On the Church and the Priesthood - ܥܲܠ ܥܹܕܿܬܵܐ ܘܥܲܠ ܟܵܗܢܘܼܬܼܵܐ

1 :ܗܲܝܟܲܠ ܩܘܼܕܫܵܐ ܒܢ̣ܵܐ ܒܵܪܘܿܝܵܐ ܠܐܲܪ̈ܥܵܢܵܝܹܐ 2 ܕܲܢܩܲܪܒܼܘܼܢ ܒܹܗ ܣܸܓܼܕܿܬܼܵܐ ܕܚܘܼܒܵܐ ܪܘܼܚܵܢܵܐܝܼܬܼ ܀ 3 :ܗܲܝܟܲܠ ܩܘܼܕܼܫܵܐ ܘܲܩܕܼܘܿܫ ܩܘܼܕܼܫܹ̈ܐ ܨܲܒܸܿܬܼ ܬܲܩܸܢ 4 ܩܘܼܕܼܫܵܐ ܒܐܲܪܥܵܐ ܘܲܩܕܼܘܿܫ ܩܘܼܕܼܫܹ̈ܐ ܠܥܸܠ ܒܲܫܡܲܝܵܐ ܀ 5 :ܒܩܘܼܕܼܫܵܐ ܕܐܲܪܥܵܐ ܦܩ݂ܲܕܼ ܕܲܢܟܲܗܢܘܼܢ ܐ̄ܪܵܙܵܡܵܐܝܼܬܼ 6 ܘܒܲܫܡܲܝܵܢܵܐ ܒܗܘܿܢ ܒܲܥܒܼܵ݁ܕܹ̈ܐ ܕܠܵܐ ܦܘܼܠܵܓܼܵܐ ܀ 7 :ܬܪܹܝܢ ܕܘܼܒܵܪܹ̈ܐ ܦܪ݂ܲܫ ܒܝܼܕܲܥܬܹܗ ܕܠܵܐ ܡܸܬܿܕܲܪܟܵܐ 8 ܘܲܡ̣ܠܵܐ ܐܸܢܘܿܢ ܥܘܼܬܼܪܵܐ ܕܙܲܒܼܢܵܐ ܘܲܕܼܠܵܐ ܫܘܼܠܵܡ ܀ 9 :ܥܘܼܡܪܵܐ ܕܐܲܪܥܵܐ ܩܪ̣ܵܐ ܒܹܝܬܼ ܩܘܼܕܼܫܵܐ ܐܲܪܥܵܢܵܝܵܐ 10 ܘܲܩܕܼܘܿܫ ܩܘܼܕܼܫܹ̈ܐ ܠܗܵܘ̇ ܬܘܼܩܵܢܵܐ ܕܲܟܼܣܸܐ ܒܪܵܘܡ̇ܐ ܀ 11 :ܩܘܼܕܼܫܵܐ ܘܩܘܼܕܼܫܵܐ ܚܵܘܝܼ ܚܘܼܒܹܿܗ ܠܲܒܼܢܲܝ̈ ܒܲܝܬܹܿܗ 12 ܘܐܲܠܸܦ ܐܸܢܘܿܢ ܕܲܢܩܲܕܿܫܘܼܢܵܝܗܝ ܐ̄ܪܵܙܵܢܵܐܝܼܬܼ ܀ 13 :ܒܩܘܼܕܼܫܵܐ ܕܲܫܡܹܗ ܨܒܼܵܐ ܕܲܢܫܵܘܬܸܿܦ ܠܲܥܒܼܵܕܼ ܐܝܼ̈ܕܵܘܗܝ 14 ܕܒܹܗ ܢܸܬܼܩܲܕܿܫܘܼܢ ܡ̇ܐ ܕܲܡܩܲܕܿܫܝܼܢ ܠܲܫܡܵܐ ܕܩܘܼܕܼܫܹܗ ܀ pb. 145 15 :ܠܵܘ ܗܘ̤ ܝܵ̇ܬܲܪ ܡ̣ܢ ܒܢܵܬܼ̈ ܩܵܠܹ̈ܐ ܕܩܘܼܕܵܫܲܝ̈ܗܘܿܢ 16 ܕܗܘ̤ ܩܲܕܿܝܼܫܵܐ ܗ̄ܘ̣ ܘܲܒܼܕܿܟܼܝܘܼܬܹܗ ܡܩܲܕܸܿܫ ܛܲܡ̈ܠܹܐ ܀ 17 :ܒܝܲܕܼ ܥܸܠ̈ܠܵܬܼܵܐ ܡܓܲܪܸܓܼ ܕܝܼܠܹܗ ܕܢܸܬܿܕܲܡܘܿܢ ܒܹܗ 18 ܕܢܸܥܒܸܿܕܼ ܐܢܘܿܢ ܒܢܲܝ̈ ܝܵܪܬܿܘܼܬܼܵܐ ܕܫܘܼܒܼܚܵܐ ܕܲܒܼܪܹܗ ܀ 19 :ܒܗܵܕܹܐ ܬܸܢܘܲܝ ܒܢ̣ܵܐ ܒܹܝܬܼ ܩܘܼܕܼܫܵܐ ܘܲܩܕܼܘܿܫ ܩܘܼܕܼܫܹ̈ܐ 20 ܘܚܲܦܸܛ ܐ̄ܢܵܫܵܐ ܕܲܢܟܲܗܢܘܼܢ ܒܹܗ ܚܠܵܦ ܚܲܝܲܝ̈ܗܘܿܢ ܀ 21 :ܠܗܘܿܢ ܗ̄ܘ̣ ܐܲܦܸܣ ܠܡܸܫܒܲܩ ܥܵܘ̣ܠܵܐ ܕܣܘܼܥܪ̈ܵܢܲܝܗܘܿܢ 22 ܘܲܠܚܹܐܪܘܼܬܼܗܘܿܢ ܝܲܗ̣̄ܒܼ ܫܘܼܠܛܵܥܵܐ ܠܲܡܙܲܕܵܩܘܼ ܀ 23 :ܠܗܘܿܢ ܗ̄ܘ̣ ܐܲܩܝܼܡ ܐܲܦܸܛܪ̈ܘܿܦܹܐ ܠܓܲܙܵܐ ܕܲܒܼܗܘܿܢ 24 ܕܲܟܼܡܵܐ ܕܨܵܒܹ̇ܝܢ ܢܪܲܒܿܘܿܢ ܥܘܼܬܼܪܵܐ ܕܙܲܕܿܝܼܩܘܼܬܼܵܐ ܀ 25 :ܠܝܲܨܪܵܐ ܕܲܒܼܗܘܿܢ ܥܒ݂ܲܕܼ ܓܹܐܙܲܒܼܪܵܐ ܕܲܫܒܼܝܼ̈ܚܵܬܼܵܐ 26 ܕܢܲܬܲܪ ܗܘ̤ ܠܹܗ ܘܠܲܟܼܢܵܘܵܬܹ̈ܐ ܒܛܘܼܒܹ̈ܐ ܫܒܼܝܼܚܹ̈ܐ ܀ 27 :ܣܝܼܡܲܬܼ ܚܲܝܹ̈ܐ ܕܠܵܐ ܫܘܼܠܵܡܵܐ ܡ̣ܠܲܟ ܘܐܸܫܬܵܘܕܲܝܼ 28 ܘܥܲܠܝܼ ܣܵܡ̣ܵܗ̇ ܒܐܲܬܼܪܵܐ ܕܲܓܼܢܝܼܙ ܡ̣ܢ ܚܲܙܵܝܹ̈ܐ ܀ 29 :ܒܟܸܣܝܵܐ ܚܵܘܝܹܗ ܠܝܲܳܪܵܐ ܟܲܣܝܵܐ ܕܲܟܼܣܸܐ ܒܢܲܦܫܵܐ 30 ܕܢܸܬܼܒܲܩܸܐ ܒܵܗ̇ ܥܒܲܝܢܲܝ̈ ܙܵܘܥܹ̈ܐ ܘܢܸܚܙܸܐ ܫܘܼܦܪܵܗ̇ ܀ 31 :ܪܸܓܲܬܼ ܥܘܼܬܼܪܵܐ ܪܘܼܚܵܢܵܝܵܐ ܐܲܪܡܝܼ ܒܐܲܪܥܵܐ 32 ܕܢܸܬܼܝܲܐܒܼܘܼܢ ܠܹܗ ܐܲܪ̈ܥܥܵܢܵܝܹܐ ܘܢܸܣܢܘܿܢ ܕܐܲܪܥܵܐ ܀ 33 :ܫܒܼܝܼܠܵܐ ܚܲܕܼܬܼܵܐ ܚܵܘܝܼ ܐܸܢܘܿܢ ܕܢܸܪܕܘܿܢ ܨܹܐܕܼܵܘܗܝ 34 ܘܕܲܪܫܹܗ ܒܚܲܫܹ̈ܐ ܚܲܕܼ ܙܲܟܵܝܵܐ ܕܲܙܟܼܵܐ ܒܪܘܼܚܵܐ ܀ 35 :ܐܲܝܟ ܗܲܕܿܝܼܠܵܐ ܚܙ݂ܲܩ ܒܹܗ ܠܘܼܩܕܼܵܡ ܒܲܫܒܼܝܼܠ ܚܲܝܹ̈ܐ 36 ܘܡܲܢܲܥ ܘܲܡ̣ܛܵܐ ܠܘܵܬܼ ܫܘܼܠܵܡܵܐ ܕܲܓ̣ܡܝܼܪܘܼܬܼܵܐ ܀ 37 :ܡ̣ܠܲܝܟ ܘܐܸܫܬܵܘܕܿܝܼ ܠܲܒܼܢܲܝ̈ ܓܸܢܣܹܗ ܕܢܸܗܘܘܿܢ ܗܲܡܹܗ 38 ܘܲܒܼܝܲܕܼ ܐ̄ܪܵܙܹܗ ܢܸܪܕܿܘܿܢ ܥܲܡܹܗ ܒܲܓܼܡܝܼܪܘܼܬܼܵܐ ܀ 39 :ܒܕܼܘܼܡܝܵܐ ܕܝܼܠܹܗ ܐܲܠܸܦ ܐܸܢܘܢ ܠܲܡܟܲܗܵܢܘܼ 40 ܕܗܘ̤ ܒܲܫܡܲܝܵܐ ܘܗܸܢܘ̣ܿܢ ܒܐܲܪܥܵܐ ܐ̄ܪܵܙܵܢܵܐܝܼܬܼ ܀ 41 :ܠܗܘܿܢ ܝܲܗ̣̄ܒܼ ܕܲܪܓܼܵܐ ܕܪܲܒܿ ܡ̣ܢ ܕܲܪܓܼܵܐ ܢܵܡܘܿܣܵܝܵܐ 42 ܘܲܚܠܵܦ ܕܸܒܼܚܹ̈ܐ ܐܲܠܸܦ ܐܸܢܘܿܢ ܠܡܸܕܼܒܲܚ ܚܘܼܒܵܐ ܀ 43 :ܓ̣ܡܲܪ ܢܵܡܘܿܣܵܐ ܒܢܵܡܘܿܣ ܡܸܠܹ̈ܐ ܕܟܼܵܪܘܿܙܘܼܬܹܗ 44 ܘܝܲܗ̣̄ܒ ܟܵܗܢܘܼܬܼܵܐ ܚܠܵܦ ܡܵܗܢܘܼܬܼܵܐ ܕܲܢܚܲܣܸܐ ܟܠ ܀ 45 :ܬܪܸܥܣܲܪ ܟܵܗܢܹ̈ܐ ܓܒܼ݂ܵܐ ܠܹܗ ܠܘܼܩܕܼܵܡ ܒܡܸܢܝܵܢ ܫܲܒܼܛܹ̈ܐ 46 ܘܲܚܠܵܦ ܥܲܡܵܐ ܩܪ̣ܵܐ ܟܠ ܥܲܡܡܝܼ̈ܢ ܕܢܸܗܘܘܿܢ ܕܝܼܠܹܗ ܀ pb. 146 47 :ܝܲܗ̣̄ܒܼ ܒܐܝܼܕܲܝ̈ܗܘܿܢ ܚܲܝܠܵܐ ܕܪܘܼܚܵܐ ܠܡܸܚܣܲܢ ܟܠܵܐ 48 ܘܲܥܩ݂ܲܪܘ ܛܘܼܥܝܲܝ ܘܲܙܪܲܥܘ ܩܘܼܫܬܵܐ ܕܫܸܡ ܒܵܪܘܿܝܵܐ ܀ 49 :ܚܲܣܝܼܘ ܥܵܘ̣ܠܵܐ ܘܕܲܟܿܝܼܘ ܡܘܼܡܹ̈ܐ ܒܝܲܕܼ ܥܘܼܕܼܪܵܢܹܗ 50 ܘܐܲܠܸܦܘ ܐ̄ܢܵܫܵܐ ܕܢܸܣܢܘܿܢ ܥܵܘ̣ܠܵܐ ܕܣܘܼܥܪ݁ܵܢܲܝܗܘܿܢ ܀ 51 :ܟܲܗܸܢܘ ܒܐܲܪܥܵܐ ܐ̄ܪܵܙ ܬܘܼܩܵܢܵܐ ܕܡܲܠܟܿܘܼܬܼ ܪܵܘܡ̇ܐ 52 ܘܲܒܼܓܼܠ̈ܝܵܬܼܵܐ ܨܵܪܘ ܦܸܠ̈ܐܵܬܼܵܐ ܕܲܥܬܼܝܼ݁ܕܼܵܬܼܵܐ ܀ 53 :ܒܗܘܿܢ ܐܸܬܼܟܲܪܙܲܬ̤ ܡܸܠܲܬܼ ܚܲܝܹ̈ܐ ܒܹܝܬܼ ܡ̇ܝܘܿܬܹ̈ܐ 54 ܘܫܲܪܝܼܘ ܐ̄ܢܵܫܵܐ ܠܡܸܪܕܵܐ ܒܐܘܼܪܚܵܐ ܚܲܕܼܬܹ̈ܐ ܀ 55 :ܗܸܢܘ̣ܿܢ ܫܲܪܝܼܘ ܠܲܡܟܗܵܢܘܼ ܪܘܼܚܵܢܵܐܝܼܬܼ 56 ܐܲܟܼܡܵܐ ܕܩܲܒܸܿܠܘ ܡ̣ܢ ܪܲܒܿܟܿܘܼܡܪܹ̈ܐ ܕܩܲܕܸܿܫ ܐܸܢܘܿܢ ܀ 57 :ܒܢܝܼܫܵܐ ܕܝܼܠܹܗ ܟܲܗܸܢܘ ܘܝܼܪܸܒܼܘ ܒܕܼܘܼܡܚܵܐ ܕܝܼܠܹܗ 58 ܘܐܲܫܠܸܡܘ ܕܲܪܓܸܿܐ ܕܣܘܼܥܪ̈ܵܢܲܝܗܘܿܢ ܠܬܲܠܡܝܼ̈ܕܲܝܗܘܿܢ ܀ 59 :ܒܗܵܢܵܐ ܢܝܼܫܵܐ ܝܲܗ̣̄ܒܼ ܟܵܗܢܘܼܬܼܵܐ ܠܟܼܵܗܢܹ̈ܐ ܚܲܕܼܬܹ̈ܐ 60 ܕܢܼܗܘܘܿܢ ܐ̄ܢܵܫܵܐ ܟܵܗܢܹ̈ܐ ܠܡܸܫܒܲܩ ܥܵܘ̣ܠܵܐ ܒܐܲܪܥܵܐ ܀ 61 :ܠܫܘܼܒܼܩܵܢ ܥܵܘ̣ܠܵܐ ܗܘ̤ܵܬܼ ܟܵܗܢܘܼܬܼܵܐ ܒܹܝܬܼ ܡ̇ܝܘܿܬܹ̈ܐ 62 ܕܡ̇ܝܘܿܬܼܘܼܬܼܵܐ ܣܢܝܼܩܵܐ ܟܠܫܵܥ ܠܡܸܬܼܚܲܣܵܝܘܼ ܀ 63 :ܚܲܫܹ̈ܐ ܕܥܵܘ̣ܠܵܐ ܡܸܬܼܝܲܠܕܿܝܼܢ ܒܹܗ ܒܲܟܼܝܵܢ ܐ̄ܢܵܫܵܐ 64 ܘܠܵܐ ܡܸܬܿܕܲܟܹܿܝܢ ܒܸܠܥܵܕܼ ܣܲܡܵܐ ܕܩܲܕܿܝܼܫܘܼܬܼܵܐ ܀ 65 :ܠܵܐ ܡܨܸܐ ܐ̄ܢܵܫܵܐ ܠܡܸܪܕܵܐ ܒܐܘܼܪܚܵܐ ܕܠܵܐ ܬܘܼܩ̈ܠܵܬܼܵܐ 66 ܘܡ̇ܐ ܕܡܸܬܿܬܲܩܲܠ ܣܢܝܼܩ ܥܲܠ ܪ̈ܲܚܡܹܐ ܕܡܲܐܣܹܝܢ ܥܵܘ̣ܠܹܗ ܀ 67 :ܒܟܹ̈ܐܒܹܐ ܕܥܵܘ̣ܠܵܐ ܪܡܹܝܢ ܡ̇ܝܘܿܬܹ̈ܐ ܒܦܲܓܼܪܵܐ ܘܢܲܦܫܵܐ 68 ܘܚܵܫܲܚ ܐܵܣܝܵܐ ܕܝܵ̇ܕܲܥ ܟܹܐܒܼܵܐ ܕܲܠܓܼܵܘ ܘܕܲܠܒܲܪ ܀ 69 :ܠܚܘܼܠܡܵܢ ܟܹܐܒܼܵܐ ܟܲܣܝܵܐ ܘܓܼܠܝܵܐ ܗܘ̤ܵܬܼ ܟܵܗܢܘܼܬܼܵܐ 70 ܕܬܲܐܣܸܐ ܠܥܵܘ̣ܠܵܐ ܒܐܘܼܡ̇ܢܘܼܬܼܵܐ ܪܘܼܚܵܢܵܝܬܼܵܐ ܀ 71 :ܐܵܣܵܝܵܐ ܗ̄ܘ̣ ܟܵܗܢܵܐ ܕܲܣܬܼܝܼܪ݁ܵܬܼܵܐ ܘܲܕܼܓܼܠ̈ܝܵܬܼܵܐ 72 ܘܠܐܘܼܡ̇ܢܘܼܬܹܗ ܦܫܝܼܩ ܚܘܼܠܡܵܢܵܐ ܕܦܲܓܼܪܵܐ ܘܢܲܦܫܵܐ ܀ 73 :ܒܣܲܡܵܐ ܕܪܘܼܚܵܐ ܡ̇ܪܹܩ ܥܵܘ̣ܠܵܐ ܡ̣ܢ ܚܘܼܫܵܒܹ̈ܐ 74 ܘܫܵܠ̇ܚܝܼܢ ܐ̄ܢܵܫܵܐ ܢܲܚܬܵܐ ܕܥܵܘ̣ܠܵܐ ܘܠܵܒܼ̇ܫܝܼܢ ܩܘܼܫܬܵܐ ܀ 75 :ܒܪܹܫ ܣܸܦܘܵܬܹ̈ܗ ܕܵܪܹܫ ܐܘܼܪܚܵܐ ܠܘܵܬܼ ܝܼܕܲܥܬܼܵܐ 76 ܘܐܲܝܟ ܕܲܒܼܢܘܼܪܵܐ ܒܵܚܲܪ ܩܘܼܫܬܵܐ ܘܡܲܣܠܸܐ ܥܵܘ̣ܠܵܐ ܀ 77 :ܡܲܠܲܐܟ ܡ̇ܪܝܵܐ ܗ̄ܘ̣ ܘܲܡܫܲܡܫܵܢܵܐ ܐܲܟܼܡܵܐ ܕܲܟܼܬܼܝܼܒܼ 78 ܘܒܹܗ ܡܸܫܬܲܡܠܝܵܐ ܣܵܥܘܿܪܘܼܬܼܵܐ ܕܲܠܘܵܬܼ ܐ̄ܢܵܫܵܐ ܀ 79 :ܐܲܝܟ ܗܲܕܵܡ̇ܐ ܓܒܸܐ ܡ̣ܢ ܓܘܼܫܡܵܐ ܕܲܒܼܢܲܝ̈ ܓܸܢܣܹܗ 80 ܘܐܲܝܟ ܕܲܠܪܹܫܵܐ ܦܩܝܼܪ ܕܲܢܕܲܒܲܪ ܠܲܟܼܢܵܘܵܬܹ̈ܗ ܀ 81 ܛܲܟܼܣܵܐ ܕܪܹܫܵܐ ܡܡܲܠܸܐ ܠܙܵܘܥܹ̈ܐ ܘܲܠܗܲܕܵܡܹ̈ܐ: pb. 147 82 ܘܒܹܗ ܡܸܬܼܒܲܩܹܝܢ ܐ̄ܢܵܫܵܐ ܒܥܵܘ̣ܠܵܐ ܘܙܲܕܿܝܼܩܘܼܬܼܵܐ ܀ 83 :ܒܹܗܘ̤ ܚܵܙܹ̇ܝܢ ܐܲܝܟ ܕܲܒܼܥܲܝܢܵܐ ܫܪܵܪܵܐ ܘܙܹܐܦܵܐ 84 :ܘܐܲܝܟ ܡܲܚܙܝܼܬܼܵܐ ܡܚܵܘܸܐ ܝܘܼܩܢܵܐ ܕܫܲܦܝܼܪ̈ܵܬܼܵܐ 85 :ܐܲܝܟ ܠܸܫܵܢܵܐ ܡܬܲܪܓܸܿܡ ܩܘܼܫܬܵܐ ܩܕܼܵܡ ܝܵܠܘܿܦܹ̈ܐ 86 ܘܡܲܕܼܢܲܚ ܚܲܝܠܵܐ ܕܲܣܬܼܝܼܪ̈ܵܬܼܵܐ ܩܕܼܵܡ ܗܸܕܼܝܘܿܛܹ̈ܐ ܀ 87 :ܟܣܸܐ ܝܘܼܠܦܵܢܵܐ ܪܘܼܚܵܢܵܝܵܐ ܒܓܼܵܘ ܣܸܦܘܵܬܹ̈ܗ 88 :ܘܪܵܐܹ̇ܣ ܟܠܫܵܥ ܛܲܠܵܐ ܕܪ̈ܲܚܡܹܐ ܒܐܲܪܥܵܐ ܕܐ̄ܢܵܫܵܐ 89 :ܡܲܣܓܸܿܐ ܙܵܪܲܥ ܣܲܒܼܪܵܐ ܘܚܘܼܒܵܐ ܘܗܲܝܡܵܢܘܼܬܼܵܐ 90 ܘܚܵܨܹ̇ܕܼ ܦܹܐܪܹ̈ܐ ܛܘܼܒܹ̈ܐ ܡܠܝܼܪܹ̈ܐ ܕܠܵܐ ܡܸܬܼܚܲܒܿܠܝܼܢ ܀ 91 :ܡܲܥܸܠ ܫܸܡܥܵܐ ܕܡܸܠܲܬܼ ܚܲܝܹ̈ܐ ܒܪܸ̈ܓܼܫܹܐ ܕܲܐܒܲܪ 92 ܘܨܵܐܹ̇ܬܼ ܗܵܘܢܵܐ ܩܵܠ ܦܸܬܼܓܼܵܡܹ̈ܐ ܕܒܲܣܝܼܡܘܼܬܼܵܐ ܀ 93 :ܣܢܝܼܩܝܼܢ ܙܵܘܥܹ̈ܐ ܠܪܹܚܝ ܚܲܠܝܘܼܬܼܵܐ ܕܚܵܝܑܬܼ ܡܝܼܬܹ̈ܐ 94 ܘܲܡܒܲܣܡܝܼܢ ܠܹܗ ܠܦܲܓܼܪܵܐ ܡܝܼܬܼܵܐ ܒܩܵܠ ܢܘܼܚܵܡܵܐ ܀ 95 :ܐܲܝܟ ܫܝܼܦܘܿܪܵܐ ܩܵܥܹ̇ܿܐ ܟܠܫܵܥ ܒܐܸܕܼܢܲܝ̈ ܐ̄ܢܵܫܵܐ 96 ܕܲܚܙܵܘ ܐ̄ܢܵܫܵܐ ܠܵܐ ܬܸܬܼܪܲܦܘܿܢ ܡ̣ܢ ܕܲܡܠܝܼ̈ܕܼܵܢ ܀ 97 :ܐܲܝܟ ܗܲܕܿܝܼܠܵܐ ܡܚܵܘܸܐ ܐܘܼܪܚܵܐ ܩܕܼܵܡ ܚܵܙܘܿܩܹ̈ܐ 98 ܕܬܵܘ ܡ̇ܝܘܿܬܹ̈ܐ ܚܙܘܿܩܘ ܒܲܠܘܝܼܬܼܵܐ ܕܡܘܼܠܟܵܢ ܚܲܝܹ̈ܐ ܀ 99 :ܒܝܲܡܵܐ ܕܐ̄ܢܵܫܵܐ ܐܲܡܝܼܢ ܪܵܕܹܐ ܒܝܲܕܼ ܦܸܬܼܓܼܵܡܵܘ̈ܗܝ 100 ܘܡܲܣܓܸܿܐ ܡܙܲܗܲܪ ܕܢܸܛܲܪ ܟܠܢܵܫ ܥܘܼܬܼܪܵܐ ܕܢܲܦܫܹܗ ܀ 101 :ܒܐܸܠܦܵܐ ܕܥܹܕܿܬܵܐ ܩܝܼܡ ܘܲܡܙܲܗܲܪ ܠܹܠܲܝ ܐܝܼܡܵܡ 102 ܘܲܡܢܲܛܲܪ ܠܵܗ̇ ܡ̣ܢ ܢܸܟܼܝܵܢܹ̈ܐ ܕܪܘܼܚ ܥܵܘܵܠܹ̈ܐ ܀ 103 :ܩܹܘܒܲܪܢܹܝܛܵܐ ܗ̄ܘ̣ ܕܲܡܗܝܼܪ ܣܲܓܿܝܼ ܒܹܝܬܼ ܡܲܚܫܲܘܼܠܹ̈ܐ 104 ܘܝܵ̇ܕܲܥ ܕܢܸܪܕܸܿܐ ܠܘܲܥܕܵܐ ܕܚܲܝܹ̈ܐ ܕܠܵܐ ܫܘܼܠܵܛܵܡܵܐ ܀ 105 :ܒܠܹܩܹ̈ܐ ܕܪܘܼܚܵܐ ܐܸܠܦܹ̈ܐ ܕܲܡܠܝܼܠܘܼܬܼܵܐ 106 ܘܬܼܵܪܹܨܚܹܐܦܗܹܝܢ ܠܲܠܡܹܐܝܢ ܚܲܝܹ̈ܐ ܕܟܼܣܸܐ ܒܪܵܘܡ̇ܐ ܀ 107 :ܡܸܛܠ ܣܲܒܼܪܵܐ ܕܲܥܬܼܝܼ̈ܕܼܵܬܼܵܐ ܡܣܲܝܒܲܪ ܥܲܡܠܹ̈ܐ 108 ܘܩܵܢܹ̇ܛ ܟܠܢܵܫ ܕܕܲܠܡܵܐ ܢܸܚܣܲܪ ܡܸܫܚܵܐ ܒܕܼܠܩܹܗ ܀ 109 :ܟܲܟܿܪܵܐ ܕܪܘܼܚܵܐ ܢܣ݂ܲܒܼ ܡ̣ܢ ܡ̇ܪܹܗ ܠܡܸܬܿܬܿܓܵܪܘܼ 110 ܘܚܲܝܵܒܼ ܕܢܲܪܡܸܐ ܟܸܣܦܵܐ ܕܡܸܠܹ̈ܐ ܒܦܵܬܼܘܿܪ ܢܲܦܫܵܐ ܀ 111 :ܐܘܼ ܡ̇ܢܘܼܬܼܵܐ ܕܫܘܼܒܼܩܵܢ ܥܵܘ̣ܠܵܐ ܝ̄ܠܸܦ̣ ܡ̣ܢ ܡܲܠܟܵܐ 112 ܕܠܵܐ ܢܸܬܼܥܲܣܲܩ ܨܹܝܕܼ ܫܘܼܒܼܩܵܢܵܐ ܕܲܟܼܢܵܘܵܬܹ̈ܗ ܀ 113 :ܓܲܙܵܐ ܕܪܘܼܚܵܐ ܡܲܓܼܥܲܠ ܒܐܝܼܕܼܵܘ̈ܗܝ ܠܲܡܦܲܪܢܵܣܘܼ 114 ܘܙܵܕܕܹܩ ܗ̄ܘ̣ ܠܹܗ ܕܚܲܟܿܝܼܡܵܐܝܼܬܼ ܢܦܲܪܢܸܣ ܚܲܝܲܪ̈ܵܘܗܝ ܀ 115 :ܥܵܪ̈ܒܹܿܐ ܡܠܝܼܠܹ̈ܐ ܝܲܗ̣̄ܒܼ ܠܹܗ ܡ̇ܪܹܗ ܠܲܡܕܲܒܵܪܘܼ 116 ܕܢܸܪܥܸܐ ܐܸܢܘܿܢ ܒܡܲܪ̈ܓܹܐ ܕܚܲܝܹ̈ܐ ܕܡܸܠܲܝ̈ ܪܘܼܚܵܐ ܀ 117 :ܠܥܸܪ̈ܒܹܿܐ ܘܐܸܡܪܹ̈ܐ ܘܲܢܩܵܘܵܬܹ̈ܐ ܦܩܝܼܕܼ ܕܲܢܕܲܒܲܪ 118 ܘܟ̣ܠ ܡܘ̣ܫ̈ܚܵܬ̣ܵܐ ܕܓܲܒ̣ܪܹ̈ܐ ܘܢܹܫܹ̈ܐ ܘܲܕܝܲܠܘ̣ܕܹ̈ܐ܀ 119 ܠܦܘܼܠܚܵܢ ܐ̄ܢܵܫܵܐ ܣ̣ܵܡܹܗ ܪܸܡܙܵܐ ܕܲܩܪ̣ܵܝܗܝ ܨܹܐܕܼܵܘܗܝ: pb. 148 120 ܕܢܸܥܩܘܿܪ ܛܘܼܥܝܲܝ ܘܢܸܙܪܘܿܥ ܒܐܲܪܥܵܐ ܫܸܡ ܒܵܪܘܿܝܵܐ ܀ 121 :ܦܘܿܩܘ ܠܲܡ ܬܲܠܡܸܕܼܘ ܘܐܲܟܼܪܸܙܘ ܘܐܲܥܡܸܕܼܘ ܠܟܼܠܗܘܿܢ ܥܲܡܡܹ̈ܐ 122 ܚܕܼܵܐ ܐܝܼܬܼܘܼܬܼܵܐ ܕܚܲܕܼ ܒܵܪܘܿܝܵܐ ܩܢܘܿܡܹ̈ܐ ܬܠܵܬܼܵܐ ܀ 123 :ܫܡܵܗܹ̈ܐ ܠܬܵܬܼܵܐ ܚܲܝܵܒܼ ܕܢܲܟܼܪܸܙ ܒܐܸܕܼܢܲܝ̈ ܐ̄ܢܵܫܵܐ 124 ܘܢܲܗܠܸܿܐ ܐܸܢܘܿܢ ܒܫܸܡ ܐܝܼܬܼܘܼܬܼܵܐ ܕܟܲܣܝܵܐ ܡ̣ܢ ܟܠ ܀ 125 :ܠܗܵܕܹܐ ܗ̄ܘ̣ ܣܝܼܡܝܼܢ ܟܵܗܢܹ̈ܐ ܒܐܲܪܥܵܐ ܠܲܡܟܲܗܵܢܘܼ 126 ܕܢܲܦܢܘܿܢ ܐ̄ܢܵܫܵܐ ܡ̣ܢ ܛܵܥܝܘܼܬܼܵܐ ܠܘܵܬܼܝܼܕܲܥܬܼܵܐ ܀ 127 :ܒܚܲܕܼ ܡܸܠܲܝ̈ܗܘܿܢ ܚܵܙܹ̇ܝܢ ܐ̄ܢܵܫܵܐ ܢܘܼܗܪܵܐ ܕܚܲܝܹ̈ܐ 128 ܘܲܒܼܥܲܡܠܲܝ̈ܗܘܿܢ ܛܵܥ̇ܡܝܼܢ ܛܲܥܡܵܐ ܕܚܲܠܝܘܼܬܼ ܩܘܼܫܬܵܐ ܀ 129 :ܐܲܝܟ ܡܸܨܥܥܵܝܵܐ ܗ̄ܘ̣ ܒܹܝܬܼ ܐܲܠܵܗܵܐ ܠܲܒܼܢܲܝ̈ܢܵܫܵܐ 130 ܘܒܹܗ ܡܸܬܼܩܲܪܒܼܝܼܢ ܕܸܒܼܚܹ̈ܐ ܕܢܲܦܫܵܐ ܩܕܼܵܡ ܡ̇ܪܹܟܿܠ ܀ 131 :ܒܹܗ ܡܸܬܼܦܲܠܲܓܼ ܥܘܼܬܼܪܵܐ ܕܪܘܼܚܵܐ ܠܐܲܪ̈ܗܵܢܵܝܹܐ 132 ܘܩܵܥܹ̇ܝܢ ܚܲܝܠܵܐ ܠܡܸܬܼܚܲܝܠܵܘܼ ܠܦܘܼܠܚܵܢ ܩܘܼܫܬܵܐ ܀ 133 :ܦܵܬܲ݁ܚ ܟܠܢܵܫ ܬܲܪܥܵܐ ܕܪ̈ܲܚܡܹܐ ܩܕܼܵܡ ܚܲܙܵܝܹ̈ܐ 134 ܘܡܲܣܪܲܚ ܝܵܗܹ̇ܒܼ ܫܘܼܒܼܩܵܢ ܥܵܘ̣ܠܵܐ ܠܲܒܼܢܲܝ̈ ܓܸܢܣܹܗ ܀ 135 :ܒܡܲܝ̈ܐ ܘܪܘܼܚܵܐ ܢܵܣܹ̇ܟ ܐܸܢܘܿܢ ܐܲܝܟ ܕܲܒܼܟܼܘܼܪܵܐ 136 ܘܡܲܫܠܲܚ ܥܵܘ̣ܠܵܐ ܘܡܲܠܒܸܿܫ ܢܲܚ̈ܬܹܿܐ ܕܙܲܕܼܝܼܩܘܼܬܼܵܐ ܀ 137 :ܩܵܪܹ̇ܐ ܘܲܡܦܝܼܣ ܠܚܹܝܠ ܟܲܣܝܝܘܼܬܼܵܐ ܕܢܸܚܘܿܬܼ ܨܹܐܕܼܵܘܗܝ 138 ܘܢܲܩܢܸܐ ܚܲܝܠܵܐ ܡܸܬܼܚܲܙܝܵܢܵܐ ܠܡܸܬܲܠ ܚܲܝܹ̈ܐ ܀ 139 :ܗܵܘܹ̇ܝܢ ܡܸܬܼܿܝܲܠܕܼܵܢܹ̈ܐ ܒܲܕܼܡܘܼܬܼ ܥܘܼܒܵܐ 140 ܘܚܹܝܠ ܛܲܝܒܿܘܼܬܼܵܐ ܒܲܕܼܡܘܼܬܼ ܙܲܪܥܵܐ ܕܡ̇ܘܠܸܕܼ ܚܲܝܹ̈ܐ ܀ 141 :ܢܵܚܹ̇ܬܼ ܦܲܓܼܪܵܐ ܘܢܲܦܫܵܐ ܐܲܟܲܚ̄ܕܼ ܠܥܘܼܒܵܐ ܕܡܲܝ̈ܐ 142 ܘܬܼܘܼܒܼ ܡܸܬܼܝܲܠܕܿܝܼܢ ܟܲܕܼ ܩܲܕܿܝܼܫܝܼܢ ܡ̣ܢ ܛܲܡܐܘܼܬܼܵܐ ܀ 143 :ܐܹܝܘ ܠܬܸܕܼܡܘܼܪܬܵܐ ܕܲܠܘܵܬܼ ܓܸܢܣܲܢ ܕܲܟܼܡܵܐ ܪܲܒܵܐ 144 ܕܲܒܼܚܲܛܵܝܹ̈ܐ ܨܒܼܵܬ̤ ܕܲܬܼܙܲܕܸܿܩ ܠܲܕܼܚܲܛܵܝܝܼܢ ܀ 145 :ܐܹܝܘ ܡ̇ܘܗܲܒܼܵܐ ܕܐܲܠܵܗ ܟܠܵܐ ܕܠܵܐ ܡܸܬܿܕܲܪܟܵܐ 146 ܕܲܒܼܡܸܣܟܹܿܢܹ̈ܐ ܦܲܠܓܲܬ̤ ܥܘܼܬܼܪܵܗ̇ ܠܲܕܼܡܸܣܟܹܿܢܝܼܢ ܀ 147 :ܐܹܝܘ ܦܘܼܩܵܕܵܢܵܐ ܕܲܟܼܡܵܐ ܫܲܠܝܼܛ ܥܲܠ ܟܠ ܕܲܒܼܪܵܐ 148 ܕܝܲܗ̣̄ܒܼ ܫܘܼܠܛܵܢܵܐ ܠܲܥ̇ܒܼܵܕܼ ܐܝܼܕܼܵܘ̈ܗܝ ܕܢܸܬܿܕܲܡܘܿܢ ܠܹܗ ܀ 149 :ܒܐܝܼܕܼܵܐ ܕܐ̄ܢܵܫܵܐ ܦܲܬܼܚܹܗ ܠܓܲܙܹܗ ܠܲܒܼܢܲܝ̈ܢܵܫܵܐ 150 ܘܲܥܬ݂ܲܪܘ ܐ̄ܢܵܫܵܐ ܡ̣ܢ ܣܝܼ̈ܡܵܬܼܵܐ ܕܐܲܠܵܗܘܼܬܹܗ ܀ 151 :ܩܠܝܼܪܹ̈ܐ ܕܪ̈ܲܚܡܵܘܗܝ ܝܲܗ̣̄ܒܼ ܠܐܲܪ̈ܗܵܢܹܐ ܐܲܝܟ ܫܲܪܝܼܪܹ̈ܐ 152 ܘܦܵܬܼ̇ܚܝܼܢ ܟܠܫܵܥ ܓܲܙܵܐ ܕܪ̈ܲܚܡܵܘܗܝ ܒܗܲܝܡܵܢܘܼܬܼܵܐ ܀ 153 :ܠܒܼܝܼܟ ܡ̇ܝܘܿܬܼܵܐ ܩܠܝܼܕܹ̈ܐ ܒܚܲܕܼ ܣܸܦ̈ܘܵܬܹܗ 154 ܘܦܵܬܲ݁ܚ ܘܐܵܚܹ̇ܕܼ ܬܪܲܥ ܟܲܣ̈ܝܵܬܼܵܐ ܒܠܸܫܵܡ ܒܸܣܪܵܐ ܀ 155 :ܩܵܒܲ݁ܪ ܐ̄ܢܵܫܵܐ ܒܥܘܼܒܵܐ ܕܡܲܝ̈ܵܐ ܐܲܝܟ ܕܲܒܼܩܲܒܼܪܵܐ 156 ܘܡܲܗܦܸܟ ܘܡܲܚܸܐ ܡܝܼ̈ܬܹܐ ܕܥܵܘ̣ܠܵܐ ܠܚܲܝܹ̈ܐ ܚܲܕܼܬܹ̈ܐ ܀ pb. 149 157 :ܒܚܹܝܠ ܒܵܪܘܿܝܵܐ ܩܵܒܲ݁ܪ ܡܝܼܬܹ̈ܐ ܘܡܲܚܸܐ ܡܝܼܬܹ̈ܐ 158 ܘܐܲܝܟ ܕܡ̣ܢ ܟܲܪܣܵܐ ܡ̇ܘܠܸܕܼ ܐ̄ܢܵܫܵܐ ܪܘܼܚܵܢܵܐܝܼܬܼ ܀ 159 :ܡܪܲܒܸܿܐ ܥܘܼܠܹ̈ܐ ܪ̈ܘܼܚܵܢܵܝܹܐ ܒܚܲܝܠܵܐ ܕܪܘܼܚܵܐ 160 ܘܡ̇ܐ ܕܐܸܬܼܪܲܒܿܝܼܘ ܡ̇ܘܫܸܛ ܐܘܼܟܼܠܵܐ ܕܲܓܼܡܝܼܪܘܼܬܼܵܐ ܀ 161 :ܒܐܘܼܟܼܠܵܐ ܕܪܘܼܟܼܠܵܐ ܡܬܲܪܣܸܐ ܠܐ̄ܢܵܫܵܐ ܦܲܓܼܪ̈ܵܢܵܝܹܐ 162 ܘܲܠܦܘܼܬܼ ܝܲܠܕܵܐ ܐܵܦ ܬܘܼܪܣܵܝܵܐ ܠܲܕܼܡܸܬܼܝܲܠܕܿܝܼܢ ܀ 163 :ܕܸܒܼܚܵܐ ܚܲܝܵܐ ܡܛܲܝܸܒܼ ܟܠܫܵܥ ܩܕܼܵܡ ܐܲܟܲܘܿܠܹ̈ܐ 164 ܘܡ̇ܙܹ̇ܓܼ ܡܲܫܩܸܐ ܚܹܝܠ ܚܲܝܘܼܬܼܵܐ ܠܦܲܓܼܪܵܐ ܘܢܲܦܫܵܐ ܀ 165 :ܦܵܬܼܘܿܪ ܚܲܝܹ̈ܐ ܡܲܬܼܩܸܢ ܣܵܐܹ̇ܡ ܩܕܼܵܡ ܥܲܝܢܲܝ̈ܗܘܿܢ 166 :ܘܨܵܐܲܪ ܐ̄ܪܵܙܵܐ ܕܡ̇ܬܵܐ ܘܚܲܝܹ̈ܐ ܒܠܲܚܡܵܐ ܘܚܲܡܪܵܐ 167 :ܒܝܲܕܼ ܓܲܠ̈ܝܵܬܼܵܐ ܡܚܵܘܸܐ ܚܲܝܠܵܐ ܕܲܣܬܼܝܼܪ̈ܵܬܼܵܐ 168 ܘܚܵܐܹ̇ܿܝܢ ܐ̄ܢܵܫܵܐ ܒܐܘܼܟܼܠܵܐ ܕܠܲܚܡܵܐ ܘܫܸܩܝܵܐ ܕܚܲܡܪܵܐ ܀ 169 :ܠܲܚܡܵܐ ܘܚܲܡܪܵܐ ܚܵܙܹ̇ܝܢ ܪܸ̈ܓܼܫܹܐ ܒܲܪ݁ܲܢܵܝܹܐ 170 ܘܙܵܘܥܹ̈ܐ ܟܣܲܝܵܐ ܩܵܢܹ̇ܝܢ ܚܲܝܠܵܐ ܕܲܒܼܓܲܠ̈ܝܝܵܬܼܵܐ ܀ 171 :ܩܵܐܹ̇ܡ ܟܵܗܢܵܐ ܐܲܝܟ ܠܸܫܵܢܵܐ ܠܲܡܬܲܪܓܵܡܘܼ 172 ܘܡܲܟܼܪܸܙ ܩܵܠܹܗ ܡ̇ܘܬܵܐ ܘܚܲܝܹ̈ܐ ܠܲܒܼܢܲܝ̈ܢܵܫܵܐ ܀ 173 :ܒܠܲܚܡܵܐ ܘܚܲܡܪܵܐ ܡܚܵܘܸܐ ܦܲܓܼܪܵܐ ܘܲܕܼܡ̇ܐ ܕܡܲܠܟܵܐ 174 ܕܡܝܼܬܼ ܡܸܛܠ ܟܠ ܘܲܚܝ̣ܵܐ ܘܐܲܚܝܿ ܠܟܼܠ ܒܲܨܠܝܼܒܹܗ ܀ 175 :ܒܕܼܚܠܵܐ ܩܵܐܹ̇ܡ ܦܲܓܼܪܵܢܵܝܵܐ ܐܲܡܫܲܡܵܫܘܼ 176 ܘܫܵܐܹ̇ܠ ܪ̈ܲܚܡܹܐ ܥܠܵܘܗܝ ܘܥܲܠ ܓܸܢܣܹܗ ܕܢܸܫܘܸܐ ܠܪ̈ܲܚܡܹܐ ܀ 177 :ܘܩܵܪܹܐ ܠܪܘܼܚܵܐ ܕܢܸܚܘܿܬܼ ܨܹܐܕܼܵܘܗܝ ܒܚܲܝܠܵܐ ܕܡܸܢܹܗ 178 ܕܢܸܬܸܿܠ ܚܲܝܠܵܐ ܒܠܲܚܡܵܐ ܘܚܲܡܪܵܐ ܠܡܸܬܲܠ ܚܲܝܹ̈ܐ ܀ 179 :ܒܠܲܚܡܵܐ ܘܚܲܡܪܵܐ ܡܸܬܼܚܲܙܝܵܢܹ̈ܐ ܫܵܪܹܝܢ ܚܲܝܹ̈ܐ 180 ܘܗܵܘܹ̇ܝܢ ܐܘܼܟܼܠܵܐ ܠܡܵܝܘܿܬܼܘܼܬܼܵܐ ܟܲܪܝܲܬܼ ܚܲܝܹ̈ܐ ܀ 181 :ܒܫܸܡ ܐܝܼܬܼܘܼܬܼܵܐ ܩܢܘܿܡܹ̈ܐ ܬܠܵܬܼܵܐ ܡܚܲܬܸܿܩ ܡܸܠܵܘ̈ܗܝ 182 ܘܡܲܠܸܦ ܐ̄ܢܵܫܵܐ ܕܢܸܩܥܘܿܢ ܩܲܕܿܝܼܫ ܥܲܡ ܪ̈ܘܼܚܵܢܹܐ ܀ 183 :ܥܵܢܹ̇ܝܢ ܥܲܡܵܐ ܒܵܬܲܪ ܡܸܠܵܘ̈ܗܝ ܩܲܕܼܝܼܫ ܩܲܕܿܝܼܫ 184 ܩܲܕܿܝܼܫ ܚܲܒܠܵܐ ܕܲܟܼܣܸܐ ܡ̣ܢ ܟܠ ܘܲܓܼܠܸܐ ܡ̣ܢ ܟܠ ܀ 185 :ܘܦܵܫܹ̇ܛ ܐܝܼܕܼܵܘ̈ܗܝ ܘܩܵܨܹ̇ܐ ܠܲܚܡܵܐ ܪܘܼܚܵܢܵܝܵܐ 186 ܘܪܵܫܹ̇ܡ ܛܘܼܦܣܵܐ ܕܦܲܓܼܪܵܐ ܘܲܕܼܡ̇ܐ ܕܡܝܼܬܼ ܘܐܸܬܼܢܲܚܲܡ ܀ 187 :ܒܐܝܼܕܼܵܘ̈ܗܝ ܝܵܗܹ̇ܒܼ ܦܲܓܼܪܵܐ ܕܡܲܠܟܵܐ ܠܲܟܼܡܵܘܵܬܹ̈ܗ 188 ܟܲܕܼ ܡܸܬܼܚܲܝܲܠ ܒܚܹܝܠ ܛܲܝܒܿܘܼܬܼܵܐ ܠܡܸܬܲܠ ܚܲܝܹ̈ܐ ܀ 189 :ܘܝܵܗܹ̇ܒܼ ܠܲܚܡܵܐ ܘܐܵܡܲ݁ܪ ܦܲܓܼܪܵܐ ܕܡܲܠܟܵܐ ܡܫܝܼܚܵܐ 190 ܘܡܲܫܩܸܐ ܚܲܡܪܵܐ ܘܲܡܟܲܢܸܐ ܠܹܗ ܕܡ̇ܐ ܝܲܩܝܼܪܵܐ ܀ 191 :ܐܹܝܘ ܦܲܓܼܪܵܢܵܐ ܕܲܛܥܝܼܢ ܢܘܼܪܵܐ ܘܠܵܐ ܡܸܬܼܚܲܪܲܟ 192 ܐܹܝܘ ܡ̇ܝܘܿܬܼܵܐ ܕܟܲܕܼ ܡ̇ܝܘܿܬܼܵܐ ܗ̄ܘ̣ ܡܦܲܠܸܓܼ ܚܲܝܹ̈ܐ ܀ 193 :ܡܲܢ ܐܲܦܸܣ ܠܵܟ ܥܲܦܪܵܐ ܫܝܼܛܵܐ ܠܡܹܐܚܲܕܼ ܢܘܼܪܵܐ 194 ܘܡܲܢ̣ܘܼ ܥܲܒܼܕܵܟ ܡܦܲܠܸܓܼ ܚܲܝܹ̈ܐ ܒܲܪ ܡܸܣܟܹܿܢܹ̈ܐ ܀ 195 ܡܲܢ̣ܘܼ ܐܲܠܦܵܟ ܠܡܸܚܒܲܫ ܢܘܼܪܵܐ ܒܚܘܼܦܢܲܝ̈ ܒܸܣܪܵܐ: pb. 150 196 ܘܡܲܢ ܒܲܕܸܿܩ ܠܵܟ ܚܸܟܼ̈ܡܵܬܼܵܐ ܕܟܲܣ̈ܝܵܢ ܡܸܢܵܟ ܀ 197 :ܠܵܘ ܕܝܼܠܵܟ ܗ̄ܝܼ ܠܡܸܣܥܲܪ ܗܵܠܹܝܢ ܕܪ̈ܵܡ̇ܢ ܡܸܢܵܟ 198 ܚܹܝܠ ܥܘܼܕܼܪܵܢܵܐ ܗ̄ܘ̣ ܕܐܲܠܵܗ ܟܠܵܐ ܕܐܲܪܝܼܡ ܫܸܦܠܵܟ ܀ 199 :ܗܘ̤ ܐܲܫܪܝܼ ܒܵܟ ܚܲܝܠܵܐ ܟܲܣܝܵܐ ܘܚܲܝܸܠ ܙܵܘܥܲܝ̈ܟ 200 ܘܗܘ̤ ܬܬܲܪܓܸܿܡ ܒܵܟ ܚܹܝܠ ܟܲܣ̈ܝܵܬܹܗ ܒܐܸܕܼܢܲܝ̈ ܒܸܣܪܵܐ ܀ 201 :ܡ̣ܢ ܥܘܼܕܼܪ̈ܵܢܵܘܗܝ ܩ̣ܢܲܝܬܿ ܡ̇ܘܗܲܒܼܬܼܵܐ ܠܡܸܬܲܠ ܚܲܝܹ̈ܐ 202 ܘܡܲܕܼ ܥܲܦܪܵܐ ܐ̄ܢܬܿ ܠܒܼܝܼܟ ܐܲܢ̄ܬܿ ܓܼܙܵܐ ܕܪ̈ܘܼܚܵܢܝܵܬܼܵܐ ܀ 203 :ܠܓܲܙܵܐ ܕܪܘܼܚܵܐ ܥܒܼܝܼܕܼ ܓܹܐܙܲܒܼܪܵܐ ܟܵܗܢܵܐ ܕܪܘܼܚܵܐ 204 ܘܪ̈ܘܼܚܵܢܝܵܬܼܵܐ ܣܝܼ̈ܡܵܢ ܒܐܝܼܕܼܵܘ̈ܗܝ ܠܲܡܦܲܠܵܓܼܘܿ ܀ 205 :ܩܠܝܼܕܹ̈ܐ ܕܪܵܘܡ̇ܐ ܠܒܼܝܼܟ ܡ̇ܝܘܿܬܼܵܐ ܐܲܝܟ ܫܲܠܝܼܛܵܐ 206 ܘܐܵܣܲܪ̇ ܘܫܵܪܹ̈ܐ ܒܡܸܠܲܬܼ ܦܘܼܡܹܗ ܐܲܝܟ ܒܵܪܘܿܝܵܐ ܀ 207 :ܐܵܣܲ̈ܪ ܥܵܘ̣ܠܵܐ ܒܝܲܕܼ ܫܸܫܠܬܵܐ ܕܡܸܠܲܬܼ ܦܘܼܡܹܗ 208 ܘܡܲܗܦܸܟ ܫܵܪܹܐ ܡ̇ܐ ܕܐܸܫܬܲܚܠܲܦ ܐ̄̈ܢܵܫ ܡ̣ܢ ܥܵܘ̣ܠܵܐ ܀ 209 :ܡܚܲܬܸܡ ܪܸܡܙܵܐ ܕܚܹܝܠ ܒܵܪܘܿܝܵܐ ܒܵܬܲܪ ܡܸܠܵܘ̈ܗܝ 210 ܘܐܵܣܲܪ̇ ܒܝܼܫܹ̈ܐ ܛܵܒܹ̈ܐ ܡ̇ܐ ܕܐܸܙܕܲܕܲܩܘ ܀ 211 :ܬܲܗܪܵܐ ܪܲܒܵܐ ܕܚܘܼܒܵܐ ܪܲܒܵܐ ܕܐܲܠܵܗ ܟܠܵܐ 212 ܕܝܲܗ̣̄ܒܼ ܫܘܼܠܛܵܢܵܐ ܠܲܥ̇ܒܼܵܕܼ ܐܝܼܕܼܵܘ̈ܗܝ ܕܢܸܬܿܕܲܡܘܿܢ ܠܹܗ ܀ 213 :ܪܸܡܙܵܐ ܗ̄ܘ̣ ܒܲܠܚܘܿܕܼ ܕܝܼܠܹܗ ܫܲܠܝܼܛ ܥܲܠ ܟܠ ܕܲܒܼܪ̣ܵܐ 214 ܘܕܼܝܼܠܹܗ ܐܝܼܬܼܵܘܗܝ ܕܢܹܐܣܘܿܪ ܘܢܸܫܪܸܐ ܐܲܝܟ ܨܼܒܼܝܵܢܹܗ ܀ 215 :ܒܛܲܝܒܿܘܼ ܝܲܗ̣̄ܒܹܿܗ ܠܲܒܼܢܲܝ̈ܢܵܫܵܐ ܠܫܘܼܠܛܵܢ ܪܸܡܙܹܗ 216 ܕܢܵܘܕܲܥ ܚܘܼܒܹܿܗ ܕܲܟܼܡܵܐ ܪܵܚܹ̇ܡ ܠܲܒܼܢܲܝ̈ ܒܲܝܬܹܿܗ ܀ 217 :ܒܚܸܟܼܡܵܐ ܣܵܥܲ݁ܪ ܡ̇ܐ ܕܲܡܫܵܘܬܸܿܦ ܕܝܼܠܹܗ ܒܕܼܝܼܠܹܗ 218 ܕܲܒܼܥܸܠ̈ܠܵܬܼܵܐ ܢܓܲܪܸܓܼ ܕܝܼܠܹܗ ܕܕܼܝܼܠܹܗ ܢܸܗܘܘܿܢ ܀ 219 :ܒܲܫܒܼܝܼ̈ܚܵܬܼܵܐ ܡܚܲܬܿܚܸܬܼ ܐ̄ܢܵܫܵܐ ܐܲܝܟ ܕܲܠܫܲܒܼܪܹ̈ܐ 220 ܕܲܒܼܝܲܕܼ ܡܸܠܵܘ̈ܗܝ ܢܸܩܢܘܿܢ ܕܲܪܓܼܵܐ ܕܡܲܩܢܸܐ ܚܲܝܹ̈ܐ ܀ 221 :ܒܫܸܡ ܟܵܗܢܘܼܬܼܵܐ ܦܲܬ̣ܚܹܗ ܠܓܲܙܵܐ ܕܥܘܼܬܼܪܹܗ ܪܲܒܵܐ 222 ܕܢܸܣܲܒܼ ܟܠܢܵܫ ܫܘܼܒܼܩܵܢ ܥܵܘ̣ܠܵܐ ܒܝܲܕܼ ܒܲܪ ܓܸܢܣܹܗ ܀ 223 :ܒܩܘܼܕܼܫܵܐ ܕܪܵܘܡ̇ܐ ܥܬܼܝܼܕܼ ܕܲܢܚܲܕܹܿܐ ܠܐܲܪ݁ܥܵܢܵܝܹܐ 224 ܘܝܲܗ̣̄ܒܼ ܡܵܗܢܘܼܬܼܵܐ ܐܲܝܟ ܪܲܗܒܼܘܿܢܵܐ ܕܫܘܼܘܕܵܝ ܡܸܠܵܘ̈ܗܝ ܀ 225 :ܒܐ̄ܪܵܙ ܗܵܘ̇ ܥܘܼܡܪܵܐ ܡܕܲܡܹܝܢ ܟܵܗܢܹ̈ܐ ܒܩܘܼܕܫܵܐ ܕܐܲܪܥܵܐ 226 ܘܐܲܝܟ ܡܲܚܙܝܼܬܼܵܐ ܡܚܵܘܹܝܢ ܝܘܼܩܢܵܐ ܕܲܥܬܼܝܼ̈ܕܼܵܬܼܵܐ ܀ pb. 151 227 :ܐܲܝܟ ܗܲܕܿܝܼ̈ܠܹܐ ܣܝܼܡܝܼܢ ܒܐܘܼܪܚܵܐ ܕܠܲܐܦܲܝ̈ ܪܵܘܡ̇ܐ 228 ܘܠܵܐ ܐ̄ܢܵܫ ܚܵܙܹ̇ܩ ܒܸܠܥܵܕܲܝܗܘܿܢ ܠܘܲܥܕܵܐ ܕܲܠܗܲܠ ܀ 229 :ܕܘܼܟܲܬܼ ܢܘܼܗܪܵܐ ܡܡܲܠܸܝܢ ܒܐܲܪܥܵܐ ܠܲܕܼܚܸܫܘܿܟܼܝܼܢ 230 ܘܐܲܝܟ ܕܲܒܼܡܸܠܚܵܐ ܡܲܩܢܹܝܢ ܛܲܥܡܵܐ ܠܲܕܼܦܲܟܿܝܼܗܝܼܢ ܀ 231 :ܡܲܪܡܹܝܢ ܟܠܫܵܥ ܢܸܫ̈ܒܹܿܐ ܡܠܝܼܠܹ̈ܐ ܕܦܸܬܼܓܼܵܡܲܝ̈ܗܘܿܢ 232 ܘܨܵܝ̇ܕܲܝܼܢ ܐ̄ܢܵܫܵܐ ܡ̣ܢ ܡܝܼܬܼܘܼܬܼܵܐ ܠܘܵܬܼ ܚܲܝܘܼܬܼܵܐ ܀ 233 :ܒܗܘܿܢ ܡܸܬܼܢܲܚܡܝܼܢ ܡܝܼ̈ܬܼܵܐ ܕܥܵܘ̣ܠܵܐ ܕܩܸܒܼܪܲܬ̤ ܛܘܼܥܝܲܝ 234 ܘܚܵܙܹ̇ܝܢ ܢܘܼܗܪܵܐ ܕܚܵܝܑܬܼ ܡܝܼܬܹ̈ܐ ܒܦܸܬܼܓܼܵܡܲܝ̈ܗܘܿܢ ܀ 235 :ܒܗܘܿܢ ܡܸܬܿܬܿܕܿܝܼܢܝܼܢ ܡܝܼܬܹ̈ܐ ܘܚܲܝܹ̈ܐ ܒܲܬܼܪܹܝܢ ܥܘܼܡܪܹ̈ܐ 236 ܘܠܲܫܘܼܠܛܵܢܗܘܿܢ ܢܛܝܼܪ ܒܘܼܚܵܪܵܢܵܐ ܕܐ̄ܢܵܫܵܐ ܘܥܝܼܪܹ̈ܐ ܀ 237 :ܗܢ̣ܘܿܢ ܕܵܝ̇ܢܝܼܢ ܠܪ̈ܘܼܚܵܢܵܝܹܐ ܘܦܲܓܼܪ̈ܵܢܵܝܹܐ 238 ܘܒܼܵܗܗ̇ܬܿܝܼܢ ܫܹܐܕܹ̈ܐ ܒܨܸܡܚܵܐ ܕܕܘܼܒܵܪ̈ܵܝܗܘܿܢ ܀ 239 :ܘܐܸܢܗܘ̤ ܕܨܸܡܚܵܐ ܕܕܘܼܒܵܪ̈ܲܝܗܘܿܢ ܡܩܲܛܪܸܓܼ ܥܵܘ̣ܠܵܐ 240 ܐܲܝܟܲܢ ܙܵܟܹ̇ܝܢ ܐ̄ܢܵܫܵܐ ܕܲܛܠ݂ܲܡܘ ܦܸܬܼܓܼܵܡܲܝ̈ܗܘܿܢ ܀ 241 :ܐܸܢ ܡܲܠܲܐܟܹ̈ܐ ܪ̈ܘܼܚܵܢܵܝܹܐ ܒܗܘܿܢ ܡܸܬܿܬܿܕܲܝܼܢܝܼܢ 242 ܕܝܼܢܵܐ ܥܦܝܼܦܵܐ ܚܲܝܵܒܼ ܐܲܝܢܵܐ ܕܲܠܗܘܿܢ ܫܵܐܹ̇ܛ ܀ 243 :ܚܵܘܒܲܬܼ ܚܘܼܒܵܐ ܚܲܝܵܒܼ ܟܠܢܵܫ ܕܲܠܗܘܿܢ ܢܸܦܪܘܿܥ 244 ܕܲܚܠܵܦ ܟܠܢܵܫ ܒܵܥܹ̇ܝܢ ܪ̈ܲܚܡܹܐ ܡ̣ܢ ܚܵܐܹ̇ܢ ܟܠ ܀ 245 :ܠܗܘܿܢ ܢܸܬܼܦܲܢܸܐ ܡ̣ܢ ܫܵܡ̇ܘܿܥܹ̈ܐ ܐܲܓܼܪܵܐ ܕܚܘܼܒܵܐ 246 ܕܗܸܢܘ̣ܿܢ ܡܢܲܠܘܿܢ ܣܘܼܢܩܵܢ ܚܲܝܹ̈ܐ ܪ̈ܘܼܚܵܢܵܝܹܐ ܀ 247 :ܐܲܝܟ ܐܲܒܼܵܗܹ̈ܐ ܢܚܵܘܘܿܢ ܚܘܼܒܿܗܘܿܢ ܨܸܝܕܼ ܝܲܠܕܲܝ̈ܗܘܿܢ 248 ܘܒܼܐܘܼܟܼܠܵܐ ܕܪܘܼܚܵܐ ܢܬܲܪܣܘܿܢ ܙܵܘܥܹ̈ܐ ܚܠܵܦ ܗܲܕܵܡܹ̈ܐ ܀ 249 :ܪ̈ܵܥܵܘܵܬܼܵܐ ܕܥܸܪ̈ܒܹܿܐ ܡܠܝܼܠܹ̈ܐ ܩܪܹܝܢ ܡ̣ܢ ܡ̇ܪܲܢ 250 ܘܲܠܦܘܼܬܼ ܥܵܢ̈ܐ ܐܵܦ ܬܘܼܪܣܵܝܵܐ ܪܘܼܚܵܢܵܝܵܐ ܀ 251 :ܠܗܘܿܢ ܐܸܬܼܐܲܡܪܲܬ̤ ܗܵܝ̇ ܒܲܪ̄ܬܼ ܩܵܠܵܐ ܕܲܠܘܵܬܼ ܫܸܡܥܘܿܢ 252 ܕܢܸܪܥܘܿܢ ܥܸܪ̈ܒܹܿܐ ܘܐܸܡܪܹ̈ܐ ܡܠܝܼܠܹ̈ܐ ܘܲܢ̈ܩܵܘܵܬܼܵܐ ܀ 253 :ܫܡ݂ܲܥܘ ܒܲܪ̄̇ܬܼ ܩܵܠܵܐ ܕܗܵܘ̇ ܒܘܼܚܪܵܢܵܐ ܟܵܗܢܹ̈ܐ ܕܥܹܕܵܬܵܐ 254 ܘܚܵܘܵܘ ܚܘܼܒܵ ܕܚܵܘܝܼ ܫܸܡܥܘܿܢ ܨܹܝܕܼ ܦܵܪܘܿܩܲܢ ܀ 255 :ܪܥܵܘ ܙܲܗܝܵܐܝܼܬܼ ܐܲܝܟ ܦܘܼܩܵܕܵܢܹܗ ܕܪܵܥܝܵܐ ܛܵܒܼܵܐ 256 ܘܲܣܥܘܿܪܘ ܥܵܢܹ̈ܐ ܒܚܘܼܒܵܐ ܪܲܒܵܐ ܕܲܦܠܸܐ ܠܚܘܼܒܹܿܗ ܀ 257 :ܚܘܼܪܘ ܘܐܸܬܼܒܲܩܵܐ ܕܒܲܕܼܡܹܗ ܙܲܒܼܢܵܗ̇ ܠܥܵܢ̈ܵܐ ܕܐ̄ܢܵܫܵܐ 258 ܘܒܼܪܹܫ ܩܲܝܣܵܐ ܟܬ݂ܲܒܼ ܚܲܪܲܪ ܠܵܗ̇ ܡ̣ܢ ܥܲܒܼܕܿܘܼܬܼܵܐ ܀ 259 ܚܙܵܘ ܕܲܟܼܡܵܐ ܚܲܫ̣ ܡ̣ܢ ܛܵܠܘܿܡܹ̈ܐ ܚܠܵܦ ܡܲܪܥܝܼܬܹܗ: pb. 152 260 ܘܒܲܣܲܪ ܘܐܲܗܸܠ ܥܲܠ ܟܠ ܚܲܫܝܼ̈ܢ ܕܗܝ̤ ܠܵܐ ܬܹܐܒܲܕܼ ܀ 261 :ܒܢܝܼܫܵܐ ܕܝܼܠܹܗ ܪܲܓܼ ܕܲܢܕܲܡܘܿܢ ܪ̈ܵܚܡܲܝ ܚܘܼܒܹܿܗ 262 ܘܲܒܼܥܸܩܵܒܼܵܬܹ̈ܐ ܢܸܪܕܿܘܿܢ ܒܐܘܼܪܚܵܐ ܕܟܼܵܪܘܿܙܘܼܬܹܗ ܀ 263 :ܐܲܓܼܪܵܐ ܐܲܒܵܐ ܡ̣ܠܲܟ ܘܐܸܫܬܵܘܕܲܝܼ ܠܲܕܼܪܵܚܹ̇ܡ ܠܹܗ 264 ܕܥܲܡܹܗ ܢܸܗܘܸܐ ܒܒܼܘܼܣܵܡ ܚܲܝܹ̈ܐ ܕܠܵܐ ܫܘܼܠܵܡܵܐ ܀ 265 :ܡܲܢ ܟܟܲܝ ܐܝܼܬܼܵܘܗܝ ܕܫܲܪܝܼܪ ܚܘܼܒܹܿܗ ܘܚܲܟܿܝܼܡ ܝܲܨܪܹܗ 266 ܘܝܵ̇ܕܲܥ ܫܲܦܝܼܪ ܠܲܡܕܲܒܵܪܘܼ ܠܲܟܼ̈ܢܵܘܵܬܹܗ ܀ 267 :ܒܐܵܡܹܝܢ ܝܼܡܵܐ ܠܐܲܝܢܵܐ ܕܗܵܠܹܝܢ ܩܢܸܐ ܐܵܦ ܣܵܥܲ݁ܪ 268 ܕܟܼܠܹܗ ܥܘܼܬܼܪܵܐ ܕܡܲܠܟܿܘܼܬܼ ܪܵܘܡ̇ܐ ܡܲܓܼܥܲܠ ܒܐܝܼܕܼܵܘ̈ܗܝ ܀ 269 :ܘܥܲܡ ܦܘܼܪܥܵܢܵܐ ܕܐܲܝܢܵܐ ܕܫܲܦܝܼܪ ܦܲܪܢܸܣ ܥܘܼܬܼܪܹܗ 270 ܓܙܲܪܪ ܠܘܼܚܵܡܵܐ ܥܲܠ ܛܵܠܘܿܡܹ̈ܐ ܕܢܲܣ݂ܲܒܼܘ ܘܲܛܠܲܡ̣ܘ ܀ 271 :ܐܸܢ ܕܹܝܢ ܢܹܐܡܲܪ ܥܲܒܼܕܵܐ ܒܝܼܫܵܐ ܕܪܲܚ̣ܝܼܩ ܕܝܼܢܵܐ 272 ܢܹܐܬܸܐ ܡ̇ܪܹܗ ܘܢܸܬܼܒܲܥ ܒܐܝܼܕܼܵܘ̈ܗܝ ܛܵܠܘܿܡܘܼܬܹܗ ܀ 273 :ܬܵܘ ܟܹܝܬܼ ܥܲܒܼ̈ܕܹܿܐ ܙܒܼܝܼܢܲܝ̈ ܒܲܕܼܡ̇ܐ ܕܝܲܩܝܼܪ ܡ̣ܢ ܟܠ 274 ܨܘܼܬܼܘ ܦܸܬܼܓܼܵܡܵܐ ܕܲܡܚܲܪܪܵܢܵܐ ܕܥܲܒܼܕܿܘܼܬܼ ܓܸܢܣܲܢ ܀ 275 :ܬܵܘ ܐܸܬܼܒܲܝܲܢܘ ܒܚܹܝܠ ܣܘܼܟܵܠܵܐ ܕܲܟܼܣܸܐ ܒܡܸܠܵܘ̈ܗܝ 276 ܕܥܲܡ ܦܘܼܪܥܵܢܵܐ ܐܵܦ ܫܘܼܢܵܩܵܐ ܕܠܵܐ ܫܘܼܠܵܡܵܐ ܀ 277 :ܠܛܵܒܹ̈ܐ ܠܲܒܸܿܒ̣ ܫܒܸܡ ܦܘܼܪܥܵܢܵܐ ܕܲܥܬܼܝܼ̈ܕܼܬܼܵܐ 278 ܘܲܒܼܡܲܪ̈ܵܚܹܐ ܐܲܪܡܝܼ ܩܸܢܛܵܐ ܕܢܸܓܼ̈ܕܹܿܐ ܩ̈ܫܲܝܵܐ ܀ 279 :ܢܸܕܼܚܲܠ ܡ̇ܕܹܝܢ ܡ̣ܢ ܦܸܬܓܼܵܡܵܘ̈ܗܝ ܐܲܝܟ ܫܲܪܝܼܪܹ̈ܐ 280 ܘܠܵܐ ܢܸܬܼܪܲܦܸܐ ܕܠܵܐ ܢܸܬܼܚܲܝܲܒܼ ܥܲܡ ܚܲܝܵܒܹ̈ܐ ܀ 281 :ܫܲܪܝܼܪ ܕܝܼܢܹܗ ܘܠܵܐ ܡܸܬܿܕܲܓܼܠ ܫܘܼܘܕܵܝ ܡܸܠܵܘ̈ܗܝ 282 ܠܵܐ ܢܸܬܼܦܲܠܲܓܼ ܥܲܠ ܡܘܼܠܟܵܢܵܘ̈ܗܝ ܕܲܠܡܵܐ ܢܹܐܒܲܕܼ ܀ 283 :ܠܟܼܵܗܢܹ̈ܐ ܙܵܕܹܩ ܠܡܸܛܲܪ ܗܵܠܹܝܢ ܛܵܒܼ ܡ̣ܢ ܟܠܢܵܫ 284 ܐܲܟܿܡܵܐ ܕܲܫܒܼܝܼܚ ܕܲܪܓܼܵܐ ܕܲܩܢܹܝܢ ܛܵܒܼ ܡ̣ܢ ܟܠܢܵܫ ܀ 285 :ܐܲܝܢܵܐ ܕܝܵ̇ܕܲܥ ܨܸܒܼܝܵܢ ܡ̇ܪܹܗ ܘܠܵܐ ܥܵܒܹ̇ܕܼ ܠܹܗ 286 ܢܸܓܼ̈ܕܹܿܐ ܚܲܝܵܒܼ ܠܦܘܼܬܼ ܝܼܕܲܥܬܼܵܐ ܕܼܝܼܕܲܥ ܘܲܛܠ݂ܲܡ ܀ 287 :ܘܐܸܢ ܕܹܝܢ ܛܵܠܹ̇ܡ ܐܲܝܢܵܐ ܕܛܵܠܹ̇ܡ ܡܲܪܵܚܵܐܝܼܬܼ 288 ܢܲܦܫܹܗ ܛܵܠܹ̇ܡ ܡ̣ܢ ܛܵܒܼܵܬܼ̈ܐܐ ܕܲܡܠܝܼ̈ܟܼܵܢ ܠܹܗ ܀ 289 :ܠܨܸܒܼܝܵܢ ܢܲܦܫܹܗ ܡ̣ܠܲܟ ܦܘܼܪܥܵܢܵܐ ܕܥܬܼܝܼ̈ܕܼܵܬܼܵܐ 290 ܘܗܘ̤ ܡܸܬܼܢܲܓܲܕܼ ܐܲܝܟ ܝܵܕܲܘܿܥܵܐ ܕܝܼܕܲܥ ܘܐܲܣܟܸܿܠ ܀ 291 :ܟܵܗܢܵܐ ܕܡܲܣܟܸܿܠ ܪܲܒܿ ܩܘܼܛܪܵܓܹܗ ܘܲܩܫܸܐ ܢܸܓܼܕܹܿܗ 292 ܘܠܦܘܼܬܼ ܕܵܪܓܹܗ ܐܵܦ ܫܘܼܢܵܩܹܗ ܐܵܦ ܪܘܼܡܪܵܡܹܗ ܀ 293 :ܒܪܲܒܿܘܼܬܼ ܕܲܪܓܼܵܐ ܕܫܸܡ ܟܵܗܢܘܼܬܼܵܐ ܨܒܹ̇ܝܬܼ ܕܐܹܩܲܠܸܣ 294 ܘܙܲܩ̣ܬܲܢܝ ܚܲܫܵܐ ܕܲܚܙܹ̇ܝܬܼ ܕܲܙܥܲܪ ܒܠܵܐ ܝܼܕܲܥܬܼܵܐ ܀ 295 ܬܸܗܪܹܬܼ ܕܲܚܙܹ̇ܝܬܼ ܪܲܒܿܘܼܬܼ ܫܘܼܒܼܚܵܐ ܕܐܲܝܠܹܝܢ ܕܲܢܨܲܚ̣ܘ: pb. 153 296 ܘܚܸܫܹ̇ܬܼ ܘܐܲܟܼܪܝܼܬܼ ܠܘܼܩܒܲܠ ܨܲܥܪܵܐ ܕܐܲܝܠܹܝܢ ܕܐܲܫܦܸܠܘ ܀ 297 :ܟܡܵܐ ܕܪܲܒܵܐ ܗ̄ܘ̣ܵܬܼ ܪܲܒܵܢܘܼܬܼܗܘܿܢ ܡ̣ܢ ܟܠ ܕܲܪ̈ܓܼܝܼܢ 298 ܗܵܟܲܢ ܙܸܥܪܲܬ̤ ܕܠܵܐ ܡܘܼܫ̈ܚܵܬܼܵܐ ܡ̣ܢ ܟܠ ܕܲܪ̈ܓܼܝܼܢ ܀ 299 :ܓܲܙܵܐ ܕܪܘܼܚܵܐ ܡܲܓܼܥܲܠ ܗ̄ܘ̣ܵܐ ܠܗܘܿܢ ܠܲܡܕܲܒܵܪܘܼ 300 ܘܫܵܛ̣ܘܼܗܝ ܣܲܟܼܠܹ̈ܐ ܕܠܵܐ ܝ̄ܕܲܥܘ̣ ܠܡܸܦܪܲܫ ܚܹܝܠ ܪܲܒܿܘܼܬܹܗ ܀ 301 :ܩܠܝܼ̈ܕܹܐ ܕܪܵܘܡ̇ܐ ܝܲܗ̣̄ܒܼ ܒܐܝܼܕܲܝ̈ܗܘܿܢ ܪܸܡܙܵܐ ܟܲܣܝܵܐ 302 ܘܟܼܵܗܢܹ̈ܐ ܚܲܪ̈ܡܹܐ ܐܸܚܲܕܼܘ ܬܲܪܥܵܐ ܩܕܼܵܡ ܥܵܠܘܠܹ̈ܐ ܀ 303 :ܥܵܘ̣ܠܵܐ ܕܐ̄ܢܵܫܵܐ ܡܲܦܲܣ ܗ̄ܘ̣ܵܐ ܠܗܘܿܢ ܠܲܡܚܲܣܵܝܘܼ 304 ܘܲܥܫܸ݂ܢ ܥܵܘ̣ܠܵܐ ܕܲܡܚܲܣܝܵܢܹ̈ܐ ܛܵܒܼ ܡ̣ܢ ܛܲܡ̈ܠܹܐ ܀ 305 :ܢܗܘܼܪܵܐ ܘܡܸܠܚܵܐ ܩ̣ܪܵܗ̇ ܪܲܒܿܟܿܘܼܡܪܹ̈ܐ ܟܲܕܼ ܝܵܗܹ̇ܒܼ ܠܵܗ̇ 306 ܘܲܚ̣ܫܸܟ ܢܘܼܗܪܵܗ̇ ܘܲܦܟܲܗ̣ ܛܲܥܡܵܗ̇ ܒܝܲܕܼ ܢܵܣܘܿܒܹ̈ܝܗ̇ ܀ 307 :ܠܡܸܬܲܠ ܚܲܝܹ̈ܐ ܠܡܵܝܘܿܬܼܘܼܬܼܵܐ ܙܲܡܸܢ ܘܲܩ̣ܪܵܗ̇ 308 ܘܗܵܐ ܡܝܼܬܿܬ̤ ܗܝ̤ ܒܝܲܕܼ ܣܘܼܥܪ̈ܵܢܹܐ ܕܲܫܟܼܝܼܪ̈ܵܬܼܵܐ ܀ 309 :ܙܲܪܥܵܐ ܛܵܒܼܵܐ ܡܩܲܒܲܠ ܗ̄ܘ̣ܵܐ ܠܵܗ̇ ܕܬܲܪܡܸܐ ܒܐܲܪܥܵܐ 310 ܘܦܵܫ̣ܘ ܦܲܠܵܚܹ̈ܐ ܡ̣ܢ ܦܘܼܠܚܵܢܵܐ ܕܡܸܠܲܬܼ ܩܘܼܫܬܵܐ ܀ 311 :ܠܘܼܩܒܲܠ ܚܲܬܼܢܵܐ ܪܘܼܚܵܢܵܝܵܐ ܢܲܦܝܼܩܵܐ ܗ̄ܘ̣ܵܬܼ 312 ܘܲܕܼܡܸܟܼܘ ܡܵܗܢܹ̈ܐ ܘܲܕܼܥܥܸܟ ܢܘܼܗܪܵܐ ܕܠܲܡܦܹܝܕܲܝ̈ܗܘܿܢ ܀ 313 :ܡܸܫܚܵܐ ܕܪ̈ܲܚܡܹܐ ܚ̣ܣܲܪ ܡ̣ܢ ܡ̇ܐܢܹ̈ܐ ܕܣܘܼܥܪ݁ܵܢܲܝܗܘܿܢ 314 ܘܠܵܐ ܢܣ݂ܲܒܼܘ ܪ̈ܲܚܡܹܐ ܕܠܵܐ ܚܲܢ̣ܘ ܘܲܫܒ݂ܲܩܘ ܚܲܟܿܝܼܡܵܐܝܼܬܼ ܀ 315 :ܒܬܼܘܼܠܹ̈ܐ ܣܲܟܼ̈ܠܹܐ ܫܲܡܲܗ ܐܸܢܘܿܢ ܠܲܕܼܠܵܐ ܚܵܘܣܵܢ 316 ܕܲܢܛܲܪܘ ܦܲܓܼܪܵܐ ܘܠܵܐ ܐܸܬܼܩܲܕܼܫܘ ܡ̣ܢ ܚܲܪܢܘܼܬܼܵܐ ܀ 317 :ܡ̇ܢܵܐ ܢܹܐܬܲܪ ܐܲܝܢܵܐ ܕܦܲܓܼܪܹܗ ܒܕܲܟܼܝܘܼ ܢܵܛ̇ܲܪ 318 ܐܸܢ ܪܸܥܝܝܵܢܹܗ ܠܵܐ ܢܸܬܿܕܲܟܸܿܐ ܡ̣ܢ ܣܲܢ̈ܝܵܬܼܵܐ ܀ 319 :ܡ̇ܢ ܢܸܬܼܥܲܕܲܪ ܡܵܗܢܵܐ ܕܲܥܛܝܼܦ ܫܸܡ ܟܵܗܢܘܼܬܼܵܐ 320 ܐܸܢ ܠܵܐ ܫܵܛܹ̇ܡ ܥܒܼܵܕܼܵܐ ܕܲܠܓܼܵܘ ܠܲܫܡܵܐ ܕܲܒܠܲܪ ܀ 321 :ܥܒܼܵܕܼܵ݁ܐ ܗ̄ܘ̣ ܪܲܒܵܐ ܫܸܡ ܟܵܗܢܘܼܬܼܵܐ ܘܠܵܐ ܫܘܼܠܛܵܢܵܐ 322 ܘܲܒܼܣܘܼܥܪ݁ܵܢܹܐ ܚܲܝܵܒܼ ܐܲܝܢܵܐ ܕܢܸܩܪܘܿܒܼ ܨܹܐܕܹܝܗ̇ ܀ 323 :ܦܵܘܠܘܿܣ ܡܲܠܸܦ ܠܲܕܼܪܵܐܹ̇ܓܓܼ ܠܵܗ̇ ܕܐܲܝܟܲܢ ܢܸܩܪܘܿܒܼ 324 ܕܐܲܝܢܵܐ ܕܪܵܐܹ̇ܓܼ ܩܲܫܝܼܫܘܼܬܼܵܐ ܥܒܼܵܕܵ݁ܐ ܪܵܐܹ̇ܓܼ ܀ 325 :ܟܵܗܢܹ̈ܐ ܛܲܠܡ̣ܘܗ̇ ܠܡܸܠܲܬܼ ܦܵܘܠܘܿܣ ܡ̇ܢܵܐ ܓܲܒܼܝܵܐ 326 ܘܪܲܓܼܘ ܫܘܼܠܛܵܢܵܐ ܘܲܣܢ̣ܵܘ ܥܲܡܠܵܐ ܕܡܲܩܢܸܐ ܚܲܝܹ̈ܐ ܀ 327 :ܠܲܫܡܵܐ ܐܲܚܸܒܼܘ ܡܸܛܠ ܚܘܼܒܵܐ ܕܐܲܪ̈ܥܵܢܝܝܵܬܼܵܐ 328 ܘܫܵܛ̣ܘ ܣܘܼܪ݁ܵܢܹܐ ܕܝܲܩܝܼܪ݁ܵܬܼܵܐ ܘܝܲܩܲܪܘ ܙܹܐܦܵܐ ܀ 329 :ܙܹܐܦܵܐ ܝܲܩܲܪܘ ܛܵܒܼ ܡ̣ܢ ܩܘܼܫܬܵܐ ܕܝܲܩܲܪ ܐܸܢܘܿܢ 330 ܘܟܲܕܵܒܼܵܐܝܼܬܼ ܫܦ݂ܲܪܘ ܘܐܸܬܼܩܲܠܲܣܘ ܠܥܹܝܢ ܚܲܙܵܝܹ̈ܐ ܀ pb. 154 331 :ܢܣ݂ܲܒܼܘ ܡܵܘܗܲܒܼܬܼܵܐ ܕܠܵܐ ܡܸܙܕܲܒܲܢܵܐ ܒܐܲܪ̈ܥܵܢܵܝܹܬܼܵܐ 332 ܘܲܢܣ݂ܲܒܼܘ ܙܲܒܿܢܘܼܗ̇ ܒܟܸܣܦܵܐ ܢܟܼܝܼܠܵܐ ܠܲܕܼܠܵܐ ܫܵܘܹ̇ܝܢ ܀ 333 :ܒܟܸܣܦܵܐ ܡܝܼܬܼܵܐ ܘܠܵܐ ܝܲܗ̣̄ܒܼܘ ܡ̇ܘܗܲܒܼܬܼܵܐ ܡܲܠܝܲܬܼ ܚܲܝܹ̈ܐ 334 ܘܲܢܣ݂ܲܒܼܘ ܡܝܼܬܹ̈ܐ ܕܡܝܼܬܼܘ ܒܲܚܛܝܼܬܼܵܐ ܘܠܵܐ ܐܸܬܼܚܲܣܝܼܘ ܀ 335 :ܐܵܘܚܸܕܼܘ ܫܲܒܼܛܵܐ ܕܪ̈ܘܼܚܵܢܝܵܬܼܵܐ ܒܐܝܼܕܲܝ̈ ܣܲܟܼܠܹ̈ܐ 336 ܘܩܵܡ̣ܘ ܗܸܕܼܝܘܿܛܹ̈ܐ ܒܪܹܫ ܡܲܪܥܝܼܬܼܵܐ ܠܲܡܕܲܒܵܪܘܼ ܀ 337 :ܪܵܥܝܵܐ ܒܘܿܪܵܐ ܐܲܪܝܼܡ ܚܘܼܛܪܹܗ ܥܲܠ ܕܐܲܟܼܘܵܬܹܗ 338 ܘܲܗܘ̤ܵܐ ܪܹܫܵܐ ܛܠܹܐ ܪܸܥܝܵܢܵܐ ܠܥܲܡܵܐ ܫܲܒܼܪܵܐ ܀ 339 :ܣܒܲܪ ܚܲܠܵܫܵܐ ܕܥܸܪ̈ܒܹܿܐ ܪܵܥܹ̇ܐ ܘܠܵܐ ܠܲܡܝܼܠܹ̈ܐ 340 ܘܐܲܝܟ ܕܲܠܚܲܪ̈ܫܹܐ ܡܕܲܒܲܪ ܐܸܢܘܿܢ ܒܐܲܪ̈ܥܵܢܵܝܵܬܼܵܐ ܀ 341 :ܪܢ̣ܵܐ ܠܹܗ ܣܲܟܼܠܵܐ ܕܫܲܠܝܼܛܘܼܬܼܵܐ ܡܕܲܒܼܪ ܒܐܲܪܥܵܐ 342 ܘܫܲܪܝܼ ܬܵܒܲܥ݁ ܫܸܩܠܹ̈ܐ ܕܥܵܢ̈ܵܐ ܒܲܕܼܡܘܼܬܼ ܡܲܠ̈ܟܹܿܐ ܀ 343 :ܠܵܐ ܗܘ̤ ܝܵ̇ܕܲܥ ܡ̇ܢ̇ܵܘ ܢܝܼܫܵܐ ܕܫܸܡ ܫܘܼܠܛܵܢܹܗ 344 ܘܠܵܐ ܡܲܪܥܝܼܬܼܵܐ ܩܢܵܬ̤ ܒܘܼܝܵܢܵܐ ܕܐܲܝܟܲܢ ܬܸܚܸܐ ܀ 345 :ܣܲܡܝܵܐ ܕܲܣܡܸܐ ܡ̣ܢ ܝܼܕܲܥܬܼܵܐ ܠܒܼܝܼܟ ܠܲܣ̈ܡܲܝܵܐ 346 ܘܫܲܪܝܼܘ ܪܵܕܹܝܢ ܒܐܘܼܪܚܵܐ ܕܬܼܵܘܫܵܐ ܕܠܵܐ ܒܘܼܝܵܢܵܐ ܀ 347 :ܕܠܵܐ ܝܼܕܲܥܬܼܵܐ ܡܕܲܒܲܪ ܣܲܟܼܠܵܐ ܠܲܟܼ̈ܢܵܘܵܬܹܗ 348 ܘܐܲܝܟ ܕܲܒܼܚܸܫܟܵܐ ܪܵܕܹܐ ܒܐܘܼܪܚܵܐ ܕܠܵܐ ܝܼܕܲܥܬܼܵܐ ܀ 349 ܨܹܐܕܼܵܘܗܝ ܫܸܠܡܲܬ̤ ܗܵܝ̇ ܕܲܟܼܬܼܝܼܒܼܵܐ ܒܲܬܒܼܝܼܘܼܬܼܵܐ ܀ 350 ܕܗܵܘܹ̇ܐ ܟܵܗܢܵܐ ܕܠܵܐ ܝܼܕܲܥܬܼܵܐ ܒܲܕܼܡܘܼܬܼ ܥܲܡܵܐ ܀ 351 :ܟܵܗܢܵܐ ܫܠܸܡ̣ܘ ܠܲܚܕܼܵܕܹ̈ܐ ܒܲܕܼܠܵܐ ܦܲܐ̈ܝܵܢ 352 ܘܲܛܥ̣ܵܘ ܐܘܼܪܚܵܐ ܘܦܵܫ̣ܘ ܡ̣ܢ ܪܲܗܛܵܐ ܕܨܹܝܕܼ ܟܹܐܢܘܼܬܼܵܐ ܀ 353 :ܐܵܦ ܟܹܐܢܘܼܬܼܵܐ ܕܲܚܙܵܬ̤ ܕܲܛܥ̣ܵܘ ܠܒܲܪ ܡ̣ܢ ܛܲܟܼܣܵܐ 354 ܠܸܛܫܲܬ̤ ܣܲܝܦܵܗ̇ ܠܘܼܩܒܲܠ ܥܵܘ̣ܠܵܐ ܕܣܘܼܥܪ݁ܵܢܲܝܗܘܿܢ ܀ 355 :ܥܵܘ̣ܠܵܐ ܕܡܼܵܗܢܹ̈ܐ ܘܲܕܼܡܲܪܥܝܼܬܼܵܐ ܚܙܵܬ̤ ܘܐܸܬܼܟܲܡܪܲܬ̤ 356 ܘܐܸܚܕܲܬ̤ ܬܲܪܥܵܐ ܕܠܵܐ ܢܦܝܼܣܘܼܢܵܗ̇ ܪ̈ܲܚܡܹܐ ܚܠܵܦܲܝܢ ܀ 357 :ܠܒܲܪ ܡ̣ܢ ܬܲܪܥܵܐ ܕܪ̈ܲܚܡܹܐ ܩܵܝ̇ܡܵܐ ܒܵܥܘܼܬܼ ܐ̄ܢܵܫܵܐ 358 ܘܲܟܼܠܹܝܢ ܪ̈ܲܚܡܹܐ ܒܐܲܦܲܝ̈ ܬܲܪܥܵܐ ܕܪܸܡܙܵܐ ܟܹܐܢܵܐ ܀ 359 :ܬܵܘ ܟܹܝܬܼ ܐ̄ܢܵܫܵܐ ܢܦܝܼܣ ܥܲܠ ܥܵܘ̣ܠܲܢ ܥܲܕܼ ܚܲܝܝܼܢܲܢ 360 ܕܠܵܐ ܢܸܬܼܚܲܝܲܒܼ ܒܲܓܼܙܵܪ ܕܝܼܢܵܐ ܕܠܵܐ ܫܘܼܠܵܡܵܐ ܀ 361 :ܬܵܘ ܢܸܒܼܢܸܐ ܠܲܢ ܣܝܵܓܼܵܐ ܕܪ̈ܲܚܡܹܐ ܩܕܼܵܡ ܟܹܐܢܘܼܬܼܵܐ 362 ܕܕܲܡ ܬܸܬܼܪܲܥܸܐ ܘܬܸܥܛܸܐ ܥܵܘ̣ܠܲܢ ܡ̣ܢ ܓܵܘ ܣܸܦܪܵܗ̇ ܀ 363 ܟܵܗܢܹ̈ܐ ܢܸܗܘܘܿܢ ܐܲܝܟ ܡܸܨܥܵܝܹ̈ܐ ܒܝܲܕܼ ܡܸܠܲܝ̈ܗܘܿܢ: pb. 155 364 ܘܒܲܕܼܡܘܼܬܼ ܫܘܼܚܕܼܵܐ ܢܩܲܪܒܼܘܼܢ ܚܲܫܹ̈ܐ ܕܪܸ̈ܥܝܵܢܲܝܗܘܿܢ ܀ 365 :ܠܗܘܿܢ ܗ̄ܘ̣ ܙܵܕܹܩ ܠܲܡܩܲܪܵܒܼܘܼ ܕܸܒܼܚܹ̈ܐ ܕܚܘܼܒܵܐ 366 ܘܠܲܡܚܲܣܵܝܘܼ ܥܵܘ̣ܠܵܐ ܕܐ̄ܢܵܫܵܐ ܘܕܲܩܢܘܿܘܿܡܲܝ̈ܗܘܿܢ ܀ 367 :ܠܗܘܿܢ ܗ̄ܘ̣ ܡܲܦܲܣ ܠܡܸܦܬܲܚ ܬܲܪܥܵܐ ܩܕܼܵܡ ܚܲܛܝܹ̈ܐ 368 ܐܲܝܟ ܓܹܐܙܲܒܼܪܹ̈ܐ ܕܓܲܙܵܐ ܪܲܒܵܐ ܕܠܵܐ ܡܸܣܬܲܝܲܟ ܀ 369 :ܗܸܢܘ̣ܿܢ ܢܸܗܘܘܿܢ ܐܲܝܟ ܠܸܫܵܢܵܐ ܠܲܡܬܲܪܓܵܡܘܼ 370 ܘܢܲܦܩܘܼܢ ܪܘܼܚܵܐ ܩܕܼܵܡ ܕܲܝܵܢ̇ܵܐ ܒܵܚܲ݁ܪ ܥܥܵܘ̣ܠܵܐ ܀ 371 :ܢܹܐܡܲܪ ܟܵܗܢܵܐ ܨܹܝܕܼ ܡܲܪܥܝܼܬܹܗ ܗܵܝ̇ ܩܵܠܵܐ 372 ܕܬܼܘܼܒܼܘ ܚܲܛܵܝܹ̈ܐ ܕܢܲܐܣܘܿܢ ܪ̈ܲܚܡܹܐ ܟܠ ܚܵܘܒܲܝ̈ܟܿܘܿܢ ܀ 373 :ܣܲܒܼܪܵܐ ܕܚܲܝܹ̈ܐ ܢܸܙܪܘܿܥ ܟܠܫܵܥ ܒܐܸܕܼܢܲܝ̈ ܟܠܢܵܫ 374 ܘܲܢܣܝܼܡ ܣܲܡܵܐ ܬܘܵܬܼ ܪܸܥܝܵܢܵܐ ܠܟܹܐܒܹ̈ܐ ܕܢܲܦܫܵܐ ܀ 375 :ܢܸܚܲܫ ܥܲܠ ܟܠ ܘܢܲܟܼܪܸܐ ܥܲܠ ܟܠ ܐܲܝܟ ܦܵܪܘܿܫܵܐ 376 ܘܕܝܼܠܹܗ ܢܸܚܫܘܿܒܼ ܚܲܫܹ̈ܐ ܕܚܲܒܼܪ̈ܵܘܗܝ ܒܲܕܼܡܘܼܬܼ ܦܵܘܠܘܿܣ ܀ 377 :ܫܛܵܪܵܐ ܟܬܼܝܼܒܼ ܠܹܗ ܚܠܵܦ ܚܵܘ̈ܒܵܬܼܵܐ ܕܲܒܼܢܲܝ̈ ܓܸܢܣܹܗ 378 ܘܚܲܝܵܒܼ ܕܢܸܦܪܘܿܥ ܚܵܘܒܲܬܼ ܚܘܼܒܵܐ ܠܲܡܝܲܩܪܵܢܹܗ ܀ 379 :ܠܕܲܪܓܼܵܐ ܪܵܡ̇ܐ ܩܲܪܒܼܘܼܗܝ ܪ̈ܲܚܡܹܐ ܠܥܸܠ ܡ̣ܢ ܚܲܒܼܪ̈ܵܘܗܝ 380 ܢܲܠܦܘܼܬܼ ܕܲܪܓܹܗ ܢܚܵܘܸܐ ܥܲܡܠܵܐ ܕܲܦܠܸܐ ܠܲܫܡܹܗ ܀ 381 :ܫܡܹܗ ܒܘܼܕܵܩܵܐ ܗ̄ܘ̣ ܕܲܚܠܵܦ ܐ̄ܢܵܫܵܐ ܣܝܼܡ ܕܲܢܟܲܗܸܢ 382 ܘܙܵܕܹܩ ܗ̄ܘ̣ ܠܹܗ ܕܢܸܫܠܲܡ ܠܲܫܡܹܗ ܒܝܲܕܼ ܣܘܼܥܪ̈ܵܢܹܐ ܀ 383 :ܟܸܣܦܵܐ ܕܪ̈ܲܚܡܹܐ ܡܲܓܼܥܲܠ ܒܐܝܼܕܼܵܘ̈ܗܝ ܠܲܡܦܲܠܵܓܼܘܼ 384 ܘܐܸܢ ܗܘ̤ ܕܟܼܵܐܹ̇ܡ ܫܵܡܲ݁ܥ ܩܵܠܵܐ ܕܥܲܒܼܕܵܐ ܗ̄ܘ̣ ܒܝܼܫܵܐ ܀ 385 :ܐܵܦ ܗܵܘ̇ ܕܲܫܩ݂ܲܠ ܟܲܟܿܪܵܐ ܘܛܲܫܝܼ ܣܒ݂ܲܪ ܕܐܸܬܼܦܲܠܲܛ 386 ܘܨܵܕܹܗ ܪܸܡܙܵܐ ܕܕܼܝܼܢܵܐ ܟܲܣܝܵܐ ܒܦܘܼܢܵܝ ܡܸܠܵܘ̈ܗܝ ܀ 387 :ܥܲܒܼܕܼܵܐ ܒܝܼܫܵܐ ܩܪ̣ܵܝܗܝ ܐܵܦ ܡ̇ܪܹܗ ܠܦܘܼܬܼ ܒܝܼܫܘܼܬܹܗ 388 ܕܲܢܣ݂ܲܒܼ ܡܲܓܵܢ ܘܠܵܐ ܝܲܗ̣̄ܒܼ ܡܲܓܵܢ ܐܲܟܼܡܵܐ ܕܲܢܣ݂ܲܒܼ ܀ 389 :ܠܗܵܝ̇ ܒܲܪ̄ܬܼ ܩܵܠܵܐ ܢܨܘܼܬܼܘܼܢ ܟܵܗܢܹ̈ܐ ܦܵܪܘܿܫܵܐܝܼܬܼ 390 ܘܢܲܪܡܘܿܢ ܟܸܣܦܵܐ ܕܡܸܠܲܬܼ ܚܲܝܹ̈ܐ ܒܫܵܡܘܿܥܲܝ̈ܗܘܿܢ ܀ 391 :ܐܵܦ ܫܵܡܘܿܥܹ̈ܐ ܢܩܲܒܿܠܘܼܢ ܙܲܪܥܵܐ ܕܦܸܬܼܓܼܵܡܲܝ̈ܗܘܿܢ 392 ܕܠܵܐ ܢܸܬܼܚܲܝܒܼܘܼܢ ܥܲܡ ܛܵܠܘܿܡܹ̈ܐ ܕܲܢܣ݂ܲܒܼܘ ܘܲܛܠܲܡ̣ܘ ܀ 393 ܒܚܘܼܒܵܐ ܢܨܘܼܬܼܘܼܢ ܩܵܠ ܟܘܼܘܵܢܵܐ ܕܡ̣ܢ ܡܸܠܲܝ̈ܗܘܿܢ: pb. 156 394 ܕܠܵܐ ܢܸܬܼܥܲܕܿܠܘܼܢ ܡ̇ܐ ܕܡܸܬܼܢܲܓܿܕܼܝܼܢ ܚܠܵܦ ܚܵܘܒܲܝ̈ܗܘܿܢ ܀ 395 :ܒܗܲܢܝܼܐܘܼܬܼܵܐ ܢܩܲܒܸܿܠ ܟܠܢܵܫ ܬܘܼܪܵܨ ܥܲܡܠܹܗ 396 ܘܗܘ̤ ܢܸܬܼܟܲܫܲܦ ܠܐܵܣܝܵܐ ܕܲܢܣܝܼܡ ܣܲܡܵܐ ܠܫܘܼܚܢܹܗ ܀ 397 :ܐܵܣܝܵܐ ܗ̄ܘ̣ ܟܵܗܢܵܐ ܕܡܲܐܣܸܐ ܟܹܐܒܹ̈ܐ ܕܲܒܼܓܼܵܘ ܢܲܦܫܵܐ 398 ܘܨܹܐܕܼܵܘܗܝ ܙܵܕܹܩ ܕܢܸܪܗܲܛ ܟܠܫܵܥ ܟܪܝܼܗ ܪܸܥܝܵܢܵܐ ܀ 399 :ܣܲܡܵܐ ܕܪܘܼܚܵܐ ܝܵ̇ܕܲܥ ܕܲܢܣܲܝܼܡ ܥܲܠ ܚܘܼܫܵܒܹ̈ܐ 400 ܘܓܼܵܙܲ݁ܪ ܥܵܘ̣ܠܵܐ ܒܦܲܪܙܲܠ ܪ̈ܲܚܡܹܐ ܐܲܠܵܗܵܝܹ̈ܐ ܀ 401 :ܟܪ̈ܝܼܗܲܝ ܢܲܦܫܵܐ ܬܵܘ ܐܸܬܼܩܲܪܲܒܼܘ ܨܹܝܼܕ ܝܵܕܼܘܿܥܹ̈ܐ 402 ܘܚܵܘܵܘ ܡܘܼܡܹ̈ܐ ܕܪܸ̈ܥܝܵܢܲܝܟܿܘܿܢ ܠܪܸܡܙܵܐ ܟܲܣܝܵܐ ܀ 403 :ܚܵܙܩܲܝ̈ ܒܐܘܼܪܚܵܐ ܬܵܘ ܐܸܬܼܠܵܘܵܘ ܥܲܡ ܚܲܟܿܝܼܡܹ̈ܐ 404 ܘܲܪܕܼܵܘ ܫܲܦܝܼܪ ܠܘܲܥܕܼܵܐ ܕܚܲܝܹ̈ܐ ܕܠܵܐ ܫܘܼܠܵܡܵܐ ܀