ ܩܲܒܸܿܠܘ ܬܵܘܕܝܼܬܼܵܐ 552 ܕܪܘܼܚܵܐ ܐܝܼܬܝܵܐ ܗ̄ܘ̣ ܐܲܝܟ ܐܒܼܵܐ. 553 :ܒܲܢ ܝܠܸܦܘ ܐܵܦ ܒܘܼܕܩܵܐ 554 ܕܟܝܢܹ̈ܐ ܬܪܹܝܢ ܕܗܘ̤ܘ ܚܲܕ. 555 :ܕܡܠܬܼܵܐ ܐܝܼܬܝܵܐ ܕܡ̣ܢ ܐܒܐ 556 ܘܕܒܲܪܢܫܵܐ ܒܲܪ ܓܸܢܣܲܢ. 557 :ܥܡܲܢ ܩܲܒܠܘܼܗ̇ ܠܝܼܕܲܥܬܐ 558 ܕܒܡܫܝܼܚܵܐ ܡܬܚܕܬ ܟܠ. 559 :ܘܒܲܚܪ ܘܪܹ̈ܐ ܕܝܼܠܲܢ ܡܲܓܗܝܢ 560 ܡ̣ܢ ܫܘܼܥܒܕܵܐ ܕܥܲܡܠܲܝ̈ܗܘܿܢ. 561 :ܘܐܵܦܗ̤ܝ ܠܲܡ ܒܪܝܼܬܼܵܐ ܥܲܡܲܢ 562 ܡܬܚܲܪܪܵܐ ܡ̣ܢ ܥܲܒܼܕܘܼܬܼܵܐ. 563 :ܡܵܐ ܕܡܩܲܒܠܝܼܢ ܦܘܼܪܩܢܵܐ 564 ܕܡܝܘܬܼܘܼܬܹܗ ܕܟܼܝܢܲܢ. 565 :ܬܵܘ ܛܥܝ̈ܐ ܦܢܵܘ ܠܐܘܼܪܚܵܐ 566 ܥܲܕ ܐܝܼܬ ܙܒܼܢܵܐ ܠܦܝܣܵܐ. 567 :ܕܠܲܢ ܗܘ̣ ܡܣܟ̈ܝܢ ܒܪ̈ܝܵܬܐ 568 ܕܥܡܢ ܢܩܒ̈ܠܢ ܚܘܼܕܬܵܐ. 569 :ܠܲܢ ܗ̄ܘ̣ ܚܵܝܪܝܼܢ ܪ̈ܘܚܢܹܐ 570 ܕܥܲܡܢ ܢܩܢܘܿܢ ܫܘܼܚܠܵܦܵܐ. 571 :ܘܡܣܟܝܼܢ ܠܹܗ ܠܦܘܪܩܢܵܐ 572 ܐܲܝܟ ܫܘܘܕܝܹܗ ܕܥܵܒܼܘܿܕܵܐ. 573 :ܚܘܒܵܐ ܕܪ̈ܚܡܲܝ ܝܘܠܦܢܵܐ 574 ܐܥܝܪܢܝ ܕܐܸܡ̣ܪ ܗܠܹܝܢ. 575 :ܘܛܢܢܐ ܕܐܝܠܹܝܢ ܕܐܲܡܪܲܚܘ 576 ܥܨܢܝ ܕܐܦܪܫ ܠܟܼܝ̈ܢܹܐ. 577 :ܘܟܲܕ ܛܵܒܼ ܦܪܫ̇ܬ ܠܟܼܝ̈ܢܹܐ 578 ܫܒܚ̈ܬܐ ܡ̣ܢ ܡܟ̈ܬܐ. 579 :ܒܬܘܕܝܼܬܝ ܣܕܩܵܐ ܠܐ ܥܒܲܕܬ 580 ܕܒܚܲܕ ܗ̄ܘ̣ ܒܪܐ ܡܘܕܹܐ ܐ̄ܢܵܐ. 581 :ܚܕܵܐ ܡܪܘܬܼܵܐ ܡܗܝܡܸܢ ܐ̄ܢܵܐ 582 ܘܚܲܕ ܫܘܼܠܛܢܵܐ ܝ̇ܕܥ ܐ̄ܢܵܐ. 583 :ܟܕ ܣܓ̇ܕ ܐ̄ܢܵܐ ܫܲܘܝܵܐܝܼܬ 584 ܠܡܸܠܬܐ ܘܥܘܼܡܪܐ ܕܓܼܒܐ ܠܹܗ. 585 :ܡܘܕܐ ܐ̄ܢܐ ܒܡܲܠܟܵܐ ܕܠܒܸܫ 586 ܐܪ̈ܓܘܢܹܐ ܕܦܓܼܪܹܗ ܕܐܵܕܵܡ. 587 :ܘܣܓܸܕ ܐ̄ܢܵܐ ܠܡܵܪܵܐ ܕܐܵܘܕܲܒ 588 ܠܟܝܢܲܢ ܥܲܡ ܪܲܒܘܼܬܹܗ. 589 :ܦܪܫ̇ܬ ܗܠܝܹܢ ܡ̣ܢ ܗܵܠܹܝܢ 590 ܠܵܐ ܗ̄ܘ̣ܵܐ ܒܦܘܼܠܓܼ ܪܸܥܝܢܐ. 591 :ܐܸܠܵܐ ܕܠܵܐ ܢܪܢܘܢ ܣܟ̈ܐܐ 592 ܕܒܼܪܐ ܒܪܝܬܐ ܗ̄ܘ̣ ܐܲܝܟ ܕܐܣܒܪܘ. 593 :ܗܠܹܝܢ ܕܐܘܪܟܼܘ ܡܠܲܝ̈ܗܘܿܢ 594 ܘܬܚܬܝܼܘ ܠܐܝܼܬܝܵܐ ܠܫܝ̈ܛܬܼܵܐ. 595 :ܘܛܠ̣ܡܘ ܠܟܹܝܢܐ ܕܝܼܠܲܢ 596 ܡ̣ܢ ܐܝܼܩܵܪܵܐ ܕܢܵܣܘܿܒܹܗ. 597 :ܟܪܝܼܗܝܼܢ ܓܹܝܪ ܚܘܼܫܵܒܲܝ̈ܗܘܿܢ 598 ܡܣܝܣܝܼܢ ܪ̈ܥܝܵܢܲܝܗܘܿܢ. 599 ܘܠܵܐ ܡܩܒܠܝܼܢ ܡܸܠܲܝ ܩܘܼܫܬܼܵܐ 600 ܕܥܘܪܘ ܬܐܪܬܗܘܢ ܒܚܛܝܼܬܼܵܐ. 601 :ܠܵܐ ܣܦܩܝܢ ܠܓܡܝܼܪܘܼܬܼܵܐ 602 ܕܫܒܼܪ̈ܝܢ ܣܓܼܝ ܠܝܼܕܲܥܬܐ. 603 :ܘܐܲܝܟ ܝܠܘ̈ܕܐ ܡܬܚܬܚܬܝܢ 604 ܠܡܐܟܘܠܬܐ ܒܣܪܢܝܵܬܐ. 605 :ܣܡܘ ܫܬܐܣܬܐ ܕܡܠܲܝ̈ܗܘܿܢ 606 ܥܲܠ ܚܠܐ ܘܠܵܐ ܬܐܒܝܢܘ. 607 :ܫܘܪܝܼܘ ܒܢܝܢ ܒܢܝܵܢܵܐ 608 ܥܡܝܼܪܐ ܘܚܒܿܬܐ ܠܝܩܘܢܵܐ. 609 :ܪܘܝܢ ܒܚܣܡܵܐ ܩܵܛܘܿܠܵܐ 610 ܠܘܼܩܒܼܵܠ ܣܦܪܹ̈ܐ ܩܲܕ̈ܝܼܫܹܐ. 611 :ܘܡܟܣܝܢ ܠܗ̇ ܠܣܢܐܢܗܘܢ 612 ܒܫܸܡ ܐܲܠܗܵܐ ܕܥܛܝܼܦܝܢ. 613 :ܦܫܝܼܛܹ̈ܐ ܠܲܡ ܕܠܵܐ ܒܘܼܝܵܢܵܐ 614 ܕܒܝܼܪܝܼܢ ܒܬܲܪ ܡܸܠܲܝ̈ܗܘܿܢ. 615 :ܘܫܒܩܘܼܗ̇ ܠܐܘܼܪܚܵܐ ܕܟܹܐܢܘܼܬܼܵܐ 616 ܘܗܵܐ ܛܵܥܝܼܢ ܒܬܲܪ ܙܹܐܦܵܐ. 617 :ܫܪܪܐ ܕܢܗܝܼܪ ܡ̣ܢ ܫܸܡܫܵܐ 618 ܚܸܫܘܟ ܗ̄ܘ̣ ܠܪܸ̈ܥܝܢܲܝܗܘܿܢ. 619 ܘܬܪܝܨܐ ܠܗܘܢ ܡܘܕܝܬܐ. 620 ܒܙܐܦܵܐ ܠܠܝܐ ܚܸܫܘܿܕܼܵܐ. 621 :ܗܝܡܢܘܼܬܼܵܐ ܐܸܘܩܝܼܢܵܐ 622 ܕܐܲܚܝܼܕܵܐ ܐܸܠܦܵܐ ܕܥܕܬܵܐ. 623 :ܫܒܩܘܼܗ̇ ܣܲܟܼܠܹܐ ܘܐܬܛܒܲܥܘ 624 ܒܒܥܬܐ ܐܲܝܟ ܕܒܝܲܡܵܐ. 625 :ܢܒܼܥܐ ܚܠܝܵܐ ܕܝܘܼܠܦܢܵܐ 626 :ܕܟܸܢܹ̈ܐ ܒܫܩܝܹܗ ܐܬܪܒܝܼܘ 627 :ܓܥ̣ܨܘ ܡܸܢܹܗ ܐܝܟ ܡܲܪܝܼܪ 628 ܘܗܢܝܼ ܠܗܘܿܢ ܫܸܩܝܹܗ ܕܒܝܪܫܵܐ. 629 :ܟܪܝܼܗܝܼܢ ܘܪܡܝܢ ܒܐܫܬܐ 630 :ܒܪܥܝܵܢܵܐ ܚܠܵܦ ܗܕܡܹ̈ܐ 631 :ܘܲܚܬܝܼܪܝܼܢ ܐܲܝܟ ܫܲܪܝܼܪܹ̈ܐ 632 ܘܠܵܐ ܪܓܼܝܼܫܝܼܢ ܕܟܼܡܵܐ ܢܣܝܼܣܝܼܢ. 633 :ܙܩܝܼܦܝܼܢ ܠܘܼܩܵܒܼܵܠ ܟܹܐܢܘܼܬܼܵܐ 634 ܐܝܟ ܛܢܢ̈ܐ ܕܢܵܡܘܿܣܵܐ. pb. f.207r 635 :ܘܠܒܝܼܫܵܐ ܠܗܘܿܢ ܪܵܡܘܼܬܼܵܐ 636 ܐܲܝܟ ܬܒܥܹ̈ܐ ܕܘܠܝܼܬܼܵܐ. 637 :ܥܕܟܹܝܠ ܠܐ ܗܘ̤ܵܘ ܬܲܠܡܝܼܕܹ̈ܐ 638 ܘܠܵܐ ܬܐܗܓܝܘܼ ܒܲܟܼܬ̈ܒܹܐ. 639 :ܘܒܚܘܼܨܦܵܐ ܕܪܸ̈ܥܝܵܢܲܝܗܘܿܢ 640 ܨܵܒܝܼܢ ܕܢܗܘܘܿܢ ܪ̈ܲܒܵܢܹܐ. 641 :ܬܵܘ ܐܫܬܥܒܲܕܘ ܠܲܫܪܵܪܵܐ 642 ܚܪ̈ܚܐ ܘܝܼܠܦܘ ܩܘܼܫܬܐ. 643 :ܘܐܲܢܝܼܚܘ ܡܸܢܟܘܢ ܩܲܫܝܘܼܬܼܵܐ 644 ܘܣܒܼܘ ܢܝܼܪܵܐ ܕܡܲܟܝܼܟܘܼܬܼܵܐ. 645 :ܠܵܘ ܒܚܣܡܵܐ ܨ̇ܒܐ ܐ̄ܢܐ 646 ܕܐܣܬܘܿܪ ܒܸܢܝܵܢ ܡܸܠܲܝ̈ܗܘܿܢ. 647 :ܐܸܠܵܐ ܕܐܸܦܢܹܐ ܐܸܢ ܡܵܨܝܵܐ 648 ܠ̄ܪ̈ܥܝܢܲܝܟܘܿܢ ܨܝܕ ܩܘܼܫܬܼܵܐ. 649 :ܕܬܸܐܠܦܘܿܢ ܓܹܝܪ ܗܸܕܝܘܿܛܝܼܢ ܐ̄ܢܬܘܿܢ 650 ܘܠܡܠܦܘܼ ܨܵܒܼܝܢ ܐܢܬܘܿܢ. 651 :ܘܐܝܢܵܐ ܕܡܠܸܦ ܒܓܼܵܘ ܥܕܬܵܐ 652 ܚܫܲܒܬܘܼܢܵܝܗܝ ܐܝܟ ܢܘܼܟܼܪܝܵܐ. 653 ܛܠܲܡܬܘܼܢܗ̇ ܠܲܢܒܼܝܼܘܼܬܼܵܐ. 654 ܘܐܣܠܝܬܘܿܢ ܡܠܲܝ̈ ܪܘܼܚܵܐ. 655 :ܘܒܩܠܬܘܿܢ ܒܸܕܝܵܐ ܚܲܕܬܵܐ 656 ܡ̣ܢ ܡܠܦܢܹ̈ܐ ܗܕܝܘ̈ܛܹܐ. 657 :ܘܗܪܟܵܐ ܫܠܡܬ̤ ܒܥ̇ܒܕܐ 658 ܗ̇ܝ ܕܟܬܝܼܒܼܵܐ ܒܲܣܒܪܬܵܐ. 659 :ܕܣܡܝܵܐ ܠܣܡܝܵܐ ܐܸܢ ܢܵܓܕ 660 ܫܘܼܠܵܡ ܐܘܼܪܚܹܗ ܓܘܡܨܵܐ ܗ̄ܝ̣. 661 :ܒܡܢܐ ܡܫܚܠܦ ܡ̣ܢ ܣܲܡܝܵܐ 662 ܗ̇ܘ ܕܣܡܐ ܡ̣ܢ ܝܼܕܥܬܼܵܐ. 663 :ܕ[...]ܕ ܗ̄ܘ̣ ܫܪܵܪܵܐ ܠܵܐ ܝ̇ܕܥ 664 ܡܫܬܘܕܐ ܕܡܠܸܦ ܚܲܒܼܪ̈ܵܘܗܝ. 665 :ܟܪܝܗܵܐ ܕܛܒܝܼܥ ܒܐܫܬܵܐ 666 ܒܦܓܼܪܐ ܘܢܦܫܵܐ ܫܲܘܝܵܐܝܼܬ. 667 :ܗܵܐ ܡܫܬܘܕܹܐ ܚܘܼܠܡܢܵܐ 668 ܠܓܘܼܫܡܹ̈ܐ ܢܣܝܼܣܲܝ̈ ܒܚܛܝܼܬܼܵܐ. 669 :ܠܵܐ ܬܸܣܥܘܿܪ ܨܒܼܝܵܢ ܢܲܦܫܵܟ 670 ܣܟܼܠܵܐ ܕܠܵܐ ܩܢܹܐ ܒܘܼܝܵܢܵܐ. 671 :ܡܟܟ ܩܲܠܝܼܠ ܪܸܥܝܵܢܟ 672 ܘܫܡ݂ܲܥ ܡ̈ܠܐ ܕܟܬܒܹ̈ܐ. 673 :ܢܒܼܥܵܐ ܗ̄ܘ̣ ܚܲܠܝܵܐ ܝܘܼܠܦܢܵܐ 674 ܕܝ̇ܗܒ ܚܲܝܹ̈ܐ ܠܫܵܡܘܿܥܵܘ̈ܗܝ. 675 :ܘܢܘܼܗܪܵܬ ܕܡܲܦܢܹܐ ܢܦܫܬ̈ܐ 676 ܠܐܘܼܪܚܵܐ ܫܘܼܝܵܬܵܐ ܕܟܹܐܢܘܼܬܼܵܐ. 677 :ܠܵܘ ܕܐܫܬܒܗܲܪ ܨܒ̇ܐ ܐ̄ܢܐ 678 :ܒܝܲܕ ܗܠܹܝܢ ܕܬܢ̇ܬܼ ܘܐܸܡ̇ܪܬ 679 :ܣܗܕܵܐ ܠܡܸܠܬܝ ܩ̇ܪܐ ܐ̄ܢܵܐ 680 ܫܪܪܐ ܕܠܗܘ̤ ܡܝܲܩܲܪ ܐ̄ܢܐ. 681 :ܠܵܘ ܕܐܬܪܘܪܒܼ ܒܥ̇ܢܐ 682 ܥܲܠ ܗܕܡ̈ܐ ܕܟܢܘܬܝ̈. 683 :ܕܗܕܡܵܐ ܐ̄ܢܵܐ ܡ̣ܢ ܓܘܫܡܵܐ 684 ܘܒܟܐ ܒܲܝ̈ܗܘܿܢ ܚܐܹ̇ܫ ܐ̄ܢܵܐ. 685 :ܘܗܕܐ ܦܐܝܵܐ ܠܝܕܘ̈ܥܹܐ 686 :ܕܒܼܗܵܢ ܛܟܼܣܵܐ ܢܸܬܕܡܘܿܢ 687 ܚܕܘܣܪܢܵܐ ܕܚܲܕ ܗܲܕܵܡܵܐ. 688 :ܕܟܠܹܗ ܓܘܼܫܡܵܐ ܢܣܝܼܡܘܼܬܵܝܗܝ 689 :ܡܫܝܼܚܵܐ ܪܫܵܐ ܕܗܕ̈ܡܹܐ 690 ܚܲܕ ܓܘܼܫܡܵܐ ܥܲܒܼܕܗ̇ ܠܥܹܕܬܹܗ. 691 :ܘܒܣܪ ܥܲܠ ܡܵܘܬܼܵܐ ܕܙܒܼܢܵܐ 692 ܡܛܠ ܚܘܼܒܵܐ ܕܢܣܘܿܒܹܗ.[ܐܘ ܕܗܕܡܵܘ̈ܗܝ.] 693 :ܗܵܐ ܐܣܝܵܐ ܕܝ̇ܕܥ ܚܲܫܹ̈ܐ 694 ܕܟܣܝ̈ܬܐ ܘܕܓܠܒܝ̈ܬܐ. 695 :ܟܪ̈ܝܼܗܹܐ ܬܵܘ ܣܒܼܘ ܚܘܼܠܡܵܢܵܐ 696 ܕܠܵܐ ܬܡܘܬܘܢ ܒܚܛܗܲܝ̈ܟܘܿܢ. 697 :ܐܬܬܥܝܼܪܘ ܕܡܟܝ̈ ܒܲܚܛܝܼܬܵܐ 698 ܘܫܕܵܘ ܝܘܼܩܪܵܐ ܕܚܵܘܒܲܝ̈ܟܘܿܢ. 699 :ܕܗܵܐ ܩܪܒ ܠܹܗ ܨܦܪܐ ܕܡܥܝܼܪ 700 ܕܡܟ̈ܐ ܡ̣ܢ ܫܸܢܬܹܗ ܕܡܵܘܬܼܵܐ. 701 :ܟܪ̈ܝܗܹܐ ܕܐܓܪܘ ܒܐܫܬܐ 702 :ܕܟܘܪ̈ܗ ܢܹܐ ܟܣܝ̈ܐ ܕܢܲܦܫܵܐ 703 :ܗܵܐ ܪ̈ܚܡܐ ܣܡܐ ܕܡܓ 704 ܕܡܲܐܣܝܼܢ ܦܓܼܪܹ̈ܐ ܡܦܫ̈ܬܐ. 705 :ܒܝܬܝ̈ܐ ܕܛܥ̣ܘ ܡܢܦ̣ܩܘ 706 ܦܢܘ ܐܘܼܪܚܵܐ ܥܲܕ ܚܝܢ ܐ̄ܢܬܘܿܢ. 707 :ܘܠܵܐ ܬܬܟܠܘܿܢ ܥܲܠܗܕܹܐ 708 ܕܒܫܡܵܐ ܩܪܹܝܢ ܐ̄ܢܬܘܬ ܒܲܝܬ̈ܝܹܐ. 709 :ܡ̇ܢ ܓܹܝܪ ܝܿܬܪ ܚܲܛܝܵܐ 710 ܕܒܫܸܡ ܟܹܐܢܵܐ ܢܸܫܬܲܡܗ̇. 711 :ܕܫܡܵܐ ܫܐܝܼܠܵܐ ܩܘܼܛܪܓܼܐ ܗ̄ܘ̣ 712 :ܟܲܕ ܪ̣̈ܚܝܩ ܡ̣ܢ ܣܘܼܥܪ̈ܢܹܐ 713 :ܡ̇ܢ ܐܘܬܪܬܹܗ ܠܲܝܗܘܕܵܐ 714 ܫܠܝܼܚܘܼܵܬܐ ܕܩܢ̣ܵܐ ܒܲܫܘܥܵܐ. 715 :ܘܡ̇ܢ ܐܬܥܕܲܪ ܡܢ ܚܲܝܠܵܐ 716 ܕܐ̄ܪܙܐ ܕܦܓܼܪܐ ܕܡܲܚܹܐ ܟܠ. 717 :ܕܠܵܐ ܬܪܸܨ ܗ̄ܘ̣ܵܐ ܬܪܥܝܼܬܹܗ 718 ܗܘ̤ܵܐ ܢܘܟܼܪܝܐ ܠܲܓܼܒܝܼܬܹܗ. 719 :ܘܟܼܠܵܐ ܫܚܠܦ ܨܒܼܝܢܹܗ 720 ܩܲܛܠܹܗ ܚܣܡܵܐ ܚܠܦ ܣܲܝܦܵܐ. 721 :ܠܐ ܢܸܫܬܒܗܲܪ ܒܲܫܡܗܹ̈ܐ 722 ܐܠܵܐ ܢܩܪܘܿܒܼ ܠܲܥܒܼܕ̈̇ܐ. 723 :ܕܥܒ̇ܕܐ ܡܨܐ ܕܢܙܕܸܩ 724 ܐܵܦ ܠܐܝܢܵܐ ܕܪܚܝܼܩ ܒܲܫܡܵܐ. pb. f.207v 725 :ܬܵܘ ܛܥܝܼ̈ܐ ܐܬܓܘܪܘܣܘ 726 ܒܐܘܩܝܢܵܐ ܕܦܓܪܗ ܕܡܵܪ̈ܲܝܢ. 727 :ܕܡܨܐ ܕܒܠܒܸܘܟ ܢܦܫ̈ܬܢ 728 ܒܣܒܼܪܵܐ ܡܲܥܸܠ ܠܫܡܝܵܐ. 729 :ܕܠܵܐ ܡܬܦܪܥܵܐ ܒܥܒ̈̇ܕܐ 730 ܡܘܗܒܼܬܵܐ ܕܠܘܵܬ ܓܸܢܣܢ. 731 :ܢܦܪܘܿܥ ܩܘܼܒ̣ܵܠ ܛܲܝܒܘܼܬܼܵܐ 732 ܬܘܕܝܼܬܼܵܐ ܕܠܵܐ ܦܘܼܠܵܓܐ܀