On the Flood - ܥܲܠ ܛܵܘܦܵܢܵܐ

1 :ܚܲܟܿܝܼܡ ܘܲܫܒܼܝܼܚ ܒܵܪܘܿܝܵܐ 2 ܕܡ̣ܢ ܠܵܐ ܡܕܡ ܬܩܢ ܟܠ. 3 :ܘܚܵܘܝܼ ܚܲܝܠܹܗ ܒܥܒܕ̈ܘܗܝ 4 ܕܐܸܡ݂ܲܪ ܘܐܸܬܼܵܘ ܠܲܗܘܝܵܐ܀ 5 :ܟܣܹܐ ܗ̄ܘ̣ܵܐ ܥܘܼܬܼܪܹܗ ܒܝܼܕܲ ܥܬܹܗ 6 ܩܕܼܵܡ ܬܘܼܩܵܢܵܐ ܕܒܸܪ̈ܝܵܬܹܗ. 7 :ܘܲܓܼܠ̣ܵܝܗܝ ܚܘܼܒܹܿܗ ܠܨܒܼܝܵܢܹܗ 8 ܘܐܲܫܦܲܥ ܥܲܠ ܟܠ ܡܵܘܗܲܒܼܬܹܗ܀ 9 :ܒܛܲܟܼܣܵܐ ܬܲܩܸܢ ܟܠܡܹܗ 10 ܘܠܵܐ ܥܒ݂ܲܕ ܡܸܕܼܵܡ ܚܲܣܝܼܪ̈ܐ. 11 :ܕܒܲܟܼܝܵܢܹܗ ܓܡܝܼܪܵܐ ܐܝܼܬܼܵܘܗܝ 12 ܓܡܝܼܪ ܩܵܢܹܗ ܘܲܡܫܲܠܲܝ܀ 13 :ܙܲܒܼܢܵܐ ܦܣܝܼܩ ܗ̄ܘ̣ܵܐ ܒܝܲܕܼܥܬܹܗ 14 ܕܐܸܡܲܬܼܝ ܘܒܪܹܐ ܒܸܪ̈ܝܵܬܼܵܐ. 15 ܘܟܲܣܝܵܐ ܗ̄ܘ̣ܵܬܼ ܦܪܘܿܬܼܘܿܙܡܝܼܵܐ 16 ܥܲܡ ܟܲܣܝܘܼܬܼܵܗ ܕܲܟܼܝܵܢܹܗ܀ 17 :ܓܠ̣ܵܐ ܟܲܣܝܘܼܬܹܗ ܒܲܥܒܼܵܕܼܵܘ̈ܗܝ 18 ܘܚܵܘܝܼ ܚܲܝܠܹܗ ܒܬܼܘܼܩܵܢܹܗ. pb. f.92v 19 :ܘܲܩܥ̣ܵܘ ܠܹܗ ܟܸܢܫܲܝ̈ ܪܵܘܡܵܐ 20 ܫܒܼܝܼܚ ܒܵܪܘܿܝܵܐ ܒܟܼܠ ܕܲܒܼܪܵܐ܀ 21 :ܒܝܲܕܼ ܬܼܘܼܩܵܢܵܐ ܕܥܒܼܕܼܘ̈ܗܝ 22 ܐܲܠܸܦ ܐܸܢܘܿܢ ܠܲܡܠ̈ܝܼܠܹܐ. 23 :ܕܚܲܕܼ ܗ̄ܘ̣ ܚܲܝܠܵܐ ܕܬܲܩܸܢ ܟܠ 24 ܘܠܵܐ ܗ̄ܘ̣ܵܐ ܡܸܕܼܡ ܒܸܠܥܵܕܵܘܗܝ܀ 25 :ܚܲܕܼ ܓܘܼܫܡܵܐ ܘܲܥ̣ܒܲܕ [ܗ̄ܘ̣ܵܐ] ܘܪܲܟܸܿܒܼ 26 ܠܲܡܠܝܼ̈ܠܹܐ ܘܲܠܫܲܬܼܝ̈ܩܐ. 27 :ܘܐܲܣܪܹܗ ܠܟ̣ܠܹܗ ܬܘܼܩܵܢܹܗ 28 ܒܪܘܼܟܵܒܼܲܐ ܕܨܲܠܡܹܗ ܕܐܵܕܼܵܡ܀ 29 :ܥܲܒܼܕܹܗ ܠܨܲܠܡܵܐ ܡܲܚܙܝܼܬܼܵܐ 30 ܕܢܚܘܪܘܢ ܒܗ ܬܘܩܵܢܵܘ̈ܗܝ. 31 :ܕܒܨܠܡܵܐ ܓܲܠܝܵܐ ܢܚܙܘܢ 32 ܟܲܣܝܘܼܬܹܗ ܕܠܵܐ ܡܸܬܕܼܪܢܵܐ܀ 33 :ܒܨܲܠܡܹܗ ܐܲܠܸܦ ܠܲܡܠܝܼ̈ܠܹܐ 34 ܕܲܟܼܡܵܐ ܪܵܚܸ̇ܡ ܬܘܩܢܘܗܝ. 35 :ܘܒܓܙܪ ܕܝܼܢܵܐ ܕܣܲܟܼܠܘܼܬܼܵܐ 36 ܚܵܘܝܼ ܕܪܵܚܸ̇ܡ ܟܹܐܢܘܬܼܵܐ ܗ̄ܘ̣܀ 37 :ܪܓܵܝ̣ܗܝ ܠܐܵܕܼܵܡ ܕܫܛ̣ ܦܘܼܩܕܵܢܵܐ 38 ܘܐܣܠܝܼ ܠܩܵ ܐܹܝܢ ܥܲܠ ܕܲܩܛܲܠ. 39 :ܘܚܵܘܝܼ ܚܵܘܼܒܹܿܗ ܘܟܹܐܢܘܼܬܹܗ 40 ܕܪܵܕܹܐ ܘܩܵܢܹ̇ܐ ܘܠܵܐ ܡܚܲܒܸܿܠ܀ 41 :ܚܵܘܝܼ ܐܸܢܘܿܢ ܐܸܢܘܿܢ ܟܹܐܢܘܼܬܹܗ 42 ܕܣܵܢܹ̇ܿܐ ܥܵܘܠܵܐ ܘܲܚܛܝܼܬܼܵܐ. 43 :ܘܚܵܘܝܼ ܐܢܘܢ ܛܵܒܼܘܬܹܗ 44 ܕܟܼܡܵܐ ܪܵܚܸ̇ܡ ܬܝܒ̈ܐ܀ 45 ܐܲܝܟ ܫܲܒܼܪܹ̈ܐ ܠܝܲܕܼ ܥܬܼܐ܀ 46 :ܒܫܲܒܼܛܵܐ ܕܲܥ̣ܒܪ ܦܘܼܩܕܢܐ 47 ܢܲܓܸܕ ܐܸܢܘܿܢ ܠܲܦܫܝܼ̈ܛܹܐ. 48 :ܘܚܲܫܵܐ ܚܲܬܼܘܼܵܬܼ ܪܸܥܝܵܢܵܐ 49 ܐܲܠܸܦ ܐܸܢܘܿܢ ܘܵܠܝܼܬܼܵܐ܀ 50 :ܒܲܝܲܐ ܐܢܘܿܢ ܚܲܢܵܢܵܐ 51 ܒܝܲܕܼ ܓܸܠܝܢ̈ܐ ܪ̈ܘܼܚܵܢܹܐ. 52 :ܟܲܕܼ ܡܸܬܼܢܚܸܬܼ ܨܐܕܲܝܗܘܿܢ 53 ܒܲܡܢܵܘ̈ܵܬܼܵܐ ܘܕܼܡܘܵܬܹ̈ܐ܀ 54 :ܒܝܲܕܼ ܚܲܕܼ ܕܐܲܫܦܲܪ ܕܘܼܒܵܘ̈ܗܝ 55 ܐܲܦܢܝܼ ܐܸܢܘܿܢ ܨܝܕ ܚܘܼܒܹܿܗ. 56 :ܘܲܒܼܝܲܕܼ ܣܲܒܼܪܵܐ ܕܫܘܼܢܵܝܹܗ 57 ܦܲܟܲܗ ܠܡܸܪܬܼܵܐ ܕܪ̈ܲܓܿܝܼܙܹܐ܀ 58 :ܒܲܚܢܘܹܟ ܕܲܫ̣ܦܲܪ ܘܐܸܫܬܲܢܝܼ 59 ܚܵܘܝܼ ܚܘܼܒܹܿܗ ܨܐܕܲܝܗܘܿܢ. 60 :ܕܠܵܐ ܗ̄ܘ̣ܵܐ ܠܲܟܼܝܵܢܵܐ ܣܵܢܹ̇ܐ 61 ܐܸܠܵܐ ܠܥܵܘܠܵܐ ܘܠܲܚܛܝܼܬܼܵܐ܀ 62 :ܒܚܲܝܹ̈ܐ ܒܲܛܪܹܗ ܠܙܲܝܩܵܐ 63 ܕܢܲܟܼܪܸܙ ܒܹܗ ܒܘܼܛܵܠ ܡܵܘܬܵܐ. 64 :ܘܲܒܼܫܘܢܵܝܹܗ ܡܠܠ݂ܲܟ ܚܲܝܹ̈ܐ 65 ܕܠܵܐ ܗܵܘ̇ܐ ܠܗܘܿܢ ܫܘܼܠܵܡܵܐ܀ 66 :ܚܵܘܝܼ ܠܗܘܿܢ ܚܘܼܒܹܿܗ ܒܲܚܢܘܼܟ 67 ܕܫܵܛܘܼܗܝ ܠܣܲܒܼܪܵܐ ܕܡܘܼ̈ܠܪܢܵܘ̄ [ܗ̄ܘ̣ܵܐ] 68 :ܘܲܒܼܥܵܘܠܵܐ ܕܣܘܼܥܪ̈ܢܝܗܘܿܢ 69 ܡ̣ܢ ܪ̈ܲܚܡܹܐ ܠܪܘܼܓܼܙܵܐ ܢܲܓܕܘܼܗܝ܀ 70 ܒܲܚܢܘܼܟ ܫܲܠܝܼ ܟܹܐܢܘܼܬܹܗ 71 ܘܫܲܚܠܸܦ ܪܘܼܓܼܙܹܗ ܠܲܢܚܵܝܵܐ. 72 :ܘܲܒܼܪܘܼܫܥܵܐ ܕܲܪ̈ܓܼܝܵܓܼܬܼܵܐ 73 ܠܲܛܫܘܼܗܝ ܠܣܲܝܦܹܗ ܠܲܬܼܒܲܥܬܼܵܐ܀ 74 :ܣܓܼܝܼ ܥܵܘܠܵܐ ܕܐ̄̈ܢܵܫ̈ܐ ܒܐܪܥܵܐ 75 ܒܲܕܼܡܘܼܬܼ ܡܲܝܵ̈ܐ ܕܲܬܼܗܘܼܡܵܐ. 76 :ܘܛܦܬ̤ ܟܠܵܗ̇ ܒܲܚܛܝܼܬܼܵܐ 77 ܩܕܼܵܡ ܛܵܘܦܵܢܵܐ ܕܟܹܐܢܘܼܬܼܵܐ. 78 :ܒܪܸܓܼܬܼ ܦܲܓܼܪܵܐ ܐܸܫܬܲܚܢܘ 79 ܘܒܲܠܒܸܠܘ ܛܲܟܼܣܵܐ ܕܲܟܝܵܢܵܐ. 80 :ܘܐܲܝܟ ܚܲܝܘ̈ܬܵܐ ܠܲܚܕܵܕܹ̈ܐ 81 ܕܲܩܲܪ̣ܘ ܘܲܥܠܲܒ̣ܘ ܠܲܚܕܵܕܹ̈ܐ. 82 :ܒܲܕܼܡܘܼܬܼܵܐ ܕܪ̈ܟܼܫܐ ܥܗܪܹ̈ܐ 83 ܨܗ݂ܲܠܘ ܥܲܠ ܢܸܫܹ̈ܐ ܕܚܕܵܕܹ̈ܐ. 84 :ܘܠܵܐ ܐܲܢ̄ܬܼܬܼܵܐ ܠܘܵܬܼ ܫܵܘܬܵܦܵܗ̇ 85 ܘܠܵܐ ܓܲܒܼܪܵܐ ܠܘܵܬܼ ܒܲܪܬܼ ܙܵܘܿܓܹܿܗ. 86 :ܠܒܲܪ ܡ̣ܢ ܐܘܼܪܚܵܐ ܪܵܕܹܝ̇ܢ ܗ̄ܘ̣ܵܘ 87 ܒܪܸܓܿܬܼܵܐ ܕܪܸܓܲܬܼ ܝܘܼܬܼܪ̈ܢܐ. 88 :ܘܲܥܠܘܼܒܼܝܵܐ ܒܲܕܼܡܘܼܬܼ ܢܲܚܹ̈ܐ 89 ܠܒܼܝܼܫܝܼܢ ܗ̄ܘ̣ܵܘ ܪܸ̈ܥܝܢܝܗܘܢ. 90 :ܥܒܸܢ ܡܵܡܘܿ ܠܵܠ ܕܲܚܛܝܬܼܵܐ 91 ܘܲܙܩ̣ܦ ܪܘܼܫܥܵܐ ܐܲܝܟ ܛܘܼܪܵܐ. 92 :ܘܡܲܫܒܼܵܐ ܕܥܵܘ̣ܠܵܐ ܐܲܝܟ ܝܲܡܵܐ 93 ܕܲܫ̣ܢܵܐ ܠܫܲܝܢܵܐ ܕܐܢܵܫܘܼܬܼܵܐ. 94 :ܦܪܣܲܬ̤ ܥܲܪܦܸܠܐ ܕܛܘܼܥܝܲܝ 95 ܘܟܲܣܝܼܬܼ ܐܲܦܹܝܗ̈ ܕܥܵܡܲܪ̈ܬܵܐ. 96 :ܘܛܲܦܛܸܦܘ ܘܲܕܼܥܸܕܼܘ ܙܲܗ̇ܪܵܝܪܹ̈ܐ 97 ܕܢܘܼܗܪܵܐ ܕܥܲܝܢܹ̈ܐ ܕܬܲܪܥܝܼܬܼܵܐ. 98 :ܒܫܸܢܬܼܵܐ ܕܥܵܘܠܵܐ ܐܸܬܿܛܲܒܲܥܘ 99 :ܘܠܵܐ ܐܲܪܓܸܿܫܘ ܕܟܲܕܼ ܚܲܛܵܝܼܝ̈ܢ 100 :ܘܟܲܕܼ ܪܸܥܝܵܢܗܘܿܢ ܠܵܐ ܕܵܡܸ̇ܟ 101 ܕܡܸܟܼܘ ܙܵܘܥܹ̈ܐ ܥܲܡ ܗܲܕܼܵܡܹ̈ܐ. pb. f.93r 102 :ܚܲܕ ܒܲܠܚܘܿܕܲ ܠܵܐ ܐܸܬܿܛܲܒܲܥ 103 ܒܒܸܬܵܬܐ ܕܥܵܘܠܵܐ ܥܲܡ ܒܝܼܫܵܐ. 104 :ܕܥܝܼܪܝܼܢ ܗ̄ܘ̣ܵܘ ܙܵܘܥܲܝ̈ ܢܲܦܫܹ݂ܗ 105 ܪܲܕܼܦܵܗ̇ ܠܫܸܢܘܼܬܼܵܐ ܕܲܚܛܝܼܬܼܵܐ. 106 :ܢܘܝܝ ܒܲܠܚܘܿܕܼ ܕܲܟܿܝܼ ܢܲܦ̣ܫܹܗ 107 ܘܠܵܐ ܛܲܡܲܐ ܦܲܓܼܪܹܗ ܒܥܵܘܠܵܐ. 108 :ܕܐܲܝܟ ܠܹܩܹ̈ܐ ܗܘ̤ܵܘ ܠܹܗ ܙܵܘ̈ܥܹܐ 109 ܘܠܵܐ ܐܸܬܿܛܲܒܲܥ ܒܲܚܛܝܼܬܼܵܐ. 110 :ܠܵܐ ܕܲܠܚܵܗ̇ ܠܫܲܦܝܘܼܬܼ ܢܲܦ̣ܫܹܗ 111 ܬ̣ܛܪܵܐ ܕܥܵܘܠܵܐ ܕܥܵܠܘܿܒܹ̈ܐ. 112 :ܘܠܵܐ ܐܸܬܿܬܿ ܩܸܠ ܟܲܕܼ ܪܵܕܹ̇ܐ ܗ̄ܘ̣ܵܐ 113 ܒܥܲܡܛܵܢܵܐ ܕܡܸܨܥܲܬܼ ܒܝܼܫܹ̈ܐ. 114 :ܗܘ̤ܵܘ ܠܹܗ ܙܵܘܥܹ̈ܐ ܕܪܸܥܝܵܢܹܗ 115 ܓܼܦܹ̈ܐ ܠܝܘ̇ܩܪܵܐ ܕܗܲܕܵܡܵܘ̈ܗܝ. 116 :ܘܲܛܥܲܢܬܹܗ ܦܪܵܘܿܫܘܼܬܼܵܐ 117 ܠܥܸܠ ܡ̣ܢ ܓܲܠ̈ܠܹܐ ܕܲܚܛܝܼܬܼܵܐ. 118 :ܘܕܲܢܛܲܪ ܫܲܦܝܘܼܬܼ ܪܸܥܝܵܢܵܐ 119 :ܘܕܲܟܿܝܼ ܢܲܦ̣ܫܹܗ ܡ̣ܢ ܥܵܘܠܵܐ 120 :ܫܘ̣ܵܐ ܠܓܸܠܝ̈ܢܐ ܪ̈ܘܼܚܵܢܹܐ 121 ܕܡܒܲܕܩܝܼܢ ܪܘܼܫܥܵܐ ܕܒܝܼܫܹ̈ܐ. 122 :ܒܓܠܸܝ̈ܢܐ ܡܲܠܸܠ ܥܲܡܹܗ 123 ܘܐܲܣܗܸܕ ܥܲܠ ܕܲܟܼܝܘܼܬܼ ܢܲܦ̣ܫܹܗ. 124 :ܘܒܲܕܸܩ ܠܹܗ ܕܲܒܡܵܡܘܿ ܠܵܐ 125 ܡܫܝܼܓܼ ܠܵܗ̇ ܠܲܐܪܥܵܐ ܡ̣ܢ ܥܵܘܠܵܐ. 126 :ܒܝܼܫܬܿܐ ܕܐܢܵܫܵܐ ܟܲܬܲܡܬܹܗ 127 ܠܢܲܚܬܿܐ ܦܲܐܝܵܐ ܕܲܒܼܪܝܼܬܼܵܐ. 128 :ܗܵܐ ܡܫܝܼܓܼ ܐ̄ܢܵܐ ܠܵܗ̇ ܒܛܵܘܦܵܢܵܐ 129 ܘܲܡܕܲܟܲܢܵܐ ܠܨܵܐܘܼܬܼܵܗ̇. 130 :ܐܲܢ̄ܬܿ ܠܲܡ ܒܲܠܚܘܿܕܲ ܕܟܝܬ̇ 131 ܚܘܼܫܵܒܲܝ̈ܟ ܡ̣ܢ ܣܲܢܝ̈ܬܼܵܐ. 132 :ܘܠܵܐ ܐܸܬܛܲܡܲܐ ܪܸܥܝܵܢܵܟ 133 ܒܲܣܝܵܢܵܐ ܕܥܵܘܠܵܗ̇ ܕܐܲܪܥܵܐ. 134 :ܕܠܵܐ ܚܠܲܛܬܿ ܚܘܼܒܵܟ ܥܲܡ ܒܝܼ̈ܫܹܐ 135 ܒܥܸܢܝܵܢܵܐ ܕܐܲܪ̈ܢܝܵܬܼܵܐ. 136 :ܐܲܢ̄ܬܿ ܒܲܠܚܘܿܕܲܝܟ ܡܸܬܿܦܨܝܬ̇ 137 ܡ̣ܢ ܬܲܒܼܥ̈ܬܼܵܐ ܕܟܹܐܢܘܼܬܼܵܐ. 138 :ܓܠ̣ܵܐ ܘܒܲܕܸܩ ܠܹܗ ܠܬܲܡܝܼܡܵܐ 139 ܥܲܠ ܪܘܼܫܥܵܐ ܕܲܒܼܢܲܝ̈ ܥܲܡܹܗ. 140 :ܕܗܵܐ ܡܟܲܦܪܵܐ ܠܹܗ ܟܹܐܢܘܼܬܼܵܐ 141 ܠܲܣܝܵܢܵܐ ܕܣܘܼܥܪ̈ܢܲܝܟܿܘܿܢ. 142 :ܓܠ̣ܐ ܠܹܗ ܥܵܘܠܵܐ ܕܒܢܝ̈ ܫܹܝܬܼ 143 ܕܐܸܬܼ ܚܲܠܲܛܘ ܒܲܒܼܢܵܬܼ ܩܵܐܹܝܢ. 144 :ܕܲܦܪܝܼܫܝܼܢ ܚܲܕܼ ܡ̣ܢ ܚܲܒܼܪܹܗ 145 ܒܲܓܼܙܵܪ ܕܝܼܢܵܐ ܕܒܼܪܘܝܐ. 146 :ܚ̣ܠܛ ܙܲܪܥܹܗ ܕܫܝܬܼ ܙܕܝܩܐ 147 ܒܛܘܼܗܡܹܗ ܕܩܵܐܹ̇ܝܢ ܩܵܛܘܠܵܐ. 148 :ܘܲܢܚܸܬܼܘ ܪ̈ܵܡܹܐ ܠܫܲܦܠܘܼܬܼܵܐ 149 ܕܐܸܫܬܵ ܘܬܲܦܘܥܲܡ ܥܵܘ̈ܠܹܐ. 150 :ܚܝܵܪܵܐ ܕܥܲܝܢܹ̈ܐ ܨܵܕܼ ܐܢܘܿܢ 151 ܠܲܡܠ̈ܝܼܠܹܐ ܘܦܲܟܲܪܘ ܐܸܢܘܿܢ. 152 :ܘܫܘܼܦܪܵܐ ܕܐܲܦܹ̈ܐ ܦܲܐܝܵܬܼ̈ܐ 153 ܚܲܒܸܠ ܫܘܼܦܪܵܐ ܕܡܲܕ ܥܲܝܗܘܿܢ 154 :ܚ̣ܙܵܘ ܠܲܡ ܒܢ̈ܝܐ ܕܐܲܠܵܗܵܐ 155 ܠܲܒܼܢܵܬܼ ܐ̄ܢܵܫܵܐ ܕܫܲܦܝܼܪ̈ܵܢ. 156 :ܘܪܲܓܼܘ ܐܸܢܹܝܢ ܘܲܢܣܲܒ̣ܘ ܐܸܢܘܿܢ 157 ܘܐܵܘܠܕܼܘ ܓܲܢ̄ܒܵܪܹ̈ܐ ܕܥܵܘܠܵܐ. 158 :ܠܵܘ ܪܲܒܿܘܼܬܼܵܐ ܕܡܘܼܫܚ̈ܵܬܼܵܐ 159 ܨܒ̣ܵܐ ܕܲܢܒܲܕܸܩ ܒܵܪܟܿܝܵܐ. 160 :ܪܲܒܿܘܼܬܼ ܥܵܘܠܵܐ ܐܲܟܼܬܸܒܼܘ ܠܲܢ 161 ܕܐܸܬܼܓܲܢܒܲܪܘ ܥܲܠ ܪܝܼܫ̈ܬܼܵܐ. 162 :ܦܬܲܚ̣ ܫܘܼܦܪܵܐ ܕܲܒܼܢ̈ܵܬܼ ܩܵܐܹܝܢ 163 ܢܸܒܼܥܵܐ ܣܲܢܝܵܐ ܕܲܚܛܝܼܬܼܵܐ. 164 :ܘܐܲܛܝܼܦ ܠܲܒܼܢܲܝ̈ ܕܲܕܝܼܩܵܐ 165 ܒܡܵܘܡܘܼܠܵܐ ܕܪܸܓܲܬܼ ܦܲܓܼܪܵܐ. 166 :ܡܙܲܓܲܝ̈ ܟܵܣܵܐ ܒܢ̈ܬܼ ܩܵܛܵܘܠܵܐ 167 ܘܐܲܪ̈ܘܝܼ ܒܬܸܛܪܹܗ ܠܲܫܦ̈ܝܐ. 168 :ܘܕܲܠܚ̈ܝܗܝ ܠܗܵܘܢܵܐ ܕܚܲܟܿܝܼܡܹ̈ܐ 169 ܒܝܲܕܼ ܡܹܐܪܝܼܬܲܐ ܕܐܲܦܲܝ̈ܗܹܝܢ. 170 :ܘܕܲܫܒܲܩ̣ܘ ܪ̈ܡܐ ܥܘܡܪ̈ܝܗܘܢ 171 ܘܲܢܚܸܬܘ ܠܲܐܪܥܵܐ ܕܬܸܢܚ̈ܵܬܹܐ. 172 :ܣܠܸܩ ܥܵܘܠܵܐ ܕܣܘܼܥܪ̈ܢܲܝܗܘܿܢ 173 ܘܐܲܚܬܵܗ̇ ܠܲܐܪܥܵܐ ܟܠܹܐܢܘܼܬܼܵܐ. 174 :ܕܠܵܐ ܩܵܘܝܼܘ ܒܲܫܒܼܵܒܼܘܼܬܹܗ 175 ܕܥܘܼܡܪܵܐ ܦܲܐܝܵܐ ܕܦܲܪܕܲܝܣܵܐ. 176 :ܓܪ̣ܲܦ ܐܸܢܘܿܢ ܡܵܡܘܿܠ ܥܵܘܠܵܐ 177 ܘܣܸܓܼܝܲܬ̤ ܒܝܼܫܬܿܐ ܥܲܠ ܐܪܥܵܐ. 178 :ܘܐܸܬܿܬܿܘܚ ܕܲܥ̣ܒܕ ܐܢܵܫܵܐ 179 ܕܚܒܿܠܘ ܘܣܬܪܘ ܛܘܟܣܘ̈ܗܝ. 180 :ܠܵܐ ܗܘ̣ܵܐ ܬܘܬܼܵܐ ܐܲܕܪܟܼܬܹܗ 181 ܠܲܐܚܝܸܕܼ ܣܵܟܼܵܐ ܕܟܼܠ ܝܵܕ̈ܥܵܢ. 182 :ܠܲܬܼܘܵܬܼܗܘܿܢ ܐܲܫ̣ܡܲܥ ܩܵܠܵܐ 183 ܕܲܟܼܒܲܪ ܦܵܢܹ̇ܝܢ ܡ̣ܢ ܥܵܘܠܵܐ. 184 :ܩ̈ܠܐ ܕܡܠܹܝܢ ܠܘܼܚܵܡܹ̈ܐ 185 ܡܸܬܼ ܡܲܠܠܝܼܢ ܗ̄ܘ̣ܵܘ ܨܹܕܲܝܗܘܿܢ. 186 :ܕܐܸܢ ܗܘ̤ ܕܡܵܨܝܵܐ ܢܸܬܿܬܿܥܝܼܪܘܼܢ 187 ܕܲܡܟܹ̈ܐ ܕܲܛܒ݂ܲܘ ܒܲܚܛܝܼܬܼܵܐ. pb. f.93v 188 :ܐܲܝܟ ܫܝܼܦܘܿܪܵܐ ܡܲܙܥܸܩ ܗ̄ܘ̣ܵܐ 189 ܩܵܠ ܒܵܪܘܿܝܵܐ ܒܐܸܕܢܲܝ̈ܗܘܿܢ. 190 :ܕܗܵܐ ܥܵܛܹܐ ܐ̄ܢܵܐ ܡ̣ܢ ܐܲܪܥܵܐ 191 ܐܢܫ̈ܐ ܕܒܲܠܒܸܿܠܘ ܛܘܼܟܵܣܲܝ̈. 192 :ܡܲܛܝܼ ܩܸܨܵܐ ܥܲܠ ܐܲܪܥܵܐ 193 ܘܲܢܦ݂ܲܩ ܢܘܼܩܕܵܢܵܐ ܕܪܘܼܓܼܙܵܐ. 194 :ܘܐܲܫ̣ܡܲܥ ܩܵܠܵܐ ܕܠܵܐ ܡܹܟܹܿܝܠ 195 ܬܸܥܡܲܪ ܪܘܼܚܝ ܒܐ̄ܢܵܫܵܐ ܠܥܵܠܲܡ. 196 :ܡܲܠܸܠ ܬܘܼܒܼ ܩܵܠܵܐ ܕܬܸܢܝܵܐ 197 ܠܘܵܬܼ ܢܘܿܚ ܢܝܼܚܵܐ ܘܐܸܡ݂ܲܪ ܠܹܗ. 198 :ܕܢܸܥܒܸܿܕܼ ܩܹܒܼܘܼܬܼܵܐ ܕܩܲܝܣܵܐ 199 ܕܢܸܣܬܲܬܲܪ ܒܵܗ̇ ܒܡܵܡܘܿ ܠܵܐ. 200 :ܥܒܸܕܼ ܠܹܗ [ܠܵܟ] ܩܹܒܼܘܼܬܼܵܐ ܕܥܲܪܩܵܐ 201 ܘܫܘܿܥܹܝܗ̇ ܒܟܼܘܼܦܪܵܐ ܕܠܵܐ ܬܸܛܲܒܲܥ. 202 :ܕܲܬܼܥܲܙܹܐ ܩܕܼܵܡ ܡܲܚܫܘ̈ܠܹܐ 203 ܡܵܐ ܕܚܵܠܛܝܼ̈ܢ ܡܲܝܵ̈̄ܐ ܒܡܲܝ̈ܵܐ. 204 :ܚܘܝܹܗ ܐܘܼܪܟܵܗ̇ ܘܦܬܼܝܗ̇ 205 ܕܲܟܼܡܵܐ ܢܗܒܸܕܼ ܡܘܼܫܚ̈ܵܬܼܵܗ̇. 206 :ܘܐܲܠܦ ܦܘܼܠܵܓܼ ܡܸܕܼܝܵܪܹ̈ܐ 207 ܕܚܵܫܚܝܼ̈ܢ ܠܹܗ ܘܲܠܚܚܘ̈ܬܼܵܐ. 208 :ܥܒܸܕܼ ܐܘܼܪܟܿܐ ܬܠܵܬܼ ܡܵܠܐ ܐܲܡܝܼ̈ܢ 209 ܘܲܦܬܼܵܝܵܐ ܚܲܡܫܝܼܢ ܐܲܡܝܼ̈ܢ. 210 :ܘܲܬܼܠܵܘܼܬܼܝܼܢ ܐܲܡܝܼ̈ܢ ܪܵܘܡܵܗ̇ 211 ܘܙܘܼܝܵܕܼܵܢܹ̈ܐ ܒܓܼܵܘ ܡܸܕܼܝܵܪ̈ܝܗ̇. 212 :ܬܠܵܬܼܵܐ ܡܸܕܼܝܵܪ̈ܝܼܢ ܬܸܗܘܹܐ 213 ܕܲܢܕܲܝܪܘܼܢ ܒܵܗ̇ ܟܠ ܓܸܢܣܝܼ̈ܢ. 214 :ܚܲܘܲܬܼ ܫܸܢܵܐ ܘܲܒܼܥܝܼܪܵܐ 215 ܘܦܪܚܬܼܵܐ ܕܓܦܐ ܘܐܢܫ̈ܐ. 216 :ܐܹܝܘ ܡܵܪܵܐ ܕܲܛܥܝܼܢ ܟܠܵܐ 217 ܕܡܲܠܸܦ ܦܘܼܪ̈ܣܹܐ ܠܙܲܕܝܼ̈ܩܹܐ. ܩܵ 218 :ܕܟܲܕܼ ܡܸܫܟܲܚ ܗ̄ܘ̣ܵܐ ܕܢܦܨܝܘܗܝ 219 ܡܚܲܟܸܿܡ ܠܹܗ ܠܣܘܼܢܩܵܢ ܚܝܘ̈ܗܝ. 220 :ܡܨܸܐ ܗ̄ܘ̣ܵܐ ܕܢܲܛܪܝܘܗܝ ܠܬܲܡܝܼܡܵܐ 221 ܥܲܡ ܫܲܪܟܵܢܵܐ ܕܟܼܠ ܕܐܲܚܝܼ. 222 ܘܲܦܫܝܼܩ ܗ̄ܘ̣ܵܐ ܠܹܗ ܕܲܢܣܲܬܲܪ. 223 ܕܠܵܐ ܩܒܼܘܼܬ̇ܐ ܠܟܼܠ ܡܸܕܸܡ. 224 :ܠܬܲܝܵܒܼܘܬܼܵܐ ܕܡܲܪ̈ܵܚܹܐ 225 ܗ̄ܘ̣ܵܐ ܬܘܼܒܵܢܵܐ ܕܩܹܒܼܘܼܬܼܵܐ. 226 :ܕܒܼܐܵܬ̤ܵܐ ܓܠܝܼܬܼܵܐ ܢܸܬܼܟܵܘܢܘܼܢ 227 ܘܢܕܘܢܘܢ ܣܘܼܥܪ̈ܢܝܗܘܢ. 228 :ܒܦܘܼܠܚܵܢ ܒܲܝܣܵܐ ܫܲܬܝܲܩܵܐ 229 ܨܒܼܵܐ ܕܲܢܚܲܟܸܿܡ ܠܲܡܠܝܼ̈ܠܹܐ. 230 :ܕܢܸܫܐܲܠܘܼܢ ܚ̈ܝܐ ܠܡܝܬ̈ܐ 231 ܡܸܛܠ ܡܵܢܵܐ ܡܬܲܦܲܠܚܝܼܢ. 232 :ܚܪ̈ܫܐ ܒܩܵܠܵܐ ܒܵܠܹ̇ܝܢ ܗ̄ܘ̣ܵܘ 233 ܠܲܡܠܝܼ̈ܠܹܐ ܕܬܼܘܼܒܼܘ ܡ̣ܢ ܥܵܘܠܵܐ. 234 :ܕܗܵܐ ܒܬܼܩܵܢܲܢ ܡܸܬܼܟܲܪܙܵܐ 235 ܬܝܵܒܼܘܼܬܼܵܐ ܐܸܢ ܨܵܒܸ̇ܝܢ ܐܢ̄ܬܿܘܿܢ. 236 :ܐܲܝܟ ܟܵܪܘܿܙܵܐ ܩܵܥܹ̇ܐ ܗ̄ܘ̣ܵܐ 237 ܩܵܠ ܦܘܼܠܚܵܢܵܐ ܕܩܹܒܼܘܼܬܼܵܐ. 238 :ܒܩܘܼܡܘ ܦܸܨܘ ܘܝܩܪܵܐ ܕܚܵܘܒܲܝܟܿܘܿܢ 239 ܕܲܡܟܹ̈ܐ ܕܲܛܒ݂ܲܥܘ ܒܲܚܛܝܼܬܼܵܐ. 240 :ܝܲܬܿܝܼܪܹ̈ܐ ܗ̄ܘ̣ܵܘ ܨܹܐܕܲܝܟܘܢ [ܗܘܢ] 241 ܩܵܠܹ̈ܐ ܕܬܼܘܩܵܢ ܩܹܒܼܘܼܬܼܵܐ. 242 :ܕܣܲܟܼܪܹܗ ܠܝܘܩܪܐ ܕܒܝܫ̈ܬܐ 243 ܠܫܸܡܥܐ ܕܡܥܠ ܒܘܝܢܐ. 244 :ܢܘܚ ܗ̄ܘ̣ ܒܠܚܘܕܘܗܝ ܫܡ̣ܥ ܗܘ̣ܵܐ 245 ܘܡܣܟܿܐ ܗ̄ܘ̣ܵܐ ܠܫܘܠܵܡܵܐ. 246 :ܟܲܕܼ ܡܲܗ ܠܝܼܢ ܒܹܗ ܡܲܪ̈ܚܹܐ 247 ܕܠܵܐ ܡܸܬܼܗܲܝܡܲܢ ܬܘܩܢܗ. 248 :ܒܢ̣ܵܐ ܠܹܗ ܒܲܝܬܿܐ ܬܲܡܝܼܡܵܐ 249 ܐܲܝܟ ܪܸܡܙܵܐ ܕܚܲܟܸܿܡ ܢܲܦ̣ܫܹܗ. 250 :ܘܡܲܠܸܠ ܥܲܡܹܗ ܓܸܠܝܢܵ̇ܐ 251 ܕܲܢܛܲܝܸܒܼ ܠܹܗ ܬܘܼܪܣܵܝܵܐ. 252 :ܐܲܥܸܠ ܘܚܡ̣ܠ ܡܙܘܿܢܵܐ 253 ܠܹܗ ܘܲܠܓܸܢܹܣܹܗ ܕܟܼܠ ܡܸܕܸܡ. 254 :ܘܟܲܕܼ ܪܸܡܙܵܐ ܢܛ̇ܪ ܗ̣ܘܐ ܠܹܗ 255 ܐܲܠܦܹܗ ܕܢܹܐܨܲܦ ܕܚܫܚܬܗ. 256 :ܠܵܐ ܗ̄ܘ̣ܵܐ ܐܘܼܟܼܠܵܐ ܕܣܲܒܼܥܘܼܬܼܵܐ 257 ܟܲܢܸܫ ܘܲܚ̣ܡܲܠ ܙܲܕܝܼܩܐ. 258 :ܕܝܕ̇ܥ ܗ̄ܘ̣ܵܐ ܕܠܵܐ ܣܦܩ̇ ܗ̄ܘ̣ܵܐ 259 ܐܘܼܟܼܠܵܐ ܒܸܠܥܵܕܼ ܡ̣ܢ ܪܸܡܙܐ. 260 :ܩܲܠܝܼܠ ܗ̄ܘ̣ ܡܸܬܿܬܲܪܣܝܼܢ ܗ̄ܘ̣ܵܘ 261 ܠܩܘܼܝܵܡ ܚܲܝܹ̈ܐ ܕܦܓܼܪ̈ܝܗܘܿܢ. 262 :ܘܪܡܙܐ ܕܚܲܝܠܹܗ ܕܒܪܘܝܐ 263 ܢܛ̇ܪ ܗ̄ܘ̣ܵܐ ܠܗܘܢ ܒܲܒܼܨܝܪܐ. 264 ܥܒ̣ܕܼ ܠܲܡ ܢܘܚܝ ܐܲܝܟ ܕܐܸܬܼܦܩܲܕܼ. 265 ܘܡܲܠܸܠ ܥܲܡܹܗ ܒܵܪܘܿܝܵܐ. 266 :ܕܥܘ̣ܐ ܠܩܹܒܼܘܼܬܼܵܐ ܐܲܢ̄ܬܿ ܘܲܒܼܢܲܝ̈ܟ 267 ܘܢܸܫܹ̈ܐ ܕܲܒܼܢܲܝ̈ܟ ܥܲܡ ܕܝܼܠܹܟ. 268 :ܐܲܥܸܠ ܥܲܡܵܟ ܚܲܝܘ̈ܬܼܵܐ 269 ܘܲܒܼܥܝܼܪܵܐ ܥܲܡ ܦܪܲܚܬܵܐ. 270 :ܠܡܚܝܘ ܙܪܲܥܵܐ ܒܐܲܪܥܵܐ 271 ܕܢܸܪܕܘܼܢ ܓܸܢܣܹ̈ܐ ܒܝܘܼܒܵܠܐ. 272 ܐܲܥܸܠ ܕܸܟܼܪܹ̈ܐ ܘܢܸܩܒܼܪܼ̈ܵܐ: pb. f.94r 273 ܬܪܹܝܢ ܬܪܹܝܢ ܡ̣ܢ ܓܸܢܣܹ̈ܐ ܛܡ̈ܐܐ. 274 :ܘܲܕܼܡܝ̈ܐ ܫܲܒܼܥܵܐ ܫܲܒܼܥܵܐ 275 ܐܲܟܼܚܲܕܼ ܕܼܟܼܪܹ̈ܐ ܘܢܸܩܒܼ̈ܬܼܵܐ. 276 :ܠܵܐ ܝܵܕܲܥ̇ ܗ̄ܘ̣ܵܐ ܬܲܡܝܼܡܵܐ 277 ܠܡܸܦܪܲܫ ܛܲܡܐܹ̈ܐ ܘܲܕܼܟܼܝ̈ܐ. 278 :ܥܕܲܡܵܐ ܕܚܲܘܝܹܗ ܦܘܼܩܕܵܢܵܐ 279 ܒܝܲܕܼ ܡܸܢܝܵܢܵܐ ܕܟܼܠ ܓܸܢܣܝܼ̈ܢ. 280 ܐܲܣܓܿܝܼ ܘܐܲܥܸܠ ܠܲܕܼܟܼ̈ܢܐ 281 ܕܚܵܫ̇ܚܝܼܢ ܗܵܘ̣ܵܘ ܠܹܗ ܡܵܐ ܕܢܲܦܲܩ. 282 :ܕܢܦܸܣ ܠܹܗ ܕܢܹܐܟܼܘܿܠ ܒܸܣܪܵܐ 283 ܘܢܲܣܸܩ ܡܸܢܗܘܿܢ ܠܲܥܠܬܼܵܐ. 284 :ܐܘ ܪܡܙܵܐ. ܕܟܢܫ ܓܸܢܣܹ̈ܐ 285 ܡܪ̈ܚܐ ܘܒܲܥܪܝܼܪ̈ܝܹܐ. 286 :ܘܫܲܝܸܢ ܐܸܢܘܿܢ ܠܲܚܕ̈ܵܕܐ 287 ܘܩܕܡ ܢܘܚ ܫܠܒܸܿܕ ܐܢܘܿܢ. 288 :ܗܵܘ̇ ܪܸܡܙܵܐ ܕܐܲܥܒܲܪ ܐܢܘܿܢ 289 ܩܕܡ ܐܕܡ ܟܕܼ ܫܬܝܩ̈ܝܢ. 290 :ܗܘ̤ ܫܲܥܒܸܿܕ ܘܕܢ ܐܢܘܢ 291 ܒܢܝܪܐ ܡܸܠܬܹܗ ܕܬܲܡܝܼܡܵܐ. 292 :ܨܵܝ̇ܒܿܝܼܢ ܗ̄ܘ̣ܵܘ ܓܸܢܣܝܼ̈ܢ ܓܸܢܣܝܼ̈ܢ 293 ܕܢ̇ܓܕ ܗ̄ܘ̣ܵܐ ܠܗܘܿܢ ܦܘܼܩܕܢܐ. 294 :ܘܐܵܬܹ̇ܝܢ ܕܸܟܼܪܹ̈ܐ ܘܢܸܩܒܼ̈ܬܼܵܐ 295 ܕܟܝ̈ܐ ܘܟܡܐ̈ܐ ܘܲܒܼܗܝܼܠܹܝܼܢ. 296 :ܦܓܼܘܕܹ̈ܐ ܐܹܕܫܲܝܢܵܐ ܡܪܡܝܢ ܗ̄ܘ̣ܵܘ 297 ܒܦܘܼܡ ܚܲܝܘ̇ܬܼ̈ܐ ܘܫܲܬܿܝܼܩܝܼܢ. 298 :ܐܲܪܝܵܐ ܘܬܼܘܪܵܐ ܟܕܼܝܼܢܝܼܢ ܗ̄ܘ̣ܘ 299 ܒܢܝܼܪܵܐ ܕܪܸܡܙܹܗ ܕܒܼܵܪܘܿܝܵܐ. 300 :ܡܪܟܿܢ ܓܦ̈ܐ ܕܦܪܚܬܐ 301 ܘܢܵܚ̇ܬܿܐ ܡ̣ܢ ܪܵܘܡܵܐ ܠܥܘܼܡܩܵܐ. 302 :ܘܪܗ̇ܛܝܼܢ ܗ̄ܘ̣ܵܘ ܝܵܘܢܹ̈ܐ ܘܢܸܨ̈ܐ 303 ܠܘܥܲܕܵܐ ܕܲܬܼܪܲܬ ܩܒܘܬܐ. 304 :ܫܲܝܢܵܐ ܪܲܒܿܐ ܡܘܡܠܟ ܗ̄ܘ̣ܵܐ 305 ܒܲܬܼܪܥ ܒܲܝܬܹܗ ܕܙܲܕܲܝܩܵܐ. 306 :ܕܓܼܢܣܹ̈ܐ ܐܲܟܼܠ̈ܝ ܠܚܕܕ̈ܐ 307 ܒܚܘܼܒܿܐ ܢܲܫ̣ܩܘ ܠܚܕ̈ܕܐ. 308 :ܒܢܘܚ ܐܸܬܼܚܲܕܲܬܿ ܫܘܼܠܛܵܢܵܐ 309 ܕܐܝܼܩܵܪܵܐ ܕܨܲܠܡܹܗ ܕܐܵܕܡ. 310 :ܕܓܢܣ̈ܐ ܕܲܡ̣ܪܕܘ ܡ̣ܢ ܐܕܡ 311 ܦܢ̣ܘ ܘܐܸܫܬܲ ܥܒܲܕܘ ܒܐܝܼܕ̈ܝ ܢܘܿܚ. 312 :ܢܦ̣ܩ ܪܡܙܐ ܐܝܟ ܠܝܙܓܕܐ 313 ܘܟܲܢܸܫ ܐܢܘܢ ܡ̣ܢ ܟܠ ܕܘܼܟ. 314 :ܘܟܕܢ ܐܢܘܢ ܘܒܐܘܝܘܬܐ 315 ܠܓܸܢܣܹ̈ܐ ܦܠܝ̈ܓܐ ܘܐܸܫܬܼܿܝܢܘ. 316 :ܣܵܡ̣ ܩܸܨܵܐ ܠܫܲܒܼܥܵܐ ܝܵܘܡܝܼ̈ܢ 317 ܥܲܕܼܡܸܢܬܼ ܟܲܢܫ̈ܢ ܚܲܝܘ̈ܬܼܵܐ. 318 :ܒܗܵܘ̇ ܛܲܟܼܣܵܐ ܕܬܼܵܩܸܢ ܒܹܗ ܟܠ 319 ܘܢܚ̣ ܡ̣ܢ ܥܡܠܹܗ ܒܕ ܫܒܥܐ. 320 :ܬܲܡ̇ܢ ܬܲܗܝ ܬܘܼܩܵܢܹܗ 321 ܠܝܘܼܠܦܵܢܵܐ ܕܟܸܢܫܲܝ̈ ܪܵܘܡܵܐ. 322 :ܘܗܵܪ ܟܵܐ ܐܲܓܲܪ ܕܲܢܚܵܘܹܐ 323 ܕܠܵܐ ܪܵܓܼܵܐ ܠܹܗ ܕܢܚܒܠ 324 :ܒܲܡܵܐܐ ܫܲܢܲܝ̈ܐ ܛܲܝܒܿܘܼܬܼܵܐ 325 ܩܵܥ̇ܝܵܐ ܗ̄ܘ̣ܵܬܼ ܐܲܝܟ ܟܵܪܘܿܙܵܐ. 326 :ܕܚ̈ܛܝܐ ܦܢ̣ܵܘ ܡ̣ܢ ܥܵܘܠܵܐ 327 ܥܲܕܼܠܵܐ ܢܲܦ̇ܩܵܐ ܟܹܐܢܘܼܬܼܵܐ. 328 :ܒܵܬܲܪ ܢܘܼܓܼܪܵܐ ܕܲܫܟܼ̈ܝܵܐ 329 ܣܵܡ̣ ܩܸܨܵܐ ܠܒܲܒܼܥܵܐ ܝܵܘܡܝܼ̈ܢ. 330 :ܕܲܒܼܡܵܠܐ ܫܢܲܝ̈ܵܐ ܘܲܒܼܫܼܲܥܵܐ 331 ܠܲܬܼܝܵܒܼܘܼܬܼܵܐ ܡܣܲܟܹܿܐ ܗ̄ܘ̣ܵܐ. 332 :ܡܸܟܿܐ ܠܫܲܒܼܥܵܐ ܝܵܘܡ̈ܬܼܵܐ 333 ܫܠ̇ܡ ܦܘܼܩܕܵܢܝ ܒܥܒܼܵܕܵܐ. 334 :ܘܚܵܡܸ̇ܠ ܐ̄ܢܵܐ ܠܵܗ̇ ܠܛܲܝܒܿܘܼܬܼܵܐ 335 ܠܓܼܵܘ ܡ̣ܢ ܫܘܼܪܵܐ ܕܟܹܐܢܘܼܬܼܵܐ. 336 :ܡܸܟܿܐ ܠܫܲܒܼܥܵܐ ܝܵܘܡ̈ܬܼܵܐ 337 ܐܵܚܸ̇ܕܼܢܵܐ ܬܲܪܥܵܐ ܕܪ̈ܵܚܡܲܝ. 338 :ܘܬܼܵܪܥ̇ ܐ̄ܢܵܐ ܝܲܡܵܐ ܕܩܒܹܐ 339 ܠܥܸܠ ܡ̣ܢ ܚܲܨܗ ܕܲܪܩܝܼܥܵܐ. 340 :ܒܚܲܡܫܲܡܵܐܐ ܫܢܝܼ̈ܢ ܒܲܕܸܩ ܠܹܗ 341 ܓܸܠܝܵܢܵܐ ܠܢܘܿܚ ܥܲܠܗܵܕܹܐ. 342 ܘܲܒܼܫܸܬܼܡܵܐܐ ܠܚܝܘ̈ܗܝ ܫܸܠܡܲܬ̤. 343 ܦܪܵܬܼܘܿܙܡܝܼܵܐ ܕܲܦܣ݂ܲܩ ܗ̄ܘ̣ܵܐ. 344 :ܒܲܫܢܲܬܼ ܫܸܬܼܡܵܐܐ ܠܝܲܚ̈ܝ ܢܘܿܚ 345 ܠܛܫܲܬ̤ ܣܲܝܦܵܐ ܟܹܐܢܘܼܬܼܵܐ. 346 :ܘܲܒܼܙܲܝܢܵܐ ܕܡܲܝ̈ܵܐ ܘܟܼܬܼܗ 347 ܠܟܼܠܹܗ ܚܲܝܠܵܗ̇ ܕܥܵܡܲܪܬܿܐ. 348 :ܒܲܫܢܲܬܼ ܫܸܬܼܡܵܐܐ ܠܚܲܝ̈ ܢܘܿܚ 349 ܥܲܒܼܪܹܗ ܝܲܡܵܐ ܠܲܬܼܚܘܼܡܹܗ. 350 :ܘܩܒܝܐ ܕܠܥܸܠ ܐܸܫܬܿ ܚܠܲܦ 351 ܠܒܲܪ [ܡ̣ܢ] ܛܲܟܼܣܵܐ ܕܡܲܚܬܲܬܹܿܗ. 352 :ܒܲܫܢܲܬܼ ܫܸܬܼܡܵܐܐ ܠܚܲܝ̈ ܢܘܿܚ 353 ܗܘ̤ܐ ܛܵܘܦܵܢܵܐ ܥܲܠ ܐܲܪܥܵܐ. 354 :ܘܥܲܠ̣ ܢܘܿܚ ܘܲܒܼܢܵܘ̈ܗܝ ܘܲܒܼܢܸܫܵܘ̈ܗܝ 355 ܘܟܼܠܗܘܿܢ ܓܸܢܣܹ̈ܐ ܕܚܘ̈ܬܐ. 356 :ܩܵܠܵܐ ܕܡܲܝܵ̈ܐ ܐܲܙܵܝܼܥܵܗ̇ 357 ܠܥܵܡܲܪܬܵܐ ܥܲܠ ܝܲܬܵܒܿܝܹܝ̈ܗ̇. 358 :ܘܲܪܓܼܘܼܒܝܵܐ ܕܡܲܝ̈ܐ ܕܲܠܥܸܠ 359 ܟܲܣܝܼ ܐܲܦܹܝ̈ܗ̇ ܒܚܸܫܘܿܟܼܵܐ. pb. f.94v 360 :ܢܘܿܚ ܘܲܕܼܥܲܡܹܗ ܡܣܲܟܹܿܝܢ ܗ̄ܘ̣ܵܘ 361 ܠܵܗ̇ ܪܸܡܙܵܐ ܕܟܲܢܸܫ ܐܢܘܿܢ. 362 :ܕܢܹܐܚܘܲܕ ܬܲܪܥܵܐ ܕܩܹܒܼܘܼܬܼܵܐ 363 ܒܲܩܠܝܕܼܵܐ ܕܪܸܡܙܵܐ ܕܚܲܝܼܠܹܗ. 364 :ܬܲܗܪܵܐ ܗܘ̤ܵܬܼ ܗܵܝ̇ ܡܲܥܲܠܬܵܐ 365 ܕܢܸܣܬܲܬܿܪܘܢ ܡ̣ܢ ܡܵܡܘܿܠܵܐ. 366 :ܡ̈ܠܝܼܠܹܐ ܒܲܣܪܘ ܥܲܠ ܩܵܠܹ̈ܐ 367 :ܘܐܲܫܝܼܛܘ ܦܘܼܠܚܵܢ ܩܹܒܼܘܼܬܼܵܐ 368 ܘܢܫ̈ܫܹܐ ܗܝܡܢܘ ܕܥܐܠ̇ܝܼܢ: [ܕܐܢ] 369 ܠܵܐ ܙܵܟܹ̇ܐ ܠܗܘܿܢ ܡܡܘܠܐ. 370 :ܫܘܹܝܢ ܗ̄ܘ̣ܵܘ ܟܠܗܘܿܢ ܟܲܕܼ ܥܵܐܠܝܼܢ 371 ܐܲܟܚܕܼ ܕܟܼܪܹ̈ܐ ܘܢܸܩܒܼ̈ܵܬܼܵܐ. 372 :ܘܥܲܠ ܬܲܡ̇ܢ ܠܐܵܝܼܬܿܝܪܵܐ 373 ܘܠܵܐ ܚܲܣܝܼܪܵܐ ܠܡܸܢܵܝܵܢܵܐ 374 :ܚܵܙܹ̇ܝܢ ܗ̄ܘ̣ܵܘ ܓܹܝܪ ܡܪ̈ܚܹܐ 375 ܠܓܸܢܣܹܐ ܕܟܼܵܢܫ̇ܝܼܢ ܠܲܬܼܪܲܥ ܢܘܿܚ. 376 :ܠܵܐ ܪܢܝܼ̇ܢ ܗ̄ܘ̣ܵܘ ܕܥܲܠ ܡܵܢܵܐ 377 ܫܒܲܩ̣ܘ ܚܘܼܪܒܵܐ ܘܲܪܚܸܡܘ ܫܲܝܢܵܐ. 378 :ܒܟܼܠܗܘܿܢ ܐܲܟܼܪܸܙ ܒܵܪܘܿܝܵܐ 379 ܬܝܵܒܼܘܼܬܼܵܐ ܒܐܸܕܼܢܲܝ̈ ܥܲܛܠܹ̈ܐ. 380 :ܒܬܼܘܼܩܵܢ ܒܲܝܣܹܐ ܕܩܹܒܼܘܼܬܼܵܐ 381 ܘܒܟܼܢܘܫܝܐ ܕܚܲܝܘܲܬܼ ܒܲܪܵܐ. 382 :ܒܲܡܠܐ ܫܢ̈ܝܐ ܓܸܠܝܵܢܹ̈ܐ 383 ܐܲܝܟ ܫܝܼܦܘܿܪ̈ܐ ܩܵܥܹ̇ܝܢ ܗ̄ܘ̣ܵܘ. 384 :ܘܒܲܕܼܡܘܼܬܼ ܫܲܒܼܛܵܐ ܕܡܲܪ ܕܼܘܼܬܼܵܐ 385 ܡܲܙܥܸܩ ܗ̄ܘ̣ܵܐ ܩܵܠ ܡܵܡܘܿܠܐ. 386 :ܘܥܕܲܡܵܐ ܠܫܲܒܼܥܵܐ ܝܘܡܝܼ̈ܢ 387 ܬܲܚܡܹܗ ܠܦܘܼܣܩܵܢ ܚܲܝ̈ܗܘܿܢ. 388 :ܕܡܸܪܵܐ ܠܫܲܒܼܥܵܐ ܝܵܘ̈ܡܵܬܼܵܐ 389 ܘܠܵܐ ܠܸܒܵܐ [ܕܵܠܫ] ܕܛܲܒܿܝܼ̈ܥܹܐ. 390 :ܥܲܠ ܢܘܿܚ ܘܐܲܥܸܠ ܚܝܘ̈ܬܐ 391 ܐܲܝܟ ܡܵܐ ܕܦܲܩܕܹܗ ܓܸܠ̣ܝܵܢܵܐ. 392 :ܘܐܲܚܕܼܵܗ̇ ܪܸܟܡܙܵܐ ܩܹܒܼܘܼܬܼܵܐ 393 ܘܛܲܒܼܥܵܗ̇ ܚܲܝܠܹܗ ܕܒܼܵܪܘܿܝܵܐ. 394 :ܥܲܠܘ ܚܲܪ̈ܫܐ ܘܦܵܫ̣ܘܡ̈ܠܠܐ 395 ܕܲܗܘ̤ܵܘ ܚܪ̈ܫܹܐ ܒܨܒܼܝܵܢܵܐ. 396 :ܘܐܲܟܿܣܲܬ̤ ܐܸܢܘܿܢ ܟܹܐܢܘܼܬܼܵܐ 397 ܒܫܲܬܿܝܼܩܹ̈ܐ ܕܨܵܬܼܘ ܦܘܼܩܪܵܢܵܐ. 398 :ܘܒܼܵܬܲܪ ܫܲܒܼܥܵܐ ܝܘܵܡܬܐ 399 ܒܲܫܢܲܬܼ ܫܸܬܼܡܵܠܐ ܠܝܲܚ̈ܝܼ ܢܘܿܚ. 400 :ܒܝܼܪܚܵܐ ܕܲܬܼܪܹܝܢ ܐܲܙܥܸܩ ܒܵܗ̇ 401 ܩܵܠ ܟܹܐܢܘܼܬܼܵܐ ܒܥܵܡܲܪܬܵܐ. 402 :ܘܒܫܒܥܣܪܐ ܒܡܢܝܢܐ 403 ܪܫ̣ܲܡ ܓܘܼܢܚܵܐ ܕܲܓܼܙܵܪ ܕܝܼܢܹܗ. 404 :ܘܥܲܠ ܟܠܗܘܿܢ ܬܸܓܼܡܹ̇ܐ ܢܸܦܩܲܬ̤ 405 ܐܵܦ ܦܵܣܝܼܣ ܕܲܬܼܒܥܬܼܐ. 406 :ܘܐܬܿܬܿܪܲܥܘ ܢܸܒܼ̈ܥܹܐ ܕܲܬܼܗܘܼܡܵܐ 407 ܘܢܸܣܟܹ̈ܐ ܕܪܵܘܡܵܐ ܐܸܬܦܲܬܼܚܘ. 408 :ܘܒܣܝܦܐ ܕܡܲܝ̈ܐ ܚܪܒܵܗ̇ 409 ܪܸܡܙܵܐ ܠܟܼܠܗ̇ ܝܬܼܒܬܼܐ. 410 :ܣܠܸܩܘ ܡܲܝ̈ܵܐ ܕܥܘܼܡܩܵܐ ܠܒ̇ܘܡܵܐ 411 ܘܲܢܚܸܬܼܘ ܠܲܐܪܥܵܐ ܥܸ̈ܠܝܐ. 412 :ܘܒܲܡܨܝܕܬܵܐ ܕܡܝ̈ܐ ܦܟܪܬ̤ 413 ܟܹܐܢܘܼܬܼܵܐ ܠܥܵܘܠܵܐ ܕܒܼܝܼ̈ܫܹܐ. 414 :ܬܗܘܼܡܵܐ ܒܚܲܒܼܪܹܗ ܦܵܓܼ̇ܥ ܗ̄ܘ̣ܵܐ 415 :ܘܢܸܣܟܹ̈ܐ ܠܢܣܟ̈ܐ ܠܢܸܣܟܹ̈ܐ ܥܵܨܝܢ ܗ̄ܘ̣ܵܘ 416 :ܘܡܲܝ̈ܐ ܠܡ̈ܐ ܩ̇ܪܝܢ ܗ̄ܘ̣ܵܘ 417 ܕܩܲܦܚܘ ܠܪܹܫܵܐ ܕܡܪ̈ܚܐ. 418 :ܓܵܥܹ̇ܐ ܗ̄ܘ̣ܵܐ ܬܗܘܡܐ ܚܲܪܫܵܐ 419 ܐܲܝܟ ܡܲܠܵܠܵܐ ܟܲܕܼ ܣܵܠܸ̇ܩ. 420 :ܘܲܒܼܩܵܠ ܓܲܠܵܠܘ̈ܗܝ ܡܲܟܸܿܣ ܗ̄ܘ̣ܵܐ 421 ܠܡ̈ܝܠܝܐ ܕܫܵܛ̣ܘ ܦܘܼܩܕܵܢܵܐ. 422 :ܣܸܒܼܝܵܐ ܕܲܠܥܸܠ ܕܐ̇ܢ ܗܘ̣ܵܐ 423 ܥܲܡ ܒܝܼܫܹ̈ܐ ܒܩܵܠ ܡܚܬܬܗ. 424 :ܕܐܚܬܗ ܥܵܘܠܵܐ ܡ̣ܢ ܪܵܘܡܵܐ 425 ܠܲܐܪܥܵܐ ܘܕܲܠܚܵܗ̇ ܠܫܲܦܝܘܼܬܹܗ. 426 :ܕܸܐܲܚܬܹܗ ܥܵܘܠܵܐ ܡ̣ܢ ܪܵܘܡܵܐ 427 :ܥܨ̇ܝܢ ܗ̄ܘ̣ܵܘ ܡܝ̈ܐ ܠܡܲܝ̈ܐ 428 ܟܲܕܼ ܣܠ̇ܩܝܼܢ ܠܲܐܦܲܝ̈ ܪܵܘܡܵܐ. 429 :ܘܦܓܼܠ̇ܝܼܢ ܕܲܠܥܸܠ ܥܲܡ ܕܲܠܬܲܚܬܿ 430 ܐܲܝܟ ܐܝܼܙ ܓܲܕܵܐ ܕܟܹܐܢܘܼܬܼܵܐ. 431 :ܩܵܠ ܦܘܼܩܕܵܢܵܐ ܘܟܲܪ ܗܸܒܼ ܗ̄ܘ̣ܵܐ 432 ܠܥܠܝ̈ܐ ܠܡܸܚܲܬܼ ܠܲܐܪܥܵܐ. 433 :ܘܪܸܡܙܵܐ ܕܚܝܠܵܐ ܥܵܨܹ̇ܐ ܗ̄ܘ̣ܵܐ 434 ܠܬܲܚܬܲܝܹ̈ܐ ܠܲܐܦܲܝ̈ ܪܵܘܡܵܐ. 435 :ܡܲܚܬܼܵܐ ܘܡܲܣܩܵܐ ܕܫܲܬܿܝܼܩܹ̈ܐ 436 ܡܩܵܛܲܪܸܓܼ ܗ̄ܘ̣ܵܐ ܠܵ[ܗ̇] ܠܲܡ̈ܠܝܼܠܹ[ܗ]. 437 :ܕܟܲܕܼ ܚܵܪܫܹܝܢ ܨܵܬܼܘ ܦܘܼܩܕܵܢܵܐ 438 ܘܲܣܠܸܩܘ ܘܲܢܚܸܬܼܘ ܠܲܬܼ ܒܲܥܬܼܵܐ. 439 :[ܐܪ...] ܡܲܠܝܵܐ ܡܲܠܝܵܐ ܗ̄ܘ̣ܵܬܼ 440 ܘܛܘܼܪܹ̈ܐ ܩ̈ܠܐ ܕܚܸܢ̈ܓܼܵܬܼܵܐ. 441 :ܘܐܵܠܹ̇ܝܢ ܗ̄ܘ̣ܵܐ ܪܵܘܡܵܐ ܘܥܘܼܡܩܵܐ 442 ܚܢܝܼܓܼܵܐ ܕܟܼܠ ܡܘܼܫܚ̈ܵܢ. pb. f.95r 443 :ܘܡܸܬܿܛܲܪܦܝܼܢ ܗ̄ܘ̣ܵܘ ܝܲܥܘܕܹ̈ܐ 444 ܟܲܕܼ ܫܵܠܡܝܼ̇ܢ ܗ̄ܘ̣ܵܘ ܚܲܝܲܝ̈ܗܘܿܢ. 445 :ܘܡܸܬܼ ܟܫܲܦܝܼܢ ܗ̄ܘ̣ܵܘ ܠܲܐܒܼܵܗܹ̈ܐ 446 ܘܠܲܝܬܿ ܕܲܡܥܲܕܲܪ ܠܲܐܠܝܼܨܹ̈ܐ. 447 :ܣܵ̇ܠ̇ܩܝܼܢ ܗ̄ܘ̣ܵܘ ܠܲܐܦܲܝ̈ ܪܵܘܡܵܐ 448 ܘܡܲܚܸܬܿ ܗ̄ܘ̣ܵܐ ܠܗܘܿܢ ܡܵܡܘܿܠܵܐ. 449 :ܘܢܵܚ̇ܬܝܼܢ ܗ̄ܘ̣ܵܘ ܠܲܐܦܲܝ̈ ܥܘܼܡܩܵܐ 450 ܘܵܓܼܥܹ̇ܐ ܢܗܘܡܵܐ ܠܘܼܩܒܲܠܗܘܿܢ. 451 :ܡܸܟܿܐ ܘܡܸܟܿܐ ܚ̣ܒܲܫ ܐܸܢܘܿܢ 452 ܩܪܵܒܼܵܐ ܕܡܝ̈ܐ ܠܚܲܝܼ̈ܠܫܹܐ. 453 :ܘܠܵܐ ܦܵܫ̣ ܣܪܝܼܕܵܐ ܛܲܕܼ ܫܲܪܝܼܪ 454 ܒܟܼܠܹܗ ܚܲܝܠܹܗ ܕܐ̄ܢܫܘܼܬܼܵܐ. 455 :ܐܲܪܒܿܥܝܼܢ ܓܹܝܪ ܠܸܠܲܝ ܐܝܼܡܵܩ 456 ܡܸܛܪܵܐ ܠܲܐܪܥܵܐ ܢܚܸ̇ܬܼ ܗ̄ܘ̣ܵܐ. 457 :ܘܲܬܼܗܘܡܵܐ ܠܥܸܠ ܣܵܠܹ̇ܩ ܗ̄ܘ̣ܵܐ 458 :ܟܲܕܼ ܥܵܨܲܝ̇ܢ ܡܲܝ̈ܐ ܠܡ̈ܝܼܵܐ 459 :ܒܲܐܪܒܿܥܝܼܢ ܝܵܘܡ̈ܬܐ ܚܲܨܕܘܼܗ̇ 460 ܡܲܝ̈ܵܐ ܠܐܫܟܪ ܙܝܼܙܵܢܹ̈ܐ. 461 :ܘܲܒܼܣܲܝܦܵܐ ܩܲܫܝܵܐ ܦܲܣܩܘܼܗܝ 462 ܠܲܩܕܠܵܐ ܩܫܝܐ ܕܥܘ̤ܠܐ. 463 :ܒܐܲܪܒܿܠܝܼܢ ܝܵܘ̈ܡܬܐ ܩܲܛܦܵܗ̇ 464 ܪܘܼܓܼܙܵܐ ܠܟܲܪܡܵܐ ܚܲܪܘܒܼܵܐ. 465 :ܘܲܡܝ̈ܵܐ ܒܲܕܼܡܘܼܬܼ ܥܵܨܘܿܪܹ̈ܐ 466 ܕܵܫ̣ܘ ܐܢܵܫܘܼܬܼܵܐ ܘܚܲܝܘ̈ܵܬܼܵܐ. 467 :ܬܗܘܡܵܐ ܒܡܲܣܩܹܗ ܡܲܟܼܪܸܙ ܗ̄ܘ̣ܵܐ 468 ܚܲܝܠܹܗ ܪܲܒܿܐ ܕܒܼܵܪܘܿܝܵܐ. 469 :ܕܪܸܡܙܵܐ ܕܝܼܠܹܗ ܐܲܙܝܼܥܹܗ 470 ܘܐܲܟܸܿܣ ܐܸܢܘܿܢ ܠܲܡܠܝܼ̈ܠܹܐ. 471 :ܥܫܸܢܘ ܡܲܝ̈ܵܐ ܠܥܸܠ ܡ̣ܢ ܐܲܪܥܵܐ 472 ܘܐܸܬܼܟܲܣܝܼܘ ܛܘܼܪܹ̈ܐ ܪ̈ܵܡܹܐ. 473 :ܘܣܵܦܲܬ̤ ܚܲܝܬܼܵܐ ܘܲܒܼܥܝܼܪܵܐ 474 ܘܦܪܚܬܐ ܕܓܦܐ ܘܐܢܫ̈ܐ. 475 :ܚܲܒܸܿܠܘ ܡܲܝ̈ܵܐ ܠܟܼܠ ܡܘܼܫ̈ܚܵܢ 476 ܕܲܥܠܲܝܡܘܼܬܼܵܐ ܘܣܲܝܒܿܘܼܬܼܵܐ. 477 :ܕܿܫܘܹܝܢ ܗ̄ܘ̣ܵܘ ܣܘܼܥܪ̈ܢܲܝܗܘܿܢ 478 ܐܲܫܘܝܼܘ ܡܝ̈ܵܐ ܡܵܘܬܲܝ̈ܗܘܿܢ. 479 :ܒܚܲܕܼ ܩܲܒܼܪܵܐ ܟܲܢܸܫ ܘܲܩ̣ܒܲܪ 480 ܡܵܡܘܠܵܐ ܠܟܼܠܗܘܿܢ ܓܸܢܣܹ̈ܐ. 481 :ܘܲܒܼܢܲܚܬܿܐ ܕܡܲܝ̈ܵܐ ܟܣܲܝܼܘ 482 ܠܐ̄ܢܵܫܵܘܼܬܼܵܐ ܘܠܲܚܘ̈ܵܬܼܵܐ. 483 ܢܘܿܚ ܘܲܕܼ ܥܲܡܹܗ ܐܸܬܼܦܲܨܝܼܘ 484 ܡ̣ܢ ܟܠ ܕܲܢܫܲܘܬܼܵܐ ܒܐܲܦܵܘ̈ܗܝ. 485 :ܪܸܡܙܵܐ ܢܛ݂ܲܪ ܗ̄ܘ̣ܵܐ ܚܲܝ̈ܗܘܿܢ 486 ܘܠܵܐ ܗ̄ܘ̣ܵܐ ܩܲܝ̈ܣܹܐ ܫܲܬܿܝܼܩܹ̈ܐ. 487 :ܛܲܥܢܵܗ̇ ܬܗܘܼܡܵܐ ܠܩܹܒܼܘܼܬܼܵܐ 488 ܘܐܲܣܩܵܗ̇ ܠܪܵܡܐ ܒܝܲܕܼ ܓܲܠܠܵܘ̈ܗܝ. 489 :ܘܡܸܬܼܝܲܒܿܠܵܐ ܗ̄ܘ̣ܵܬܼ ܥܲܠ ܡܲܝ̈ܐ 490 ܘܐܲܚܝܼܕܼ ܗ̄ܘ̣ܵܐ ܠܵܗ̇ ܦܘܼܩܪܵܢܵܐ. 491 :ܥܒܪܐ ܗ̄ܘ̣ܵܬܼ ܥܲܠ ܪ̈ܡܬܐ 492 :ܠܥܸܠ ܡ̣ܢ ܪܵܘܡܵܐ ܕܲܫܩ̈ܝܼܦܹܐ 493 :ܘܢܵ̇ܫܝܼܢ ܗ̄ܘ̣ܵܘ ܒܵܗ̇ ܡܚܫܘ̈ܠܐ 494 ܘܠܵܐ ܡܸܬܿܬܿܙܝܼܥ ܗ̄ܘ̣ܵܐ ܪܘܼܟܵܒܼܵܗ. 495 :ܟܬܝܼܫܝܼܢ ܗ̄ܘ̣ܵܘ ܓܲܠ̈݁ܠܹܐ ܬܚܘܿܬܹܝܗ̇ 496 ܘܥܵܒܼܪܵܐ ܥܠܲܝܗܘܿܢ ܢܝܼܚܵܐܝܼܬܼ. 497 :ܡܙܲܥܙܲܥ ܗ̄ܘ̣ܵܐ ܠܵܗ̇ ܠܟܼܵܐ ܘܲܠܟܼܵܐ 498 ܡܲܫܒܼܵܐ ܕܪܘܼܚܵܐ ܥܲܙܝܼܙܵܐ. 499 :ܠܒܲܪ ܡ̣ܢ ܛܲܟܼܣܵܐ ܫܵܚ̇ܩܝܼܢ ܗ̄ܘ̣ܵܘ 500 ܡ̈ܝܵܐ ܘܐܵܐܲܪ ܠܲܚܕܵܕܹ̈ܐ. 501 :ܘܲܒܼܬܲܟܼܬܘܼܫܗܘܿܢ ܩܹܒܼܘܼܬܼܵܐ 502 ܒܫܲܝܢܵܐ ܘܢܵܘܚܵܐ ܫܵܪܝܵܐ ܗ̄ܘ̣ܵܬܼ. 503 :ܛܥܝܼܢ ܗ̄ܘ̣ܵܐ ܠܵܗ̇ ܢܗܘܡܵܐ ܘܣܵܠܸ̇ܩ 504 ܘܲܡܙܲܚܲܝ ܠܵܗ̇ ܥܲܠ ܟܲܬܼܦܹܗ. 505 :ܘܣܵܓܼ̇ܕܝܼܢ ܗ̄ܘ̣ܵܘ ܓܲܠ̈ܠܹܐ ܩܕܼܵܡܹܝܗ̇ 506 ܘܝܵܗ̇ܒܿܝܼܢ ܐܲܬܼܪܵܐ ܠܡܲܪܕܝܼܬܹܗ. 507 :ܐܘ ܐܸܠܦܵܐ ܕܲܕܼܠܵܐ ܠܹܩܹ̈ܐ 508 ܕܥܒܪܬܗ ܠܝܲܡܵܐ ܘܝܲܒܼܫܵܐ. 509 :ܘܠܵܐ ܕܲܒܵܪܵܗ̇ ܩܸܘܒܲܪܢܹܝܛܵܐ 510 ܒܫܲܓܼܫܝܼܘܼܬܼܵܐ ܕܡܲܚܫܘܼ̈ܠܹܐ. 511 :ܐܘ ܣܦܝܼܢܬܼܵܐ ܕܲܛܥܝܼܢܵܐ ܗ̄ܘ̣ܵܬܼ 512 ܥܵܠܡܵܐ ܟܠܹܗ ܡ̣ܢ ܣܵܟܹܗ. 513 :ܘܠܵܐ ܐܸܣܬܲܢܩܲܬ̤ ܡܲܪܕܝܼܬܵܗ̇ 514 ܕܲܢܕܲܒܿܪܘܼܢܵܗ̇ ܡܲܠܵܚܹ̈ܐ. 515 :ܪܸܡܙܵܐ ܗ̄ܘ̤ܵܐ ܠܵܗ̇ ܡܲܠܵܚܵܐ 516 ܘܦܘܼܩܕܵܢܵܐ ܩܸܘܒܲܪܢܹܝܛܵܐ. 517 :ܘܕܼܘܼܟܲܬܼ ܟܵܘܟܿܒܼܵܐ ܨܒܼܝܵܢܵܐ 518 :ܡܕܲܒܲܪ ܗ̄ܘ̣ܵܐ ܠܵܗ̇ ܠܲܠܡܹܐܢܵܐ 519 :ܒܐܸܘܒܝܼܢܵܐ ܕܗܲܝܘܵܡܘܼܬܼܵܐ 520 :ܐܲܣܝܼܪ ܗ̄ܘ̣ܵܬܼ ܡܲܪܝܼܬܼܵܐ 521 :ܘܫܪܝܵܐ ܗ̄ܘ̣ܵܬܼ [...] ܛܲܝܒܿܘܼܬܼܵܐ 522 ܚܠܵܦ ܪܘܼܚܵܐ ܕܲܒܼܟܸܬܵܢܹ̈ܐ. 523 :ܐܲܪܒܿܥܝܼܢ ܝܵܘܡ̈ܵܬܼܵܐ ܒܚܸܫܟܿܐ 524 ܪܵܕܿܝܵܐ ܗ̄ܘ̣ܵܬܼ ܐܲܝܟ [...]ܐ. 525 :ܕܡܲܠܵܚܵܐ ܩܵܐܸ̇ܡ ܗ̄ܘ̣ܵܐ ܒܵܗ̇ 526 ܠܵܐ ܣܢܝܼܩ ܗ̄ܘ̣ܵܐ ܥܲܠ ܢܲܗܝܼܪܵܐ. 527 ܠܫܘܼܠܵܡ ܐܲܪܒܿܥܝܼܝܢ [...]. 528 ܚܸܡܠܲܬ̤ ܣܲܝܦܵܗ̇ ܟܹܐܢܘܼܬܼܵܐ. 529 :ܘܲܠܡܵܐܐ ܘܚܲܡܫܝܼܢ ܐܸܬܼܚܲܙܝܲܬ̤ 530 ܐܵܬ̤ܵܐ ܕܪ̈ܚܡܹܐ ܒܪܹܫ ܛܘܼܪܹ̈ܐ. 531 ܒܵܬܲܪ ܡܵܐܐ ܘܚܲܡܫܝܼܢ ܝܵܘܡܝܼ̈ܢ: pb. f.95v 532 ܢܦܲܩ̣ ܪܸܡܙܵܐ ܐܲܝܟ ܐܝܼܙܓܲܕܵܐ. 533 :ܘܲܛܥܝܼܢ ܐܓܲܪܝܬܼܵܐ ܕܫܲܝܢܵܐ 534 ܕܸܟܬܿܒܲܘܼܗܝ ܪ̈ܲܚܡܹܐ ܠܘܵܬܼ ܪܘܼܓܙܵܐ. 535 :ܢܵܚ̣ܘ ܡ̈ܝܐ ܠܲܡܵܐܐ ܘܚܲܡܸܫܝܼܢ 536 ܘܐܸܬܼܚܵܘܝܼܪܹ̈ܫܲܝ ܛܘܼܪܹ̈ܐ. 537 ܘܲܕܐܵܐ ܪܸܡܙܵܐ ܒܫܲܬܼܝܼܩܹ̈ܐ. 538 ܘܟܲܢܸܫ ܐܸܢܘܿܢ ܠܲܬܼܗܘܡܵܐ. 539 :ܠܲܡܵܐܐ ܘܚܲܡܫܝܼܢ ܝܵܘܡܵܬܼ̈ܐ 540 :ܥܒܲܪܬܹܗ ܠܝܲܡܵܐ ܩܹܒܼܘܼܬܼܵܐ 541 :ܘܲܬܼܪܨܵܐ ܗ̄ܘ̣ܵܬܼ ܡܲܪܕܝܼܬܼܵܐ 542 ܠܲܡܫܘܼܚܬܵܐ ܘܡܸܨܥܲܬܼ ܐܲܪܥܵܐ. 543 :ܡ̣ܢ ܐܲܬܼܪܵܐ ܕܩܲܪܸܝܼܒܼ ܠܲܓܼܕܲܢ 544 ܚܸܙܩܲܬ̤ ܒܫܘܼܪܵܝ ܡܲܪܕܝܼܬܼܵܗ. 545 :ܘܣܲܝܸܟܼܬܼܗ ܠܪܲܗܛܵܐ ܕܐܲܘܼܪܚܵܗ̇ 546 ܥܲܠ ܪܹܫܵܐ ܕܛܘܼܪ̈ܲܝ ܩܲܪܕܘܼ. 547 :ܒܫܘܼܠܵܡ ܐܘܼܪܚܵܐ ܚܵܐ̇ܪ ܗ̄ܘ̣ܵܐ 548 ܐܵܦ ܦܘܼܩܼܕܵܢܵܐ ܕܪܘܼܟܵܒܼܵܗ̇. 549 :ܕܬܲܥܒܲܪ ܓܸܢܣܵܐ ܕܒܹܝܬܼ ܐܕܵܡ 550 ܕܲܢܫܲܝܢܘܼܢ ܡܸܨܥܲܬܼ ܐܲܪܥܵܐ. 551 :ܠܗܠ ܡ̣ܢ ܝܲܡ̣ܵܐ ܥܵܡܲܪ ܗ̄ܘ̣ܵܐ 552 ܗܵܘ̇ ܕܵܪܐ ܕܚܒܠ ܐܲܪܥܵܐ. 553 :ܘܲܥܕܲܟܹܝܠ ܠܵܐ ܚܵܙܝܵܐ ܗ̄ܘ̣ܵܬܼ 554 ܡܸܨܥܲܬܼ ܐܲܪܥܵܐ ܠܡܵܝܘ̈ܬܹܐ. 555 ܣܝܼܓܼ ܗ̄ܘ̣ܵܐ ܝܲܡܵܐ ܒܐܲܦܝ̈ܗܘܿܢ 556 ܥܕܲܡ̇ܐ ܕܲܗܘ̤ܵܐ ܛܵܘܦܵܢܵܐ. 557 :ܘܬܲܪܥܹܗ ܪܸܡܙܵܐ ܠܲܣܝܵܓܹܗ 558 ܘܐܲܥܒܲܪ ܐܢܘܿܢ ܠܲܡܨܲܥܬܼܵܐ. 559 :ܒܲܫܒܼܵܒܼܘܼܬܼܵܐ ܕܦܲܪܕܲܝܣܵܐ 560 ܓܡܪܝܢ ܗ̄ܘ̣ܵܘ ܥܸܪܵܐ ܕܪ̈ܝܼܢ. 561 :ܘܐܲܪܥܵܐ ܟܠܵܗ̇ ܣܦܝܼܩܵܐ ܗ̄ܘ̣ܵܬܼ 562 :ܡ̣ܢ ܐܢܵܫܘܼܬܼܵܐ ܘܚܝܘ̈ܵܬܼܵܐ 563 :ܘܐܲܝܟ ܕܨܵܕܝܼܬܼܵܐ ܐܝܼܬܹܝܗ̇ ܗ̄ܘ̣ܵܬܼ 564 :ܡ̣ܢ ܝܲܡܵܐ ܥܕܲܡܵܐ ܠܝܲܡܵܐ 565 :ܘܠܵܐ ܡܲܠܸܠ ܒܵܗ̇ ܩܵܠ ܐܢܵܫܵܐ 566 ܘܠܵܐ ܕܵܫ̣ܵܗ̇ ܪܓܸܠ ܚܲܝܘ̈ܵܬܹܐ. 567 :ܒܗܵܕܹܐ ܬܸܢܘܲܝ ܬܲܩܢܬܼܗ̇ 568 :ܐܵܦ ܛܲܝܒܿܘܼܬܼܵܐ ܠܩܹܒܼܘܼܬܼܵܐ 569 :ܕܬܸܗܘܹܐ ܓܲܫܪܵܐ ܠܒܹܝܬܼ ܐܵܕܼܵܡ 570 ܘܬܲܥܒܲܪ ܐܸܢܘܿܢ ܠܲܪܘܚܬܐ. 571 ܒܥܸܠܲܬܼ ܛܵܘܦܵܢܐ ܕܲܪܫܘܼܗ̇: ܠܐܘܼܪܚܵܐ ܕܠܵܐ ܥܒ̣̱ܪ ܒܵܗ̇ ܒܲܪܢܵܫ. 572 :ܟܲܕܼ ܣܝܼܡܵܐ ܗ̄ܘ̣ܵܬܼ ܒܝܲܕܼ ܥܬܹܗ 573 ܕܥܵܒܼܘܕܼܵܐ ܕܗܵܕܹܐ ܢܸܣܥܘܿܪ. 574 ܠܵܘ ܡ̣ܢ ܚܸܡܬܵܐ ܛ̣ܪܕܼ ܐܸܢܘܿܢ 575 ܡ̣ܢ ܐܲܬܼܪܵܐ ܕܲܫܪܹܝܢ ܗ̄ܘ̣ܵܢ ܒܹܗ. 576 :ܠܵܐ ܒܲܬܼܘܬܼܵܐ ܫ̣ܕܵܐ ܐܸܢܘܿܢ 577 ܠܐܲܬܼܪܵܐ ܕܡܸܨܥܲܬ̤ ܝܬܒܬܐ. 578 :ܩܲܕܼܝܡ ܗ̄ܘ̣ܵܐ ܓܹܝܪ ܗܵܢ ܥܘܼܬܼܪܵܐ 579 ܒܝܲܕܼ ܥܬܹܗ ܩܕܼܡ ܒܸܪ̈ܝܵܬܼܵܐ. 580 :ܘܐܲܦܩܹܗ ܠܓܸܠܝܐ ܒܥܠ̈ܠܬܐ 581 ܠܕܼܘܲܪܫܵܐ ܕܡܵܝܘܿܬܼܘܼܬܼܵܐ. 582 :ܐܵܦ ܬܘܼܒܼ ܒܗܵܕܹܐ ܕܚܒܠ ܗܘ̣ܵܐ 583 ܘܲܥܛ̣ܵܐ ܒܡܲܝ̈ܐ ܠܬܼܘܼܩܵܢܵܘ̈ܗܝ. 584 :ܠܵܘ ܪܘܼܓܼܙܐ ܥܲܒܼܕܹܗ ܡ̣ܢ ܫܠܸܝ 585 ܟܲܕܼ ܠܵܐ ܡܦܣ ܒܐܲܝܼܕܼܵܐ ܕܣܲܥ݂ܲܣܪ. 586 :ܝܕܼܵ̇ ܗ̄ܘ̣ܵܐ ܩܕܼܡ ܛܵܘܦܵܢܵܐ 587 ܗܵܠܹܝܢ ܕܲܗܘ̈ܲܝ̤ ܘܲܥܬܼܝܼ̈ܕܵܢ. 588 :ܘܲܡܦܣ ܗ̄ܘ̣ܵܐ ܒܹܗ ܒܬܼܘܼܩܵܢܹܗ 589 ܕܥܵ̇[...]ܠ ܡܵܘܬܿܐ ܘܫ̇ܪܹܐ ܠܹܗ. 590 :ܥܵܘܠܵܐ ܚܵܒܠܹܗ ܠܬܼܘܼܩܵܢܹܗ 591 ܟܲܕܼ ܠܵܐ ܛܵܥ̇ܝܵܐ ܠܝܲܕܼ ܥܬܹܗ. 592 ܕܥܲܕܼܠܵܐ ܢܸܒܼܪܹܐ ܠܚ̈ܛܝܐ 593 ܝܵܕܥ̇ ܗ̣ܘܐ ܕܡܸܚܛܵܐ ܚܵܛ̇ܝܢ. 594 :ܡܦ̣ܣ ܗܘ̣ܵܐ ܕܫܒ̇ܩ ܫܪܟܢܐ 595 ܕܐ̄ܢܵܫܘܼܬܼܵܐ ܘܲܕܼܟܼܠ ܓܸܢܣܝܼ̈ܢ. 596 :ܘܥܲܠ ܗܵܕܹܐ ܛܲܟܲܣ ܘܐܲܥܸܠ 597 ܠܩܹܒܼܘܼܬܼܵܐ ܙܵܘ̈ܓܲܝܢ ܙܵܘ̈ܓܿܝܼܢ. 598 ܝܵܕ̇ܥ ܗ̄ܘ̣ܵܐ ܕܡܸܬܼ ܒܲܥܝܵܐ 599 ܗ̄ܘ̣ܵܬܼ ܡ̣ܢ ܚܸܘܼܫܵܒܼܵܐ ܕܡܪ̈ܚܹܐ. 600 :ܕܥܲܠ ܕܣܢ̣ܐ ܗ̄ܘ̣ܵܐ ܬܘܼܩܵܢܹܗ 601 ܚܲܒܿܠܹܗ ܘܥܲܒ̣ܕ ܠܐܲܚܪܹܢܵܐ. 602 :ܒܬܲܪܥܝܼܬܼܵܐ ܕܙܲܪ݁ܥܲܝ ܙܹܐܦܵܐ 603 ܚܵܐ̇ܪ ܗ̄ܘ̣ܵܐ ܩܕܼܵܡ ܕܲܢܚܸܒܸܿܠ. 604 :ܘܩܲܕܸܡ ܩܲܦܚܵܗ̇ ܠܡܵܘܥܝܼܬܼܵܐ 605 ܕܙܝܼܙܵܢܹ̈ܐ ܕܚܘܼܫܵܒܲܝ̈ܗܘܿܢ. 606 :ܡ̣ܢ ܬܘܼܩܵܢܵܐ ܩܲܕܼܡܵܝܵܐ 607 ܫܒ̣ܩ ܫܲܪܟܵܢܵܐ ܕܟܼܠ ܡܸܕܲܡ. 608 :ܕܲܢܚܵܘܼܐ ܕܠܵܘ ܒܝܼܫܵܐ ܗ̄ܘ̣ܵܐ 609 ܬܘܩܵܢܵܐ ܕܲܥܒ̣ܵܕܼ ܐܝܼܕܼܵܘ̈ܗܝ. 610 :ܒܟܼܠܗܹܝܢ ܕܲܗܘܲܝ̤̈ ܚܵܐ̇ܪ ܗ̄ܘ̣ܵܐ 611 ܥܲܕܼ ܠܵܐ ܢܹܐܬܘܿܢ ܠܲܗܘܵܝܵܐ. 612 :ܘܠܵܘ ܒܲܬܼܘܵܬܼܵܐ ܚܒܠ ܟܠ 613 ܘܡܸܛܠ ܪ̈ܚܡܵܘܗܝ ܚܢ ܘܲܫܒ̣ܩ. 614 ܘܚܵܘܝܼ ܘܟܹܐܢܘܼܬܹܗ ܕܟܹܐܢܵܐ [...] 615 ܗ̄ܘ̣ ܛܵܒܵܐ ܒܣܘܼܥܪ̈ܢܵܘܗܝ. 616 :ܘܚܵܘܝܼ ܕܟܹܐܢܵܐ ܗ̄ܘ̣ܵܐ ܟܲܕܼ ܪܵܕܹܿܐ 617 ܕܠܵܐ ܢܸܪܢܘܼܢ ܕܪܵܚܸܡ ܥܵܘܠܵܐ ܗ̄ܘ̣. 618 ܘܲܚܸܠܛ ܪ̈ܲܚܡܹܐ ܒܟܹܐܢܘܼܬܹܗ: pb. f.96r 619 ܕܠܵܐ ܢܸܩܪܘܼܢܵܝܗܝ ܚܲܪܡܵܢܵܐ. 620 :ܒܬܲܪ̈ܬܝܗܸܝܢ ܚܵܘܝܼ ܚܲܝܠܹܗ 621 ܒܗܵܝ̇ ܕܼܪܲܕ̣ܵܐ ܘܲܒܼܗܵܝ̇ ܕܲܫ̣ܒܲܩ. 622 :ܘܐܲܟܼܪܸܙ ܫܘܼܠܛ̇ܢ ܡܵܪܘܼܬܹܗ 623 ܕܨܒܼܝܵܢܹܗ ܪܵܕܹ̇ܐ ܠܕܼܝܼܠܹܗ. 624 :ܒܫܲܒܿܘܩ̈ܐ ܕܡ̈ܝܐ ܪ̈ܓܼܝܐ 625 ܢܓܕܗ ܠܥܘܠܵܐ ܕܡܲܪ̈ܚܹܐ. 626 :ܘܲܒܼܫܲܒܼܛܵܐ ܕܩܵܦܲܝܝ ܒܝܼܫܹ̈ܐ 627 ܒܹܗ ܢ̇ܛܪ ܛܟܼܣܐ ܠܚ̈ܝܹܐ. 628 :ܛܲܢܢܘܼܗܝ ܡ̈ܝܐ ܠܫܲܪܟܵܢܵܐ 629 :ܕܦܲܠܸܛܘ ܪ̈ܲܚܡܹܐ ܡ̣ܢ ܪܘܼܓܙܵܐ 630 :ܘܐܲܥܒܲܪ ܣܵܡܘܲܗܝ ܒܲܡܨܲܥܬܼܵܐ 631 ܕܢܲܦܪܹܐ ܙܲܪܥܹܗ ܠܟܼܠ ܦܸܢܝ̈ܢ. 632 :ܒܝܲܪܚܵܐ ܫܒܼܝܼܥܵܝܵܐ ܥܸܠܲܬ̤ 633 ܐܸܠܦܵܐ ܠܐܝܼܬܼܝܵܐ [ܘܐܸܬܲܬ̤] ܠܲܠܡܹܐܢܵܐ. 634 :ܘܒܫܒܥܣܪܐ ܒܡܢܝܐ 635 ܢܵܚܲܬ̤ ܥܲܠ ܟܘܼܪ̈ܲܝ ܩܲܪܕܘ. 636 :ܒܝܲܪܚܵܐ ܕܲܬܼܪܹܝܢ ܚܸܙܩܲܬ̤ ܗ̄ܘ̣ܵܬܼ 637 ܒܫܒܥܣܪܐ ܡ̣ܢ ܐܲܬܼܪܵܗ̇. 638 :ܘܲܒܼܝܲܪܚܵܐ ܕܫܲܒܼܥܵܐ ܥܸܠܲܬ̤ 639 ܠܲܠܡܹܐܢܵܐ ܒܲܫܒܲܥܸܣܪܐ. 640 :ܝܲܪ̈ܚܹܐ ܒܲܒܼܥܵܐ ܒܲܠܡܹܐܢܵܐ 641 ܐܲܣܝܼܪܵܐ ܗ̄ܘ̣ܵܘ ܘܲܢܛܝܼܪܵܐ. 642 :ܘܠܵܐ ܦܸܬܼܚܲܬ̤ ܓܲܙܵܐܬ ܕܥܘܼܬܼܪܵܗ̇ 643 ܥܕܲܡܵܐ ܠܝܲܪܚܵܐ ܬܪܲܝܵܢܵܐ. 644 :ܒܝܲܪܚܵܐ ܬܪܲܝܵܢܵܐ ܫܲܕܲܪ 645 ܡܵܪܹܐ ܐܸܠܦܵܐ ܐܝܼܙܓܲܕܵܐ. 646 :ܕܢܸܦܘܿܩ ܢܸܚܙܹܐ ܐܸܢ ܢܵܚܲܬ̤ 647 ܚܸܡܬܼܵܐ ܕܡ̈ܝܐ ܡ̣ܢ ܐܲܪܥܵܐ. 648 :ܥܘܼܪܒܼܵܐ ܛܲܡܲܡܲܐܐ ܐܸܫܬܲܕܲܪ 649 ܝܲܥܢܵܐ ܘܪܵܚܸ̇ܡ ܡܹܐܟܼܘܼܠܬܐ. 650 :ܘܲܫܒܼܬܗ ܪܸܓܲܬܼ ܒܸܣܪܵܐ 651 ܘܠܵܐ ܥܛܸܦ ܦܢܝܼ ܦܸܬܼܓܼܵܡܵܐ. 652 :ܫܲܕܲܪ ܐܝܼܙܓܼܕܵܐ ܕܲܬܼܪܹܝܢ 653 :ܡ̣ܢ ܓܸܢܣܵܐ ܪܵܚܸ̇ܡ ܫܲܝܢܵܐ 654 :ܘܢܸܦܩܲܬ̤ ܝܵܘܢܵܐ ܘܣܥܪܬܗ̇ 655 ܠܡܲܫܪܝܼܬܼܵܐ ܘܥܛܦܲܬ̤ ܨܐܕܼܵܘܗܝ. 656 :ܘܦܵܫ̣ ܬܘܼܒܼ ܫܲܒܼܥܵܐ ܝܵܘܡ̈ܵܬܼܵܐ 657 ܘܲܗܦܟ ܫܲܕܲܪ ܐܝܼܙܓܲܕܵܐ. 658 :ܘܐܸܬܲܬ̤ ܝܵܘܢܵܐ ܘܛܲܥܝܼܢܵܐ 659 ܣܒܲܪܬܼܵܐ ܕܫܲܝܢܵܐ ܒܓܼܵܘ ܦܘܼܡܵܗ̇. 660 :ܛܲܪܦܵܗ̇ ܕܙܲܝܬܐ ܚܵܘܝܵܬܹܗ 661 ܕܫܲܕܲܪ ܠܵܗ̇ ܪܹܡܙܵܐ ܒܐܝܼܕ̈ܝܗ̇. 662 :ܐܲܝܟ ܪܸܗܒܼܘܼܢܵܐ ܕܬܲܪܥܝܼ[...]ܬܼܵܐ 663 ܕܢܵܚܲܬ̤ ܚܸܡܬܹܗ ܕܕܲܝ̇ܢܵܐ. 664 :ܚܕܼܝ ܘܐܸܬܼܒܲܝܵܐ ܙܲܕܲܝܼܩܵܐ 665 ܒܐܸܓܲܪܬܼܵܐ ܕܫܲܝܢܵܐ ܕܐܲܝܬܼܝ. 666 :ܘܲܗܦ݂ܲܟ ܫܲܕܼܪܹܗ ܠܐܝܼܙܕܵܐ 667 ܕܚ̣ܙܐ ܕܫܲܪܪ ܫܘܼܘܕܵܝܹܗ. 668 :ܬܠܵܬܼ ܙܲܒܼܝ̈ܢ ܢܸܦܩܲܬ̤ ܝܵܘܢܵܐ 669 ܘܫܪܪܬܹܗ ܒܲܬܼܠܵܬܲܝܗܹܝܢ. 670 :ܘܲܦܬܼܚ̣ ܬܲܪܥܵܐ ܕܩܹܒܼܘܼܬܼܵܐ 671 ܘܲܚ̣ܙܵܐ ܠܲܐܪܥܵܐ ܠܐܲܪܥܵܐ ܘܐܸܬܼܒܲܝܲܐ. 672 :ܚܙ̣ܵܐ ܢܘܼܗܪܵܐ ܘܲܫܡ݂ܲܥ ܩܵܠܵܐ 673 ܒܝܲܕܼ ܓܸܠܝܵܢܹ̈ܐ ܪ̈ܘܼܚܵܢܹܐ. 674 :ܕܗܵܐ ܗܘ̤ܵܘ ܪ̈ܲܚܡܹܐ ܡܸܨܥܵܝܹ̈ܐ 675 ܘܫܲܝܢܘܼܗ̇ ܠܚܸܡܬܹܗ ܕܕܲܝ̇ܢܵܐ. 676 :ܗܵܐ ܐܲܦܝܼܣܬܼܗ ܛܲܝܒܿܘܼܬܼܵܐ 677 ܕܢܸܦ̣ܬܲܚ ܬܲܪܥܵܐ ܒܐܲܦܝ̈ܟܿܘܿܢ. 678 :ܦܘܩܘ ܐܲܣܝܼܪܹ̈ܐ ܘܐܸܬܼܒܲܝܲܐܘ 679 ܒܲܚܙܵܬܼܵܐ ܦܐܝܼܬܼܵܐ ܕܐܲܪܥܵܐ. 680 :ܒܵܬܲܪ ܫܸܬܼܡܵܐܐ ܠܚܲܝ̈ܝ ܢܘܿܚ 681 ܒܫܘܼܠܵܡ ܫܲܢܬܿܐ ܕܒܼܵܬܲܪܗܹܝܢ. 682 :ܦܩ݂ܲܕܼ ܠܹܗ ܪܸܡܙܵܐ ܠܙܲܕܿܝܼܩܵܐ 683 ܕܢܸܦܘܩ ܠܐܲܪܥܵܐ ܥܲܡ ܕܝܼܠܹܗ. 684 :ܦܘܩ ܐܢ̄ܬܿ ܘܲܒܲܢܝܼ̈ܟ ܠܲܡ ܥܲܡܵܟ 685 ܘܐܲܢ̄ܬܿܬܼܵܟ ܥܲܡ ܢ̈ܫܹܐ ܕܲܒܼܢܲܝ̈ܟ. 686 :ܘܐܲܦܸܩ ܥܲܡܵܟ ܦܵܪܲܚܵܬܼܵܐ 687 ܘܲܒܼܝܼܪܵܐ ܘܚܲܝܘܲܬܼ ܫܸܢܵܐ. 688 :ܩܲܒܸܿܠ ܟܹܐܢܵܐ ܦܘܼܩܕܵܢܵܐ 689 ܘܲܢܦܲܩ̣ ܘܐܲܦܸܩ ܟܠܝܼܓܸܢܣܝܼ̈ܢ. 690 :ܘܠܵܐ ܦܵܫ̣ܘ ܡܸܢܗܘܿܢ ܕܲܚܒܼܝܼܫܹ̈ܐ 691 ܕܠܵܐ ܢܦ̣ܩ ܠܲܐܬܼܪܵܐ ܕܒܹܝܬܼ ܚܲܝܹ̈ܐ. 692 :ܐܲܝܟ ܡܸܢܝܵܢܵܐ ܕܥܵܠ̣ܘ ܗ̄ܘ̣ܵܘ ܠܵܗ̇ 693 ܢܦܲܩ̣ܘ ܡ̣ܢ ܬܲܡ̇ܢ ܟܲܕܼ ܫܵܠ̇ܡܝܼܢ. 694 :ܕܪܸܡܙܵܐ ܠܟܼܠܗܘܿܢ ܢܛܲܪ ܗ̄ܘ̣ܵܐ 695 ܘܲܡܩܲܝܹܡ ܗ̄ܘ̣ܵܐ ܚܲܝܲܝ̈ܗܘܿܢ. 696 :ܢܦܲܩ̣ܘ ܐܲܣܝܼܪܹ̈ܐ ܟܲܕܼ ܚܵܕܹ̇ܝܢ 697 ܡ̣ܛܠ ܩܘܼܝܵܡ ܚܲܝܲܝܗܘܿܢ. 698 :ܒܝܲܪܚܵܐ ܕܲܬܼܪܹܝܢ ܚܒܲܫ݂ ܐܸܢܘܿܢ 699 ܦܘܼܩܕܵܢܵܐ ܒܒܹܝܬܼ ܐܲܣܝܼܪܹ̈ܐ. 700 :ܘܲܒܼܝܲܪܚܵܐ ܕܲܬܼܪܹܝܢ ܦܲܬܼܚܹܗ 701 ܠܬܲܪܥܵܐ ܕܪܼ̈ܚܡܹܐ ܒܐܲܦܲܝ̈ܗܘܿܢ. 702 :ܒܲܫܒ̇ܥܸܣܪܐ ܒܡܸܢܝܵܢܵܐ 703 ܩܸܒܼܪܬ̤ ܐܸܢܘܿܢ ܟܹܐܢܘܼܬܼܵܐ. 704 :ܘܲܒܼܫܲܒܼܥܵܐ ܘܥܸܣܪܝܼܢ ܒܐܝܼܵܪ 705 ܢܚܡܲܬ̤ ܐܸܢܘܿܢ ܛܲܝܒܿܘܼܬܼܵܐ. 706 ܒܐܝܼܪܵܐ ܥܲܒܼܕܹܗ ܠܛܵܘܦܵܢܵܐ: pb. f.96v 707 ܒܐܸܣܘܿܟܼ̈ܣܹܐ ܕܝܲܒܿܝܫܘܼܬܼܵܐ. 708 :ܕܕܲܠܡܵܐ ܢܸܪܢܘܼܢ ܡܲܪ̈ܵܚܹܐ 709 ܕܣܲ[ܝܐ]ܘܼܬܼ ܡܸܛܪܐ ܓܸܕܼܫܲܬ̤. 710 :ܒܐܝܼܪܵܐ ܥܲܒܕܵܗ̇ ܠܡܸܦܲܩܬܼܵܐ 711 ܒܝܲܪܚܵܐ ܕܦܲܐܹܐ ܘܲܡܨܲܒܲܬܼ. 712 :ܕܒܲܚܚܙܵܬܼܵܐ ܕܙܲܪܥܵܐ ܘܦܹܐܪܹ̈ܐ 713 ܢܚܲܕܹܐ ܠܒܵܐ ܕܲܡܥܵܩܹ̈ܐ. 714 :ܐܹܝܘ ܥܘܼܡ̣ܩܵܐ ܕܥܘܼܬܼܪܵܐ ܪܲܒܼܐ 715 ܕܚܸܟܼܡܘܬܹܗ ܕܐܲܠܵܗ ܟܠܵܐ. 716 :ܕܲܡܛܝܸܒܼ ܠܹܗ ܬܘܼܩܵܢܹܗ 717 ܙܲܒܼܢܵܐ ܦܐܹܐ ܠܲܢܚܵܝܹܗ. 718 :ܒܢܝܼܣܵܢ ܬܲܩܸܢ ܒܸܪ̈ܝܵܬܼܵܐ 719 ܘܨܲܒܬܼܗ̇ ܠܲܐܪܥܵܐ ܒܐܝܼ̈ܠܵܢ̣ܐ. 720 :ܘܐܸܫܟܲܚܘ ܐ̄ܢܵܫ̈ܐ ܘܚܲܝܘ̈ܬܼܵܐ 721 ܓܢܘܿܢܵܐ ܕܲܦܐܹܐ ܘܲܡܨܲܒܲܬܼ. 722 :ܒܐܝܼܪܵܐ ܦܲܬܼܚܵܗ̇ ܠܩܹܒܼܘܼܬܼܵܐ 723 ܒܝܲܪܚܵܐ ܕܐܲܚܕܵܗ̇ ܒܲܐܦܝ̈ܗܘܿܢ. 724 :ܘܛܲܝܸܒܼ ܦܬܼܘܿܪ ܬܘܼܪܣܵܝܵܐ 725 ܙܲܒܼܢܵܐ ܦܲܐܝܵܐ ܩܕܵܡܲܝܗܘܿܢ. 726 :ܒܢܝܼܣܵܢ ܐܲܦܩܵܗ̇ ܡ̣ܢ ܡܸܨܪܹܝܢ 727 ܠܲܟܼܢܘܼܫܬܵܐ ܕܒܹܝܬܼ ܝܼܣܪܹܵܝܠ. 728 :ܘܢܩ̣ܫ ܠܗ̇ ܓܢܘܿܢܵܐ ܒܕܲܒܪܐ 729 ܘܓܼܕܠ ܠܵܗ̇ ܟܠܝܼܠ ܗܲܒܵܒܹ̈ܐ. 730 :ܒܢܝܼܣܵܢ ܬܘܼܒܼ ܚܲܕܸܬܼ ܐܸܢܹܝܢ 731 ܠܒܸܪ̈ܝܵܬܼܵܐ ܒܝܲܕܼ ܪܹܫܝܼܬܲܢ. 732 :ܕܲܒܼܙܲܒܼܢܵܐ ܕܬܲܩܸܢ ܐܹܢܝܢ 733 ܢܚܲܕܬܼ ܚܘܼܒܵܠ ܬܘܼܩܵܢܗ. 734 :ܒܙܲܒܼܢܵܐ ܦܨܝܼܚܵܐ ܐܵܦ ܨܹܝܕ ܢܘܚ 735 ܫܲܡܠܝܼ ܘܲܓܼܡܲܪܨ ܒܼܝܵܢܹܗ 736 :ܘܐܲܦܩܹܗ ܒܝܲܪܚܵܐ ܕܗܲܒܵܒܹ̈ܐ 737 ܘܚܲܕܝܼ ܥܲܡܹܗ ܠܟܼܠ ܡܕܡ. 738 :ܢܦ݂ܲܩܘ ܗ̄ܘ̣ܵܘ ܟܠ ܓܸܢܣܝܼ̈ܢ ܥܲܡ ܢܘܚ 739 ܘܕܲܝܲܪܘ ܥܲܡܹܗ ܥܲܠ ܐܲܪܥܵܐ. 740 :ܘܩܲܪܸܒܼ ܡܸܢܗܘܿܢ ܪܹܫܝܼܬܼܵܐ 741 ܠܪܸܡܙܵܐ ܕܲܢܛ݂ܲܪ ܚܲܝܲܝ̈ܗܘܿܢ. 742 :ܒܢ̣ܵܐ ܢܘܿܚ ܡܲܕܸܒܲܚ ܨܒܼܝܵܢܵܐ 743 ܘܐܲܣܸܩ ܕܸܒܼܚܹ̈ܐ ܕܬܲܪܥܘܼܬܼܵܐ. 744 :ܘܩܲܒܸܿܠ ܕܒܼܚܹܗ ܒܵܪܘܿܝܵܐ 745 ܥܲܡ ܛܘܼܝܵܒܼܵܐ ܕܨܒܼܝܵܢܹܗ. 746 :ܐܲܪܚܼܝ ܪܚܝܵܐ ܕܲܣܘܵܬܼܵܐ 747 ܐܝܼܬܼܝܵܐ ܕܠܵܐ ܣܢܝܼܩ ܥܲܠ ܡܸܕܡ. 748 :ܘܐܸܬܿܬܿܢܝܼܚ ܡ̣ܢ ܚܸܡܵܬܼܵܐ ܕܪܘܼܓܼܙܹܗ 749 ܟܝܵܢܵܐ ܕܡܡܬܼܘܿܡ ܠܵܐ ܪܵܓܸ̇ܙ. 750 :ܠܵܐ ܠܲܡ ܐܵ[...]ܣܸܦ ܠܲܡܠܵܛܗ̇ 751 ܠܐܲܪܥܵܐ ܡܸܛܠ ܒܲܪܢܵܫܵܐ. 752 :ܕܝܵܕܼܵܥ̇ ܐ̄̈ܢܵܐ ܕܣܝܼܡ ܗ̄ܘ̣ ܝܲܨܪܹܗ 753 ܥܲܠ ܒܝܼܫܬܿܐ ܡ̣ܢ ܥܲܠܝܘܼܬܹܗ. 754 :ܘܡܟܹܝܠ ܟܠܗܘܿܢ ܝܵܘ̈ܡܵܬܼܵܐ 755 ܙܲܪܥܵܐ ܚܸܨܕܵܐ ܘܥܲܠ̈݁ܠܬܐ. 756 :ܩܲܝܛܵܐ ܘܣܲܬܼܘܵܐ ܟܲܕܼ ܪܵܕܼܝ̇ܢ 757 ܒܛܘܼܟܵܣܵܐ ܕܫܘܼ ܚ̈ܠܵܦܲܝܗܘܿܢ. 758 :ܒܲܪܟܵܗ̇ ܠܲܐܪܥܵܐ ܒܫܘܼܚ̈ܠܵܦܹܐ 759 ܟܲܕܼ ܝܵܗܒܵܐ ܦܹܐܪܹ̈ܐ ܠܐܢܵܫ̈ܐ. 760 :ܘܠܐ̄ܢܵܫ̈ܐ ܒܲܪܸܟ ܐܸܢܘܿܢ 761 :ܒܒܛܢܵܐ ܘܝܲܠܕܐ ܕܝܘܼܒܵܠܵܐ 762 :ܕܚܠܲܬܼܟܼܘܿܢ ܐܲܪܡܵܐ ܥܲܠ ܟܠ 763 ܥܲܠ ܚܲܝܘܵܬܼ̈ܐ ܘܲܒܼܥܝܼܪܵܐ. 764 :ܘܲܒܼܢܝܼܪܵܐ ܕܫܘܼܠܛܵܢ ܐܢܵܫܵܐ 765 ܐܹܟܕܘܢ ܕܹܝܢ ܟܠܹܗܘܿܢ ܓܸܢܣܹ̈ܐ. 766 :ܘܥܲܡ ܒܘܼܪ̈ܟܵܬܼܵܐ ܕܲܒܼܝܠܕܐ 767 ܘܫܘܼܠܛܵܢܵܐ ܕܥܲܠ ܟܠ ܡܸܕܼܡ. 768 :ܐܲܠܸܦ ܐܸܢܘܿܢ ܐܲܝܟ ܥܸܣܒܵܐ 769 ܢܹܐܟܼܠܘܼܢ ܒܸܣܪܵܐ ܕܚܲܝܘ̈̇ܬܼܵܐ. 770 :ܚܵܘܝܼ ܐܸܢܘܿܢ ܦܘܼܪܫܵܢܵܐ 771 ܕܐܲܝܟܲܢ ܢܸܟܿܣܘܢ ܚܝܘ̈ܬܐ. 772 :ܕܡܐ ܕܐܸܫܕܘ ܕܡܗܹܝܢ ܒܐܪܥܵܐ 773 ܢܸܐܟܼܠܘܼܢ ܗܵܝܕܹܝܢ ܦܲܓܼܪ̈ܲܝܗܘܿܢ 774 :ܕܡܵܐ ܠܲܡ ܒܲܠܚܘܲܕܼ ܠܵܐ ܬܹܐܟܼܘܿܠ 775 ܕܲܕܼܡܵܐ ܢܲܦ̣ܫܵܐ ܗ̄ܘ̣ ܕܲܒܼܥܝܼܪܵܐ. 776 :ܠܵܐ ܬܹܐ ܟܼܘܿܠ ܒܸܣܪܐ ܘܢܲܦ̣ܫܵܐ 777 ܕܠܵܐ ܬܸܬܼܚܲܝܲܒܼ ܒܲܬܼܒܲܥܬܼܵܐ. 778 :ܠܵܐ ܝܵܕܼܥܝܼܢ ܗ̄ܘ̣ܵܘ ܩܲܕܼܡ̈ܝܹܐ 779 ܠܡܹܐܟܲܠ ܒܸܣܪܵܐ ܕܚܲܝܘ̈ܬܼܵܐ. 780 :ܥܕܲܡ̇ܐ ܕܓܠ̣ܵܐ ܦܘܼܩܕܵܢܵܐ 781 ܠܢܘܚ ܕܐܟܼܘܠ ܘܐܟܢ ܐܸܟܠ. 782 :ܢܵܡܘܿܣܵܐ ܗܘ̤ܵܐ ܫܘܼܘܕܵܝܵܐ 783 ܕܣܵܐܸ̇ܡ ܗ̄ܘ̣ܵܐ ܠܹܗ ܠܲܟܼܝܵܢܵܐ. 784 :ܘܐܸܠܘܼ ܝܲܕ ܥܘܼܗܝ ܩܲܕܼܡ̈ܝܬܐ 785 ܢܘܚ ܝܲܬܿܝܼܪ ܢܛ̇ܪ ܗܘ̣ܐ ܠܹܗ. 786 :ܒܗܵܕܹܐ ܕܣܵܡ̣ ܠܹܗ ܢܵܡܘܿܣܵܐ 787 ܚܵܘܝܼ ܕܚܕܬܼܵܐ ܗ̄ܘ̣ ܢܵܡܘܿܣܵܐ. 788 :ܘܐܸܠܘܼ ܣܝܼܡ ܗ̄ܘ̣ܵܐ ܠܩܲܕܼܡ̈ܝܐ 789 ܠܵܐ ܡܚܲܕܬ ܗ̄ܘ̣ܵܐ ܠܲܩܝܵܡܹܗ܀ 790 :ܒܥܸܠܲܬܼ ܩܸܛܠܵܐ ܕܚܲܘ̈ܬܼܵܐ 791 ܙܲܗܲܪ ܐܸܢܘܿܢ ܡ̣ܢ ܩܸܛܠܵܐ. 792 :ܕܐܲܝܢܵܐ ܕܩܵܛܸ̇ܠ ܒܲܪ ܢܵܫܵܐ 793 :ܚܠܵܦ ܐ̄ܢܵܫܵܐ ܕܡܹܗ ܢܸܬܼ ܐܫܸܕܪ 794 :ܨܲܠܡܵܐ ܗ̄ܘ̣ ܐܢܵܫܵܐ ܕܒܼܵܪܘܿܝܹܗ 795 ܘܡܵܪܵܐ ܕܟܼܠܗܹܝܢ ܒܸܪ̈ܝܵܬܼܵܐ. 796 ܟܲܠܦܘܼܬܼ ܪܲܒܿܘܼܬܼ ܐܝܼܩܵܪܹܗ: pb. f.97r 797 ܩܲܫܝܵܐ ܬܒܲܥܬܼܵܐ ܕܩܵܘܿܠܹܗ. 798 :ܢܵܡܘܣܹ̈ܐ ܚܲܕܼܬܹ̈ܐ ܣܵܡ̣ ܠܹܗ 799 ܪܲܒܵܐ ܓܡܝܼܪܵܐ ܠܬܲܠܡܝܹܕܗ. 800 :ܘܲܟܼܬܼܒ̣ ܐܸܢܘܿܢ ܥܲܠ ܠܸܒܹܿܗ 801 ܒܩܢܝܵܐ ܪܸܡܙܵܐ ܕܨܒܼܝܵܢܹܗ. 802 :ܥܲܠ ܬܘܼܒܼ ܥܲܡܹܗ ܒܩܲܝܵܡܵܐ 803 ܘܫܲܪܪܹܗ ܠܫܲܝܢܵܐ ܒܡܵܘܡ̈ܬܐ. 804 :ܕܠܵܐ ܬܘܼܒܼ ܐܸܥܛܹܐ ܡ̣ܢ ܐܲܪܥܵܐ 805 ܠܐ̄ܢܵܫ̈ܐ ܒܡ̈ܝܐ ܕܛܵܘ ܦܢܵܐ. 806 :ܗܵܕܹܐ ܗ̣̄ܝ ܐܵܬ̤ܵܐ ܕܲܩܝܵܡܵܐ 807 :ܕܲܡܩܝܼܡ ܐ̄ܢܵܐ ܒܲܝܢܲܝ ܠܐܲܪܥܵܐ 808 :ܚܙܵܬܐ ܕܩܸܒܬܵܐ ܡܸܬܼܚܲܙܝܵܐ 809 ܡܸܨܥܲܬܼܡ̈ܝܐ ܕܒܲܥܵܢ̈ܢܹܐ. 810 :ܐܝܬܹܝܗ̇ ܗ̄ܘ̣ܵܬܼ ܗܵܕܹܐ ܐܵܬ̤ܵܐ 811 ܥܲܡ ܬܘܼܩܵܢܵܐ ܕܟܼܠ ܡܸܕܡ. 812 :ܘܠܵܐ ܨܒ̣̰ܵܐ ܚܘܝܗ̇ ܠܩܲܕܼܡ̈ܝܹܐ 813 ܥܕܲ ܡܵܐ ܕܲܓܼܠ̣ܵܗ̇ ܒܝܵܘܡܲܝ̈ ܢܘܿܚ. 814 :ܠܢܘܿܚ ܝܲܗܪܵܐ ܒܐܵܬ̤ܵܐ ܕܫܲܝܢܵܐ 815 ܕܬܸܗܘܹܐ ܥܕܲܡܵܐ ܠܫܘܼܠܡܵܐ. 816 :ܕܡܵܐ ܕܚܵܙܹ̇ܝܢ ܠܵܗ̇ ܡܵܝܘ̈ܬܼܵܐ 817 ܢܸܬܼܒܲܝܐܸܘܢ ܒܐܵܬ̤ܵܐ ܕܫܲܝܢܵܐ. 818 :ܚܲܟܸܿܡ ܐܸܢܘܿܢ ܠܦܫܝ̈ܛܹܐ 819 ܒܢܵܡܘ̈ܣܹܐ ܚܲܕܼܬܹ̈ܐ ܕܲܟܼܬܲܒܼ. 820 :ܘܐܲܩܢܝܼ ܐܸܢܘܿܢ ܒܘܼܝܵܢܵܐ 821 ܠܡܸܦܠܲܚ ܠܲܐܪܥܵܐ ܒܝܲܐܪܼܐ. 822 :ܫܲܪܝܼ ܠܲܡ ܢܘܿܚ ܒܲܥܒܼܵܕܵܐ 823 ܘܲܢܨܒ̣ ܟܲܪܡܵܐ ܘܝܲܗ̣ܒܼ ܦܹܐܪܹ̈ܐ. 824 :ܘܐܸܫܬܝܼ ܡ̣ܢ ܚܲܡܪܹܗ ܘܲܪܘܝܼ 825 ܘܲܛܥ̣ܵܐ ܒܵܗ̇ ܒܚܲܕܼܬܘܼܬܼ ܚܲܝܠܹܗ. 826 :ܠܵܐ ܫܩܝܼܠ ܗ̄ܘ̣ܵܐ ܠܹܗ ܢܸܣܝܢܗ 827 ܕܡܲܦܗܹܐ ܫܸܩܝܹܗ ܠܪܸܥܝܵܢܵܐ. 828 :ܘܠܵܐ ܝܵܕܥ̇ ܗ̄ܘ̣ܵܐ ܕܐܲܝܟܲܢܵܐ 829 ܡܸܬܼܚܲܫܚܝܼܢ ܒܹܗ ܫܵܬܿܘܵܝܵܘ̈ܗܝ. 830 :ܐܸܫܬܝܼ ܢܘܚ ܘܲܛ̣ܥܵܐ ܢܲܦ̣ܫܹܗ 831 ܘܐܲܙ ܠܹܗ ܚܲܡܪܵܐ ܠܝܲܩܝܼܪܵܐ. 832 :ܘܲܐܲܗܠܲܬ̤ ܒܹܗ ܡܲܪܵܚܘܼܬܼܵܐ 833 ܕܨܸܒܼܝܵܢܹܗ ܕܚܵܡ ܙܲܠܝܠܵܐ. 834 :ܠܵܛܹܗ ܟܹܐܢܵܐ ܠܡܲܪܚܵܐ 835 ܥܲܠ ܕܐܲܗܸܠ ܒܹܗ ܕܠܵܐ ܟܘܼܚܵܕܼ. 836 :ܘܟܲܕܼܢܹܗ ܒܢܝܹܪܵܠܐ ܕܥܲܒܼܕܘܼܬܼܵܐ 837 ܕܲܢܕܲܚܸܠ ܒܹܗ ܠܲܐ̄ܚܪ̈ܵܢܹܐ. 838 :ܒܠܵܘ̈ܛܵܬܼܵܐ ܕܨܝܕܼ ܡܲܪ̈ܚܹܐ 839 ܐܲܫܪܝܼ ܩܸܢܛܵܐ ܒܣܲܓ̈ܝܼܠܹܐ. 840 :ܕܠܵܐ ܢܸܗܘܘܿܢ ܐܲܝܟ ܚܵܡ ܠܝܼܛܵܐ 841 ܘܢܸܗܘܘܿܢ ܠܝܼܛܹ̈ܐ ܒܲܕܼܡܘܼܬܹܗ. 842 :ܠܵܘ ܒܲܟܼܝܵܢܵܐ ܐܣܪܵܬܹܗ 843 ܠܥܲܒܼܕܼܘܼܬܼܵܐ ܡܸܠܲܬܼ ܟܹܐܢܵܐ. 844 :ܠܲܝܬܿ ܥܲܒܼܕܘܼܬܼܵܐ ܒܲܕܝܵܢܵܐ: ܐܸܠܵܐ ܕܒܝܼܫܘܼܬܼ ܨܒܼܝܵܢܵܐ 845 :ܨܒܼܝܵܢܹܗ ܕܚܵܡ ܒܲܘܲܚ ܒܹܗ 846 :ܒܝܲܩܝܼܪܵܐ ܕܲܛܥ̣ܵܐ ܒܚܡܪܹܗ 847 :ܘܥܲܒܼܕܹܗ ܐܵܬ̤ܵܐ ܠܡܲܪ̈ܚܹܐ 848 ܕܢܸܬܼܟܲܐܪ̈ܘܼܢ ܡ̣ܢ ܝܲܩܝܼܪܹ̈ܐ. 849 :ܪܫ̣ܡ ܒܵܪܘܿܝܵܐ ܬܲܫܥܝܼܬܹܗ 850 ܕܢܘܚ ܝܲܩܝܼܪܐ ܕܐܸܬܼܦܲܪܣܝܼ. 851 :ܕܲܢܚܸܟܸܿܡ ܒܹܗ ܠܝܵܕܘ̈ܥܹܐ 852 ܕܠܵܐ ܢܸܬܼܓܲܢ̄ܒܿܪܘܼܢ ܥܲܠ ܚܲܡܪܵܐ. 853 :ܥܲܡ ܕܲܟܼܝܘܼܬܼܵܐ ܕܗܲܕܵܡܵܘ̈ܗܝ 854 ܪܫ̣ܡ ܛܘܼܥܝܲܝ ܕܲܛܥ̣ܵܐ ܒܚܲܡܪܵܐ. 855 :ܕܢܲܣܓܿܐ ܢܙܲܗܲܪ ܕܲܒܼܛܟܼܣܵܐ 856 ܢܸܬܼܚܲܫܚܘܼܢ ܒܹܗ ܫܵܬܘܼܝܵܘ̈ܗܝ. 857 :ܚܵܘܝܼ ܕܲܫܘܐ ܠܓܸܠܝܢܐ 858 ܕܢܛܪ ܫܲܦܝܘܬܼ ܪܸܥܝܵܢܵܐ. 859 :ܕܲܢܚܲܦܸܛ ܒܹܗ ܠܲܕܼܟܼܝ̈ܐ 860 ܕܬܸܫܪܐܹܒܗܘܿܢ ܡܸܠܲܬܼ ܚܲܝܹ̈ܐ. 861 :ܪܫܲܡ ܠܲܢ ܙܵܟܼܘܼܬܼ ܚܘܼܡܵܣܵܢܹܗ 862 ܕܲܟܼܡܵܐ ܥܲܙܝܼ ܥܲܡ ܒܝܼܫܹ̈ܐ. 863 :ܕܠܵܐ ܐܸܫܬܲܕܲܠ ܠܲܢܚ̈ܝܹܐ 864 ܒܥܸܢܝܵܢܵܐ ܕܲܒܼܢܲܝ̈ ܥܲܡܹܗ. 865 :ܢܛܪܹܗ ܒܡܝ̈ܐ ܕܡ̇ܡܘܿܠܵܐ 866 ܘܥܒܼܕܗ ܚܠܵܦܬܐ ܠܲܒܼܪܝܼܬܼܵܐ. 867 :ܘܫܲܝܢܵܗ̇ ܠܲܐܪܥܵܐ ܨܵܕܝܼܬܼܵܐ 868 ܒܗܲܠܥ̈ܬܼܵܐ ܕܝܘܼܒܵܠ ܓܸܢܣܹܗ. 869 :ܐܲܦܩܹܗ ܡ̣ܢ ܓܵܘ ܩܹܒܼܘܬܼܵܐ 870 ܘܣܬܿܪܵܗ̇ ܡܸܢܹܗ ܠܩܹܒܼܘܼܬܼܵܐ. 871 :ܕܠܵܐ ܢܸܛܥܘܢ ܒܵܗ̇ ܝܠܕ̈ܬܗ 872 ܘܢܸܩܪܘܼܬܵܗ̇ ܒܫܸܡ ܐܲܠܵܗܵܐ. 873 :ܒܗܵܕܐ ܬܸܢܘܲܝ ܣܬܪܬܼܗ̇ 874 ܟܹܐܢܘܼܬܼܵܐ ܡ̣ܢ ܚܲܙ̈ܝܹܐ. 875 :ܕܠܐ ܬܸܗܘܸܐ ܥܸܠܲܬܼ ܚܲܝܹ̈ܐ 876 ܥܸܠܬܼܵܐ ܕܛܘܼܥܝܲܝ ܠܲܐܚܪ̈ܵܢܐ. 877 :ܒܐܲܪܥܵܐ ܣܲܬܼܪܵܗ̇ ܠܩܹܒܼܘܼܬܼܵܐ 878 ܒܛܲܟܼܣܵܐ ܕܲܣܥ݂ܲܪ ܒܹܗ ܒܡܘܼܫܹܐ. 879 :ܕܝܵܕ̇ܥ ܗ̄ܘ̣ܵܐ ܕܛܵܥܹ̇ܝܢ ܗ̄ܘ̣ܵܘ ܒܹܗ 880 ܒܩܒܼܪܗ ܥܲܡܵܐ ܕܥܸܒܼܪ̈ܝܹܐ. 881 :ܠܹܗ ܦܲܐܝ̈ܢ ܟܠ ܝܼܕܼܥ̈ܬܼܵܐ 882 ܠܲܐܚܝܼܕܼ ܣܵܟܼܵܐ ܕܟܼܠ ܚܸܟܼܡ̈ܢ. 883 :ܕܠܵܐ ܛܥܝ̈ܢ ܠܵܗ̇ ܠܝܼܕܲܥܬܹܗ 884 ܗܵܠܹܝܢ ܕܲܗܘ̤̈ܝ ܘܕܲܬܼܝܼ̈ܕܵܢ. 885 :ܩܕܼܵܡ ܟܠ ܡ̣ܕܹܡ ܒܲܕܼܩ ܠܹܗ 886 ܘܥܲܕܼܠܵܐ ܢܸܗܘܹܐ [ܝܕܲܥ̇] ܟܠ. 887 :ܘܲܡܣܲܝܟܝܼܢ ܠܹܗ ܒܝܼܕܲܥܬܼܵܐ 888 ܬܘܼܩܵܢܵܘ̈ܗܝ ܥܲܕܼܠܵܐ ܢܸܗܘܘܿܢ. pb. f.97v 889 :ܫܵܘܹ̇ܐ ܕܡ̣ܢ ܟܠ ܢܸܫܬܿܒܲܝܝ 890 ܗܵܘ̇ ܝܵܕܸܘܿܥܵܐ ܕܟܼܠ ܡܸܕܹܡ. 891 :ܟܲܕܼ ܝܵܕܼܵܥ̇ ܒܝܼܫܘܼܬܼ ܝܲܨܪܲܝܢ 892 ܡܬܲܗܹܐ ܠܲܢ ܒܝܲܕܼ ܥܠܠ̈ܬܐ܀